ပြည်ထောင်စု သမ္မတမြန်မာနိုင်ငံတော်၏ ပထမဆုံးသမ္မတကြီး

             ပြည်ထောင်စုသမ္မတမြန်မာနိုင်ငံတော်၏ သမ္မတကြီး ညောင်ရွှေစော်ဘွားကြီး စ၀်ရွှေသိုက်

 

       ၁၉၄၈ခုနှစ် ဇန္န၀ါရီလေးရက် လွတ်လပ်ရေးနေ့အလံတင်အခမ်းနားတွင်တွေ့ရသော သမ္မတကြီး

ကျွန်တော်ဟာ ခပ်ငယ်ငယ်က သတင်းစာတွေ မဂ္ဂဇင်းတွေထဲမှာ ဘယ်နိုင်ငံသမ္မတကြီး ကိုသွား ရောက်တွေ့ဆုံ ၊ ဘယ်နိုင်ငံ သမ္မတကြီး ဘယ်နိုင်ငံသို့ သွားရောက်လည်ပတ် စသဖြင့် မကြာခဏ ဖတ်ရပါတယ် ၊ ၂၀၀၃ခုနှစ်ကျမှ ကျွန်တော်ဟာ ကျွန်တော်တို့နိုင်ငံမှာ နိုင်ငံတော် သမ္မတကြီးများ ရှိခဲ့ဖူးတယ်လို့ သိခဲ့ရသူပါ။

 တနေ့မှာတော့ ကျွန်တော်ဟာ ဖိုးဖိုးကို နိုင်ငံတော်သမ္မတကြီးတွေကိုသိဖူးခဲ့လား ပြောပြပေးပါအုံးလို့ တောင်းဆိုကြည့်တော့ ဖိုးဖိုးက သိပ်သိတာပေါ့ကွယ် ၊ နိုင်ငံတော် သမ္မတကြီးများဟာ နိုင်ငံရပ်ခြားက သမ္မတကြီးတွေလိုမဟုတ်ဘူး ၊ အမျိုးဇာတ် အင်မတန်မြင့် တယ်ကွယ် ၊ သူတို့အခမ်းအနားနဲ့ ကြွလာရင် မြန်မာရှင်ဘုရင် ခေတ်ကလိုဘဲ ၊ စည်တော်တွေ နဲ့ အလုပ်အကြွေးတွေ သက်တော်စောင့်တွေနဲ့ ကြွတော်မူကြတယ် ၊ ဘိုးဘိုးတို့ဆိုရင် နိုင်ငံတော် သမ္မတကြီးကြွမဲ့ နေရာကိုသွားပြီး နိုင်ငံတော်သမ္မတကြီးကို ဖူးမျှော်ရတာ ၀ကိုမ၀ပါဘူး။

 ဘယ်နိုင်ငံတော် သမ္မတကြီး တက်တက် ၊ အမြဲတမ်းကြွတတ်တဲ့ နေရာကတော့ ဒေ၀သာဂရသိမ်ကုန်း ကျောင်းတိုက်ပဲကွယ့် သူတို့ဟာ သိမ်ဖြူဆရာတော်ကြီးဆီကို အမြဲတမ်း ကြွရောက်ဖူးမြော်ကြတယ် ၊ သိမ်ဖြူ ဆရာတော်ကြီးဟာ အဲဒီခေတ်က အဘိဓဇမဟာရဋ္ဌဂုရု ဘွဲတံဆိပ်တော်ကို ဦးစွာရတော်မူတဲ့ ရဟန်းပညာရှင်ကြီးကွဲ့ သိပ်ဖြူဆေးအဘိဓာန်၊ သိမ်ဖြူဓာတ်ကျမ်း ၊ သိမ်ဖြူ သရုပ်ပြ ဆေးအဘိဓာန် အဲသလိုရှားပါးတဲ့ ဆေးကျမ်းကြီးတွေ ဗေဒင်ကျမ်းကြီးတွေ ပြုစုတော်မူသလို ၊ ဗေဒင်ပညာကိုလဲ တဖက်ကမ်းခတ် တတ်မြောက် တော်မူတယ်။

 ဒါကြောင့် နိုင်ငံတော်ဆိုင်ရာ အခါတော်ပေးတာတို့လို ကိစ္စရပ်တွေကို  နိုင်ငံတော် သမ္မတကြီးများ အဆက်ဆက်က ယုံကြည်ပြီး ဆရာတော်မိန့်တော်မူသလို လုပ်ကြတယ်၊ အဲဒါ ကျွန်တော်ငယ်ငယ်က ကျွန်တော့်ဖိုးဖိုး ပြောပြသွားတဲ့ သမ္မတကြီးများ အကြောင်း တစ်စိတ်တစ်ဒေသပါ ခင်မျာ ။

နောက်တစ်ခုကတော့ မင်္ဂလာဒုံ စစ်ဆေးရုံက ဓာတ်မှန်ဆိုင်ရာ ဆရာဝန်ကြီး ကျွန်တော့ရဲ့ကိုကိုလတ်ဟာ နိုင်ငံတော်သမ္မတတွေကို အရမ်းလေးစား အားကျသူပါ၊ သူ့အခန်းထဲမှာ အလံပေါင်းမြောက်များစွာနဲ့၊ နိုင်ငံတော်သမ္မကြီးများရဲ့ ရှားပါးပုံများကို မှန်ဘောင်နဲ့ ထည့်ထားပြီး ခေါင်းရင်း ချိတ်ထားသူပါ၊ စာအုပ်စာပေဆိုရင်လဲ အဲဒီလိုအကြောင်းတွေကိုသာ ဖတ်ရူလေ့ရှိပါတယ်။

 တနေ့မှာတော့ သူ့အခန်းထဲမှာ စာအုပ်တစ်အုပ်တွေ့ပါတယ်၊ ရွှေဥသြရဲ့ ‘တချိန်က ထင်ရှားခဲ့သော ပုဂ္ဂိုလ်ကြီးများ’ စာအုပ်၊ ၂ဝဝ၂ ခုနှစ်၊ ဒီဇင်ဘာလ(တတိယ အကြိမ်)စပယ်ဦး စာပေဖြစ်ပါတယ် ၊ အဲဒီစာအုပ်ထဲမှာ မြန်မာနိုင်ငံ၏ ပထမဦးဆုံး နိုင်ငံတော် သမ္မတကြီး စ၀်ရွှေသိုက်အကြောင်း ပါလာတာကို ဖတ်လိုက် ရပါတယ် ၊ ပြည်ထောင်စု မြန်မာနိုင်ငံ၏  ဖွဲ့စည်းပုံ အခြေခံဥပဒေ (၁၉၄၇)အရ မြန်မာနိုင်ငံတွင် လူ ဦးရေ အများဆုံး ဖြစ်သည့် ရှမ်း ၊ ကရင် ၊ ကချင် ၊ ဗမာ ဆိုပြီး လေးအုပ်စုကို တစ်စုစီ အလှည့်ကျ နိုင်ငံတော်သမ္မတ တင်မြှောက်ကြပါတယ်။

 အဲဒီအထဲမှာ ပင်လုံစာချုပ်ချုပ်ဆိုပြီးသည့် နောက်ပိုင်း တွင် နိုင်ငံရေးအတွက် ပူပန်နေကြသော ရှမ်းခေါင်းဆောင်တချို့နှင့် ၊ အင်္ဂလိပ်အလိုတော်ရှိ တချို့ ၏ သွေးခွဲမှုကို ခံနေရသော တိုင်းရင်းသား ခေါင်းဆောင်ကြီးတချို့ အားရ ကျေနပ်အောင် စသော ရည်ရွယ်ချက်တို့ဖြင့် ၁၉၄၈ခုနှစ် ဇန္န၀ါရီလ ၄ ရက်နေ့မှ စတင်ပြီး စဝ်ရွှေသိုက်ကို ပြည်ထောင် စုမြန်မာနိုင်ငံတော်၏ ပထမဆုံး သမ္မတအဖြစ် ရွေးကောက်တင်မြောက်လိုက်သည် ။ သမ္မတကြီး စ၀်ရွှေသိုက်သည် ၁၉၄၈ခုနှစ် ဇန္န၀ါရီလ ၄ရက်နေ့မှ ၁၉၅၂-ခုနှစ် မတ်လ ၁၆-ရက် အထိ သမ္မတ တာဝန် ထမ်းဆောင်ခဲ့သည်။

ရွှေဥသြ ရေးသားသည့် ‘တချိန်က ထင်ရှားခဲ့သော ပုဂ္ဂိုလ်ကြီးများ’စာအုပ်ပါ ပြည်ထောင်စု မြန်မာ နိုင်ငံတော် သမ္မတကြီး စ၀်ရွှေသိုက်၏ အထုပ္ပတ္တိကို ဤကဲ့သို့ရေးသားထားသည်ကို ကျွန်တော် ဖတ်ရူ့ခဲ့ရပါသည်  ။

ပြည်ထောင်စု သမ္မတမြန်မာနိုင်ငံတော်၏ ပထမဦးဆုံးသမ္မတကြီး (စ၀်ရွှေသိုက်)

စဝ်ရွှေသိုက်သည် မြန်မာ သက္ကရာဇ် ၁၂၅၇-ခုနှစ် (ခရစ် ၁၈၉၆-ခုနှစ်)တွင် ညောင်ရွှေမြို့၌ ညောင်ရွှေစော်ဘွားကြီး အဖ ဆာစပ်မောင်နှင့် အမိ မဟာဒေဝီတို့မှ ဖွားမြင်သော သားဖြစ်သည်။

ငယ်စဉ်က တောင်ကြီးမြို့ရှိ ရှမ်းအကြီးအကဲများ၏ သားများအတွက် ဖွင့်လှစ်ထားသောကျောင်း၌ ပညာသင်ကြားခဲ့သည်။ ပထမကမ္ဘာစစ်အတွင်း ဘားမာရိုင်ဖယ် အင်္ဂလိပ် စစ်တပ်(ဗမာ့သေ နတ်ကိုင်တပ်ရင်း)တွင် တာဝန်ထမ်းဆောင်ခဲ့သည်။

မြန်မာပြည် ပထမ ကျောင်းသား သပိတ် အစပျိုးသော ၁၉၂၀-၂၃ ခုနှစ်အတွင်း မြန်မာနိုင်ငံ အရှေ့မြောက် နယ်ခြားဒေသ ဗမာ့တပ်ဖွဲ့များတွင် တာဝန်ခံ အဖြစ် ခန့်အပ်ခြင်း ခံရသည်။ ၁၉၂၇ ခုနှစ်၊ အောက်တိုဘာလတွင် ညောင်ရွှေစော်ဘွား အဖြစ် ရွေးချယ်ခံရပြီး ၁၉၂၉ ခုနှစ်တွင် ဖခမည်းတော် စော်ဘွားကြီး ဆာစဝ်မောင် ကံတော်ကုန်သော အခါ ညောင်ရွှေ စော်ဘွား အဖြစ် အရိုက်အရာ ခံယူသည်။ ထိုအခါ စဝ်ရွှေသိုက်၏ သက်တော်မှာ ၃၃ နှစ် အရွယ် ရှိပြီ ဖြစ်သည်။

မတ်လ ၈ ရက်နေ့ ၁၉၂၉ ခုနှစ်တွင် အသိအမှတ်ပြုခြင်းခံရသည်။ ၁၉၃၉ ခုနှစ်တွင် စစ်မှုထမ်းရန် ပြန်လည်ခေါ်ဆောင်ခဲ့ဖြင့် ၁၉၄၂ ခုနှစ်ထိ ဗမာ့တပ်မတော်တွင် အမှုထမ်းခဲ့သည်။ ၁၉၄၇ ခုနှစ်တွင် နိုင်ငံတော်ဖွဲ့စည်းပုံ အခြေခံဥပဒေမူကြမ်း ရေးဆွဲရေး ကော်မတီအဖွဲ့ဝင်နှင့် ဥပဒေပြုအဖွဲ့ဥက္ကဌ တာဝန်ထမ်းဆောင်ခဲ့သည်။

ညောင်ရွှေစော်ဘွား စဝ်ရွေသိုက်သည် ၁၉၃၇ ခုနှစ်၊ ဇွန်လတွင် သိန္နီမြောက်ပိုင်း စော်ဘွာကြီး၏ သမီး (သိန္နီစော်ဘွား စဝ်ဟုန်ဖ) (ကွယ်လွန်) ၏ နှမ စဝ်ဟိန်းခမ်းနှင့် လက်ထပ်ခဲ့သည်။ ပထမ ကမ္ဘာစစ်ကြီး ပြီးသော အခါ စဝ်ရွှေသိုက်သည် စစ်မှုထမ်း အဖြစ် အနား ယူခဲ့သည်။ သို့သော် ၁၉၃၉ ခုနှစ်တွင် ဒုတိယ ကမ္ဘာစစ်ကြီး ဖြစ်ရန် စစ်ရိပ် စစ်ငွေ့များ တက်လာသော အခါ စစ်မှုထမ်းရန် ပြန်ခေါ်ခြင်း ခံရပြန်သည်။

၁၉၄၅ ခုနှစ်တွင် ဒုတိယကမ္ဘာ စစ်ကြီး ပြီးဆုံးသော အခါ ဗြိတိသျှ နယ်ချဲ့ အရင်းရှင် အင်္ဂလိပ် လက်အောက်မှ လွတ်မြောက်ရန် ဗိုလ်ချုပ်အောင်ဆန်းတို့နှင့် အတူ တိုင်ရင်းသား စည်လုံး ညီညွတ်ရေးကို ပါဝင် ဆင်နွှဲခဲ့သည်။ ပင်လုံ စာချုပ်ကြီး ဖြစ်မြောက်ရေးကိုလည်း လုံးပမ်းခဲ့သည်။ ၁၉၄၇ ခုနှစ်၊ ဇွန်လ ၁ ရက်နေ့တွင် မြန်မာနိုင်ငံကို တိုင်းပြည်ပြု လွှတ်တော် ဖွင့်လှစ်သော အခါ စဝ်ရွှေသိုက်အား ဥက္ကဋ္ဌ အဖြစ် တညီတညွတ်တည်း တင်မြှောက်ခြင်း ခံရသည်။

ညောင်ရွှေ စော်ဘွားကြီး စဝ်ရွှေသိုက်သည် ၁၉၄၈ ခုနှစ်၊ ဇန်နဝါရီလ ၄ ရက်နေ့တွင် လွတ်လပ်ရေး ရသောအခါ ယာယီ အစိုးရ ဖွဲ့စည်းခဲ့ပြီး ပြည်ထောင်စု တိုင်းရင်းသားထဲမှ ပထမဆုံးသော မြန်မာနိုင်ငံ သမ္မတကြီး အဖြစ် တင်မြှောက်ခြင်း ခံရသည်။ ၁၉၅၂ ခုနှစ်၊ မတ်လ ၁၂ ရက်နေ့တွင် သမ္မတ သက်တမ်း ကုန်ဆုံးသော အခါ လူမျိုးစု လွှတ်တော် နာယကကြီး အဖြစ် ရွေးချယ် တင်မြှောက်ခြင်း ခံရပြန်သည်။ ၁၉၅၉ ခုနှစ်၊ ဧပြီလ ၂၉ ရက်နေ့တွင် အခြား နယ်ရှင် စဝ်ဖလုံတို့နှင့် အတူ စော်ဘွား ဆိုသော အာဏာ စွန့်လွှတ်ခဲ့သည်။ ၁၉၄၇-၆၀ ပြည့်နှစ်များတွင် လူမျိုးစု လွှတ်တော် အမတ်အဖြစ် ရွေးချယ်ခြင်း ခံရသည်။

၁၉၆ဝ ပြည့်နှစ် အထိ လူမျိုးစု လွှတ်တော် နာယကကြီး အဖြစ် ဆောင်ရွက်ခဲ့ပြီး အမျိုးဘာသာ သာသနာ ပညာတွင် ကြိုးစား အားထုတ်မှုကြောင့် နိုင်ငံတော် အစိုးရက စဝ်ရွှေသိုက်အား ‘အဂ္ဂမဟာ သရေစည်သူဘွဲ့’ အပြင် ‘အဂ္ဂမဟာ သီရိသုဓမ္မဘွဲ့’ ကိုပါ ချီးမြှင့်တော်မှုသည်။ ၁၉၆၂ ခုနှစ်၊ မတ်လ ၂ ရက်နေ့တွင် တော်လှန်ရေး ကောင်စီ အမည်ခံ ဗိုလ်နေဝင်း ဦးဆောင်သည့် စစ်တပ်က နိုင်ငံတော် အာဏာအရပ်ရပ်ကို သိမ်းပိုက်စဉ် မိမိ နေအိမ်ဝင်း အတွင်းတွင်ပင် သားငယ် စဝ်မီမီသိုက်အား ပစ်သတ်ခြင်း ခံခဲ့ရသည်။ နိုင်ငံတော် သမ္မတကြီးဟောင်း စဝ်ရွှေသိုက်လည်း ဖမ်းဆီး ထိန်းသိမ်းခြင်း ခံခဲ့ရသည်။

အမှတ် (၇၄)၊ ကမ္ဘာအေးဘုရားလမ်း၊ ရန်ကုန်တွင် နေထိုင်စဉ် ၁၉၆၂ ခုနှစ်၊ နိုဝင်ဘာလ (၂၁)ရက်နေ့ အသက် ၆၆ နှစ် အရွယ်တွင် ကွယ်လွန် အနိစ္စ ရောက်သည်။ သမ္မတကြီးဟောင်း စဝ်ရွှေသိုက် ကွယ်လွန်သော အခါ မဟာဒေဝီ စင်ဟိန်ခမ်းနှင့် ဦးယူဂျင်းသိုက် (ခ)စပ်ဆေးဝိုင် (ခ) စဝ်ဆိုလန်ဖ အပါအဝင် သားတော် သမီးတော် ရှစ်ယောက် ထွန်းကား ကျန်ရစ်ခဲ့သည်။  လို့ဖက် မှတ်လိုက်ဖူးပါတယ်ခင်မျာ ၊ စာရှုသူအားလုံး ရွင်လန်းချမ်းမြေ့ကြပါစေလို့ ဆုတောင်းရင်း တချိန်က သမ္မတကြီးရဲ့ ပုံကိုငေးမျှော်၍ နောင်အနာဂတ် သမ္မတဟာ ဘယ်သူဘယ်ဝါဆိုတာ စောင့်မျှော် ကြည့်ရှု့ကြပါစို့လား ခင်မျာ ။

မြန်မာ့နိုင်ငံရေး ကြယ်တစ်ပွင့်လား

                                   ပြည်နယ်လွတ်တော်အမတ်လေး မနန်းအက်စကီမိုး

 “ပြန်ထဲအရေး ပေါက်နှင့်ကျေးသို့ ၊ ကြက်ဥအရောင် တိမ်တောင်သဖွယ် မင်းရေးကျယ်၏” ကန်တော် မင်းကျောင်းဆရာတော်ရဲ့လောကသာရပျို့မှာ ဆိုထားသမို့ ၊ ပြည်ထောင်စု မြန်မာနိုင်ငံဖွား လူငယ်လူရွယ်များဟာ နိုင်ငံရေးလုပ်ကိုင်မှုကို တော်တော်များများ လက်ရှောင်ကြပါတယ် လုပ်ကိုင်သူ လူငယ်လူရွယ်များကလဲ တည်ဆဲဥပဒေ ဥပဒက်တွေနဲ့ ငြိစွန်းလို့မို့ မကြာခဏဆိုသလို အင်းစိန် ၊ သာယာဝတီ ၊ ဟိုဟိုဒီဒီ ထောင်နန်းစံမြန်းကြရသဖြင့် ၊ ကျွန်တော်အပါအ၀င် မြန်မာလူငယ်လူရွယ် တော်တော်များများဟာ ထောင် အကျမခံနိုင်ပါသဖြင့် ၊ မိဘဆွေမျိုး ညီကိုယ်မောင်နှမ  တစုက ၀ိုင်းဝန်းတောင်းပန်လို့မို့ နိုင်ငံအရေး စိတ်ဝင်စားကြပါသော်လဲ ထဲထဲဝင်ဝင် လုပ်ကိုင်ကြခြင်းမရှိပါ ၊ သို့သော် အကြောင်းညီညွတ် လာရင်တော့ဖြင့်  လုပ်ကိုင်သူတိုင်းရဲ့ နောက်ကိုဝိုင်း ရံပေးလိုကြသည့် စိတ်ဓာတ်မှာ ၊ မြန်မာလူငယ်တစ်ရာတွင် ၉၉ယောက်ရှိသည်ဟု ခန့်မှန်းမှိပါသည်။

ပြီးခဲ့သည့် ၂၀၀၈ခုနှစ် ဖွဲ့စည်းပုံအခြေခံ ဥပဒေပါ အချက်အလက်တို့ဖြင့် ပြဋ္ဌာန်းအတည်ပြုလိုက်သော ရွေးကောက်ပွဲ ကော်မရှင်၏ ကြေညာထုတ်ပြန်ချက်တစ်ခုတွင် ရှမ်းအမျိုးသားဒီမိုကရက်တစ် ပါတီတွင် အမှတ်(၁)ပြည်နယ်လွတ်တော်မဲဆန္ဒ နယ်မြေ လဲချားတွင် ယှည်ပြိုင်ဖက် ကမ္ဘာကျော် ကြံ့ခိုင်ဖွင့်ဖြိုးအသင်းကြီးရဲ့ အမတ်လောင်းဦးစိုင်းချစ်ဆွေနှင့် တစည ပါတီအမတ်လောင်း ဦးလပန်းတို့ကို မဲအရေတွက်ပေါင်း ၄၀၀၀ကျော်နဲ့ အပြတ်အသတ်နိုင်ခဲ့သူလေးပါ ၊ နာမည်ကတော့ နန်း အက်စကီမိုးဖြစ်ပါတယ် ၊ အသက်ကတော့ ၂၅နှစ်ပါ ၊ ဒီအသက်အရွယ်ဟာ လွတ်တော်  အမတ်လောင်း ၀င်ပြိုင်ခွင့်ရတဲ့ အသက်ကန့်သက်ချက်ကို ပြည့်မှီရုံသာရှိပါတယ် ။ ယှဉ်ပြိုင်ဖက် အမတ်တွေရဲ့ အသက်ကိုကြည့်ရင် မြေးအဖိုးအရွယ်လောက် ရှိတာကို တွေ့ရမှာဖြစ်ပါတယ် ၊ မည်သို့ပင်ဖြစ်စေ ၊ မနန်းအက်စကီမိုးဟာ မြန်မာနိုင်ငံအတွက် အသက်အငယ်ဆုံး ပြည်နယ်လွတ်တော် အမတ် တစ်ယောက်ဖြစ်ခဲ့သလို ၊ သူ့ရဲ့ရှမ်းအမျိုးသားများ ဒီမိုကရက်တစ်ပါတီအတွင်းမှာလဲ အသက်ငယ်ဆုံးသော ပါတီဝင်တစ်ယောက်ဖြစ်ခဲ့ပါပြီ ။

မြန်မာနိုင်ငံရဲ့ သမိုင်းအနေအထားများကို ကြည့်ရူသုံးသပ်တဲ့အခါ ရှမ်းအမျိုးသားများဟာ အင်မတန် အမျိုးသားရေး စိတ်ဓာတ်ပြင်းထန်တာကို တွေ့မြင်ကြရမှာပါ ၊ မြန်မာနိုင်ငံရဲ့ ပါလီမန်ဒီမိုကရေစီ ခေတ် ၁၉၄၇မှာ နိုင်ငံတော်သမ္မကြီးဖြစ်ခဲ့သူဟာ စ၀်ရွှေသိုက်ဖြစ်သလို ၊ ဖက်ဒရယ်ပြည်ထောင်မှုအဖြစ် ရေးသားချုပ်ဆိုခဲ့သော ပင်လုံစာချုပ်ပါ အချက်အလက်တို့ကို မျက်ကွယ်ပြုပြီး ခွဲထွက်ပိုင်ခွင့်ရှိသော တိုင်းရင်းသားများတွင်လဲ ရှမ်းတိုင်းရင်းသားများ လူမျိုးစုတစ်ခုသာ တရားဝင်ခွင့်ပြုခဲ့ကြပါတယ် ၊ အခြား မည်သည့်တိုင်းရင်းသားများမှ ခွဲထွက်ပိုင်ခွင့်မရှိပါ ၊ အဘယ်ကြောင့်ဆိုသော် ရှမ်း လူမျိုးများသည် မြန်မာဘုရင်၏ လက်အောက်ခံမဟုတ်ဘဲ ၊ တစ်ထီးတစ်နန်း နေထိုင်သောလူမျိုးစု ဖြစ်သောကြောင့်လို့ ၊ ပင်လုံစာချုပ်တွင် ပါဝင်ချုပ်ဆိုရေးသားခဲ့တဲ့ ဦ်းချန်ထွန်းရဲ့ ပင်လုံအကြောင်းသိကောင်းစရာမှာ ဖတ်မှတ် လိုက်ဖူးပါတယ် ၊ ဒါကြောင့်များ အရမ်းနိုးကြားနေတဲ့ လူမျိုးတွေများလားလို့ တွေးပြီး အားကျမှိပါတယ် ။

မြန်မာနိုင်ငံမှာ တည်ဆဲအစိုးရ၏ တရားဝင်ခွင့်ပြုချက်ဖြင့် တရားဝင်ပြည်နယ် လွတ်တော်အမတ် ဖြစ်ခဲ့သူ မနန်းအက်စကီးမိုးဟာ လဲချားအထက မှာကိုးတန်းအောင်မြင်ခဲ့ပြီး မန္တလေး VEC ပညာ ရေးရိပ်ဿာမှာ ဆယ်တန်းအောင်မြင်ခဲ့ခါ အေးသာယာက GTC မှာ ITနဲ့ ကျောင်း၂နှစ်တက်ခဲ့တယ်လို့ ဆိုပါတယ် ၊ ပင်လုံတက္ကသိုလ်ကနေ ၂၀၀၉ခုနှစ်က အင်္ဂလိပ်စာနဲ့ ကျောင်းပြီးခဲ့တယ်လို့ ဘီဘီစီ အမေးအဖြေကဏ္ဍတစ်ခု ဖြစ်တဲ့ မိုဘီဂျီနိုမှာ ဖြေကြားသွားပါတယ်။

လွတ်တော်အမတ် အဖြစ်နဲ့ ပထမဦးဆုံး လုပ်ချင်တဲ့အလုပ်က ဘာလဲလို့ မေးကြည့်တဲ့အခါ “ကျမတို့နယ်မှာ မူလတန်း ပညာရေး အခမဲ့ပြုလုပ်ပေးနိုင်အောင် ကြိုးစားသွားမယ်လို့ ဆိုပါတယ်” နောက်တစ်ခုကတော့ ဥပဒေအထက်မှာ ဘယ်သူမှ မရှိအောင် လုပ်မယ်လို့လဲ ဖြေကြားသွားပါသေးတယ် ၊ မြန်မာ့နိုင်ငံရေး  လောကမှာ ဘယ်သူ့ကိုအားကျပါသလဲလို့ မေးတဲ့အခါ “မေမေစု”ကိုအားကျပါသတဲ့ ၊ စကားပြောခွင့်ရခဲ့ရင် သူ့မဲဆန္ဒနယ်မှာ သူတွေ့ကြုံခဲ့ရတာလေးတွေကို ပြန်ပြောပြချင်တယ်လို့ ဆိုပါတယ် ၊ ဘာကို အကြောက်ဆုံး လဲလို့မေးမြန်းတဲ့အခါမှတော့ ကြိုတင်မဲကို ကြောက်ပါသတဲ့ ၊ ကြိုတင်မဲ ပေးခွင့်ရှိတဲ့ နယ်သုံးခုလုံးမှာ သူဟာရှုံးနိမ့်ခဲ့လို့လို့ ဆိုပါတယ် ။ မည်သို့ပင် ဖြစ်စေ တည်ဆဲအစိုးရရဲ့ တရားဝင်ခွင့်ချက်နဲ့ တရားဝင်ပြည်နယ်လွတ်တော် အမတ်လေးဖြစ်လာခဲ့သူ မြန်မာနိုင်ငံရဲ့ အသက်အငယ်ဆုံး လွတ်တော်အမတ်လေးကို ၀ိုင်းဝန်းဂုဏ်ပြု ကြပါစို့လားခင်မျာ ။ အားလုံးရွှင်လန်းချမ်းမြေ့ကြပါစေကြောင်း ငွေလမင်းတို့က ဆုမွန်တောင်းပါတယ် ။

ကြာဝတ်မှုံကုန်မှာ စိုးတယ်

 “ရင့်မှာတစ်ကျိပ် ၊ နုမှာငါးရာ ၊ နောင်လာရှစ်သောင်း ၊ ဘုရားပေါင်းလို့ ”လို့ဆိုပါတယ်ခင်မျာ ၊ ဒါကတော့ သီဟိုဠ်ကျွန်းကရေးတဲ့ ၊ မဟာဝင်ကျမ်းစာများအရလို့ဆိုပါတယ် ၊ သီဟိုဠ်ရဟန်းတော် များရေးသားခဲ့သော ၊ မဟာဝံသ ၊ ဗုဒ္ဓ၀ံသ ၊ ထူပ၀ံသ ၊ ရာဇ၀ံသ ၊ မဟာဗောဓိဝံသ ၊ စသော ကျမ်းစာများကို မြန်မာနိုင်ငံမှာ သာသနာရေးဋ္ဌာနက မြန်မာဘာသာနဲ့ပြန်လည် ဘာသာပြန်ဆို ရေးသားကြလို့ ၊ ဗုဒ္ဓဘာသာဝင်များ တော်တော်လေးဗဟုသုတ တိုးခဲ့ရပါတယ်။

 အထက်ပါ စာအုပ်လေးတွေကို ဖတ်ဖူးရင်တော့ ၊ မြန်မာနိုင်ငံက ကျီးသဲလေးထပ်ဆရာတော် ဘုရားကြီး ရေး သားခဲ့တဲ့ ဇိနတ္ထပကာသနီကျမ်းဆိုတာ သီဟိုဠ်ရဟန်းတော်များ ၊ ဆင်ဟာလိဘာသာ ၊ ပါဠိဘာ သာတို့နှင့် ရေးသားထားခဲ့တဲ့ ဗုဒ္ဓ၀ံသကျမ်းစာကို မြန်မာဘာသာစကားနဲ့ ပြန်လည်ရေးသားထား တာလို့သိနိုင်ပါတယ် ၊ ရှေးတုန်းက မြန်မာဘုန်းတော်ကြီးများဟာ မြန်မာ+ပါဠိ+သက္ကတဘာသာ စကားတို့အပြင် ဆင်ဟာလီဘာသာ စကားကိုပါ တတ်ကျွမ်းတော်မူကြတယ်လို့  ဒီစာအုပ်လေးတွေဖတ်ရင်းက အတွေးပေါက်မှိလို့ တော်တော်လေး လေးစားအားကျမှိပါတယ် ၊ ကျွန်တော်တို့မှာက ဗုဒ္ဓဘာသာ ဖြစ်ပေမဲ့ နမောတဿတောင် အနက်အဓိပ္ပါယ်မသိပေဘူးမို့လား ။

ခပ်ငယ်ငယ်တုန်းက ဘုန်းကြီးတွေပေါ် (ပြစ်မှားမှိခဲ့ဖူးပါတယ် ) နောက်တော့ ၊ ကျွန်တော်တို့တွေ လှူဒါန်းထောက်ပံ့ထားတာတွေဟာ အလကားမဟုတ်ဘူး ၊ ဆိုတာကို ဘာသာရေးစာပေတွေ ဖတ်လေ ပိုသိလေလေဖြစ်ပါတယ် ၊ မြန်မာနိုင်ငံမှာ ဒီလိုဆရာတော်ကြီးများကို ပိုင်ဆိုင်ခွင့်ရတာ ဟာနိုင်ငံကျက်သရေ တစ်ပါးလို့တောင် တွေးမြင်မှိပါတယ် ၊ နိုင်ငံတစ်ခုမှာ ထုတ်ကုန်ပစ္စည်း မျိုးစုံရှိပါတယ် ၊ အမာထုတ်ကုန်နဲ့ အပျော့ထုတ်ကုန်လို့ ၊ အကြမ်းအားဖြင့် မှတ်သား ထားနိုင်ပါတယ်။

 နိုင်ငံကြီးတိုင်းမှာ ဒီထုတ်ကုန်နှစ်မျိုးရှိကိုရှိပါတယ် ၊ တချို့နိုင်ငံကြီးများမှာ အမာထုတ်ကုန်အနေနဲ့ စက်မှုလက်မှုစသော ကုန်ပစ္စည်းများ ထုတ်လုပ်ပြီး၊ အပျော့ထုတ်ကုန်အနေနဲ့ ပညာရေးကို ထုတ်ကုန်လုပ်ပါတယ် ၊ တချို့နိုင်ငံတွေများကြတော့ အမာထုတ်ကုန်သာ ရှိပါတယ် ၊ အပျော့ထုတ်ကုန် မရှိပါ ၊ တချို့နိုင်ငံများကြပြန်တော့ အမာရော အပျော့ပါ မရှိပါ ၊ ကျွန်တော်တို့ မြန်မာနိုင်ငံဟာ အမာထုတ်ကုန်အဖြစ် ၊ ကျွန်းသစ်၊ရေနံစသော သဘာဝတွင်းထွက် ၊ ကုန်းထွက် ၊ရေထွက်တွေရှိသလို ၊ အပျော့ထုတ်ကုန်အနေနဲ့ ကမ္ဘာကျော်ဝိပဿနာတရားများ ရှိနေပါတယ်။

 ၀ိပဿနာတရားနှင့် ပတ်သက်လာလျှင် ၊ နိုင်င်ငံကြီးသားများပင် မြန်မာပြည်မှာ တပည့်လာခံရပါတယ် ၊ နိုင်ငံကြီးများက တရားအားထုတ်ချင်သူများ ၊ ရန်ကုန်ဂွတ္တလစ်က မဟာစည်သာနာနာ့ရိပ်သာကြီးလို ၊ ၀ိပဿနာရိပ်သာကြီးများကို ရောက်ရှိလာပါတယ် ၊ ၂၀၀၇ခုနှစ်က အိန္ဒိယနိုင်ငံကို မိသားစု လိုက် ဘုရားဖူးထွက်ခဲ့စဉ်က ၀ိပဿနာဆရာကြီး မစ္စတာဂိုအင်ဂါရဲ့ ဓမ္မဂီရိ ရိပ်သာကို လေ့လာခွင့် ရခဲ့ပါတယ် ၊ နိုင်ငံကြီးသား တစ်ထောင်ကျော်လောက်ဟာ မြန်မာနိုင်ငံဖွား မန္တလေးသားစစ်စစ်ကြီး ဆရာကြီး မစ္စတာဂိုအင်ဂါ ထံမှာ တပည့်ခံနေကြရပါတယ် ။

ဒီထက်အံသြစရာ ကောင်းတဲ့အချက်ကတော့ ယနေ့တိုင်ကမ္ဘာကျော်နေဆဲ ဆရာကြီးဂိုအင်ဂါက ဒီဝိပဿနာပညာရပ်များကို ၊ ငွေစာရင်းမင်းကြီး ဦးဘခင်ထံမှ သင်ယူလာတာဖြစ်ပြီး ၊ ဦးဘခင်က ရဟန္တာဟု ကျော်ကြားတော်မူတဲ့ ဝေဘူဆရာတော်ကြီး၏ အထံမှ သင်ယူလာတာဖြစ်တယ်လို့ ဆရာကြီး ဟောကြားထားတဲ့ ဘာသာရေးနဲ့ ဂိုဏ်းဂဏများဆိုတဲ့ စာအုပ်မှာ အထင်အရှားရေးသား ထားပါတယ်။

 ဆရာကြီးဂိုအင်ဂါရဲ့ အင်တာဗျူးတစ်ခုမှာ အင်္ဂလန်နိုင်ငံက ပရော်ဖက်ဆာတစ်ဦးက ဗုဒ္ဓပြောတာနဲ့ ထပ်ချပ်မကွာ တိကျတဲ့ ၀ိပဿနာပညာကိုရဖို့ ၊ ဘယ်နိုင်ငံမှာ သင်ယူခြင်းဟာ အကောင်းဆုံး ဖြစ်ပါသလဲလို့ မေးတဲ့အခါ ၊ ဆရာကြီးက “၀ိပဿနာဟာ မြန်မာနိုင်ငံရဲ့ ထွက်ကုန် ဖြစ်ပါတယ်တဲ့ ၊ မြန်မာနိုင်ငံမှ ကျမ်းတတ်ဆရာတော်များထံမှာ သင်ကြားဆည်းပူးမယ်ဆိုရင် ဗုဒ္ဓ ဟောကြားထားတဲ့အတိုင်း ထပ်ချပ်မကွာ သိမြင်နားလည်နိုင်ပါလိမ့်မယ် အာမခံနိုင်တာတစ်ခုက တော့ မြန်မာနိုင်ငံကလွဲပြီး ဗုဒ္ဓရဲ့ဝိပဿနာပညာကို သီအိုရီအရရော လက်တွေ့အနေနဲ့ပါ မည်သည့်နိုင်ငံမှာမှ မြင်တွေ့နိုင်မည် မဟုတ်ပါလို့ ” ဖြေကြားလိုက်ပါတယ် ။

ဒါဟာ မြန်မာနိုင်ငံရဲ့ ဂုဏ်တစ်ခုမဟုတ်ပါလားခင်မျာ ၊ ကျွန်တော်တို့တွေ တစ်အိမ်တစ်ဇွန်းနဲ့ လောင်းလှူထားတဲ့ ဆွမ်း ထမင်းတွေရဲ့ရလာဒ်မဟုတ်ပါလား ၊ မိမိတို့ရဲ့ ချွေးနဲစာလေးတွေနဲ့ စုဆောင်းထားတဲ့ ငွေကြေး အနည်းငယ်နဲ့ စုပေါင်းစပ်ပေါင်း လှူဒါန်းကြလို့မို့ သံဃာတော်အရှင်သူမြတ်များ အစုအဖွဲ့တစ်ရပ် ပေါ်ပေါက်လာပြီး ဒီလိုပညာရပ်တွေကို စုပေါင်းသင်ကြား ပို့ချနိုင်ကြတာ မဟုတ်ပါလား ၊ ကျွန်တော်တို့ဟာ အလွန်ဆင်းရဲတဲ့ တိုင်းပြည်မှာ လူဖြစ်နေရလို့မို့ ရုပ်ဝတ္ထုပစ္စည်းကို မက်မောခဲ့ကြတာတော့ အမှန်ပါ။

 ရုပ်ဝတ္ထုပစ္စည်းဆိုတာ အသုံးကြာတဲ့အခါ ရိုးအီသွားတတ်ပါတယ် ၊ ရုပ်ဝတ္ထုဘက်ကို နေ့ရောညပါ မအားမလပ် လိုက်ခဲ့ရတဲ့ ကျွန်တော်တို့အတွက် စိတ်ပိုင်းဆိုင်ရာ အားနဲချက်တွေ ရှိလာခဲ့ကြပါတယ် ၊ ရုပ်ဝတ္ထုရဲ့ လိုအပ်ချက် များလေလေ စိတ်ပိုင်းဆိုင်ရာ အားနဲချက်ဟာ ပိုပိုများပြားလာလေ ဖြစ်ပါတယ် ၊ လိုအပ်ချက်သိပ်များလာတဲ့အခါ သမာတာရော မသမာတာရော တရားသော မတရားသော သိပ်မစဉ်းစားနိုင်တော့ပါ ၊ အသိဥာဏ်ပြည့်ဝတဲ့ တစ်နေ့မှာတော့ ဘာသာရေးနဲ့ ဖြေဆေးထိုး ကြရပါလိမ့်မယ် ၊ မည်သို့ပင် ဖြစ်စေ ကျွန်တော်နိုင်ငံမှာ ဘုန်းတော်ကြီးတွေနဲ့ ၀ိပဿနာတရား ရှိနေသည် မဟုတ်ပါလား ။

 လွတ်လပ်ရေးခေတ်က ဂျာမန်ရဟန်းတော် အရှင်လောကနာထဟာ ပြင်ဦးလွင်မြို့မှာ သီတင်းသုံးစဉ်မှာ၊ ဗိုလ်ချုပ်အောင်ဆန်းက ဂါရ၀ပြုခဲ့ပြီး မြန်မာနိုင်ငံသားတို့အတွက် သြ၀ါဒတစ်ခုပေးပါလို့ လျှောက်တော့ အရှင်လောကနာထက “မြန်မာနိုင်ငံသားတွေဟာ ကြာပင် အောက်က ဖားတွေနဲ့တူတယ် ၊ ဒို့နိုင်ငံရပ်ခြားကလူတွေက ပျားတွေပိတုန်းတွေနဲ့ တူတယ် ကြာပင်အောက်က ဖားဟာ ကြာပန်းရဲ့ဝတ်မှုံကို ဘယ်လောက်ကောင်းမှန်း မသိဘူး မြေကြီးပဲ စားတယ် ၊ ပျားတွေ ပိတုန်းတွေကတော့ဖြင့် အဝေးကနေ ကြာပင်ရဲ့ဝတ်မှုံကို လာရောက်စုပ်ယူ ကြတယ်လို့ ” မိန့်တော်မူကြပါသတဲ့။

 ပျားတွေပိတုန်းတွေ စုပ်ယူသွားရင် ကြာဝတ်မှုံတွေ တ ချိန်ကုန်လေမလား လို့တွေးကြည့်ခဲ့ဖူးပါတယ် ၊ ၀တ်မှုံဆိုတာ ကုန်တတ်ပါတယ် ၊ ဒါပေမဲ့ ကြာပင်ရှိနေသေးရင်တော့ ကြာဝတ်မှုံကို စိတ်ပူစရာမလိုပါ ၊ ကြာပင်စိုက်ဖို့လိုပါတယ် ကြာပင်ပွားဖို့လိုပါတယ် ၊ မြန်မာနိင်ငံက ကျွန်းကိုအပင်လိုက်ရောင်းတော့ ငွေသိပ်မရလိုက်ပါ ၊ တရုတ်က မြန်မာပြည်က ၀ယ်ထားသော ကျွန်းသစ်ကို ပါကေးလုပ်ပြီး ပြန်ရောင်းတဲ့အခါ  မြန်မာပြည်က တန်ဘိုးများစွာ ပေးဝယ်ရပါသည်။

 ယနေ့ခေတ်အခါတွင် မြန်မာနိုင်ငံတွင် ကိုရင်ငယ်များ အင်မတန်ရှားပါးနေသလို ၊ပညာတတ် ရဟန်းတော်များ နိုင်ငံရပ်ခြားတွင် သီတင်းသုံးတော်မူ ကပြီး ၊ ပြည်တွင်းသို့ ပြန်လည်ကြွရောက် မလာတော့ပါ ၊ လူပညာတတ်များက နိုင်ငံခြားမှာ နေထိုင်ကြသည့် နည်းတူ ၊ ရဟန်းပညာတတ်များ နိုင်ငံရပ်ခြားတွင် သီတင်းသုံးတော်မူလေပြီ ၊ ပညာတတ်လူများ ပြည်တွင်းမှာနည်းလေပြီ ၊ ပညာတတ် လူများအတွက် မြန်မာနိုင်ငံမှ တက္ကသိုလ် ကောလိပ်တို့မှ နှစ်စဉ်အသစ်မွေးထုတ်ပေးနေပါသော်လည်း ၊ ရဟန်းပညာတတ်တို့အတွက် မွေးထုတ်ပေးရာ အညာကျေးလက်တောရွာတို့တွင် ၊ ရှင်ပြုသူ ၊ သာမဏေခေါ် ကိုရင်လုပ်သူများ နည်းပါးသွားကြသဖြင့် ၊ လူပျိုရဟန်းနှင့် လူပျိုကိုရင်လေးများရှားလေပြီ။

 အသက်ကြီးမှဝတ်သော တောထွက်ခေါ် ပါဠိစာပေမတတ်သည့် ၊ ရဟန်းများသာ များချေပြီတကား ၊ ရဟန်းပညာတတ်များ ပြည်တွင်းမှာ နည်းပါးပြီး ပြည်ပမှာများစွာ သီတင်းသုံး နေထိုင်နေကြသဖြင့် ၊ ကျွန်တော်တို့နိုင်ငံမှာ အခမဲ့ဖြန့်ဖြူးပေးနေသော ပြည်တွင်းဖြစ် ၀ိပဿနာ တရားတော်များကို ကျွန်တော်တို့အိုလာသည့် အခါ ဒေါ်လာနှင့် ပေးဝယ်ရလေမလား။ ယနေ့ချိန်ထိ ကမ္ဘာမှာ အမွန်မြတ်ဆုံး ထုတ်ကုန် ဖြစ်သော ၀ိပဿနာ ဟူသော ကျွန်ုပ်တို့၏ ကြာဝတ်မှုံသည် ၊ ပြည်တွင်းမှာ ကျွန်တော် အိုသည့်အထိ ကျန်ကောင်းပါလေစ ၊ မြန်မာနိုင်ငံသား တစ်ယောက်အနေနှင့် ကြာပင်မစိုက်ခဲ့ဖူးလင့်ကစား သူများ စိုက်ထားတဲ့ ကြာပင်လေးတွေရဲ့ ကြာဝတ်မှုန်ကိုတော့ ကျွန်တော် ကုန်မှာဆိုးပါတယ် ။

ရွှင်လန်းချမ်းမြေ့ကြပါစေခင်မျာ..။

ဥစ္စာစောင့်နှင့် သိုက်နန်းရှင် ဇာတ်သိမ်းပိုင်း

ထိုင်းလေယာဉ်ကွင်းထဲမှ အယုဒ္ဓယ နဂါးသိုက်နန်း ပုံ

ဘိုးဘိုး သိုက်ကရလာတာတွေ ဘယ်လိုခွဲဝေယူတုန်း ဘိုးဘိုးကဘာရတုန်း ၊ အင်းဟုတ် သားနော် ၊ စကားတွေချော်နေတာ ဘိုးဘိုးက ငွေဒင်္ဂါးပြားရတယ် ၊ တစ်ယောက်ကို နှစ်ပိဿာလောက် ရှိမယ်ထင်ပါတယ် ၊ ဘိုးဘိုးဆရာက တန်းခွဲပေးတာလား၊ ဘယ်က သာကွယ် ၊ သိုက်တူးလို့ရရင် တန်းပြီး ယူလို့မရပါဘူး ၊ အစီအမံတွေကို လုပ်ရသေးတယ် ကွဲ့ ၊ ငွေယားတို့ ဆေးယားတို့ ဆိုတာတွေရှိသေးတယ်။

 ငွေယားဆိုတာက အဲဒီငွေတွေ ဒါမှမဟုတ် ပစ္စည်းတွေကို ကိုင်လိုက်တာနဲ့ ယားတာဘဲ ၊ တချို့ကျတော့ ကိုင်ရုံနဲ့ မယားဘူး သုံးမှယားတယ် ၊ ပြောရရင်ရှည်တော့မယ်ကွယ့် ဒီလိုကွယ် ဗေဒင်လေးပုံဆိုတာ မြေးကြားဖူးသလား ၊ ကြားဖူးတာပေါ့ တိတိကျကျတော့မသိဘူး ၊ အင်း ဗေဒင်လေးပုံတဲ့ သာမ ၊ ယဇု ၊ ဣရု ၊ အထဗ္ဗဏ ၊ ဆိုတဲ့ ဗေဒင်လေးပုံ ရှိတယ် ၊ အဲဒီဗေဒင်ပညာကို တီထွင်ခဲ့တဲ့ ပုဂ္ဂိုလ်တွေဟာ ရသေ့တွေကွယ့် အိန္ဒိယနိုင်ငံ ဟိမ၀န္တာ တောင်တန်းမှာ နေထိုင်ကြတဲ့ ဟင်ဒီဝါဒီ ရသေ့ကြီးတွေဘဲ ၊ သူတို့တွေဟာ ဘယ်ခုနှစ်လောက်က တည်းက ဗေဒင်ပညာရပ်တွေကို တ်ီထွင်ခဲ့တယ်ဆိုတာ တိတိကျကျ ယခုတိုင်ပညာရှင် တွေမသိရသေးဘူး ဗုဒ္ဓဘုရားမပွင့်ပေါ်မှီကတည်းက ရှိခဲ့တယ်ဆိုတာ ပိဋကတော်မြန်မာ ပြန်တွေမှာတွေ့ဖူးတယ်။

အလောင်းတော်မွေးတော့ တောထွက်ပြီး ဘုရားဖြစ်မယ်လို့ ဟောခဲ့တဲ့ ကောဏ္ဍည ရဲ့အနွယ်တွေဖြစ်တဲ့ ကောဏ္ဍညပုဏ်ဏား အနွယ်တွေဟာ ဗေဒင် ပညာကို ဆုံးခမ်းတိုင်အောင်သင်ယူခဲ့တဲ့ အနွယ်တော်တွေလို့ သက္ကဘာသာနဲ့ရေးထားတဲ့ ကရာဇိသျှာမူနတီး (နပ်ပတ်တီးဗေဒင်ကျမ်း)အဖွင့်မှာရေးထားတယ် ၊ ယခုတိုင်လဲ အဲဒီ အနွယ်တော်တွေဟာ အိန္ဒိယနိုင်ငံ ဘီဟာပြည်နယ်နဲ့ ၊ ပန်ဂျပ်ပြည်နယ်တွေမှာ ကျန်ရှိနေ သေးတယ်လို့ ဆိုတယ်ကွယ် ၊ မိတ်ဆွေတစ်ယောက် ပြောတာကတော့ အခုတော့ ကောဏ္ဍညအနွယ်တွေဟာ နတ်ဆရာအဖြစ်အသက်မွေး နေတယ်လို့ ပြောတာပါဘဲ ။

 ဘိုးဘိုး ငွေယားလေ ဘယ်လိုဖြစ်တာတုန်း၊ အေးပါကွယ် ငွေယားပါဘဲ ပြောပါ့မယ် ရေးမှာ သာလိုက်ရေးထားပါ ၊ ဗေဒင်ကျမ်းလေးဆောင်ကို ပြုစုတဲ့ ရသေ့တွေဟာ စုစုပေါင်း ရှစ်သောင်းရှိတယ်လို့ ဆိုတယ်ကွယ် ၊ သာမဆိုတဲ့ကျမ်းမှာ တောတောင်ရေမြေတို့ရဲ့ နိ မိတ်လက္ခဏာတွေတဲ့ ၊ ယဇု ဆိုတဲ့ကျမ်းမှတော့ ဘဂ၀ါဂီတကျမ်းတွေတဲ့ တောတွေ တောင်တွေကိုစောင့်တဲ့ နတ်တွေကို ပူဇော်ပုံပူဇော်နည်းတွေရေးထားတယ် ဆိုတယ် ၊ ဣရု ကျမ်းဆိုတာကတော့ အမျိုးမျိုးပြောကြပါတယ်ကွယ် ၊ သခင်ဘသောင်းရဲ့ ဘာသာကြီး လေးခု အနှစ်သာရမှာ ရေးထားတဲ့အတိုင်းဆိုရင်တော့ သူဟာလဲ ယဇ်နတ်ပူဇော်ဖို့ ရေး စပ်သီကုံးထားတဲ့ ကဗျာကျမ်းတစ်မျိုးဆိုပါတော့။

 အထဗ္ဗဏဆိုတဲ့ ဗေဒင်ကျမ်းကတော့ အရမ်းစုံတဲ့ ကျမ်းပေါ့ ဗေဒင်ပညာ ၊ ဝေဒင်ပညာ ၊ စုန်းအတတ် ၊ ကဝေအတတ် ၊ အဂ္ဂိရက် အတတ် ၊ နေကြတ် ၊ လကြတ် ၊ နက္ခတ်ကြတ် ၊ နေသွား၊ လသွား၊ နက္ခတ်သွား အင်း ၊ အိုင်၊ ခလှဲ့ ၊ လက်ဖွဲ့ ၊ အဆောင် ၊ ယတြာ ၊ ကာယသိဒ္ဓိ ၊ ပီယသဒ္ဓိ ၊ ရာဇသျှို ၊ ဣတ္ထိသျှို ၊ပီယသျှို ၊စတဲ့အတက်ပညာတွေ အသားလှုတ်ကျမ်း ၊ အိမ်မက်တိတ္ထုံ ၊ ချတောင်ဘို့ ၊ ပျားစွဲ ၊လင်းတနား ၊ စသဖြင် စသဖြင့် ကောင်းကျိုးဆိုးကျိုးတွေကို ဟောတဲ့ ကျမ်းတဲ့ ၊ ဘိုးဘိုး ဗေဒင်နဲ့ဝေဒင်ဆိုတာ မတူဘူးလား၊ မတူပါဘူးကွဲ့။

ဝေဒင်ပညာဆိုတာ ဗေဒင်နဲ့မတူဘူး သူကအိန္ဒိယက လာတဲ့ပညာပါ ၊ နေနဲ့လရဲ့သွားလာပုံကို ကြည့်ပြီး ဇာတာပုံချပြီး ဟောတာကွယ် ဒီနေရာမှာ ဟောပုံက မတူဘူး တချို့ကနေသွား တဲ့လမ်းကြောင်းကို ကြည့်ပြီးဟောတာကို စန်းအဟောလို့ခေါ်တယ် လသွားတာ ကိုကြည့်ပြီး ဟောတာကိုတော့ လာဘ်အဟောတဲ့ ဒါကြောင့်ဇာတာပုံတွေမှာလာဘ် ဆိုတာလေး ပါတာ အိန္ဒိယမှာ ယနေ့တိုင် ဒီပညာတွေထွန်းကားနေတုန်းဘဲ သူတို့ကတော့ နေသွားတာကိုကြည့်ဟောတယ် စန်းအဟောပေါ့ကွယ် ဘယ်လိုဘဲ ဟောဟော နှစ်ခုလုံးကို ဝေဒင်ပညာခေါ်ပါတယ် ၊ ဗေဒင်ပညာဆိုတာက မြန်မာဖြစ်ပါ၊ မွေးသက္ကရာဇ်ကို တည်ပြီး ၇နဲ့စား ၈နဲ့စား ပေါင်းမြောက် စသဖြင့်ကြည့်ရှုသုံးသပ် ဟောတာကို ဗေဒင်ပညာကွယ့် ။

အဲဒီဗေဒင်လေးပုံမှာ အထဗ္ဗဗေဒင်ကျမ်းဟာ အင်မတန်ကျယ်ဝန်းတယ် ၊ ကျမ်းစာပြုစုမဲ့ ရသေ့ရှစ်သောင်းထဲက လောကီအတတ်ပေါင်းစုံကို တတ်မြောက်တဲ့ လက်ရွေးစင် ရသေ့ ကြီး ၁၈ပါးကို ရွှေးထုတ်ပြီး အခုပြောမဲ့ အထဗ္ဗဏ ဗေဒင်ကျမ်းကိုရေးခဲ့တာဘဲကွယ် ၊ အဲဒီ ရသေ့ကြီးတွေဟာ သူတို့ရေးတဲ့ ကျမ်းစာတွေထဲက အတိုင်းဟုတ်မဟုတ် ဖြစ်မဖြစ်ကို စမ်း စစ်တဲ့အနေနဲ့ ငွေတွေသွန်းလုပ်ခဲ့ကြတယ်။

 နောင်လူတွေ ဒီပညာရပ်တွေကို လေ့လာ လိုက်စားတဲ့လူတွေ ဒီပညာရပ်တွေကို ကုန်အောင်သင်ယူနိုင်စေဖို့ ၊ အကျင့်သီလကောင်း ပြီး ကုသိုလ်ကောင်းမှု ပြုလုပ်စေဖို့ ၊ စတဲ့စတဲ့ အကြောင်းတွေကို ကြည့်ပြီးတော့ ကိုင်ရင်ယားတဲ့ ငွေယားတွေ ၊ သုံးရင်ယားတဲ့ နတ်ယားတွေ ၊ ယူသုံးပြီး ပြန်မထားရင် ယားတဲ့ သစ္စာယားတွေ ၊ နောက်တစ်ခုအတတ်ပညာတွေနဲ့ ဆိုင်တဲ့ အင်းယားဆိုတာ လဲရှိသေးတယ် အဲလိုဟာတွေကို ဖန်တီးထားခဲ့တယ် ၊ အဲဒါတွေကိုနိုင်နင်းတဲ့ ဖြေဆေး နည်းတွေကိုလဲ အထဗ္ဗဗေဒင်ကျမ်းမှာ အကုန်ထည့်ရေးထားခဲ့တယ် ၊ သဘောကတော့ ဒီပညာတွေကို မတတ်ဘဲ ၊ ဒီပစ္စည်းတွေကိုသုံးလို့မရဘူးလို့ပြောခဲ့ချင်တာနေမှာပေါ့။

 ဘိုးဘိုး သစ္စာယားဆိုတာက ခေတ္တယူသုံးလို့ရတယ်ပေါ့ ၊ အေးလေ ယူသုံးလို့ရတယ် ယူ သုံးပြီး ပြန်မထားမှ ယားတာ ၊ တခါမှမကြားဖူးပါဘူးဘိုးဘိုးကလဲ  ရှိလို့လား ရှိတာပေါ့ကွယ် ၊ မင်းကသာမကြားဖူးတာပါကွယ် ၊ မြန်မာပြည်မှာ အဲလိုရွှေထည်ငွေထည်တွေကို ငှားပြီး သုံးလို့ ရတဲ့နေရာ ဘိုးဘိုးသိခဲ့တာတွေကို လေးနေရာလောက်ရှိတယ် ၊ အထင်ရှားဆုံးက ကျောက်ဆည်မြို့က ကျောက်သေတ္တာဘုရားဟာ အထင်ရှားဆုံးပေါ့ ၊ အဲဒီဘုရားမှာ ခုတိုင် ကျောက်သေတ္တာကြီးရှိသေးတယ် ဟိုတုန်းက အဲဒီအထဲမှာ ရွှေထည်ပစ္စည်းတွေ အားကြီးရော။

 လူတွေက ရှင်ပြုမယ် ရဟန်းခံမယ်ဆိုရင် အဲဒီသေတ္တာကြီးထဲဟာ ရတနာပစ္စည်းတွေကို ငှားရမ်းပြီး ရှင်လောင်းတွေ ပဉ္ဇင်းလောင်းတွေကို ဆင်ပေးကြတယ် ၊ ပြီးတော့ ပြန်ထားတယ် ဘာမှမဖြစ်ပါဘူး ၊ နောက်ပိုင်းတော့ လူတွေက ယုတ်မာပြီး အချောင်လိုချင်လာတော့ ပြန်မထားကြ အဲလိုနဲ့ အဲဒီသေတ္တာကြီးမှာ ဘာမှမရှိတော့တာ ၊ ဒါဆိုယူသွားတဲ့လူတွေက အထဗ္ဗဏ ဗေဒင်ကျမ်းထဲက ဟာတွေကိုတတ်လို့ ယူနိုင်တာပေါ့ အင်းဖြစ်နိုင်တာပေါ့ကွယ် ။ မတတ်ဘဲနဲ့ ခိုးယူသွားပြီး အသေခံတဲ့လူမိုက်တွေလဲ ရှိမှာပေါ့ ။

ဒါနဲ့ဘိုးဘိုးတို့သိုက်ထဲက ရလာတဲ့ ဥစ္စာတွေနဲ့ ဒီအထဗ္ဗဏဗေဒင်ကျမ်းကို ပြုစုခဲ့တဲ့ ရသေ့ကြီး တွေနဲ့က ဘယ်လိုဆက်စပ်တာတုန်း အင်း မင်းကိုဘိုးဘိုးပြောဖူးတယ်လေ ၊ ငွေဒင်္ဂါးတွေရခဲ့ တယ်ဆိုတာ ၊ ရတနာပုံ ဒေါင်းဒင်္ဂါးတွေမဟုတ်ဘူးကွဲ့ ၊ ဘိုးဘိုးတို့ရခဲ့တဲ့ ငွေဒင်္ဂါးပြားတွေက အကြီးကြီးတွေကွ ဘယ်လောက်ကြီးလဲဆိုရင် တချို့အပြားတွေက သူငယ်တော်အက ကတဲ့အခါ  သူငယ်တော် မင်းသားလေး လည်ပင်းမှာဆွဲထားတဲ့ အပြားလောက်ကိုရှိတယ် ၊ တချို့က ဒင်္ဂါးလို့သာ ပြောတာအ၀ိုင်းမဟုတ်ဘူး ၊ လေးထောင့်တွေ ၊ သုံးထောင့်ချွန်တွေ ဒါတွေကို သိုက်အပြင်ကို ရောက်တော့ဆရာက စုပုံစေတယ် ၊ ဘိုးဘိုးတို့သယ်လာတဲ့ အိတ်၁၉လုံးကို သွန်လိုက်တာ အပုံကခါးလောက်ကို ရှိတယ်။

 ပြီးတော့ ဆရာဟာ ဘိုးဘိုးတို့ကိုပြောတယ် ၊ ဒါဟာ ခုနက ရသေ့ကြီးတွေရဲ့ပစ္စည်းတွေတဲ့ ၊ ဒင်္ဂါးတွေမှာ တချို့က စန္ဒရီရုပ်ပါတယ် ၊ တချို့က မြန်မာ စာအက္ခရာတွေထဲက “သ”လိုလို “တ”လိုလို“ဟ”လိုလိုပါတယ် ၊ ဒါကြောင့်ဆရာဟာ ဒီငွေတွေဟာ သုံးလို့မရသေးဘူးလို့ဆိုတယ် ၊ ဒီငွေသားတွေဟာ ရှေးရသေ့တွေစီရင်ထားလို့မို့ ၊ ငွေမှာစောင့်တဲ့ အစောင့်သီးသန့် ရှိသေးတယ်တဲ့ ၊ အဲငွေတွေဟာ သုံးရင်ယားတဲ့ ဆေးယားတွေတဲ့ ၊ ဒါကြောင့်ဖြေ ဆေး လိုတယ်လို့ဆိုတယ်ကွယ် ၊ ဒါဆိုဒင်္ဂါးပြားတွေက တစ်ယောက်ထဲ သွန်းထားတာမဟုတ်ဘူး ပေါ့ ၊ အင်းပေါ့ ရသေ့ဆရာကြီးတွေ ၁၈ပါး စီရင်ခဲ့တာ ၊ သူတို့ရဲ့မူပိုင်သင်္ကေတတွေ ရှိတယ် ၊ အဲဒီ သင်္ကေတဆိုတာ ဆရာပြောမှဘိုးဘိုးတို့ သိရတာ ၊ ဘူမိရတ်ကျမ်းမှာပါတယ်ကွဲ့ ၊ ဘူမိရတ်ကျမ်း ဆိုတာလဲ အထဗ္ဗဏ ဗေဒင်ကျမ်းထဲက ကျမ်းငယ်တစ်စောင်ပါကွယ် ၊ အဲဒါဆို အဲဒီ၁၈ပါးလုံးကို ဘိုးဘိုးသိလား ၊ သိတာပေါ့ ပြောပြမယ်ကွယ် ။

ဘိုးဘိုမှတ်စုစာအုပ်ထဲမှာ ဒီရသေ့ကြီးတွေအကြောင်းမှတ်ထားတယ် ကျီးသဲလေးထပ်  ဆ ရာတော်ကြီးရေးခဲ့တဲ့ စွယ်စုံကျော်ထင်ပုစ္ဆာကျမ်းရဲ့ စာမျက်နှာ ၂၈၆ ၊ ပုစ္ဆာအမှတ် ၄၂၈ကို မှာ ၊ “ငွေယားလည်းသတ် ၊ ဘူမိရတ် ၊ အတတ်ဘယ်ဗေဒင်ထွက်နည်း။” ဆိုတဲ့ ပုစ္ဆာပါတယ် အဲဒီပုစ္ဆာအတိုင်း မြေးကိုပြောပြမယ် ၊ အထဗ္ဗဏ ဗေဒင်ကျမ်းကို ပြုစုတော်မူတဲ့ ရသေ့ဆရာ ကြီးများဟာ သူ့တို့ပြုစုတဲ့ကျမ်းစာတွေကို နောင်လူတွေ အပူအပင်ကင်းကင်းနဲ့ သင်ယူနိုင် အောင် ၊ သီလရှိတဲ့လူတွေ ကောင်းမှုပြုနိုင်အောင်ဆိုပြီး သူတို့ပြုစုခဲ့တဲ့ ကျမ်းစာတွေထဲမှာ ပါတဲ့ ငွေလုပ်နည်းသွန်းနည်းတွေအတိုင်း ငွေတွေသွန်းလုပ်ပေးခဲ့ကြတယ်။

 နောင်လူတွေ ဟာပညာလဲတတ် ၊ ဥစ္စာလဲရတဲ့အခါ သူတို့ရဲ့ကျေးဇူးရှင်ဟာ ဘယ်သူလဲဆိုတာ သိရ အောင်ကိုယ်ပိုင်အမှတ်အသား လေးတွေထားခဲ့တယ်ကွဲ့ အဲဒီထဲက ခေါင်းဆောင်ရသေ့ကြီး ဘွဲ့နာမည်က သာသန တဲ့ သူသွန်းခဲ့တဲ့ငွေတွေက ကျောဘက်နဲ့ဝမ်းဘက် တစ်ခုခုမှာ “ဃ”အက္ခရာ “လ”အက္ခရာ “က”အက္ခရာ တစ်ခုခုပါတယ် ၊ သူငွေတွေက ကိုင်တာနဲ့ ယား တယ် ၊ တဗ္ဗရသေ့ကြီးငွေကတော့ တံဆိပ်လိုလိုဘုလေးတွေပါတယ် ၊ နာဂီသက္ခ ရသေ့ကြီး သွန်းခဲ့တဲ့ငွေတွေကျပြန်တော့ “သ”အက္ခရာ၃ခုပါတယ်ကွယ် ၊ သုဇနရသေ့ကြီးငွေကတော့ “က”အက္ခရာပါတယ် ၊ စိတြရသေ့ကြီးငွေတွေကတော့ ဂဠုန်တံဆိပ်နဲ့ ၊ အဋ္ဌနံရသေ့ကြီးငွေ တွေကတော့ တံဆိပ်မပါဘူး လေးထောင့်ပုံ အချောင်းတွေ အမြောင်တွေကွဲ့ ဒီရသေ့ကြီး အထိ ငွေတွေကတော့ ကိုင်တာနဲ့ယားနဲ့ ငွေယားအမျိုးအစားတွေကွဲ့၊ သူ့ရေးခဲ့တဲ့ ဗေဒင်ကျမ်းထဲက ဖြေနည်းကိုမသိရင် ကိုင်တာနဲ့ယားတာဘဲ ၊ သိတဲ့လူကတော့ သုံးရုံဘဲ ပြဿနာမရှိဘူးကွယ် ။

နောက်ရသေ့ကြီးကတော့ ကောက္ကစိန္ဒရသေ့ကွယ် စန္ဒရီရုပ်ပါတယ် ၊ နောက်တစ်ပါးက တိစိ တ္တသွာသု ရသေ့တဲ့ သူကတော့ ငွေတွေမကဘူး ရွှေတွေလဲသွန်းခဲ့သေးတယ် ၊ အဂ္ဂိရတ် ပညာရပ်မှာပါတဲ့ ရွှေဖမ်းနည်းဟာ ဒီရသေ့ကြီးစီရင်ခဲ့တာ ၊ တံဆိပ်အမှတ်အသားမပါဘူး ကျောက်ဆည်မြို့နားက ကျောက်သေတ္တာဘုရားမှာ ကျောက်သေတ္တာနဲ့ထားခဲ့ ရွှေထည် ငွေထည်တွေဟာ သူ့သွန်းခဲ့တာပေါ့ကွယ် ၊ သူကတော့ငွေယား အမျိုးအစားမဟုတ်ဘူး သစ္စာယားခေါ်တယ် ၊ ငှားသုံးလို့ရတယ် ကတိအတိုင်း ပြန်လာမထားရင်တော့ ယားတယ် ဗျာ ၊ သူထားခဲ့တဲ့ကျမ်းစာကို သင်ယူတတ်မြောက်တဲ့ လူတွေက နည်းသိပြီး ယူသုံးရင်တော့ ရတယ်လို့ဆိုတယ်ကွယ်။

 နောက်တစ်ပါးက သံသာဝိသုရသေ့ သူ့ရဲ့ငွေတွေ မှာတော့ “၀”အက္ခရာပါတယ် ၊ တက္က ရသေ့ကြီးရဲ့ငွေကတော့ အမဲရောင် ဒါမှမဟုတ်ရင် မဲညစ်ညစ်တွေ ၊ ကတ္တိရသေ့ ကြီးရဲ့ငွေတွေကတော့ အ၀ိုင်းတွေဆိုရင် “ဠ”အက္ခရာ နှစ်ချက်ပါတယ် ၊ တြိဂံ စတုဂံ ပုံတွေဆိုရင်တော့ “၀”အက္ခရာနဲ့လေ ၊ ယသိန္ဒရသေ့ကြီးရဲ့ ငွေတွေကတော့ “ပ၊ဖ”တခုခုပါတတ်တယ် ၊ ဂန္ဓရီရသေ့ကြီး စီရင်ခဲ့တဲ့ ငွေတွေကတော့ “၀” အက္ခရာပါတယ်ကွဲ့ ၊ အ၀ိုင်းတွေလို့ဆိုတယ် အလေးချိန် ၅၀ကျပ်သားရှိတယ်လို့ ဆိုတယ်ကွယ် ၊ ကောကာလိက ရသေ့ကြီးကတော့ စန္ဒရီပုံပါတဲ့ ငွေချောင်းတွေကိုသွန်းခဲ့တယ်လို့ ဆိုတယ်ကွဲ့။

 ငွေယားဟာ ကိုင်ရင်ယားတယ် ၊ သုံးရင်သေတယ် ၊ သစ္စာယားက ပြန်မထား ရင်သေတတ်တယ် ၊ ယားတတ်တယ် ၊ ဆေးယားကတော့ သုံးရင်ယားတယ် ၊ အင်းယား တို့ ဘာတို့ကတော့ကွယ် အဘိုးမသိပါဘူး ၊ မှတ်ထားဖူးတာလဲ မရှိခဲ့ဘူးကွယ် ၊ ဘိုးဘိုးတစ်ယောက်ထဲမသိတာမဟုတ်ဘူး ဘိုးဘိုးဆရာလဲ အဲဒါကိုမသိဘူး ၊ ဘိုးဘိုးဆရာရဲ့ ဆရာက အင်းယားကြောင့် သွေးအန်သေသွားတာလို့ ဆရာပြောခဲ့တယ်ကွယ် ။

ဒါဆိုသိုက်ထဲကို ဒီငွေတွေ ဘာလို့ရောက်နေသလဲ ဘိုးဘိုး၊ အိုဒါကတော့ကွယ် သိုက်ဆိုတာ ဘုရားပစ္စည်းစောင့်တဲ့လူ ရှိသလို ၊ မသူတော်တွေယူသုံးမှာ စိုးလို့ စောင့်တဲ့ သိုက်လဲ ရှိဟန်တူပါရဲ့ ဘိုးဘိုးတို့ တူးခဲ့တဲ့ သိုက်ထဲမှာ ဒီတစ်သိုက်သာ ဒီလိုငွေတွေတွေ့ခဲ့ဖူးတယ် ဘိုးဘိုး ဆရာပြောတာကတော့ ဒီငွေတွေဟာ သိုက်နန်းရှင်က လောဘကြီးပြီး တွေ့တာ တွေလိုက်ယူ သိမ်းထားတာလို့ ပြောတာဘဲ ၊ ဟုတ်လောက်တယ်ကွဲ့ သူတို့လဲလူလိုဘဲ လောဘတော့ ရှိရှာမှာပါဘဲ ၊ ဘိုးဘိုးတို့ရခဲ့တာ ဒီငွေတွေကြီးလား ဒေါင်းဒင်္ဂါးလေးဘာလေး မပါဘူးလား ၊ ပါပါသကောကွယ် ၊ ရတနာပုံ တစ်သုံးဒင်္ဂါးတွေမှ ထပ်လို့။

ငွေတွေကိုဘယ်လိုခွဲဝေကြလဲဘိုးဘိုး ၊ သိုက်ကရတဲ့ငွေတွေကို ဘိုးဘိုးတို့တည်နေတဲ့ ဘုရားနားမှာ ပုံတယ်ကွယ် ၊ ဆရာကကြည့်ပြီး သင်္ကေတပါတဲ့ ငွေတွေကို သီးသန့်စုပုံစေတယ် ၊ မပါတာတွေကတော့ အဲဒီညမှာဘဲ ဝေယူလိုက်ကြတယ် ၊ ဆရာကတော့ ညာတကုတ်လေးရယ် ၊ ကွမ်းအစ်ကြီးတစ်လုံးရယ် ၊ လင်ဗန်းရယ် ၊ နောက်တစ်ခုက အဆောင်တခုပါဘဲကွယ် တောက်တဲ့ လိုလို ၊ အိမ်မြောင်လိုလို အဆောင်တစ်ခုရယ်ကို သူယူတယ် ၊ ငွေတွေကိုတော့ ဝေပုံကျအတိုင်းယူပါတယ် ၊ ဒါပေမဲ့ဘိုးဘိုးတို့လိုသုံးတာမဟုတ်ဘူး ၊ အကုန်လှူပြစ်တာ ၊ ထူးထူး ဆန်းဆန်း ပစ္စည်းတို့ ၊ ရတနာတို့ဆိုရင်တော့ သူက၀ါသနာပါတယ် ၊ အဲလိုဟာတွေကို ဆောင်လဲ ဆောင်ထားလေ့ရှိတယ်။

ဘိုးဘိုးရဲ့ ဆရာဟာ ရခိုင်ပြည်က အန်းမှာနေတာ ၊ နာမည်အရမ်းကြီးတယ် ၊ ဘယ်လိုအစွမ်းသတ္တိတွေကြောင့်ရယ် မသိဘူး ၊ သူ့ကိုသေနတ် နဲ့ပြစ်တာ ၊ ကျည်မထွက်ဘူးကွယ် ၊ ဘိုးဘိုးတခါက အန်းကိုတာဝန်နဲ့သွားတုန်း ၊ သေနတ်နဲ့ သူ့ကိုပြစ်ခိုင်းတယ် ၊ လုံးဝကိုပြစ်လို့မရဘူး ၊ ခြောက်လုံးပြူးဆိုတာ ဆုံလည်လည်သလို လည်နေတယ် တခြောက်ခြောက်နဲ့ ၊ အဲလိုထူးဆန်းတဲ့ အဆောင်အယောင်တွေကြောင့် ဖြစ်မယ်ထင်တယ် ၊တံဆိပ်အမှတ်အသားပါ ငွေတွေကတော့ အုတ်ဖုတ်ဘို့တူးထားတဲ့ မြေကျွင်းကြီးထဲကို ထည့်ကြတယ် ၊ ပြီးတော့ ပဉ္စမုတ္တ လောင်းတယ် ကွဲ့ ၊ ဘာတုန်း ပဉ္စမုတ္တဆိုတာ ပဉ္စဆိုတာ ငါးခု ၊ မုတ္တဆိုတာက ကျင်ငယ်ရေ ၊ မစင်လို့လဲ ယူလို့ရတယ်ကွဲ့ ၊ အဘိုးတို့က ကျင်ငယ်နဲ့ အဲဒီကျွင်းထဲကို လောင်းပန်းထည့်ရတယ် ၊ ရှဲရှဲ ဆိုတဲ့အသံတွေမြည်တယ်ကွဲ့ ၊ အဲဒီအချိန်ကိုင်ရင် နူတတ်တယ် ၊ ဒါမှမဟုတ် အဖြူစွဲ သွားတယ်လို့ ဆရာကဆိုတယ်။

မိုးလင်းတော့ ဆရာက ဘိုးဘိုးတို့ကို ရွာထဲက နွားချေးတွေ ကို တောင်းနဲ့ ကျုးံယူခိုင်းတယ် ၊ ယူပြီးအဲဒီကျင်းထဲကို ထည့်ရတယ် ၊ ဘိုးဘိုးတို့ သိုက်တူးတာ လကွယ်နေ့ ၊ ဒီငွေတွေကို ပြန်ဖော်ယူတာ လဆန်း၃ရက်နေ့လို့မှတ်မှိတယ် ၊ မိုးလင်းတော့သိုက်တူးတဲ့ နေရာမှာ ဂျိုင့်ကြီးဖြစ်သွားတယ် ၊ ဘာမှတော့မထူးခြားပါဘူး ရေကန်ဟောင်းတခုလိုပါဘဲ ၊ လပြည့်နေ့ထိ ဘိုးဘိုးတို့ သင်ပေါင်းချောင်ရွာမှာ နေခဲ့ကြရတယ် စေတီတော်လေးကို မြသိန်းတန်လို့ ဘွဲ့ပေးခဲ့ပြီး ၊ သိုက်တူးလို့ ဂျိုင့်ဖြစ်သွားတဲ့ နေရာကို အုတ်ဖုတ်ဘို့မြေတူးတဲ့ ကျင်းနဲ့ စပ်ဟပ်ပေးလိုက်ပြီး လေးထောင့်သဏ္ဍာန် ရေကန်လေး လုပ်ခဲ့ ကြတယ်။

 အ၀ိုင်းတွေ ၊ အချောင်းတွေ ၊ စမူဆာလို ငွေဒင်္ဂါးတွေကိုတော့ ဆရာဟာ ဘိုင်နင်းပြီး အရည်ကျိုတယ် ၊ ၀ါးဆစ်ဗူးတွေ ကိုမြေမှာမြုတ်ပြီး အရည်ကျိုထားတဲ့ ငွေတွေကို လောင်းထည့်ပြီး တစ်ယောက်ကို စိန်ပြောင်းကျည်ခွံ့လောက်ရှိတဲ့ ငွေတုံးလေးတွေ လုပ်ပြီးယူခဲ့ကြတယ် ၊ လကွယ်နေ့ မှာစေတီတော်ကို ထီးတော်တင်ခဲ့ပြီး ၊ သိုက်မှာရှိတဲ့ မကျွတ်မလွတ်တွေကို အမျှအတန်းပေးဝေတယ် ၊ ဘိုးဘိုးတို့ ရဲ့ဝေစုထဲက သဒ္ဓါသလောက် အလှူအတန်းပြုဖို့ ဆရာကတိုက်တွန်းခဲ့တယ် ၊ နောက်လပြည့်ကျော် ၂ရက်နေ့လောက် ထင်ပါတယ် ၊ ဘိုးဘိုးတို့တွေ အဲဒီသင်ပေါင်းချောင်ရွာကျောင်းမှာ ဆရာနဲ့တကွ အလှူအတန်းလုပ်ပြီး ပြန်လာခဲ့ကြတယ်။

 နောက်ဘိုးဘိုး ရန်ကုန်ရောက် မော်လမြိုက်ရောက် ဖြစ်နေတုန်း ၊ ဆရာနဲ့တွေ့ပြီး ဆရာက ဒီစေတီတော်လေးကို မင်းတသက်ဝတ်တစ်ခုလို လုပ်ပြီးလှူဒါန်းခိုင်းတယ် ၊ အဲဒီသိုက်ကိုဘိုးဘိုးတို့နဲ့ သွားတူးခဲ့တဲ့ ရဲဘော်ရဲဘက်တွေဟာ တချို့က ဆုံးပြီး တချို့က ငွေရေးကြေးရေး ချို့တဲ့ကြတယ်လို့ ဆရာကပြောတယ်ကွယ်၊ ဒါကြောင့်ဘိုးဘိုးဟာ ဒီဘုရားလေးကို ကိုယ်တိုင်ရော လူကြုံနဲ့ရော ၊ လှူဒါန်း နေတာ ပေါ့ကွယ် ………။

 ဘိုးဘိုးဟာ သူကြုံတွေ့ခဲ့ရတဲ့ အတွေ့အကြုံတွေကို ဖောက်သည်ချပြီး မောလာလို့လား ၊ အတိက်ကိုပြန်သတိရလာလို့လား ၊ ကျွန်တော်မပြောတတ်ပါ ၊ ရီဝေငေးမောတဲ့ သူ့အကြည့်တွေကို ကျွန်တော်သတိထားလိုက်မှိပါတယ် ၊ ကျွန်တော်လဲ အဘိုးရဲ့ ပုံပြင်လေးတွေ နားထောင်ရင်း ၊ အိပ်ချင်ပြီဘိုးဘိုးလို့ ပြောဆိုပြီး ဘိုးဘိုးကို ကန်တော့ပြီး ကျွန်တော်အခန်းထဲကို ကျွန်တော်ပြန်လာခဲ့ပါတယ် ၊ မှတ်မှတ်ရရ ကျွန်တော် အဲဒီညက မြသိန်းတန် စေတီလေးကို မရောက်ဖူးပါဘဲနဲ့ ၊ အိပ်မက်မက်ပါတယ် ၊ နောက်၃နှစ်လောက် ကြာတော့ ၊ အဲဒီစေတီလေးဆီကို ကျွန်တော်တို့ မိသားစုအကုန်လုံး ၊ ရောက်ခဲ့ကြပါတော့ တယ် ။

စာကြွင်း

ယခုရေးခဲ့တဲ့ ဥစ္စာစောင့်နဲ့သိုက်နန်းရှင်ဟာ စိတ်ကူးယဉ်ရေးသားထားတာ မဟုတ်ပါ ၂၀၀၉ခုနှစ် အောက်တိုဘာ ၅ရက်နေ့က ကွယ်လွန်သွားခဲ့ပြီဖြစ်တဲ့ အသက်၉၄နှစ်အရွယ် ကျွန်ုပ်ဘိုးဘိုးရဲ့ ကိုယ်တွေ့ဖြစ်ရပ်များဖြစ်ပါတယ် ၊ ပြောပြတယ်ဆိုတာလဲ တခါတည်းပြောပြခဲ့တာမဟုတ်ပါ ၊ ကြုံသလိုပြောပြ ခဲ့တာသာဖြစ်ပါတယ် ၊ တခါတရံ အိပ်ယာထဲမှာ ပြောပြပါတယ် ၊ တခါတရံမှာ နေ့လည်ပိုင်းတွေဖြစ်ပြီး၊ တခါတရံမှာတော့ သူ့ကိုနှိပ်ပေးနေတဲ့ အချိန်မျိုးတွေမှာ ပြောပြခဲ့ပါတယ် ။

 ဒီမြသိန်းတန်စေတီလေး ဆိုတာကတော့ ဧရာဝတီတိုင်း ဖျာပုံခရိုင် ၊ ဒေးဒရဲမြို့ ၊ သင်ပေါင်းချောင်ကျေးရွှာမှာ ၊ တည်ရှိနေပါတယ် ၊ ဒီစေတီတော် လေးကို ၊၂၀၀၆ခုနှစ်မှာ ဘိုးဘိုးခေါင်းဆောင်ပြီး ၊ ကျွန်တော်တို့မိသားစုများ ထီးတော်တင်လှူ ပူဇော်ခဲ့ကြပါတယ် ၊ အခုတော့ အဲဒီသင်ပေါင်းချောင် ၊ ကျေးရွာလေးမှာ ၊ ဘိုးဘိုးတို့ ခေတ် တုန်းကလို ဘုန်းတော်ကြီး တစ်ကျောင်းထဲမဟုတ်တော့ဘဲ ၊ နှစ်ကျောင်းဖြစ်သွားပါပြီ ၊ ဒက္ခိဏာရုံကျောင်းနဲ့ ၊ ဥတ္တရာရုံကျောင်းပါ ၊ တစ်ကျောင်းမှာ ရခိုင်ဆရာတော်တွေ သီတင်းသုံးတော်မူပြီး ၊ ဘိုးဘိုးတို့သိုက်တူးတုန်းက ရှိခဲ့တဲ့ ကျောင်းကတော့ အခုအခါ ဥတ္တရာရုံလို့ခေါ်ပါတယ် ၊

ဘိုးဘိုးတို့ခေတ်က ဆရာတော်ရဲ့တပည့်လို့သိရပါတယ် ၊ ယခု လက်ရှိဆရာတော်ကတော့ ဗမာဆရာတော်ဖြစ်ပါတယ် ၊ ကျွန်တော် မှတ်မှိသလောက် အနီးအနားဝန်းကျင် ရွာများကတော့ ၊ ကုန်းတန်းကလေးကျေးရွှာ ၊ ၆နံပါတ်ကျေးရွှာ ၊ လေးကုန်းကျေးရွှာဆိုပြီး အစဉ်လိုက်တည်ရှိပါတယ် ၊ အဲဒီလေးကုန်း ကျေးရွာထဲမှာပင် ၊ ဂျပန် ခေတ်က တည်ဆောက်ခဲ့တဲ့ တန်တရာ ဆန်စက်ကြီးရှိပါတယ် ၊ နံပါတ်ကတော့ ၆၁၉ ပါတဲ့ ၊ ရွာတွေအားလုံးဟာ ၊ဧရာဝတီမြစ်ရဲ့ မြစ်လက်တက်ကြီး တစ်ခုဖြစ်တဲ့ ၊ တိုးမြစ်၏ ကမ်းနဖူး တွင်တည်ရှိနေပြီး ၊ နွေအခါသမယမှာ အလွန်ပျော်ဖွယ်ရာကောင်းပြီး ၊ စပါးပင်နံလေး တသင်းသင်းရယ်နဲ့ရယ်ပါ ၊

စာဖတ်ပရိတ်သတ်ထဲက တစုံတစ်ယောက်ဟာ ၊ ထိုထိုရွာကလေးကို ရောက်ခဲ့မယ်ဆိုရင်ဖြင့် ၊ ဥစ္စာစောင့်နဲ့ သိုက်နန်းရှင်အဖြစ်အပျက် တကယ်ဖြစ်ပျက်ခဲ့တဲ့နေရာလေးဖြစ်တဲ့ ၊ မြသိန်းတန်စေတီနှင့် ၄င်းနဲ့ကပ်ရပ်က အလျားပေ၆၀ကျော် ၊ အနံ ၃၀ပေလောက်ရှိတဲ့ ရေကန်သာလေးကိုပါ ကြည့်ရှုခဲ့ပြီး ၊ ကျွန်တော်တို့မိသားစုရဲ့ ကုသိုလ်လေးကို အနုမောဒနာပြုပေးပါအုံးလို့ ပြောကြားရင်းနဲ့ ၊ ဥစ္စာစောင့်နှင့် သိုက်နန်းရှင်ဆိုတဲ့ ပိုစ့်လေးကို နိဂုံးကမ္ပတ်အဆုံးသတ်ပါရစေ ၊ အားလုံးရွှင်လန်းချမ်းမြေ့ ကြပါစေလို့ ငွေလမင်းတို့က ဆုတောင်းလိုက်ပါတယ် ၊ မင်္ဂလာပါခင်မျာ..။

ကျွန်တော်ရေးခဲ့တာ တော်တော်ကြာသွားပါပြီး ၊ စာဖတ်သူတို့ကိုညှင်းဆဲလိုလို့မဟုတ်ပါ ၊ မှတ်ထားတဲ့ စာအုပ်ဟာ အိမ်မှာကျန်ရစ်နေခဲ့လို့ပါ ၊ မှတ်စုစာအုပ်ကို DHLနဲ့ပို့ခိုင်းရပါ တယ်၊ကုန်ကျငွေဟာ ၆၅ဒေါ်လာဖြစ်ပါတယ် ၊ ကျွန်တော်၉တန်းကျောင်းသားလောက် ကတည်းက ရေးမှတ်ထား တဲ့ ဇာမဏီလို့ခေါ်တဲ့ ရုံးသုံးစာအုပ် လေးအုပ်ကို တအုပ်ထဲ ပေါင်းချုပ်ထားတဲ့ ၊ မှတ်စုစာအုပ်ကြီးပါ ၊ မှတ်ထားတဲ့အကြောင်းအရာတွေ များသမို့ ၊ ကောင်းတာလေးတွေကို ၊ ဘလော့မှာ ရေးတင်ရမယ်လို့ ၊ မဒမ်ငွေက ဆုံးဖြတ်ပါတယ် ၊ မဒမ်ငွေရဲ့ သြဇာအာဏာကို လုံးဝလုံးဝ မလွန်ဆန်နိုင်တဲ့ သနားစရာအလွန်ကောင်းသည့် မစ္စတာငွေလမင်းရဲ့ အရူးလွယ်အိတ်ပမာ ၊ ရေးချွတ်မှတ်သားထားသည့် ၊ စာတိုပေစတချို့ ကိုလဲ လာရောက်မျက်စိဒုက္ခခံကြပါအုံးလို့ ၊ အဘိယာစက ပြုလိုက်ပါရစေလားခင်မျာ ..။

ဥစ္စာစောင့်နှင့် သိုက်နန်းရှင် (၃ )

ထိုင်းလေယာဉ်ကွင်းထဲမှ အယုဒ္ဓယ နဂါးသိုက်နန်း ပုံ

ဥစ္စာငစာင့်နှင့် သိုက်နန်းရှင် (၁)ကို ဒီမှာဖတ်ရန် 

ဥစ္စာစောင့်နှင့် သိုက်နန်းရှင်(၂)ကို ဒီမှာဖတ်ရန် 

 

သိုက်တူးတဲ့နေရာမှာ အားလုံးက သတိဘဲ သတိမြဲရတယ် ၊ ဘာကိုမှ စိတ်ထဲမထားရဘူး သရဲသဘက်တို့ ဘာတို့ဆိုတာလဲ ကြောက်လို့မရဘူး ၊ ဘိုးဘိုးတို့ ခေတ်တုန်းက လူတွေ ကသတ္တိတကယ်ရှိကြတယ် ၊ အပျင်းပြေ သရဲနဲ့နပမ်းလုံးတဲ့ လက်ပံတန်းက ဦးသန်း တင်ဆိုတာ ဘိုးဘိုးကိုယ်တွေ့မြင်ခဲ့တာ အဲလိုသတ္တိဗျတ္တိ ပြည့်စုံတဲ့လူတွေကြီး စုထားတာ သိုက်တူးတာက တစ်ယောက်မှားတာနဲ့အကုန်ဒုက္ခဖြစ်နိုင်တယ် ၊ ဒါကြောင့် သိုက်တူးတဲ့ လူအားလုံးဟာ သတ္တိရှိကြရတယ် ၊ တူးတဲ့နေ့က လကွယ်ညကြီးကွယ် သန်းခေါင်ကျော် တော့ ဘိုးဘိုးတို့ အကုန်လုံး အကျီတွေချွတ်ထားရတယ် ၊ ကိုယ်လုံးတီးတွေ ပုဆိုးတွေကို ခါးတောင်းမြောင်အောင် ကျိုက်ပြီး ကြိုးစီးထားရတယ် ၊ နောက်ပြီး အိတ်တစ်ယောက် တစ်လုံးစီနဲ့ မတ်တပ်ရပ်နေရတယ် ၊ ဆရာက ဘိုးဘိုးတို့ ပါးစပ်ထဲကို ဆေးလုံးတစ်လုံး စီလိုက်ခွံ့တယ် ၊ အဲဒီဆေးလုံးတွေ ဗိုက်ထဲရောက်ကတည်းက နာလိုက်တာ ၅မ်ိနစ်လောက် ၊ ပြီးတော့ဆရာက သိုက်နန်းရှင်ကို လိပ်ပြာချုပ်လိုက်တယ် ၊ ဘိုးဘိုး လိပ် ပြာချုပ်တာဆိုတာဘာလဲ။


လိပ်ပြာချုပ်တယ်ဆိုတာက ရန်ကုန်မှာ လူဖြစ်နေတဲ့ ဒီသိုက် နန်းကို စောင့်တဲ့ သိုက်နန်းရှင်မကို မေ့မြောသွားအောင် ဂါထာတွေ မန္တာန်တွေနဲ့ လှမ်းလုပ် လိုက်တာ ၊ အဲဒီတော့ အဲလူက ဘာဖြစ်သွားလဲ သူကအိပ်ပျော်သွားတာပေါ့ ၊ ညကြီးမအိပ် ဘူးလား ၊ အိပ်တာပေါ့ ညကြီးလူတိုင်းအိပ်တာပေါ့ ၊ အခုလိုဂါထာတွေ မန္တာန်တွေနဲ့ သိပ်လိုက်ရင် ပုံမှန်အိပ်တာနဲ့မတူတော့ဘူး ၊ ပုံမှန်အိပ်နေရင် သူ့ရဲ့အစောင့်အရှောက် တွေက သူ့ကိုအိပ်မက်နဲ့ သွားပြောကြတယ် ၊ အဲလိုအခါမှာ သူကအခြားသိုက်နန်းက အစောင့်အရှောက်တွေကို အကူအညီတောင်းပြီး သူ့သိုက်ကို တူးနေတဲ့လူတွေကို ဒုက္ခပေးနိုင်တယ်။


အဲဒါကြောင့် သူ့ကိုအဲလို ကူညီတောင်းခံလို့မရအောင် လိပ်ပြာကိုချုပ် ထားလိုက်တာ အဲလိုလုပ်ပြီးသွားရင် သူ့လိပ်ပြာကို ဆရာက ယွန်းကွမ်းအစ်ထဲထည့်ထား လိုက်တယ် ၊ လိပ်ပြာကိုလား အင်းပေါ့ သူ့လိပ်ပြာကို ၊ ဒါဆိုလိပ်ပြာက အကောင်လား အဘိုးရဲ့ ဘယ်ကသာမြေးရယ် အကောင်မဟုတ်ပါဘူး ၊ ချည်ခင်လေး တစ်ခုပါဘဲ ၊ အဲဒီချည်ကို သိုက်နန်းရှင်အမည်တပ်ပြီး ထည့်ထားလိုက်တာပါ ။ သိုက်တူးပြီးသွားရင်တော့ အဲဒီချည်ခင်လေးကို အပြင်ပြန်ထုတ်လိုက်တယ် ၊ ဒါဆို သိုက်နန်းရှင်က အိပ်မောကျရာက နေနိုးနေပြီ ၊ သူလဲဥပဒ်မဖြစ်တော့ဘူးကွယ် ။

 လိပ်ပြာလဲချုပ်ပြီးရော ဆရာက မနေ့ညက ဆေးနွားချထားတဲ့ နေရာကို သွားပြီး ဂါထာမန္တန်တွေ ရွတ်လိုက်ပြီး ဆေးလုံး တစ်လုံး ပြစ်ချလိုက်တယ် ၊ နောက်တစ်ခါ လဲ အဲလိုလုပ်ပြီး ထပ်ပြစ်ချလိုက်တယ် ၊ အဲဒီချိန်မှာ မြေးရေ ဘယ်ကမှန်းမသိဘူး ကြက်သံကြီး ကတော် ကတော်နဲ့ဆိုတာ နားကွဲမတတ်ဘဲ ၊ ဆရာက အဘိုးတို့ကို လှည့်မကြည့်တော့ဘူး သူ့အလုပ်ကို သူလုပ်နေတယ် ၊ မြေကြီးတွေ ဆိုတာ တုန်လိုက်တာ ဟီးဟီး ထနေတယ် ၊  ဘိုးဘိုးတို့က မကြောက်ကြဘူး ဒါတွေကဖြစ်တတ်တယ်လေ၊ သိပ်ကြာပါဘူး နွားသိုးကြီးလောက် အရပ်အမောင်းလောက်ရှိတဲ့ ကြက်ကြီး တစ်ကောင် ဆရာဘေး တစ်လံကွာလောက် ရောက်လာပြီး နုတ်သီးနဲ့ မြေကြီးကို ပေါက်လိုက်တာ ဆိုတာနားကွဲမတတ်ဘဲ ၊ သူလဲပေါက်ပြီးရော ဆရာက မန္တာန်တွေ ရွတ်တယ်။


အဲဒီအချိန်မှာ မြေကျွင်းကြီးက တဖြေးဖြေးနတ်လာပြီး ၊ တံခါးကြီး တခုပေါ်လာ တယ် ၊ ဘာတံခါးတုန်း ဘိုးဘိုး သိပါဘူးကွယ် သစ်သားတံခါးလိုလို ကျောက်တံခါးလိုလို ဟာပါ ၊ ဘိုးဘိုးဆရာက တွင်းဝလဲရောက်ရော နောက်ထပ်ဂါထာတွေ ရွတ်တယ် ၊ အဲဒီအချိန်မှာ ခုနက ကြက်ကြီးက ကြက်ဖတွန်သလို ဆွေးဆွေးမြေ့မြေ့ကြီးတွန်ပြီး ၊ သူ့နုတ်သီးနဲ့ ၊ တံခါးခြေရင်းကို ခေါက်တယ် ၊ ခြေထောက်တွေကလဲ ယက်တယ် မြေဆံတွေဆိုတာ တဖွားဖွားဘဲ ၊ ဆရာက ဘိုးဘိုးတို့အရှေ့မှာ ကြက်ကြီးက ဆရာ့အရှေ့မှာ ၁၀မိ နစ်လောက်မှာ “၀ုန်း” ကနဲ အသံကြီးနဲ့ တံခါးကြီးပွင့်သွားတယ် ၊ အဲလိုပွင့်သွားရော ဆရာ ကကြက်ကြီးရဲ့ ကျောကုန်းကို လက်ထဲမှာပါတဲ့ ကြိမ်လုံးလေးနဲ့ တို့လိုက်တယ် ၊ ကြက်ကြီးက ရူးရူးနဲ့ အသံကြီးဟာ နွားသိုးတွေ ခွေ့ခါနီး အသံပေးသလိုကြီး ၊ ကြက်ကြီးက ကြိမ်နဲ့လဲ တို့လိုက်ရော မလှုတ်မယှက်ကြီး ဖြစ်သွားတယ် သိလား ၊ ကျောက်ရုပ်ကြီးလိုဘဲ ၊ ဒါပေမဲ့ ရူးရူးရှဲရှဲ အသံတွေကတော့ ထွက်နေသေးတယ် ၊ မျက်လုံးကြီးက ခရမ်းချဉ်သီး အမှည့်ကြီးလို နီရဲပြီး နေတယ် ၊ အဘိုးတို့ အားလုံးကို အထဲဝင်ဖို့ ဆရာက ကြိမ်ကိုဝင့် ပြတယ် ၊ အဘိုးတို့ အားလုံး အထဲကိုဝင်လိုက်တယ် ။

ဘာတွေတွေ့တုန်း ဘိုးဘိုး အထဲမှာ တိုက်ခန်းတစ်ခန်းလောက် အကျယ်အ၀န်းနဲ့ နေရာထိုင်ခင်းလေး တွေ့တာပေါ့ကွယ် ၊ နေရာလေးက နေချင်စဖွယ်လေးပါကွယ် ၊ အကောင်ကြီးတွေကများ ကြောက်စရာကောင်းလိုက်ပုံ ၊ သွားတွေဖြဲပြ ၊ ပြူးပြနဲ့ လူကိုချောက်ခြားအောင် လုပ်နေကြတာ၊ လူတွေကလဲ သတ္တိရှိတာက တစ်ကြောင်း နောက်ပြီးတော့ အပြင်မှာကတည်းက ဆရာက မှာထားတာက တစ်ကြောင်း အဲလိုကြောင့်မကြောက်ကြပေမဲ့ တခါတရံ ဟီးဟီး ဟင်းဟင်းအသံတွေဟာ နားနားမှာ ကပ်ကပ်ပြီးအော်နေသလိုဘဲ ၊ သူတို့ကို ဆရာက ဂါထာတွေ မန္တာန်တွေနဲ့ တုတ်နှောင်ထားတယ် ဆိုပေမဲ့ အသံတော့ ထွက်ရသေးတယ်ကွယ်။


လူကိုကြိုးတုတ်ထားရင် ပြောင်ပြလိုရသလို ပါးစပ်ကနေ ဟိုအော်ဒီအော် အော်လို့ရသလိုမျိုးပေါ့ကွာ ၊ သူတို့လဲ လှုပ်လို့မရအောင် တုတ်ထားပေမဲ့ ပါးစပ်တို့ မျက်နှာတို့က အော်လိုက် ကြောက်အောင်ခြောက်လိုက်အဲလိုလုပ်နေကြတာ ၊ ဘိုးဘိုးတို့က မကြောက်ကြပါဘူး ၊ တချို့လိပ်ပြာငယ်တဲ့လူတွေက အဲဒါတွေကိုမြင်ရင် သွေးရူးသွေးတန်းဖြစ်ပြီး ၊ ခုနက စည်တော်ကျိုးမောင်းလေးကို ယောင်ပြီးတီးတတ်ကြတယ် ၊ ဒါကြောင့် ဆရာက မောင်းလေးရှေ့မှာ သွားပြီးရပ်နေတယ် ။


အဲဒီမောင်းလေးရဲ့ ဘယ်ညာတစ်ဖက်စီမှာ လောင်းလှေလေးတွေတွေ့တယ် ၊ တစ်ဆယ့်ခြောက်စီးရှိတယ် တစ်ဖက်ကို ရှစ်စီးက ရွှေရောင်လေး နောက်ရှစ်စီးက ငွေရောင်လေး ၊ အဲဒီလှေတွေရဲ့ အနောက်မှာ သုံးထောက်ချွန် သေတ္တာလေးတွေများကြီးကွယ်၊ ဘယ်လိုသေတ္တာလဲ ဘိုးဘိုး၊ မင်းပိရိမစ်တွေကိုမြင်ဖူးတယ်မလား၊မြေးလေး မြင်ဖူးပါတယ် ၊ အေးအဲလိုသေတ္တာလေးတွေ အများကြီးဘဲ ၊ ဆရာက လက်ညိုးထိုးပြလိုက်တာနဲ့ ဖိုးဖိုးတို့က အဲဒါတွေကို မလိုက်တယ် ၊ အထဲမှာ ရတနာရှိမှန်းတော့သိတယ် ဒါပေမဲ့ ဖွင့်မရဘူး ၊ ပြောရမယ်ဆိုရင် သွန်းထားတဲ့အတိုင်းဘဲ ဘယ်နားမှာမှ အစအန ရှာမရဘူး ၊ ဆရာ့ကို ဖွင့်မရကြောင်း မျက်ရိပ်မျက်ကဲပြလိုက်တော့ ဆရာက သူ့ကြိမ်လုံးလေးနဲ့ အနားမှာရှိတဲ့ ဒီသိုက်ရဲ့ အစောင့်အရှောက် အကြီးအကဲလိုထင်ရတဲ့ သဘက်ခေါ်မလားမသိဘူး လူလိုလို ၀က်လိုလို နားရွတ်ကြီးနှစ်ခုက တစ်ခုကိုခင်းပြီး တစ်ခုကိုခြုံသလိုလုပ်ပြီး တုန်းလုံးလှဲနေတဲ့ အကောင်ကြီးကို ဆရာက ကြိမ်လုံးလေးနဲ့ တို့လိုက်ရော သေတ္တာလေးတွေက အလိုလို ပွင့်တယ်ကွယ် ဂျုတ်ကလေးတွေလိုဘဲ တစ်ခုခြင်းပွင့်သွားတာ ဖိုးဖိုးတို့က အဲဒီအထဲက ပစ္စည်းတွေကို နှိုက်ယူကြရတယ် ဆရာပြောတာကတော့ သိုက်စောင့်ကြီးက သူ့ပစ္စည်းတွေကို ဂါထာနဲ့ ပိတ်ထားတယ်ဆိုဘဲ ဆရာကကြိမ်နဲ့ရိုက်တော့မှ သူကဖွင့်ပေးတာလို့ ဆိုတယ်ကွယ်။


အားလုံးပါတဲ့ အိတ်ကိုယ်စီနဲ့ ထည့်ပြီးရော အဖိုးတို့အထဲမှာ ပါတဲ့ ငရွှေ ဆိုတဲ့ ရခိုင်တစ်ယောက်ဟာ စိတ်ဖောက်ပြီး ဟေးဟေးဟေးဆိုပြီး အသံနက်ကြီးနဲ့ထအော်တယ် ၊ ဒီအခန်းလေးထဲမှာ ဒီလိုအသံဟာ အရမ်းကျယ်လောင်တယ် ၊ ကျန်တဲ့လူတွေကလဲ အားလုံး သတိရှိကြတော့ အော်နေတဲ့ ငရွှေကို လှမ်းအကြည့် ငရွှေက မောင်းအရှေ့မှာ ရပ်နေတဲ့ ဆရာဆီကို တဟုန်ထိုး ပြေးသွားတယ် ၊ ဘာလို့လဲဟင်ဘိုးဘိုး သိုက်ထဲမှာ ကိုယ့်အလုပ်ကိုယ်မလုပ်ဘဲ ဟိုငေးဒီငေးငေးရင်းက မဖွယ်မရာတွေ မြင်ပြီး စိတ်ဖောက်ပြန်သွားတာလေ ၊ စိတ်ဖောက် ပြန်သွားတော့ သိုက်စောင့်ရှောက်တဲ့ သတ္တ၀ါတွေဟာ ပြိတ္တာဆိုပေမဲ့ ကမ္မစိတ္တိရှိတယ် ဘာလဲ ကမ္မစိတ္တိဆိုတာ အော် တန်ခိုးကိုပြောတာပေါ့ တန်ခိုးကြီးနဲ့ နတ်ဗြဟ္မာတွေလိုတော့ ဟိုဟာဖန်ဆင်း ဒါဖန်ဆင်းနိုင်တဲ့ တန်ခိုးမျိုး မဟုတ်ပါဘူး၊ သူ့တို့ရဲ့ ကုသိုလ်အလျှောက်ဖြစ်တဲ့ သူတပါးစိတ်ကို ညို့နိုင်တဲ့ တန်ခိုးမျိုးကိုဆိုလိုတာပါကွယ်။ 


လူတွေတောင် စိတ်ပညာတတ်တဲ့ လူက စိတ်ပညာမတတ်တဲ့ လူကိုညို့လို့ ရတယ်မဟုတ်လား ၊ လူတွေကစိတ်ကိုညို့လို့ရအောင် ကျင့်ထားရတာ ၊ သူတို့က ကျင့်စရာမလိုဘူး ၊ ကုသိုလ်အလျှောက်ဖြစ်တာ ၊ လူဆိုတဲ့ အမျိုးက ကြောက်ရင်စိတ်ညို့လို့ သိပ်ကောင်းတာမျိုးကွယ့် ငရွှေက စလာကတည်းက အဲလိုဟိုငေး ဒီငေးဆိုတော့ ကြောက်စိတ်ဝင်သွားပုံဘဲ ၊ ဘိုးဘိုးတို့ကတော့ ဆရာကိုလဲယုံတယ် ၊ စကားကိုလဲနားထောင်တယ် ဘယ်မှမကြညဘူး ကြည့်မှိရင်လဲ ၊ ခနဆိုခေါင်းငုံ့ပြီး ကိုယ့်အလုပ်ကိုယ်ပြန်လုပ်တာဘဲ ၊ ဆရာက အပြင်မှာကတည်းကမှာထားပြီးသားဘဲ ၊ သူတို့တွေဘာမှ မလုပ်နိုင်ပါဘူးဆို ၊ ငရွှေက အဲလိုမယုံဘူးလေ ဟိုက ချောက်လှန့်နေတာကို စိတ်ဖောက်ပြန်သွားတာ ၊ အခုတော့ စိတ်ပါအညို့ခံရပြီး ဆရာရပ်နေတဲ့ မောင်းလေးနားကို ဟေးဟေးဟေး ဆိုတဲ့ အသံနက်ကြီးအော်ပြီး ပြေးသွားတယ်။

ဆရာဟာ အင်မတန်သတိရှိတယ် ၊ ဟဲ့ငရွှေ လုပ်စရာရှိတာလုပ်စမ်း လို့အမိန့်ပေးပေမဲ့ ငရွှေဟာ လူစိတ်ပျောက်ပြီး ဆရာဆီကို မျက်လုံးပြူးကြီးနဲ့ သရဲသဘက် စီးသလို အတင်းဝင်တယ် ၊ အဘိုးတို့အားလုံးဟာ ဆရာဆီအပြေး ဆရာရှေ့ရောက်တော့ ငရွှေဟာ တုန်းလုံးကြီးလဲနေတယ် ၊ သူ့ကိုဆရာက လည်ပင်းက အကြောတစ်ခုကို ဖြတ်ကနဲ့ နှိပ်လိုက်တာ ငရွှေ သတိလစ်ပြီး အော်တောင်မအော်နိုင်တော့ဘူး ၊ အဘိုးတို့တတွေ အထုပ်ကိုယ်စီနဲ့ ပြန်ထွက်လာပြီး ၊ တစ်ယောက်က ငရွှေကို ထမ်းရတယ် ၊ အဘိုးတို့ သိုက်ကနေပြန်ထွက်လာတော့ ဟီးကနဲ့ အသံကြီးနဲ့ မြေကြီးတွေဆိုတာ သိမ့်သိမ့်ခါကုန်တယ် ၊ အဘိုးတို့တတွေ အပြင်ပြန်ရောက်တော့ အုံးကနဲ ခုနကနေရာကြီးဟာ ချိုင့်ကြီး ဖြစ်သွားတယ် ၊ ကောင်းကင်မှာ မီးရူးမီးပန်းလွှတ်သလိုမျိုး အလင်းရောင်တွေ ဖြာထွက်ကုန် တယ် ၊ ဆရာပြောတာကတော့ အဲဒါသိုက်မှာရှိတဲ့ အစောင့်တွေက ဆိုင်ရာပုဂ္ဂိုလ်တွေဆီ ပြန်သွားတယ်လို့ဆိုတယ်ကွယ် ။

ဘာတွေရလဲ ဘိုးဘိုး ငွေဒင်္ဂါးတွေ အများစုပါကွယ် ၊ ကျန်တာတစ်ခုနှစ်ခုက ရှေးခေတ် အသုံးအဆောင် လင်ပန်းလိုဟာလဲ ပါတယ် ၊ ကွမ်းအစ်ကြီးတစ်လုံးပါတယ် ၊ ရွှေအစစ်လို့ထင်တယ် ၊ မှတ်မှတ်ရရရှိတာတစ်ခုကတော့ ၊ ညာတကုတ်လို့ခေါ်တဲ့ ဘုရားဆင်းတုနဲ့ ဆင်တူတဲ့ ပစ္စည်းလေးပါကွယ် ၊ ညာတကုတ်ဆိုတာ ဘုရားတော့မဟုတ်ဘူးကွဲ့ ဒါပေမဲ့ မသိရင် ဘုရားဆင်းတုလိုဘဲ ၊ ဘုန်းကြီးတွေ သင်္ကန်းက ဘယ်လက်ပေါ်ကိုတင်တယ်နော် မြေး ၊ ညာတကုတ်ဆိုတာကတော့ ညာဖက်ကိုသင်္ကန်းတင်ထားတဲ့ ရဟန်းလိုလိုဘုရားလိုလို အရုပ်လေးပါကွယ် ၊ အဲဒီအရုပ်လေးဟာ တစ်လက္မလောက် ထုရှိတဲ့ သံချောင်းတွေကိုတောင် အရုပ်လေးနဲ့ ထိလိုက်ရင် ပြတ်ထွက်သွားတယ်။


ရှေးကသံဝဇ္ဖာ ပဒ္ဒါးဝိဇ္ဖာတွေရဲ့ ဂမ္ဘီရ ပစ္စည်းတစ်ခုပါကွယ် ၊ ကြေးနဲ့လုပ်ထားတာပါ ၊ ကြေးဆိုတာ အနီ + အ၀ါ စသဖြင့်သာ သိကြပေမဲ့ ဒီညာတကုတ်လေးကိုတော့ ကြေးနက်နဲ့လုပ်ထားတာ ၊ ဘာလိုလဲ ဘိုးဘိုး ကြေးနက်က ကြေးနီကြေးဝါတွေကို အဂ္ဂိရက်ပညာတွေနဲ့ အပူပေးပြီး အရောင် ပြောင်းအောင်လုပ်လိုက်ရင် ကြေးအနက်ဖြစ်သွားတယ် ၊ လူတိုင်းလုပ်လို့မရဘူးကွယ် ၊ အဂ္ဂိရက်ပညာကို ပါရဂူမြောက်တတ်နေမှ လုပ်လို့ရတယ် ၊ ဒါကြောင့် ဒီအရုပ်ကို လုပ်သွား သူတွေဟာ ၀ိဇ္ဖာတွေလို့ အဘိုးပြောတာကွယ် ၊ ကြေးနက်တာကို ဘိုးဘိုးက ဘယ်လိုသိ တုန်း ၊ သိတာပေါ့ကွယ် စာထဲမှာဖတ်ဖူးတာပေါ့ ၊ ကြေးနီ+ကြေးဝါတွေဟာ ပင်ကိုယ်အ ရောင်အတိုင်း အနီ + အ၀ါ ဖြစ်သလို ကြေးနက်ဖြစ်တဲ့ ညာတကုတ်ကလဲ အနက်ရောင် လေးပါကွယ် ၊ သူ့ကိုသံချောင်းနဲ့ ခြစ်လိုက်တဲ့အခါ ခြစ်လိုက်တဲ့အတိုင်း အ၀ါရောင်က လေးပေါ်လာတယ် ၊ ချက်ခြင်းဆိုသလို အနက်ရောင်လေး ပြန်ပြောင်းသွားတယ် ၊ ဒါကတော့ ညာတကုတ်ခေါ်တဲ့ ဂမ္ဘီရပစ္စည်းလေးပေါ့ကွယ် ၊ သူဟာရတနာ ပစ္စည်းမဟုတ် ပါဘူး ၊ ကာယသိဒ္ဓိအတွက်လုပ်ထားတဲ့ အဘိုးတန် ဂမ္ဘီရ အဆောင်ယောင်တစ်ခုပါ ။

 ဒီနားမှာ သူနဲ့နာမည်တူ ရတနာတစ်ခုအကြောင်းကိုလဲ  စပ်စပ်ပြီး ပြောပြအုံးမယ်ကွဲ့ အဲဒါကတော့ ရတနာပစ္စည်းပါ သီတဂုတ်လို့ခေါ်တယ် ပြောပြအုံးမယ် ၊ ဘိုးဘိုးလက်စွပ်ကို ကြည့်စမ်းအနီရောင်တောက်နေတယ် တွေလား ၊ အဲဒါပတ္တမြားလပ်စွပ်ကွဲ့ ၊ ပတ္တမြားဟာ ရတနာတွေ ထဲမှာ ဒုတိယ တန်ဘိုးကြီးပစ္စည်းဘဲ တွင်းထွက်ပစ္စည်းကွဲ့ ၊ အခုပြောမဲ့ သီတ ကုတ်ဆိုတာလဲ ပတ္တမြားနွယ်ဝင်တဲ့ ပစ္စည်းတစ်ခုဘဲ ၊ ပတ္တမြားတော့မဟုတ်ဘူး သို့သော် အရောင်ကို ကြည့်ပြီး ရှေးလူကြီးများက ပတ္တမြားနွယ်ဝင်လို့ သတ်မှတ်ကြတယ် ၊ ဘိုးဘိုးလဲ သိတာမဟုတ်ဘူး ပုဂံဝန်ထောက်မင်းကြီး ဦးတင် ရှင်းပြဖူးတာ မှတ်သားထားတာဘဲ။ 


လွတ်လပ်ရေးမရခင် သုံးနှစ်အလိုလေးနှစ်လောက်က ဗိုလ်ချုပ်အောင်ဆန်းရယ် ၊ ဒီဒုတ်ဦးဘချိုရယ် ပျော်ဘွယ်က ဆရာမြရယ် ဘိုးဘိုးရယ် အဝေးရောက် မင်းကြီးဦးအောင် ဆီကို ပေထုတ်တွေ နိုင်ငံတော်စာကြည့်တိုက်လုပ်ဖို့ အလှူသွားခံကြတယ် ၊ အဲဒီအချိန်က အဝေးရောက်မင်းကြီးဟာ စစ်ကိုင်းမှာ ကျန်းကျမ်းမာမာရှိသေးတယ် ၊ အဝေးရောက် မင်းကြီးဆိုတာက မြန်မာဘုရင်တွေ လက်ထက် မင်းနေပြည်တော်နဲ့ဝေးတဲ့ဒေသတွေမှာ ဘုရင့်ကိုယ်စားသွားပြီး အုပ်ချုပ်တဲ့လူတွေကို အဝေးရောက် မင်းကြီးခေါ်တယ် ၊ မင်းကြီးဟာ စာပေပညာရှင်ဖြစ်လို့ စကားပြောရင် အင်မတန်မှ မှတ်သားဖို့ကောင်းတယ်။ 


ဒီဒုတ်ဦးဘချိုက သီတဂုတ်အကြောင်းမေးတော့ သူပြောပြတာက လူတွေပစ္စည်း မဟုတ် ဘူးတဲ့ သီတဂုတ်ဆိုတာ တန်ခိုးရှင်တွေ ဒါမှမဟုတ်ရင် အဂ္ဂိရက်ဝိဇ္ဖာတွေ ဖန်တီးခဲ့တဲ့ ပစ္စည်းလို့ ပြောတယ်ကွယ် ၊ အရောင်ဟာ အပြင်ကိုဖြာထွက်နေတတ်တယ် သူ့ကို အမှောင်ထဲမှာ ထားလိုက်ရင် သူရဲ့အနီရောင်က တစ်ပေပတ်လည်လောက်ကို ဖြာထွက် တယ် ၊ ဒန်အိုးတစ်လုံးထဲကို နို့သုံးပိဿာလောက် ထည့်ပြီးအဲဒီ သီတဂုတ်ဆိုတာလေးကို ထည့်လိုက်ရင် ဒန်အိုးတစ်ခုလုံး ရဲရဲတောက်တယ် ၊ ဂွမ်းတွေနဲ့ ထားလိုက်ရင်လဲ အဲဒီ သီတဂုတ်ဟာ ဂွမ်းဆိုင်ကြီးကို နီရဲသွားစေတယ် ၊ အဲဒါသီတဂုတ်ဘဲ ၊ သူကပတ္တမြားလို အရောင် သို့သော် သူ့မှာအကွက်မပါဘူး ၊ လူကြီး လက်သဲခွံလောက် သာသာရှိတယ်  ပုံသဏ္ဍာန်က အခွံ့နွာပြီးသား ငုံးဥကိုထက်ခြမ်းခွဲထားသလို အောက်ပိုင်းကညီနေတယ် အဲဒါကတော့ သီတကုတ်ပေါ့ကွယ် ၊ အိုးဖိုးဖိုးမြင်ဖူးသလား သီတကုတ်ကို သိပ်မြင်ဖူးတာပေါ့ကွယ်။ 


ရှမ်းပြည်မှာ အဲဒီသီတဂုတ်ပိုင်တဲ့ လူနဲ့တောင် ဘိုးဘိုးက ရင်းနှီးတယ် ၊ ဒါနဲ့ သီတကုတ်ရဲ့ တန်ဘိုးက ဘယ်လောက်လဲ ပြည်တန်တဲ့ပတ္တမြား နဲ့တန်ဘိုး ဘယ်လိုကွာတုန်းဟင် ၊ အဝေးရောက်မင်းကြီးရဲ့ စကားအရ ပြည်တန် ပတ္တမြားတောင် သီတဂုတ်ကိုလေးပုံ ပုံလို့ တစ်ပုံရဲ့ တ၀က်ဆိုရင်တောင် မပြည့်မှီဘူးလို့ သီပေါဘုရင်လက်ထက်က တောင်ခွင် သာသနာပိုင် ဆရာတော်ကြီးက မိန့်တော်မူခဲ့သတဲ့ ၊ အဲလောက် တန်ဘိုးကြီးတာကြီးကို ဘယ်သူကပိုင်တာတုန်း ၊ သူကသူဋ္ဌေးလား အိုးသူဋ္ဌေး ပေါ့ကွယ် ဘယ်လောက်ချမ်းသာတုန်းဆိုရင် ဂျော့ဘုရင်မင်းမြတ်ကတောင် ဆာဘွဲ့ပေး ထားရတဲ့သူဋ္ဌေးဗျ သီပေါစော်ဘွား ဆာစောချယ်ဆိုတာလေ မြေးကိုသင်ပေးထားတဲ့ မိုးဒေ ၀ါသီချင်းရေးတဲ့ အလကာင်္ကျော်စွာ ဒေါ်စောမြအေးကြည်ရဲ့ သားတော်တယ်လို့ ပြောလို့ ရတယ် ။


မြန်မာမင်းလက်ထက်က သီပေါစောဘွားကြီးရဲ့ ဇနီးလေ ၊ အခုဆာစောချယ်ဟာ ဒေါ်စောမြအေးကြည်ရဲ့ ယောကျာ်း ယခင်သီပေါစော်ဘွားကြီးရဲ့ သားတော်ပေါ့ ၊ အဲဒီဆာ စောချယ်ဟာ ဘိုးဘိုးတို့ကို သူနေခဲ့တဲ့ အခုပင်လုံ ခေါ်တယ် ၊ အရင်က လဲချားလို့ခေါ်တဲ့ မြို့တော်မှာ သူရဲ့ဟော်နန်းမှာ ခုနကပြောသလို သရုပ်ပြခဲ့ဘူးတယ် ၊ ဒါကြောင့် ဘိုးဘိုးက မြင်ဖူးနေတာကွယ် ။

အိုးနေအုံး ဘိုးဘိုး ညာတကုတ်ကရော တန်ဘိုးတော့ကြီးတယ် မြေးရယ် ညာတကုတ်က ရတနာပစ္စည်း မဟုတ်ဘူး ကာယသိဒ္ဓ်ိပစ္စည်းကွဲ့ ၊ ဒီညာတကုတ် ကိုဆောင်ထားရင် ဆောင်ထားတဲ့လူကို ဘာမှလုပ်လို့မရတော့ဘူး ၊ ဓါးနဲ့ခုတ်ရင် ဓားကို ကျိုးထွက်သွား တာ ၊ ခွေတာတို့ အသွားပဲ့တာတို့မဟုတ်ဘူး ထက်ပိုင်းကိုပြတ်ထွက်သွားတာ ရေဒီယိုပေါ်ကို သစ်သားဗူးတစ်ခုနဲ့ တင်လိုက်ရင် အသံတိတ်သွားတယ် ၊ လူမှာကပ်ပြီး ဓာတ်မီးလိုဟာနဲ့ ထိုးလိုက်ရင် အဲဒီဓာတ်မီးက မီးမလင်းတော့ဘူး အဲလိုစွမ်းလို့ တန်ဘိုးမကြီးပေမဲ့ အဖိုးတန်ပစ္စည်းတစ်ခုပါဘဲ ။ 


ဘိုးဘိုးအဲဒီ ညာတကုတ်လေးက အခုဘယ်ရောက်သွားလဲ ဆရာဟာ ဆုံးခါနီးတော့ သူ့သမက် မဟာဗောဓိဆရာကြီး ဦးမြတ်သာကို ပေးခဲ့တယ် ၊ ဦးမြတ်သာကနေ ဧရာဝတီတိုင်း ဓနုဖြူမြို့က ရွှေရင်ကျော်ဂိုဏ်းကိုတည်ထောင်တဲ့ ဘိုးတော်ဟန်ကိုပေးခဲ့တယ် ၊ ဘိုးတော်ဟန်မရှိတော့ အခုပဲခူးတိုင်းထဲက မြစ်သာကျွန်း ကျေးရွှာမှနေတဲ့ စက္ကဗျုဟသိုင်းဂိုဏ်းကို တည်ထောင်တဲ့ ဆရာ အောင်သောင်းစီမှာလို့ နောက်ဆုံးသိရတာဘဲကွယ် ၊ ဒါကြောင့် ဆရာသောင်းကို ဓားနဲ့ဘယ်သူမှ မခုတ်နိုင်တာ ထင်တယ် ၊ ဟားဟားဟား ဆိုပြီး အဘိုးကသူ့ဘာသာ သူသဘောတွေ ကျနေပါတယ် ။

ဇာတ်သိမ်းပိုင်းကိုမျှော်….

အသိအမှတ်ပြုတာခံချင်တယ်

“  It’s the essence of peinus to make use of the simplest of ideas. အစွမ်းအစ ရှိသူတွေရဲ့ အနှစ်သာရဟာ သာမန်အကျဆုံး စိတ်ကူးလေးများကို အသုံးတည့် အောင်ပြုလုပ်နိုင်ခြင်းပဲ ဖြစ်တယ်။ ”

လူဆိုတဲ့ အမျိုးဟာ အုပ်စုနဲ့ အစုအဖွဲ့နဲ့ နေတတ်တဲ့ ကွန်မြူနတီမျိူးပါ ၊ လူတစ်ယောက်ရယ်လို့ ဖြစ်လာရင် ၊ ဆိုင်ရာ အဖွဲ့စည်းတစ်ခုထဲမှာ ကျင်လည်ရမှာတော့ မုချပါ ၊ ကျွန်တော်တို့တွေဟာ တခါတရံမှာ ၊ မိမိကျင်လည်နေတဲ့ ၀န်းကျင်က လူတွေကို တရံတခါ မျက်ကွယ်ပြုမှိတတ်ကြပါတယ် ၊ တမင်တော့ မျက်ကွယ်ပြုခဲ့ကြတာ မဟုတ်ပါဘူး ၊ သတိမထားမှိတာ ကြီး ကြီးမားမား မဖြစ်လာနိုင်ပါဘူးလို့ ထင်တာအဲလိုကနေ တစတစနဲ့ ၀န်းကျင်နဲ့ဝေးသွား တတ်သူတွေ ဖြစ်လာကြပါတယ်။

 တခါတရံမှာတော့ ၀န်းကျင်ဟာ ငါ့ကိုပြစ်ပယ်ထားတယ်လို့တောင် စိတ်ဖိစီးမှု မျိုးတွေ ဖြစ်လာတတ်ပါတယ် ၊ တကယ်တန်းတော့ ၀န်းကျင်က ပြစ်ထားတာမဟုတ်ပါဘူး ၊ ၀န်း ကျင်ကို ကျွန်တော်တို့က ပြစ်ထား ခဲ့ကြတာရယ်ပါ ၊ မိမိရဲ့ဝန်းကျင်ကို မိမိနဲ့တသားထဲ ဖြစ်အောင် လုပ်ဖို့ဆိုတာက ခက်လှတယ်မဟုတ်ပါဘူး ၊ သူတို့ကို အသိမှတ်ပြုပေးဖို့ပါ ၊ လူတိုင်းဟာ အသိ မှတ်ပြုတာတော့ ခံချင်ပါတယ် ၊ မြန်မာလူမျိုးများဟာ တစ်စုံတစ်ယောက်ကို စတင်ခင်မင်လာရင်တော့ ၊ ကျေးဇူးတင်စကားများ လှိုင်နေအောင် လောကွတ် ချော်တတ်ပါတယ် ၊ ရင်းနှီးကျွမ်းဝင်တဲ့ အခါမှာတော့ ဖာသိဖာသာ “ငါပိုင်ပါတယ်ကွာ”ဆိုတဲ့သဘောမျိုးနဲ့ နေတတ်ကြလို့ လူမှု့ရေးတွေ တအားဆုံးရှုံးသွားတဲ့ လူမျိုးတွေ အများကြီးတွေ့ခဲ့ဖူးပါတယ်။

အင်္ဂလိပ်လူမျိုးတစ်ယောက်နဲ့ စကားပြောကြည့်တဲ့အခါ သူက “မင်းတို့လူမျိုးတွေက ကျေးဇူးတင်ပါတယ် ဆိုတဲ့ စကားကို သိပ်မပြောကြဘူးနော်တဲ့” ဘာဖြစ်လို့လဲလို့ မေးကြည့်တဲ့အခါ  မင်းတို့ကို နေ့စဉ် ချက်ကျွေးနေတဲ့ မင်းတို့အိမ်ကအမေကို ထမင်းဝိုင်းမှာ အခုလို ချက်ကျွေးတာကို ကျေးဇူးတင်ပါတယ် လို့ပြောတာ ငါမမြင်ဖူးခဲ့ဘူးတဲ့ “မင်းကရော မင်းမေမေကို ပြောဖူးသလားတဲ့ ” ကျွန်တော်ပြုံးမှိပါတယ် ၊ ဒို့ကလဲ ဒို့ဘဲ ကျေးဇူးတင်ပါတယ်ဆိုတဲ့ စကားလုံးဟာ ဒို့လူမျိုးတွေအတွက် အရမ်းဆင်းရဲနေပါလားလို့ တွေးမှိပါတယ် ။

အသိအမှတ်ပြုတာခံချင်တယ်

တနေ့ ကျွန်တော် ပရောဂျတ်အဖွဲ့နှင့် လုပ်ငန်းအကောင်ထည်ဖော် ဆောင်ရွက်မူတွေ စစ်ဆေးနေစဉ် ဒီဇာတ်လမ်းလေး စခဲ့တာပါဗျာ ။ တစ်ခုသောနံနက်ခင်းမှာ ကျွန်တော်ဟာ ၀န်ထမ်းတစ်ဦးနဲ့ အတူ ကားပါကင်ကို ဖြတ်လျှောက်သွားတုန်းမှာ ပဲနိပိုက်ဆံ အကြွေစေ့လေး တစ်စေ့ကောက်ရမှိတယ် ။ အမှတ်မထင် နောက်ရွှတ်တဲ့ သဘောနဲ့ ပဲနိလေးကို အဖော်ဝန်ထမ်းကို ပေးလိုက်ရင်းက “ ခင်များရဲ့ ကြိုးစားအားထုတ်မှုတွေကို အသိအမှတ်ပြုတဲ့ အနေနဲ့ ချီးမြင့်တယ်ဗျာ ” အဲဒီဝန်ထမ်းဟာ ပဲနိလေးကို အိပ်ထဲထည့်လိုက်ပြီး ၊ “ကျေးဇူးတင်ပါတယ်ဗျား လို့ ” ပြန်ပြောခဲ့တယ် ။

နောက်ခြောက်လ အကြာ အဲဒီဝန်ထမ်းနဲ့ အတူ အခြားမြို့တစ်မြို့မှာ လုပ်ငန်း စစ်ဆေးရေးလုပ်နေ တုန်း ၊အဲလိုပဲ အမှတ်မထင် ပဲနိလေး တစ်စေ့ကောက်ရလို့ ပေးလိုက်ပြန်ပါတယ်ဗျာ ။ တနေ့ သူ့ရုံးခန်းကို အလုပ်ကိစ္စတစ်ခုနဲ့ ရောက်သွားတော့ ရုံးခန်းနံရံမှာ စက္ကူ အဖြူရောင် နောက်ခံထားပြီး ပဲနိစေ့လေး ၂စေ့ကို တခမ်းတနား ကပ်ထားတာတွေ့ရတယ် ၊ သူ့လုပ်ဆောင်ချက်ကို အသိအမှတ် ပြုတဲ့ အထိမ်းအမှတ်နဲ့ ချီးမြင့်လို့ ပြသထားတာလို့ ၀င့်ကြွားစွာပြောသေးတယ်ဗျ ၊ ဒီပဲနိစေ့လေးတွေ ချိပ်ဆွဲပြသထားတာကို မြင်ရတဲ့ အခြားဝန်ထမ်းတွေက သူတို့ရဲ့လုပ်ဆောင်ချက်ကိုရော ဘာဖြစ်လို့ အသိအမှတ် မပြုတာလဲလို့ မေးမြန်းကြတော့ တာပေါ့ဗျာ ။

ဒါနဲ့ပဲ ကျွန်တော်ဟာ ပဲနိစေ့ကို ထုတ်ပေးချီးမြင့်ရတဲ့ အလုပ်ကြီးကို စတင်ရပြီပေါ့ဗျာ ၊ အလုပ် ကျေပွန်စွာ ထမ်းဆောင်ခြင်းကို အသိအမှတ်ပြုတဲ့ သဘောဖြစ်ကြောင်း ၊ ဆုလာဘ်ချီးမြင့်ခြင်း မဟုတ်ပါကြောင်း ၊ ရှင်းပြရသေးတာပေါ့ဗျာ ၊ မကြာပါဘူး ၀န်ထမ်းတွေဟာ ကြော်ငြာ သင်ပုန်း ပေါ်မှာ ပဲနိစေ့ ဂုဏ်ပြုချက်ကို ချိတ်ဆွဲပြဖို့ တိုက်တွန်းကြပြန်ရော ၊ ပဲနိစေ့နဲ့ ယှဉ်ပြီး ရရှိသူ“သင့် လုပ်ဆောင်ချက်ကို အသိအမှတ်ပြုသည်” “သင့်ကြောင့်လုပ်ငန်း အောင်မြင်သည် ”စသဖြင့် စာကြောင်းတွေကို ဖော်ပြတဲ့ ဆိုင်းဘုတ်ပြားလေး တစ်ခုတီထွင် ဖြစ်ခဲ့တယ် ။

တခါတုန်းကဆိုရင် အမျိုးသင်္မီးငယ် ၀န်ထမ်းတစ်ဦးဟာ သူ့လုပ်ဆောင်ချက် မှန်ကန်တာကို ကျွန်တော် ပက်ပင်းတွေ့ကြုံခဲ့ရတော့ ပဲနိစေ့လေး လိုချင်ပြန်ပါရော ၊ ကျွန်တော်မှာလဲ အဲဒီတုန်းက အိတ်ထဲမှာ ပဲနိစေ့က မရှိတဲ့အချိန်ဖြစ်နေတော့ ကွာတားစေ့ (တကွာတား=၂၅ပဲနိ) ပေးလိုက်တယ် ၊ သူမက ၂၄ပဲနိ ပြန်အမ်းတယ်လေ ။ အဲဒါဟာ ကျွန်တော့် အလုပ်ဋ္ဌာနမှာ “ဂုဏ်ထူးဆောင် ပဲနိစေ့ဆု ” ပေါ်ပေါက်လာပုံ ဖြစ်ပါတယ် ။ ကျွန်တော်တို့ လုပ်ငန်းဋ္ဌာနမှာ ၀န်ထမ်းတွေရဲ့ ကောင်းမွန်သော လုပ်ဆောင်ချက်တွေကို အသိအမှတ်ပြုတဲ့ နည်းစနစ်ကြီးတစ်ရပ် ဖြစ်လာတာပေါ့ဗျာ .။

Gary Hruskaရဲ့ Your Work is Recognized ကိုပြန်ဆိုရေးသားပါသည် ။

တချို့သော ပညာတတ်များဟာ ၀န်းကျင်ကို အသိအမှတ်မပြုတတ်ပါ ၊ တချို့သော ဥစ္စာရှင်များလဲ ထို့အတူ ပြုမူတတ်ကြပါတယ် ၊ အရာရာကို တချို့က ပညာနဲ့ဆုံးဖြတ်ပြီး ၊ တချို့ကတော့ ဥစ္စာနဲ့ တန်ဘိုးဖြတ်ပါတယ် ၊ ကျွန်တော်နားလည် ထားတာကတော့ ပညာတတ်ရုံ ဥစ္စာရှိရုံနဲ့ အရာရာကို စီမံခန့်ခွဲနိုင်သည်မဟုတ်  ၊ ပညာ ၊ ဥစ္စာ ၊ ပေါင်းသင်းဆက်ဆံရေး စသော အကြောင်း တရားတွေ ညီညွတ်နေမှသာ အရာရာကို စီမံခန့်ခွဲ အုပ်ချုပ်နိုင်မယ်လို့ ယုံကြည်ပါတယ် ၊လူဘောင်လူ့ဘ၀မှာ ပုံစံအမျိုးမျိုးး အနေအထားအဖုံဖုံနဲ့ ဆိုင်ရာဝန်းကျင်မှာ ကျင်လည်ရမယ် ဆိုတာက တော့ကျွန်တော်တို့ လုံးဝငြင်းပယ်လို့မရပါ ။

 ကျွန်တော်တို့တွေ ဟာဝန်းကျင်ကိုမသိ ကျိုးကျွံ့ပြု၍ နေမှိတာဘဲဖြစ်ဖြစ်၊ သတိမေ့လျှော့ နေမှိခဲ့ တာဘဲဖြစ်ဖြစ် ရှိခဲ့ကြပါလိမ့်မယ် ၊ ဒါဟာ ကောင်းတဲ့အရိပ်နိမိတ် လက္ခဏာမဟုတ်ပါ၊ ၀န်းကျင်ကို တခုတ်တရ အသိ မှတ်ပြုပြီး နေထိုင်သွားခြင်းကပင် လျှင် ကောင်းမွန်သော အနာဂတ်အတွက် အကောင်း ဆုံးအထောက်အကူ ပြုနိုင်လိမ့်မယ်လို့ ကျွန်တော် ယုံကြည်နေပါတယ် ၊ ဒီစာလေးကို ဖတ်မှိကြတဲ့ တစုံတစ်ယောက်ဟာ ကျွန်တော်တို့နဲ့အတူ ဆိုင်ရာဝန်းကျင်ကို အသိမှတ်ပြုနေထိုင် သွားကြရအောင်ပါလို့ အဘိယာစက ပြုပါရစေလားခင်မျာ၊ အားလုံးရွှင်လန်း ချမ်းမြေ့ကြပါစေလို့ ငွေလမင်းတို့က ဆုတောင်းပါတယ် ။

(ကျွန်တော်ဒီရက်မှာ နဲနဲအလုပ်ရှုပ်နေတဲ့အတွက် ၊ ပိုစ့်တင်ကြဲနေတာကို သည်းခံကြပါလို့ အမြဲလာဖတ် ရူနေတဲ့ စာဖက်သူတွေကို တောင်းပန်ပါတယ် ၊ ကွန့်မင့်ပေးကြတဲ့ ဘလော်ကာ များ ကိုလဲ ငွေလမင်းတို့ ကျေးဇူးအထူးတင်ပါတယ် ၊ ငွေလမင်းတို့ မအားလို့လာမလည်နိုင်ခဲ့ရင်လဲ အပြစ်တော်မမတင်ဘဲ အချစ် တော်ဝင်ကြပါလို့ ဒီရက်ပိုင်းအတွင်း မဒမ်ငွေဟာ အလုပ်တအား ပင်ပန်းနေလို့ ဘလော့တွေလိုက် မဖတ်နိုင်ကြောင်း ပြောပြလာပါတယ် ၊ စာဖတ်သူများကို အခုလို ဖတ်လို့ရအောင် မဒမ်ငွေက ကျွန်တော့်ကို ဘာသာပြန်ခိုင်းနေတာပါ ၊ကျွန့်တော်အလိုဆိုရင် တော်တော်နဲ့ ရေးဖြစ်သေးမယ် မထင်ပါ ၊  ဒမ်ဒမ်ဟာ  စာဖတ်သူတို့ကို ကျွန်တော်ထက်တောင် အလေးထားလွန်းတဲ့ ဘလော်ကာတစ်ဦး ဖြစ်သလို အလွန်ချစ် စဖွယ်ကောင်းတဲ့ ချစ်ဇနီး လောင်းလေး ဖြစ်ပါကြောင်းကို နဲနဲလေး ကြော်ငြာ ၀င်လိုက်ပါရစေ ။)