Saturday, March 31, 2012

ဘလော့ဂါများသို့


ဘလော်ကာအပေါင်းတို့ခင်များ ၊ ဒီရက်အတွင်းမှာ ကိုကိုငွေမှာ ဘလော်ဂါ များရဲ့ဆန္ဒနဲ့ တထပ်တည်းကျမဲ့ ၊ အစီစဉ်နှစ်ခုရှိနေပါတယ် ၊ အဲဒါကတော့ ဧပြီ ၁ ရက်နေ့ ရွှေးကောက်ပွဲအနိုင် အရှုံးနဲ့၊ မြစ်ဆုံကိစ္စတို့ပဲဖြစ်ပါတယ်ခင်များ။

ကျွန်တော်တို့တတွေ ရွှေးကောက်ပွဲကိုဦးတည်နေချိန်မှာ၊ မြစ်ဆုံဒေသစီမံကိန်းကြီးအတွင်းမှာ ကွန် တိန်နာကားများ အစီလိုက်အတန်းလိုက် မြန်မာဖက်ကနေ တရုပ်ပြည်ဖက်ကို အ၀င်အထွက် လုပ်နေသလို၊ တရုပ်ပညာရှင်များလည်း မြစ်ဆုံဒေသကို အဆက်မပြတ်ဝင်ရောက်လာ နေတယ်လို့ ၊ ကြားသိရပါတယ်ခင်များ ။ ဘလော်ဂါကြီးများ အားလုံးကို မြစ်ဆုံစီမံကိန်း အပြီးသတ်ရပ်တန့်ရေးကို  ၀ိုင်းဝန်းရေးသား ကြပါအုံးလို့ နှိုးဆော်လိုက်ရပါတယ်ခင်များ။

Monday, March 12, 2012

ဒီအခန်းကိုဖြတ်

ဟိုတလောစီက ပေါ့သပ္ပုရိသနွယ်ဝင်သူတော်စင်တို့ရယ်၊ ဒါရိုက်တာဝိုင်းရိုက်တဲ့ ဇာတ်လမ်းတို လေးတခုကြည့်လိုက်ရပါသကော၊ ဒီအခန်းကိုဖြတ်လို့အမည်ရှိတဲ့ ဇာတ်ကားလေးပေါ့၊ ကိုကိုငွေ ကမြန်မာဇာတ်ကားတွေ မကြည့်ပါဘူး၊ အခုခေတ်မင်းသားတွေ လူစေ့အောင်တောင်သိတဲ့ လူမ ဟုတ်ပါဘူးဗျာတို့ရဲ့၊ လူမင်း လွင်မိုး ကျော်ရဲအောင်၊ ဒွေး ကျော်ဟိန်း ညွန့်ဝင်း အဲသလောက်သာ သိပါတယ်၊ နိုင်ငံခြားကားကြည့်တာများပါတယ်၊ ပြည်တွင်းဖြစ်ကိုအားပေးပါ ဆိုတဲ့ဆောင်ပုဒ်ကို မယုံကြည်တာရော၊ သရုပ်ဆောင်တာတွေ ပြောတာဆိုတာတွေကလည်း ၊ ဘယ်လိုမှခံစားလို့မရ တာရယ်ကြောင့် မကြည့်ဖြစ်တာပါ။

အခုတောင်သူငယ်ချင်း တစ်ယောက်ကပြောလာလို့၊ မင်းကြိုက်ပါလိမ့်မယ်ဆိုပဲ၊ အဲဒါနဲ့ ဒီအခန်း ကိုဖြတ်ဇာတ်ကားလေးကြည့် မှိတယ်ဆိုပါဆိုဗျာရယ်၊ အိုး အဟုတ်ဘုရားစူးစေ့ ၅ခါပြန်ကြည့်ရ တယ်ဗျာ၊ ကောင်းလွန်းလို့ ဇာတ်ကားတွေကို ဆင်ဆာဖြတ်နေတဲ့အခန်းမှာ တယောနဲ့ မြန်မာ့ မြန်မာ့ရုပ်ရှင်သီချင်းကို အီးလေးဆွဲပြီး ထိုးသွားလိုက်ပုံများ၊ လူသေတဲ့အခါ သုဿာန်မှာ တီးတဲ့ မျောက်မင်းအူသံဆိုတဲ့ သံပေါက်အတိုင်းကိုး၊ ထားလိုက်ပါတော့ဗျာတို့၊ ပြောလိုတာက အဲဒီဇာတ် လမ်းထဲက အခန်းတခန်းကိုပါဗျာ၊ အရာရှိတစ်ယောက်ကို မင်းသားကသွားပြီး မုန့်ပုံးနဲ့ ကန်တော့ တာအရာရှိမင်းက ဒီလောက်ကိစ္စကြီးကို မုန့်ပုံးတပုံးနဲ့ ကန်တော့ရသလားဘာလား ညာလားပြော ဆိုငေါက်ငန်းနေတော့၊ လာကန်တော့တဲ့ မင်းသားက `ဆရာကလည်း လောမကြီးပါနဲ့´ ဆိုပြီး မုန့်ပုံးကို ဖွင့်ပြလိုက်တော့ လားလား မုန့်ပုံးဟုတ်ပါရိုးလား ဗျာတို့၊ ငါးထောင်တန် ငွေစက္ကူတွေ အပြည့်ထည့်ထားတဲ့ ပိုက်ဆံပုံး၊ ပိုက်ဆံပုံးကြီးဗျာတို့၊ အဲဒါမှာ အရာရှိမင်းက ပြုံးချိုသွားပြီး `မဆိုး ပါဘူး ကောင်လေးကြီးပွားအုံးမယ်၊ ချမ်းသာအုံးမယ်´ဆိုပြီး ဆုတောင်းပတ္ထနာပြုနေတဲ့အခန်း ပြောလိုတာက မုန့်ပုံးဆိုတဲ့ဟာကြီးကိုပါဗျာ။

မြန်မာလူမျိုးတွေ ကကျေးဇူးသိတတ်သမို့လား၊ အခါကြီး ရက်ကြီးတွေမှာ၊ ကန်တော့ကြတယ် မိဘဆရာသမားတွေကို အဲလိုအခါမှာ မုန့်ပုံးတို့၊ မုန့်ခြင်းတို့ဆိုတဲ့ဟာတွေက မပါမဖြစ်လေ၊ ၂၀၀၀ခုနှစ်လောက်များစီက၊ အဆိုတော်ဇော်ဝင်းထွဋ်ကြီး မုန့်ပုံးသွားဝယ်ရင်း၊ မုန့်ပုံးဖွင့်လိုက်တာ အမေရိကန် ဒေါ်လာရာတန်အုပ်လိုက်ထွက် လာသတဲ့ဗျာတို့၊ မုန့်ပုံးရဲ့ ဇာတိပ၀တ္တိကို လေ့လာ လိုက်တော့၊ အကြင်မုန့်ပုံးဟာ သွားလေသူဝန်ကြီးချုပ် ကြီးအိမ်ကလာတဲ့မုန့်ပုံးဆိုပဲ၊ အနှီဝန်ကြီး ချုပ်နဲ့ အဆိုတော်ဇော်ဝင်းထွဋ်တို့ကလည်း အိမ်ခြင်းကပ်လို့ကိုး။ မုန့်တွေလာကန်တော့တာ များ တော့ အိမ်ကလူတွေမစားနိုင်၊ မစားနိုင်တော့ နီးစပ်ရာဆိုင်ပြန်သွင်း အဲကလိုနဲ့ အဆိုတော်ဇော် ၀င်းထွဋ်ကြီး ဒေါ်လာပါမုန့်ပုံးကြီးရသွားကရောဗျာ၊ တကယ့်ဖြစ်ရပ်ပါဗျာတို့။ ဟိုးဟိုးကိုကျေုာ်လို့  အဲဒီကတည်းက မြန်မာလူမျိုးတွေရဲ့ သဒ္ဓါတရားကိုခန့်မှန်း မှိတယ်ကိုကိုငွေက လူကြီးတွေကို သွားကန်တော့တဲ့အခါ ကံစမ်းမဲဖောက်သလို မုန့်ပုံးထဲကို ငွေထည့်ထည့်ကန်တော့ရတာပါကလား လို့ပေါ့။

ကမ္ဘာမြေကြီးက ကျဉ်းပါတယ်ဆိုတဲ့ ဆုန်သင်းပါရဲ့သီချင်းလို့ပေါ့ဗျာ၊ ကျဉ်းတော့ စရိုက်လေး တွေကကူးဆက်တယ်၊ အနောက်တိုင်းယဉ်ကျေးမှု့တွေက အရှေ့တိုင်းကိုရောက်လာလိုလာ၊ အရှေ့တိုင်းကဟာတွေက အနောက်တိုင်းရောက်လိုရောက်၊ ဒီနိုင်ငံရဲ့ယဉ်ကျေးမှု့ကလည်း ဟိုဘက်နိုင်ငံတွေရောက်၊ ဟိုဘက်နိုင်ငံက ယဉ်ကျေးမှု့များကလည်း ဒီဘက်ကိုကူးလာနဲ့၊ ယဉ် ကျေးမှု့တွေကူးလူးဆက်ဆံလိုက်တဲ့ဟာက၊ မြန်မာတွေမုန့်ပုံးထဲ ငွေထည့်ပြီးလူကြီးမိဘတွေကို ကန်တော့တဲ့ယဉ်ကျေးမှု့ကလည်း ထိုင်းနိုင်ငံကိုကူးဆက်သွားတယ်ဗျာတို့ရယ်။ ထိုင်းနိုင်ငံမှာ ၀န်ကြီးချုပ်သက်ဆင်ရှင်နာဝပ် ဆိုတာကိုကြားဖူးမှိကြမှာပေါ့ဗျာတို့၊ အနှီဝန်ကြီးချုပ်ကို ထိုင်းစစ် ဘက်ဆိုင်ရာ အရာရှိများတွေက ၊ အကတိလိုက်စားချေတယ်၊ အာဏာအလွဲသုံးစားလုပ်ချေတယ် ဆိုပြီးသကာလ၊ ၂၀၀၆ခုနှစ်မှာ ထိုင်းစစ်တပ်က နိုင်ငံတော်အာဏာသုံးရပ်ကို အနှီဝန်ကြီးချုပ်ထံမှ သိမ်းပြီး၊ ၄င်းရဲ့ရက်စ်ထိုင်းပါတီနှင့် ပါတီအဖွဲ့ဝင်တွေကိုလည်း၊ နိုင်ငံရေးငါးနှစ် လုပ်ကိုင်ခွင့် ပိတ်ပင် တယ်ဆိုကိုး။

အဲသလိုနဲ့အကြင်ဝန်ကြီးချုပ်က အင်္ဂလန်မှာ၁၈လသွားနေ၊ ၂၀၀၈ခုနှစ် ဖေဖော်ဝါရီ ၂၈ရက်နေ့ပြန် လာ၊ မှတ်လ ၁ ရက်နေ့ထိုင်းကိုရောက်၊ အဲအချိန်မှာ ထိုင်းရဲအဖွဲ့ကဖမ်းဆီးပြီး တရားရုံးကိုပို့၊ တရားရုံးတော်က အာမခံငွေအမေရိကန်ဒေါ်လာ ၂၆၇၀၀၀သက်မှတ်၊ အဲဒီနောက် ကျည်ကာကား ကိုစီးပြီး ထိုင်းဆရာတော်ကိုဖူးမြော်၊ သူတည်းခိုတဲ့ဟိုတယ်ရဲ့အပေါ်ထပ်မှာ ရဟတ်ယာဉ်တစ်စီး ထားပြီးအမှု့ရင်ဆိုင်တယ်ပေါ့ဗျာတို့ရယ်။ သူ့အမှု့တွေကလည်းစုံနံသာမြိုင်ပတ်ပျိုးလိုပဲ ဗျာတို့ရဲ့ တော်တော်လေး အကွေ့အကောက်တွေများလှတယ်၊ သူကိုယ်၌ကလည်း ဒေါ်လာသန်း၄၀၀ ချမ်းသာ တဲ့သန်းကြွယ်သူဋ္ဌေး၊ ထိုင်းနိုင်ငံရဲ့ ၁၆ယောက်မြောက်သော အချမ်းသာဆုံးသောပုဂ္ဂိုလ်၊ မန်စီး တီးအသင်းကြီးကိုတောင် ပိုင်ထားသမို့လား။

အမှု့တွေက သူ့ရဲ့ဇနီး ပိုဂျမန်ရှင်နာဝပ်က ရက်ချာဒါပီဆတ်ဒေသမှာ မြေ၀ယ်ခဲ့ဖူးလေရဲ့၊ အဲငွေ မြေကိုသူတို့ပိုင်တဲ့ငွေနဲ့မဟုတ်ပဲ၊ ထိုင်းဘဏ်လက်အောက်မှာရှိတဲ့ Financial Institution Development Fund ကငွေတွေနဲ့ဝယ်ခဲ့တယ်ဆိုတာကတမှု့၊ မြေ၀ယ်တုန်းက ပေါက်ဈေးထက် အဆမတန်နည်းသော ဘက်ငွေသန်းပေါင်း ၇၇၂ သန်းနှင့်ရောင်းဘို့အတွက် သက်ဆင်ကအာဏာ ပြပြီးအလွဲသုံးစားလုပ်ခဲ့တယ်ဆိုတာကတမှု့၊ ရှယ်ယာငွေအမေရိကန်ဒေါ်လာ ၁၆.၃သန်းကို လွှဲ ပြောင်းမှု့မှာ အခွန်တိမ်းရှောင်မှု့ရှိတယ်ဆိုတာကတမှု့၊ အမှု့ပေါင်းသောင်းခြောက်ထောင် ရင်ဆိုင် ပြီးတဲ့အခါမှာတော့၊ သက်ဆင်ပိုင် ဒေါ်လာ၂ဘီလျံကို ထိန်းသိမ်းလိုက်ဟူလို၊ ဇနီးပိုဂျမန်ရှင်နာဝပ် ကို ထောင်သုံးနှစ်ချ၊ သူမရဲ့အကိုကိုလည်းထောင်သုံးနှစ်၊ သူမရဲ့အတွင်းရေးမှူးကိုလည်း ထောင် ၂ နှစ်ချ၊ အမှု့ကိုလည်း အမေရိကန်ဒေါ်လာ ၁၄၉.၀၀၀ဖြင့် အာမခံပေးထားခဲ့တယ်လို့ဆိုလေငဲ့ ဗျာ။

ကိုကိုငွေလည်း ပြောရင်းချာလည်လည်တော့မလို့၊ ပြောလိုတာက ယဉ်ကျေးမှု့တွေ ကူးလူးဆက် ဆံသွားတဲ့အကြောင်းပြောချင်တာပါ၊ မုန့်ပုံးတွေထဲမှာ ငွေထည့်ထည့်ကန်တော့တတ်တဲ့ယဉ်ကျေး မှု့က ထိုင်းမှာလည်းရှိတယ်လို့၊ အားမငယ်ဖို့ ရွှေမြန်မာတွေကိုသိလိုတာပါ၊ ၂၀၀၈ခုနှစ်၊ဇွန်လ ၂၆ ရက်နေ့မှာ BBC ကသတင်းတစ်ပုဒ်လွှင့်ပါရော၊ သက်ဆင်ရှင်နာဝပ်ရဲ့ ရှေ့နေက တရားသူကြီးကို  သကြားလုံးဗူးကြီးတဘူး လက်ဆောင်သွားပေးသတဲ့၊တရားသူကြီးမင်းက သကြားလုံးကိုစားရန် အလို့ငှာ ဗူးကိုဖွင့်လိုက်တော့ အမေရိကန်ဒေါ်လာ ၆၀၀၀၀ သောင်း ဘူးထဲကထွက်လာသတဲ့။ အဲဒီမှာ တရားသူကြီးမင်းက ဒေါသပုန်ထပြီး လက်ဆောင်ပေးတဲ့ရှေ့နေကို ခေါ်ပြီးဆူတော့ ၊ ရှေ့ နေတော်မင်းမြတ်က ဗူးခြင်းမှားပေးမှိကြောင်း တောင်းပန်သတတ်။

ကိုကိုငွေ ကအဲဒီသတင်းနားထောင်ပြီး၊ တော်တော်လေး စိတ်ညစ်သွားတယ်၊ အဲလိုပိုက်ဆံပါတဲ့ ဘူးလာပေးတော့ ပြန်ခေါ်ပေးရ ဒေါပွရနဲ့မရှုပ်ပါကလား သပ္ပုရိသနွယ်ဝင်သူတော်စင်။ ကိုကိုငွေ တို့တောင် အဲလိုငွေပါတဲ့ဘူးမျိုးလိုချင်လိုမှ လူကြီးတွေရဲ့အိမ်အနီးအပါးမှာ ရှိတဲ့စတိုးဆိုင်တွေ မားကပ်တွေမှာ မုန့်ပုံးတို့ အရက်တို့လိုက်ဝယ်နေရ သမို့လား။ အခုဟာက မှားပေးမှန်းလည်းသိ နေမှဥစ္စာ၊ အထဲကပါတဲ့ငွေနဲ့ ၀ယ်စားလိုက်ရုံပေါ့ဟုတ်ဘူးလား။ ဒီပြန်ပေးတဲ့လူကြီးတော် တော်အတာပါပဲဗျာ။ မြန်မာပြည်က လူကြီးတွေကိုအတုခိုးအုံးမှရမယ်လို့ ထင်မှိတာပါပဲ၊ မြန်မာ ပြည်မှာတော့ ဒါမျိုးကြားကြားဘူးပေါင်၊ ယဉ်ကျေးမှု့တွေကူးဆက်တာကလည်း အကုန်လုံးမကူး ဆက်ဖူးနဲ့တူပါရဲ့။ စာရှု့သူတို့ ထိုင်းကိုများရောက်ခဲ့လိုရှိရင် အဲလိုပြန်မပေးရဘူးလို့၊ ပြောပေး လိုက်ကြပါအုံး၊ မြန်မာ့ယဉ်ကျေးမှု့တွေကို ထိုင်းနိုင်ငံက အကုန်မရသွားမှာဆိုးလို့ပါ။

စာရှု့သူများ မုန့်ပုံးချောကလက်ပုံးများ လက်ဆောင်ရခဲ့သည်ရှိသည်၊ ပြန်မပေးပါနဲ့လို့ မလိုချင်ရင် ကိုကိုငွေနဲ့မဒမ်ငွေကိုဖုန်းဆက်ပါလို့၊ ခရီးစရိတ်အကုန်ခံပြီး လာယူပါ့မယ်လို့မှာထား ပါရစေနော်။ ကိုကိုငွေက သကြာလုံးတို့ ချောကလက်တို့သိပ်နှစ်သက်တာကလား  ဒီအခန်း ကိုဖြတ်ဆိုတဲ့ ဇာတ်ကားလေးကြည့်ရင်း အတွေးပေါက်မှိသွားတာပါဗျာတို့ ရယ်။

ဘလော့စာရှု့သူများ မုန့်ပုံးများများ ချောကလက်ပုံးများများ ရပါစေကြောင်း၊ ငွေလမင်းတို့ဆုမွန် တောင်းပါတယ်၊ ရွှင်လန်းချမ်းမြေ့ကြပါစေခင်မျာ။


Monday, March 5, 2012

အင်တာနက်ဆိုင်အကြောင်းတစေ့တစောင်း

မြန်မာပြည်တွင်းမှာဖြင့်ရင်တော့ နှစ်တော်တော်များများလေး ကတည်းကိုက အင်တာနက်ဆိုင် ခေတ်စားလှချေတယ်ပေါ့ဗျာရယ်၊ ကိုကိုငွေအင်တာနက်ဆိုင်ကို စသိတာ ၂၀၀၄လောက်ကမှတ် တယ်၊ ဆူးလေဘုရားလမ်းက (ကာဆယ်)ဆိုတဲ့ဆိုင်ပေါ့၊ တနာရီကို ၂၅၀၀ကျတယ်၊ ကော်ဖီလည်း တခွက်တိုက်ရဲ့၊ အင်တာနက်ကဖေးဆိုတော့ ကိုကိုငွေက ကော်ဖီရောင်းတဲ့ဆိုင်မှတ်တာ၊ ဟုတ်ဖူး ဗျာတို့ရဲ့၊ နိုင်ငံတကာကိုဆက်သွယ်လို့ရတဲ့ အင်တာနက်ဆိုတာပေကိုး၊ သူငယ်ချင်းဇေမင်းသန်း ဆိုတဲ့အကောင် လန်ဒန်မှာကျောင်းတက်တယ်၊ ပြန်လာတော့အင်တာနက်အကြောင်း သိကောင်း စရာလေးတွေစေ့ငုရပါသကောဗျာ၊ ဟိုများဆီမှာတော့ဖြင့် အင်တာနက်ဆိုတာ ပျိုတိုင်းကြိုက်တဲ့ နှင်းဆီခိုင်ပမာကိုး၊ လူကြီးလူငယ်လူရွယ် လူလတ်အကုန်သုံးကြသတဲ့၊ နောက်ဆုံး အင်္ဂလန် ပြည်ဆီမှာ သာသနာပြုဖို့ရောက်နေတဲ့ ဘာမင်ဂန်ဆရာတော်ဘုရားကြီးတောင် အင်တာနက်သုံး တတ်တယ်ဆိုပဲ၊ သူတို့များဆီမှာ လူငယ်အစ ဘုန်းတော်ကြီးအဆုံး သုံးတတ်နေပေမဲ့၊ ကိုကိုငွေ တို့မြန်တိုင်းဋ္ဌာနီမှာက ချုရန်ခက်သည့် ပန်းသဇင်ပမာ အလှမ်းကွာလွန်းလှတာကိုး၊ အင်တာနက် မဆိုထားနဲ့၊ အဲဒီစကားလုံးရဲ့အဓိပ္ပါယ်ကိုတောင် ကိုကိုငွေတို့မသိသေးဘူးရယ်။

မောင်ဇေမင်းသန်းပြန်လာတော့ အင်တာနက်ပိုး ပါလာတယ်၊ ကွန်ပျုတာစကားနဲ့ပြောရမယ်ဆိုရင် ဗိုင်းရပ်စ်ပါလာတဲ့သဘောကိုး၊ သူ့ဆော်လေးက အမေရိကန်မှတဲ့။ ကိုကိုငွေနှင့်အပေါင်းသ ဟာများ ရန်ကုန်ပတ်ပြီး ဆိုင်ရှာလိုက်တော့၊ ကာဆယ်ဆိုတဲ့ ဆိုင်တွေ့တယ်ဗျာ၊ အ၀မှာ ဆိုင်းဘုတ်လေးရေးထားတယ်၊ တစ်ဟာဝါ ၂၅၀၀ကျပ်တဲ့၊ အင်္ဂလန်ပြန်အကောင်က ဆရာကြီး ကိုကိုငွေတို့က နောက်လိုက်တွေ၊ သူလုပ်နေတာကို ထိုင်ကြည့်နေတာ ဘာတွေမှန်းတော့မသိဘူး အိုကေတယ်လို့တော့ပြောတာပဲ၊ ပါးစပ်ကလည်းခနခနဆဲတယ်၊ ကော်နရှင်ကလည်းကွာ @# @#@@##အစရှိသဖြင့်ပေါ့လေ၊ ကိုကိုငွေက ဇေမင်းသန်း အင်တာနက်သုံးတာ ပြောတော့ သူ့ဆော်နဲ့ပြောမယ်လည်းပြောသေးတယ်၊ အခုတော့ ကော်နရှင်ဆိုတဲ့အကောင်နဲ့ပွဲကျနေပါလား ပေါ့၊ ကိုကိုငွေက ကော်နရှင်ဆိုတဲ့စကားလုံးကိုမသိတော့ အင်္ဂလန်မှာခင်လာတဲ့ သူ့သူငယ်ချင်း အောင်းမေ့နေတာ၊ နောက်သုံးနှစ်လောက်ကြာမှ၊ အဲဒီကောင်ဘာကိုဆဲတယ်ဆိုတာသိတယ်။

နောက်တော့ သူလည်းပြန်ရော ကျွန်တော်တို့တတွေ အကုန်လုံးအင်တာနက်အကြောင်းကို တလ လောက်စိတ်ဝင်စားလိုက်ကြတယ်၊ နောက်တော့မေ့မေ့ပျောက်ပျောက်ပါပဲ၊ နောက်ဟိုနိုင်ငံရောက် မဒမ်နဲ့တွေ့၊အင်တာနက်ရဲ့အကျိုးကျေးဇူးတယ်ကြီးမားပါကလားလို့ အောင်းမေ့ဆင်ခြင်မှိသေး တယ်။ ဟောအခုတော့ဖြစ်ရင် ဟိုလွန်ခဲ့တဲ့ နှစ်များစွာဆီကလိုမဟုတ်တော့ပါဘူး၊ မြန်မာပြည်မှာ အင်တာနက်ဆိုတာ အချို့သော မြို့ပြလေးတွေအထိ ခြေဆန့်နေပါပြီ၊ ကော်နရှင်ဆိုတဲ့ဟာကြီး ကောင်းတာမကောင်းတာအပထားလို့၊ သူ့အရပ်နဲ့သူ့ဇာတ် အစပ်အဟပ်တော့ တည့်ပါတယ်။ ကိုကိုငွေရံဖန်ရံခါခရီးထွက်တဲ့အခါ တောမြို့လေးတွေကိုရောက်တတ်တယ်၊ အဲဒီအခါ နီးစပ်ရာ အင်တာနက်ဆိုင်လေးကနေ မဒမ်ဆီဖုန်းဆက်၊ မဒမ်ငွေရေ ကိုငွေတော့ ဘယ်မြို့ကိုရောက်တယ်၊ ပြန်လာမယ်မနက်ဖြန်ဘာညာသာဓကာပေါ့လေ။

အိမ်ပြန်ရောက်တော့ ပြန်ပြဿနာကစတယ်၊ အင်တာနက်သုံးလို့ရအောင်လုပ်ထားတာက စက် တစ်လုံးတည်း၊ သုံးချင်သူတွေက အိမ်ရှိလူစေ့ဆိုတော့ အခြေအတင်လေးတွေမကြာခနဖြစ်ရတယ်၊ အဲဒီတော့ ကိုကိုငွေကနီးစပ်ရာဆိုင်မှာ ၊ မင်ဘာဝယ်ပြီးသွားသုံးရတယ်၊ မဒမ်နဲ့စတွေ့ကတည်းက တောမြို့တွေရောက်လို့ အင်တာနက်ဆိုင်ရှိတယ်ဆိုရင်တောင်၊ ကိုကိုငွေက အနည်းဆုံး ဖုန်းလေး ဖြစ်ဖြစ် ၁၀မိနစ်တန်သည်၊ ၁၅မိနစ်တန်သည်ပြောနေကြ၊ အဲလိုမပြောရရင်ဘုရားစူးပါစေ့၊ အိပ်လို့ ကိုမပျော်ဘူး၊ မဒမ်လည်းသိတယ်၊ မြန်မာစံတော်ချိန် ၇နာရီ စကာင်္ပူစံတော်ချိန် ၈း၃၀ဆိုရင်သူက စက်ဖွင့်ပြီး ကိုကိုငွေ့ကိုစောင့်နေတတ်တယ်၊ ကျွန်တော်တို့စတွေ့တာ ၂၀၁၀ဂျွန်လ၊ ယနေ့ထိ တခါမှ အင်တာနက်နဲ့ရင်ကိုရင်ခြင်း ဂျတ်ပင်သွင်းပြီး ပြောဆိုလာလိုက်တာ တနေ့မှပျက်သည်မရှိ ဘူးခဲ့ပါဘူး။ နှစ်ယောက်လုံးသိတယ်၊ မလာရင်အိပ်လို့နှစ်ယောက်လုံးမှမရတာကိုး။

ဟင်းအခုတော့ဖြင့်ရင်ကိုကိုငွေက အင်တာနက်ဆိုင်ကိုမန်ဘာဝင်ရတယ်၊ တနာရီကို၃၀၀နှုန်းနဲ့၊ တနေ့ကို၂နာရီအနဲဆုံးပြောတယ်၊ တခါတခါလေးနာရီအထိကြာတတ်တယ်၊ ကိုကိုငွေကအဲဒီအ ချိန်တွေချစ်စကားကြိုက်စကားပြောတာက ငါးမိနစ်တောင်မကြာဘူး၊ နေကောင်းလားစားပြီးပလား ဘာချက်တုန်း၊ အဆင်ပြေရဲ့လား၊ ပိန်သွားတယ်၊ ညကဘယ်အချိန်အိပ်တုန်း၊ အလုပ်တွေသိပ်မလုပ်နဲ့နော်၊ လမ်းလျှောက်၊ အားကစားလုပ်ပါဆို၊ မင်းကလေ ပြောစကားနားမထောင်ဘူး၊ ဆေးသောက်လား၊ မင်းကိုဆေးသောက်ဖို့ပြောရတာလဲ၊ မောတယ်သိလား၊ အခုထ ရေဗူးယူ၊ ချက်ချင်းဆေး သောက်ပြ၊ နောက်မှမလုပ်နဲ့ အခုလုပ်ကွာ၊ ဘာညာနဲ့ဆိုပြီး ပြောလိုက်တာ ၊ ရန်ဖြစ်တဲ့အခါ လည်းဖြစ်၊ ငိုတဲအခါငို၊ ရီတဲ့အခါရီ၊ အစုံပါပဲ၊ ပြန်မယ်ဆိုတော့မှ အကို့ကိုချစ်လား၊ အကိုကအများကြီးချစ်တယ်သိလား၊ ဒါနေ့စဉ်ပြောနေကြ စကားတွေပေါ့ဗျာရယ်။

လူ့စိတ်ဆိုတာ ဆန်းတယ်ဗျာတို့ရဲ့၊ ခုတလော အလုပ်အကိုင် ငွေကြေးအကြပ်အတည်းတွေ ကြောင့် ကိုကိုငွေစိတ်လက်သိပ်မရွင်ဘူး။ ဒါပေမဲ့၇နာရီဆိုရင်တော့ ကိုကိုငွေ အင်တာနက်ဆိုင် ရောက်ပါပြီ၊ အင်တာနက်ဆိုင်ရပ်ဝန်းဆိုတာကလည်း၊ လူမျိုးတရာ့တပါးမို့လား၊ ဖုန်းလာဆက်တဲ့ တရုပ်ကတရုပ်လိုပြော၊ ဘေးကကိုးရီးယားက ကိုးရီးယားလိုအော်၊ မလေးရှားမှာ အလုပ်သွားလုပ် တဲ့ယောကျာင်္းဖြစ်သူကို ကွန်မင့်ပေးနေတဲ့အမျိုးသမီးတစ်ယောက်က `ရှင်အဲဒီမှာပဲနောက်မိန်း မ ယူလိုက်ပါလား မကောင်းဘူးလား ကျမကရှင်ပေးတာနဲ့လောက်အောင်သုံးနေရတာ ခလေး ကျောင်းစရိတ်ကဘယ်လောက် ဘာညာနဲ့ နေ့စဉ်သုံးဘက်ဂျတ်တင်ပြရှင်းလင်းနေသည်ကတဖုံ´။

လမ်းထဲမှာတနေ့ကို ၁၆ခေါက်မကကိုကိုငွေနဲ့ ခလုပ်တိုက်လုနီးနီး နိစ္စဓူဝ မြင်တွေ့နေရတဲ့ အမျိုး သမီးလေးက သူ့ဘဲနဲ့ပြောနေပုံက `ငိုလိုက်မှာနော် ဘာသဲလဲ မနေ့ကတနေ့လုံး စောင့်နေ တာ အခုမှလာချော့မနေနဲ့ မရဘူးသိလား ဒီကအိမ်ကထွက်ရတာမလွယ်ဘူး သူ့ကိုချစ်လွန်းလို့ လာရ တာ ´ဆို၍ တမျိုး၊ `ဟီဟိ ဒါပြောစရာလား´ အသံစူးစူးလေးနဲ့ကောင်မလေး မျက်နှာလေးက လည်းတော်တော်ပျော်နေပုံပါ။ အဟင့်အဟင့်ဟီးဟီး ဆိုပြီးငိုသူတွေကငိုလိုငို။

 ကော်နရှင်မကောင်း လို့ဆဲတဲ့ကောင်ကဆဲ၊ ဟေ့ကောင်ပစ်ဟ မင်းအဖေမဟုတ်ဘူးစားလေ ဟာသေလိုက်၊@@@ @@##### ဆိုပြီး ဂိမ်းဆော့နေတဲ့အခန်းထဲက ထွက်လာတဲ့မောင်ရင်တချို့ရဲ့အသံ၊ အိုဗျာ အင်တာနက်ဆိုင်ဆိုတာ တော်တော်လေးကို အသံစုံပါတယ်၊ ဟေးသား နေကောင်းလား၊ သမီးကို ပို့လိုက်တာရလား၊ အဖေမေတ္တာပို့တယ်၊ ဘယ်လိုလည်း အင်္ဂလိပ်စာ အခြေနေက စပီကင် ကောင်းလာမှာပေါ့၊ စုံစီနဖာ အသံမျိုးစုံပေါ့၊ ကိုကိုငွေ အဲဒီအသံတွေကို အကုန်ထိုင်နားထောင်နေတာမဟုတ်ပါဘူး၊ ကိုကိုငွေဂျီတော့ဝင်နေတာ ကော်နရှင်ကနှေးနေတော့ ၀င်မရသေးလို့ ထိုင်နေတုန်းနားထဲဝင်လာတဲ့အသံတွေပါ၊ ၀မ်းသာလိုက်တာဗျာ ဂျီတော့က ဆိုင်းအင်တဲ့ ဟိဟိ မဒမ် နဲ့တွေ့ရတော့မယ်။

ဂျီတော့ဝင်ပြီး၍ ၁၄မိနစ်ခန့်ကြာသောအခါ၊ အကိုရောက်ပြီ ညီမရေ၊ ဘာလုပ်နေတုန်း၊ အဲဒီအသံ ကိုမကြားလို့ ဟင်ဟင် နဲ့မဒမ်များလုပ်လိုက်ရင် စိတ်ကတိုလိုက်တာမှအရမ်းပဲ၊vzo ဖွင့်မယ်၊ ပိန် သွားတယ်ညီမနော်၊ ကျမ်းမာရေးဂရုစိုက်ထုံးစံအတိုင်းပြောဆိုပြီး ၁နာရီ၂နာရီကြာတော့ နှုတ် ဆက်ပြီးဆိုင်ထဲကထွက်လိုက်တယ်၊ နားထဲကလေတ၀ီဝီနဲ့၊ ဟူး အင်တာနက်ဆိုင်ရယ်၊ လို့သာ ညည်းမှိတော့တယ်။ အင်တာနက်ဆိုင်ရပ်ဝန်းဆိုတာ၊ အဲဂလို ဒုက္ခတွေရှိသပေါ့ဗျာတို့ရယ်။

 ဒီကြားထဲ မြေအောက်ဆိုလား ရေအောက်ဆိုလား ကေဘယ်ကြိုးပြတ်လို့တို့၊ ကေဘယ်ကြိုးကြွက်ကိုက်လို့ ဆိုတာတွေကလည်း လာသေးတယ်၊ အဲဒီအချိန်တွေကြရင် ဖုန်းနဲ့မစ်ကောပေး မဒမ်ကိုပြန်ခေါ်ခိုင်း ဟူး၊ မြန်မာပြည်လည်းဗျာတို့ရယ်၊ ကိုယ့်ပြည်ကိုယ့်မြေမို့နေရပါတယ်၊ အကယ်လို့သာဖြစ်နိုင်မယ် ဆိုရင်၊ မနေချင်ပါဘူးဗျာ၊ အားလုံးတအုံတမကြီးကို နိုင်ငံရပ်ခြားမှာအခြေချဖို့ဆိုတာလည်း မဖြစ်နိုင်တော့ ဒီအသံ ဒီအသံတွေကိုသီးခံပြီး ချစ်သူနဲ့တွေ့ဖို့အရေး ညတိုင်းညတိုင်း ဒုက္ခ့ခံနေရပါတယ်။ မိတ်တွေ တို့များ မြန်မာပြည်ပြန်လာလို့ အင်တာနက်ဆိုင်မှာ အင်တာနက် သုံးကြမယ်ဆိုရင်ဖြင့် ဒီလိုဒီလို ကိစ္စနလေးတွေရှိတယ်လို့၊ ပြောလိုကြောင်းပါဗျား။

ဘလော့စာရှု့သူများ အသံစုံကင်းဝေးသော ကိုယ်ပိုင်အခန်းမှာနေပြီး ချစ်သူများထံသို့ အင်တာနက် မှတဆင့် vzo ချက်ခြင်း gtalk တော့ခြင်းများ အမြဲထာဝရပြုလုပ်နိုင်ပါစေကြောင်း ငွေလမင်း တို့ဆု မွန်တောင်းလိုက်ပါတယ်၊ ရွှင်လန်းချမ်းမြေ့ကြပါစေ။


Thursday, February 23, 2012

ထိုထိုအပင် စိုက်စေချင်

ခုတလော ဘလော့မှာ ကိုကိုငွေတို့ စာမရေးဖြစ်ဘူး၊ တောင်လုပ်မြောက်လုပ်နဲ့ စာမရေးဖြစ်တော့ အိမ်ဦးနတ်သမီး မဒမ်ငွေက စာပေရေးရန် ၊ တိုက်တွန်းတာကိုး ဗျာတို့ရဲ့၊ သဟာကြောင့် ကိုကိုငွေ စာထရေးရတယ်၊ ရေးဆိုတော့ ဘာရေးရမယ်မသိဘူး၊ လောလောဆယ်ကိုကိုငွေက မိုးလင်းတာနဲ့ မျက်နှာသစ်ပြီးရင်၊ ချမ်းချမ်းအေးအေးထဲ သစ်ပင်တွေရေထထလောင်းရတာကိုး၊ ညနေကျပြန် တော့လည်း တခါလောင်းရတယ်၊ လောင်းရင်းနဲ့ သစ်ပင်အကြောင်းတွေးမှိပြီး အိမ်ကလူကြီးတွေ သစ်ပင်ပန်းမာလ်တွေကို ရှေးလူကြီးသူမတွေ စိုက်တဲ့အတိုင်းစိုက်ကြ ပျိုးကြတာဖြစ်လို့၊ ဘလော့ စာရှု့သူတွေများထဲမှာ ၊ ချောအစိမ်းရောင်လွင်ပြင်လို သစ်ပင်ပန်းမာလ် အစိုက်အပျိုးဝါသနာထုံသူ များ ပါခဲ့ရင်ဖြင့် စိုက်ပျိုးတိုင်းဖြစ်အောင်ဆိုတဲ့ စေတနာလေးနဲ့ သင်ပင်ပန်းမာလ်အ ကြောင်း စိုက်အပ်မစိုက်အပ်သော သစ်ပင်များအကြောင်းနဲ့ နေ့အလိုက်စိုက်ပျိုးအပ်သော သစ်ပင် များဆိုပြီး သုံးပိုင်းခွဲပြီးရေးတင်လိုက်ပါငဲ့ဗျာ။

သစ်ပင်နှင့် ပန်းမာလ်ကိုတော့ လူတရာမှာ ၇၀လောက်ချစ်မြတ်နိုးကြပေရဲ့၊ မြေပိုင်ခြံပိုင်ရှိသူ များကြတော့ ၊ ခြံထဲမှာ စိုက်ကြလေရဲ့၊ တိုက်ခန်းရှိသူများကြတော့လည်း တိုက်ခန်းဝရန်တာလေး မှာ၊ ချစ်စဘွယ်အပင်လေးတွေ စိုက်ပျိုးကြနဲ့ရှိကြသမို့လား၊ သစ်ပင်ဆိုတာ မြေမှာဖြစ်စေ အိုးထဲ မှာဖြစ်စေ ချစိုက်ရင်အပင်ဖြစ်လာတတ်တဲ့ ဟာကိုခေါ်တယ်လို့ဆိုပါတယ်၊ ထိုအပင်ကပွင့်ခဲ့တာ ကိုတော့ ပန်းလို့ဆိုရဲ့၊ ချစိုက်လိုက်တဲ့ အပင်လေးဟာ ရိုးတံနဲ့ထီးထီးမားမားမဟုတ်ပဲ၊ ကန်ဇွန်း နွယ်၊ ခရှုနွယ်တွေလို အနွယ်ကနေပွင့်လာခဲ့ပြန်ရင်တော့ မာလ် (မာလ)လို့ခေါ်တယ်လို့ဆို ပါတယ်။ အပင်ကပွင့်ရင်ပန်း၊ အနွယ်ကပွင့်ရင် မာလ်လို့မှတ်ထားဖူးပါရဲ့ဗျာတို့ရယ်၊ အဲသလိုပဲ အပင်ကသီးတော့ သစ်သီးလို့ဆိုပါတယ်၊ အနွယ်ကသီးပြန်တော့ ၀လံ(၀လ)လို့ခေါ်တယ်ဆိုတာ လည်းမှတ်သားဖူးပါတယ်၊ သစ်သီးဝလံ၊ ပန်းမာလ် ပြပွဲဆိုတာ အများသိကြရဲ့မဟုတ်လား။

အနွယ်ပင်တွေဟာ ဘယ်လိုစိုက်စိုက် ဘယ်လိုပေါက်ပေါက် ဘာပြဿနာမှမရှိပေမဲ့၊ သစ်ပင်ဆို တဲ့အရာကတော့ မစိုက်သင့်နေရာ မစိုက်အပ်တဲ့အပင်တွေရှိပါသတဲ့၊ မစိုက်သင့်တဲ့အပင်ကို မစိုက်အပ် တဲ့နေရာမှာ စိုက်မှိရင်၊ အိမ်ဆူတယ်၊ လာဒ်တိတ်တယ်စသဖြင့် ရှေးလူကြီးများ အယူရှိခဲ့ကြပါ တယ်။ စိုက်သင့်တဲ့အရပ်မှာ စိုက်အပ်တဲ့ အပင်မျိုးစိုက်မှိပြန်ရင်လည်း ကြီးပွားချမ်း သာ ကြတ်သရေ အဖြာဖြာတိုးတတ်တယ်လို့ ရှေးမြန်မာဘိုးဘများ အယူရှိခဲ့ကြပါတယ်၊ ကိုကိုငွေ ကဒါတွေကို ယုံလို့ရေးတာမဟုတ်ပါ ဤကဲ့သို့အမှတ်အသားများရှိခဲ့ တယ်လို့ပြောလိုတာပါ။

မြန်မာစာပေတွေထဲက လောကီသိပ္ပနေမိတ္တကကျမ်းဆိုတာ ရှိတယ်ပေါ့ဗျာရယ်၊ အချို့လည်း ခင်ကြီးဖျော်ဆရာတော်ရေးခဲ့တယ်ဆိုရဲ့၊ အချို့လည်း အမည်မဖော်လိုသူ ကျမ်းဆရာတစ်ယောက် ရေးခဲ့ဆိုလား၊ အဲဒီ လောကီသိပ္ပနေမိတ္တကကျမ်းဆိုတာ သစ်သီးဝလံ၊ပန်းမာလ်တွေအကြောင်း ရေးထားတာတွေပါလေရဲ့ အခုကိုကိုငွေက အိမ်တွေမှာ စိုက်အပ်တဲ့ သစ်ပင်နဲ့ စိုက်အပ်တဲ့အရပ် အကြောင်းကို အဲဒီဘုတ်အုပ်ထဲက လကာင်္လေးကို မျှဝေလိုက်ပါတယ်။

ဋ္ဌာနတည်ရာ၊ အရပ်မှာ၌၊ အိမ်ယာကစ ၊ စိုက်ကြပျိုးရန်၊ သစ်ပင်မှန်ကား၊ သဖန်းရှေ့မွန်၊ တောင်စွန်သရဖီ၊ တောင်ဆီသရက်၊ အဘက်သာခေါင်၊ အနောက်တောင်မှာ၊ အုံးစိုက်ရာ၏၊ အနောက်မှာရှား၊ နောက်ပါးဂန့်ဂေါ်၊ မြောက်မှာသော်သီး၊ အပြီးအံ့လောက်၊ အရှေ့မြောက်လာ၊ ဥသျှစ်စသား၊ စိုက်ကချမ်းသာ၊ ပြန်ရွာအိမ်က၊ စည်ပင်လှသည်၊ ကြွယ်ဝ သားမြေးစဉ်ဆက်တည်း။
လို့ရေးသားထားပါတယ် အဓိပ္ပါယ်က

အရှေ့အရပ်-သဖန်းပင်-ကြခတ်ပင်
အရှေ့တောင်-သရဖီပင်
တောင်-  သရက်ပင်-ပုန်းညတ်ပင်
အနောက်တောင်ထောင့်- အုံးပင်
အနောက်အရပ်-ရှားပင်
အနောက်မြောက်-ဂန့်ဂေါ်ပင်
မြောက်အရပ်- သီးပင်
အရှေ့မြောက်- ဥသျှစ်ပင်
များစိုက်ပျိုးကောင်းတယ်လို့ဆိုပါတယ်၊ ထိုထိုအရပ်မှာ ထိုထိုအပင်များ စိုက်ပျိုး ထားတယ်ဆိုရင်ဖြင့် သားမြေးစဉ်ဆက် ကြီးပွားချမ်းသာလိမ့်မယ်လို့ လောကီသိပ္ပ နေမိတ္တက ကျမ်းဆရာကြီးက သူ့ကျမ်းစာမှာရေးသားထားပါကြောင်း……………။
ဘလော့စာရှု့သူများ ဗဟုသုတကုံလုံကြွယ်ဝပါစေကြောင်း၊ ငွေလမင်းတို့ဆုမွန်တောင်းပါတယ်၊ ရွှင်လန်းချမ်းမြေ့ကြပါစေခင်မျာ။




Thursday, January 12, 2012

ထိုကဗျာ

ကိုကိုငွေမှာ ဒီတလော ငြင်းရခုန်ရတယ်၊ ငြင်းတယ်ခုန်တယ်ဆိုတာက အမှန်တရားကို လိုချင်လို့ ပါ ၊ ကိုကိုငွေက သိလာတဲ့ဟာလေးတွေကို ဘလော့မှာ ပြန်ပြီးဖောက်သယ်ချနေတဲ့လူဆိုတော့ သိလိုသိငြား စပ်စုစေ့ငုရတယ်ပေါ့ဗျာတို့ရယ်၊ ကိုကိုငွေက မိုးလင်းရင် အလုပ်က အားက စားလုပ်ပြီးတာနဲ့ အနီးအပါးက လ္ဘတ်ရည်ဆိုင်ကိုလစ်ရတယ်၊ လ္ဘတ်ရည်ဆိုင်မှာ သူငယ်ချင်း အပေါင်းအဖော် တစုက ရောက်တတ်ရာရာ စကားတွေ ဖတ်ခဲ့သမျှသိခဲ့သမျှတွေ အကုန်လုံး ဖောက်သယ်ချကြ မမောနိုင်မပန်းနိုင် ပြောကြဆိုကြ၊ ငြင်းလည်းငြင်းကြတယ် ကျွန်တော်တို့ သူ ငယ်ချင်းတစုရဲ့ ထူးခြားတဲ့ ၀ိသေသကတော့ ဘာကိုငြင်းငြင်းဘယ်တော့မှ အလျှော့ပေးလေ့ မရှိဘူး။

 ဘယ်လောက်မှန်အောင်ထောက်ပြနိုင်နိုင် အင်းငါမှားတယ်လို့ ၀န်ခံသောအလေ့မရှိဘူး တစ်ယောက်က ချက်နဲ့နကွတ်နဲ့ပြောနိုင်ပြီဆိုရင် ၊ ဘုထတောတော့တာပဲ မင်းကဘာကောင်တုန်း ဘာစာအုပ်ဖတ်ဖူးတုန်း ဘယ်ပညာရပ်ကိုဘယ်လောက်သင်ဖူးတုန်း ၊ ဘယ်တက္ကသိုလ်ကို တက်ခဲ့ ဖူးတုန်း၊ မနေ့တနေ့ကမှ စာအုပ် ကောက်ကိုင်တဲ့ကောင်ကများ ဘာညာနဲ့ စကားနာ ထိုးတယ်၊ ပြီးရင် နိုင်နိုင်ရှုံးရှုံး  ကိုယ့်သဘောကိုယ် ဆောင်ပြီးပြန်သွားကြတယ်၊ နောက်နေ့ လာကြည့် မနေ့ကအတိုင်းပြန်ဖြစ်နေတယ်၊ စိတ်ဆိုးတာ ကောက်တာ မရှိဘူး အဲဒါကတော့ထူးခြားတဲ့ အဲ့ဂျစ်တစ် လို့ဆိုရပေမပေါ့ဗျာတို့ရယ်။

ဒီနေ့တော့ဖြင့်ရင် ထုံးစံအတိုင်း လ္ဘတ်ရည်ဆိုင်ကို ချီတက်လာခဲ့တယ်ပေါ့ဗျာ၊ မျက်စကတော့ ခပ်လှုတ်လှုတ်ပေပဲ၊ ကြားနေရပါပြီ `ဗိုလ်အောင်ဆန်း ဦးအောင်ဆန်း အောင်ဆန်းတဲ့ဟေ့ တခေတ် ဆန်းလာတဲ့ ဇာနည်ပေ´ အဲဒီသီချင်းကို မောင်တစ်ယောက်က ဆိုပြနေတာ ဦးမင်းနောင်လား အဲဒီအဆိုတော်က ဟုတ်တယ်ဘာညာနဲ့ ပြောတုန်းရှိသေး နောက်တ ယောက်က ဗိုလ်ချုပ်ရေးခဲ့ တဲ့ `အနိုင်မခံ´ ကဗျာကိုရသလားတဲ့ ကိုကိုငွေကိုမေးတယ် ၊ ကိုကို ငွေက အဲဒီကဗျာငါမကြားဖူးဘူးကွ၊ မကြားဖူးဘူးဆိုတာ အနိုင်မခံကဗျာကို ဦးအောင်ဆန်း ရေးတယ်လို့မကြားဘူးတာ၊ ငါကြားဘူးတာက ဆရာကြီးညိုမြရေးတယ်ကြားဖူးတာ၊ အဲကနေ စလိုက်တာပြဿနာက ထုံးစံအတိုင်း ညိုမြကွ အောင်ဆန်းကွနဲ့ငြင်းရင်း ကိုယ့်သဘော ကိုယ်ဆောင်ပြီး စိတ်ဆိုးမာန်ဆိုး ဆိုင်က ထပြန်ခဲ့ ကြတယ်ပေါ့ဗျာ။

`ငါ့အားဖုံးကွယ်ထားသော လကွယ်သန်းခေါင်၊ ဤအမိုက်မှောင်တွင်းမှနေ၍ ၊ အနိုင်မခံအရှုံးမပေး တတ်သော၊ ငါ၏စိတ်ကိုဖန်ဆင်းပေးသည့် နတ်သိကြားတို့အား ငါကျေးဇူးဆိုပါ၏။ ++++ ငါ့ဦး ခေါင်းသည် ငွေးသံတို့ဖြင့် ရဲရဲနီနေ၏၊ ညွတ်ကားမညွတ် အစချီသော အနိုင်မခံ ခေါင်းစဉ်ပါ စာသားကို ဒုတိယ ကော်လိပ်သပိတ်အပြီး ၁၉၃၆ခုနှစ်၊ ၁၂၉၈ - တော်သလင်းလမှာ ထုတ်ဝေတဲ့ အိုးဝေ မဂ္ဂဇင်းခေါင်းစီးပိုင်းမှာ ပါရှိပါတယ်။ ဒီကဗျာရဲ့မူရင်းက ကောလိပ်အင်္ဂလိပ်စာပေ ပြဋ္ဌာန်းစာ အုပ် Golden Treasury အင်္ဂလိပ်ကဗျာညွန့်ပေါင်းစာအုပ်ပါ “Out of The night that covers me” အစချီ “Invictus” ကဗျာဘာသာပြန်ဖြစ်သည်၊ မူရင်းကဗျာပိုင်ရှင်မှာ W.E.Henley (ဒဗလျူဟိန်လေး) ဖြစ်ပြီး၊ ဟိန်းလေး နေမကောင်းဖြစ်နေစဉ် အင်ဒီဘာရာရှိဆေးရုံ၌ လူနာအဖြစ်တတ်၍  ဒုက္ခဝေဒနာ ကိုကြံကြံခံပြီး ထိုကဗျာကိုရေးခဲ့ရာ စာပေလောကတွင် ကျော် ကြားသွားသော ကဗျာ တပုဒ်ဖြစ်သည်၊ ထိုကဗျာကို ဆရာညိုမြက အကြမ်းဘာ သာပြန်ပေး ခဲ့ပြီး ဆရာကြီးမင်းသုဝဏ်က အချောကိုင်ပေးခဲ့သော ကဗျာဖြစ်သည်၊ ဦးအောင်ဆန်းကို လေးစား သမှု့ရှိသော သူများက ပုဂ္ဂိုလ်စွဲဖြင့် ဦးအောင်ဆန်းမလုပ်ခဲ့သည်ကို လုပ်ခဲ့သယောင်ယောင် ပြောဆိုနေခြင်းဖြစ်ပါတယ်။

ဦးအောင်ဆန်းသည် ၁၉၃၅ခုနှစ်အတွက်သာ အိုးဝေမဂ္ဂဇင်းတွင် အယ်ဒီတာလုပ်ခဲ့ပြီး ၁၉၃၆ခုနှစ် အတွက် အိုးဝေမဂ္ဂဇင်းအယ်ဒီတာမှာ ဆရာညိုမြဖြစ်သည်။ ဒီကိစ္စကို ကိုကိုငွေရမ်းပြောနေခြင်းမ ဟုတ်ပါ အထောက်အထားရှိပါသည်၊ ၁၉၇၅ခုနှစ်၊ ဖေဖော်ဝါရီ (၅)ရက်နေ့ပါ နေ့စွဲဖြစ့် အိုးဝေ အယ်ဒီတာဟောင်း ဆရာညိုမြက  နိုင်ငံတော်စာကြည့်တိုက်မှူးဆရာတိုက်စိုးအား မှတ်စုတခု ပို့ခဲ့ရာ ထိုမှတ်စုတွင် “၁၉၃၆ ခုနှစ်တွင် ကျွန်တော်သည် တက္ကသိုလ်သမဂ္ဂအိုးဝေ မဂ္ဂဇင်းကို တာ ၀န်ခံအယ်ဒီတာအဖြစ် ကိုအောင်ဆန်းနေရာကို ဆက်ခံခဲ့ပါသည်၊ ထိုနှစ်အိုးဝေခေါင်းစီးပိုင်းတွင် အနိုင်မခံဟူသော ခေါင်းစဉ်ဖြင့်  ရေးသားပါရှိခဲ့ရာ Invictus ဟူသော ကဗျာကိုမှီး၍ ရေးသားခဲ့ခြင်း ဖြစ်သည်၊ ထိုနေ့က ကျွန်တော်သည် တက္ကသိုလ် ထမင်းစားခန်း၌ ဆရာဇော်ဂျီ ၊ ဆရာမင်းသုဝဏ် တို့နှင့် တစ်စားပွဲတည်း အတူ (ဗိုလ်ချုပ်အောင်ဆန်းလည်းပါသည်) ထမင်းစားခဲ့ရာ  မင်းသုဝဏ် ကကျွန်တော့်စာကို အချောကိုင်ပေးခဲ့ပါသည်”

(အထက်ပါစာအကြောင်းကို ၂-၄-၇၇ နေ့တွင်ကျင်းပသည့် မြန်မာနိုင်ငံသုတေသနအသင်း နှစ်ပတ် လည် အစည်းအဝေးတွင်  ဆရာတိုက်စိုး (ဦးသန်းထွက်) ကိုယ်တိုင်ဖက်ကြားခဲ့သော မိန့်ခွန်း တွင် ထိုမှတ်စုအကြောင်း ထည့်သွင်းပြောကြားသွားပါသည်)

ကိုကိုငွေသည် အနိုင်မခံ ကဗျာကို ဆရာညိုမြရေးခဲ့သည်ဟူသော ကိစ္စကို အထက်ပါ အချက်အ လတ်များကြောင့် ပြောနိုင်ခြင်းဖြစ်ပါသည်၊ ကျွန်တော့်ကို ဦးအောင်ဆန်းရေးသည်ဟု အကိုးကား မဲ့ပြောသော မောင်ကား မည်သို့သော အချက်လတ်ကို ကိုးကားသည်ဟူ၍ ကိုကိုငွေမသိပါ ကိုကို ငွေသိသည်မှာ အနိုင်မခံ ကဗျာ၏ မူရင်းဘာသာပြန်ဆိုသူမှာ (ကုန်းဘောင်ရှာပုံတော်)ရေးသားသူ ရှာပုံတော်မင်းသားကြီး ဆရာကြီးအိုးဝေညိုမြပင် ဖြစ်ပါကြောင်း……………။

ဘလော့စာရှု့သူများ စာပေဗဟုသုတ ကုံလုံကြွယ်ဝကြပါစေကြောင်း ငွေလမင်းတို့ ဆုမွန်တောင်း ပါတယ် ၊ ရွှင်လန်းချမ်းမြေ့ကြပါစေခင်မျာ။