Wednesday, January 26, 2011

မင်းပြောင်းလဲခါနီး ဖြစ်ပေါ်တတ်သော နိမိတ်လက္ခဏာ

နိဒါန်းမင်္ဂလာ၊စည်ထွန်းဖြာပိမ့်၊ ချုပ်ချာဧကရာဇ်၊ဘုန်းသစ်တတ်ဖြိုး၊စောသတိုးတို့၊ တန်ခိုးစည်းစိမ်၊ ရွှေအိမ်ရွှေနန်း၊ စံမြန်းစဉ်မှ၊ အနိစ္စသို့၊ ရောက်ရလိုသော်၊ ထင်ပေါ်နိမိတ်၊ အကြောင်းဟိတ်ကား။ အရိပ်ပြန်သွား၊ ဘုရားပုထိုး၊ တန်ခိုးရောင်ခြည်၊ ထွက်သည်ထင်မြင်၊ ကောင်းကင်ဝေမှိုင်း၊ မုန်တိုင်းလေပြင်း၊ နေနှစ်စင်းနှင့်၊ လမင်းတံခွန်၊ မိုးစွန်အလယ်၊ ရှစ်ဂြိုလ်ကြယ်လည်း၊ မီးနှယ်ခိုးပြ၊ ဗျဂ္ဃ စရိယာ၊ သီဟစာတုံ၊ နိယတုံမှီး၊ မြေကြီးငလျှင်၊ မြေပြင်အက်ကွဲ၊ တော်လဲဥက္ကာ၊ အညာရေစီး၊ နတ်သမီးကမ်းပြို၊ နေ့ကိုကြယ်မြင်၊ နန်းတွင်းပျားစွဲ၊ ပျံဝဲလင်းတ၊ နားကျနန်းဦး၊ ဘီလူးကိုယ်ထင်၊ အမြင်ပြသွား၊ သားတစ်သွေးခဲ၊ သဲသဲဖြိုးစွာ၊ မိုးရွာကျောက်ခဲ၊ တောင်ကွဲထက်ခြမ်း၊ ကမ်းကို လွှမ်းပြီး၊ ရေကြီးထူးဆန်း၊ မကန်းလိပ်ငါး၊ ကြီးမားရောက်လာ၊ အိမ်ရာခဲပစ်၊ မြစ်ရေကမ်းဖို့၊ တောင်ပို့ရွေ့တွား၊ နဂါးပေါ်ထွက်၊ ဒိန္နက်သင်္ကြန်၊ ကြယ်ပျံကြယ် ပျောက်၊ အောက်သို့ကြွေကျ၊ လကိုကြယ်ထွင်း၊ ကြယ်ချင်းထိခိုက်၊ ရှေး၌စဉ်လာ၊ ဖြစ်ဖူးရာကို၊ ရာဇ၀င်ကြောင်း၊ စာဟောင်းအ ထွက်၊ သီးကုံးမြွတ်သည်၊ လေ့ကျတ်မှတ်ကုန် ရာသတည်း။
ဟူ၍ မင်းပြောင်းမင်းလဲ ဖြစ်ပေါ်ခါနီးတွင် နိမိတ်လက္ခဏာများကို ရှေးပညာရှိကြီးများ စပ်ဆိုသီကုံး ထားခဲ့ကြပါသည်၊ ပြည်ရွာပျက်တာ မင်းပြောင်းမင်းလဲ ဖြစ်တာတွေဟာ တခုနဲ့တခုစပ်စပ်မှုရှိ ကြ တယ်လို့ ဆိုပါတယ်၊ တိုင်းပြည်အုပ်ချုပ်တဲ့ မင်းတခုခုဖြစ်ပြန်ရင် ပြည်ရွာမှာ တခုခုဖြစ်တတ်သလို ပြည်ရွာမငြိမ်မ၀ပ် ဖြစ်တဲ့အခါမှာလဲ တိုင်းပြည်အုပ်ချုပ်သူများမှာ တခုခုဖြစ်တတ်ပါတယ်၊ ရတုပိုဒ် ပါ အဓိပ္ပါယ် တချို့ကို ကျွန်တော်အကုန် နားမလည်ပေမဲ့ နားလည်သလောက်တော့ ခတ်ဆစ် သဘောမျိုး ရေးသားပါ့မယ် ၊ မင်းပြောင်းမင်းလွဲ ဖြစ်တယ်ဆိုတာ လက်ရှိတိုင်းပြည်အုပ်ချုပ်တဲ့ မင်းသေတာ (နတ်ရွာစံ) ၊ ဒါမှမဟုတ် လက်ရှိမင်းထံမှ အရိုက်အရာ တိုင်းပြည်အုပ်ချုပ်ခွင့် အာဏာ ကို လုယူတာမျိုး ၊ တွေနဲ့ အကြုံးဝင် သက်ဆိုင်တယ်လို့ ဆိုပါတယ် ။
မင်းပြောင်းတော့မယ်ဆိုရင် လက်ရှိဘုရင်ကြီး နတ်ရွာစံကံတော်ကုန်တော့မယ် ဆိုရင်ဖြင့် နိုင်ငံ နဲ့အ၀န်းမှာ တည်ထားကိုးကွယ်တော်မူတဲ့ ဘုရားစေတီများ အရိပ်ထွက်ပါတယ် အခိုးလွတ်ပါ တယ် ၊ အခိုးလွတ်တယ်ဆိုတဲ့ နေရာမှာ ဘယ်အချိန်လွတ်ရင် ဘယ်နှစ်လအတွင်း ဘယ်အချိန် လွတ်ရင် ဘယ်နှစ်ရက်အတွင်း စသဖြင့် ရှေးပညာရှင်မျာ ရေးသားထားသည့် အမှတ်အသား တွေက စပ်ဆိုထားတဲ့ လင်္ကာပါ။ ဦးကုလားရဲ့ မှန်နန်းရာဇ၀င် မှာ ဘယ်မင်းသေတုန်းက ဘယ်ဘုရားအရိပ်ထွက်တယ် ၊ ဘယ်ဘုရား အခိုးလွတ်တယ်နဲ့ တခမ်းတနား ရေးသားဖော်ပြထား တာကို မှန်းနန်းရာဇ၀င်မှာ  ဖက်မှတ်ဖူးပါတယ်။
ကောင်းကင်ဝေမှိုင်း၊ မုန်တိုင်းလေပြင်း၊ နေနှစ်စင်းနှင့်၊ ဟူသော အဓိပ္ပါ့ယ်ကတော့ ကောင်းကင်တခုလုံး ဝေမှိုင်းနေတတ်သလို မုန်တိုင်းအချိန် အခါမဟုတ် ကျရောက်မဟုတ်ကျခြင်း ၊ လေပြင်းတိုင်းခြင်း နေနှစ်စင်းထွက်သလောက် ပူပြင်းခါ ရာ သီဥတုဖောက်ပြန်ခြင်းတို့ကို ဆိုလို ပါတယ်။

 လမင်းတံခွန်၊ မိုးစွန်အလယ်၊ ရှစ်ဂြိုလ်ကြယ်လည်း၊ မီးနှယ်ခိုးပြ၊ ဗျဂ္ဃ စရိယာ၊ သီဟစာတုံ၊ နိယတုံမှီး၊ ဆိုတဲ့အဓိပ္ပါယ်ကတော့ တနင်္ဂနွေဂြိုလ် ၊ တနလာင်္ဂြိုလ် ၊ အင်္ဂါဂြိုလ် ၊ ကြာသပတေး ဂြိုလ် ၊ သောကြာဂြိုလ် ၊ စနေဂြိုလ် ၊ စန်းဂြိုလ် စသော ဂြိုလ်၈ခုဟာ သွားရိုးသွားစဉ်လည်ပတ် သလိုမဟုတ်ဘဲ ၊ ခုန်သွားတာမျိုး ၊ ရှေ့သွားမလိုလိုနဲ့ နောက်ပြန်သွားတာမျိုး ၊ ရှေ့မသွားနောက် မသွားဘဲနဲ့ ၊ ဘာဝတခုမှာ ရပ်တန့်နေတာမျိုးကိုဆိုလိုပါတယ်။
မြေကြီးငလျှင်၊ မြေပြင်အက်ကွဲ၊ တော်လဲဥက္ကာ၊ ဆိုတဲ့အဓိပ္ပါယ်ကတော့ မြေငလျှင်လှုတ်တတ်ပါ တတ်ပါတယ် ၊  မြေကြီးတွေ အက်ကွဲတတ်ပါတယ် မိုးရာသီမျိုးမှာ အက်ကွဲတာမျိုးပါ တော်လဲ တယ်ဆိုတာကတော့ လေတိုက်သံလိုလို ကမ်းပြိုသံလိုလို အသံမျိုးကို ညကြီးအချိန်မတော် ကြားနေရ တတ် တာမျိုးပါ။
 အညာရေစီး၊ နတ်သမီးကမ်းပြို၊ ဆိုတာမျိုးကတော့ အထက်အညာဒေသမှာ ရေဟာ တဖက်ကို သာစီးဆင်းပါတယ် ၊ အတတ်အကျမရှိပါဘူး အောက်မြန်မာပြည် တ၀န်းမှာသာ ရေတတ်ခြင်း ရေ ကျခြင်းဆိုတာရှိပါတယ် ၊ မင်းပြောင်းမင်းလွှဲဖြစ်တော့မယ်ဆိုရင်တော့ အစုန်အဆန်ဆိုပြီး အထက် အညာတွေဒေသ တွေမှာ ဖြစ်လာပါတယ် ။
 နေ့ကိုကြယ်မြင်၊ ဆိုတာကတော့ ကြယ်ဆိုတာ ညပိုင်းသာ မြင်ရစမြဲဖြစ်ပေမဲ့ နေ့ခင်ကြောင် တောင်ကြီးတောင် ကြယ်တွေအလုံးရေ တွက်လို့ရအောင် မြင်နေရမယ်လို့ဆိုလိုပါတယ်။
နန်းတွင်းပျားစွဲ၊ ပျံဝဲလင်းတ၊ နားကျနန်းဦး၊ ဘီလူးကိုယ်ထင်၊ အမြင်ပြသွား၊ ဆိုတာကတော့ ပျားဆို တာ အိမ်တို့ ကျောင်းတို့ နန်းတွင်းစတဲ့ ဆွဲလို့ရတဲ့နေရာတိုင်း ဆွဲပါတယ် ၊ သို့သော်မစွဲသင့်တဲ့ နေရာတွေမှာ စွဲနေတာမျိုးကိုဆိုလိုတာပါ ၊ လင်းတလဲထို့အတူပါ လင်းတဆိုတာ အိမ်တို့ ကျောင်းတို့မှာ မနားကောင်းမှာ ၊ နားလာမယ်ဆိုရင်တော့ အပြောင်းအလဲဖြစ်တတ်ပါတယ် ၊ ဘိုး တော်ဘုရားလက်ထက်တော်အခါက နန်းဦးစမုတ်မှာ လင်းတနားလို့ အယူတော်မင်္ဂလာဦးနိုးကို နိမိတ်ကောက်ခိုင်းတော့ အမျိုးသမီးကညာ ၁၁ရက်အတွင်း ဆက်သပါမယ်လို့ ၊ လျှောက်ထားဘူး ကြောင်း အယူတော်မင်္ဂလာလျှောက်ထုံးမှာ မှတ်သားဖူးပါတယ် ၊ ဒါကြောင့် မနားသင့်တဲ့နေရာ မှာ နားတာကိုသာ ဆိုလိုတာဖြစ်ပါတယ် ၊ ဘီလှူးကိုယ်ထင် ဆိုတာကတော့ နန်းတော်စမုတ် မုတ်ဦး လှေကားဦးတို့မှာ ထုလုပ်ထားတဲ့ ပန်းပုရုပ်လုံး ဘီးလူးကြီးများ အသက်ဝင်တာမျိုး မြို့တွင်းရွာတွင်း မှာ ရှိတဲ့ မြို့စောင့်နယ်စောင့် ဘီလူးကြီး တွေကိုယ်ထင်ပြတာကိုဆိုလိုပါတယ် ၊ ပုဂံခေတ်က ပုပ္ပါးရောက်စောရဟန်းမင်း နန်းတတ်စဉ် ၊ တိုင်းပြည်တွင်း မင်းလောင်းပေါ်တယ်လို့ သတင်းကြားလို့ နန်းဦးလေသာပြတင်းမှာ ထွက်ကြည့်နေတုန်း နန်းဦးစမုတ်က ဘီလူးအသက်ဝင် ပြီး ပုပ္ပါးရောက်စောရဟန်းမင်းကို တင်းပုတ်နဲ့ထုသတ်ခဲ့တယ်လို့ ပုဂံရာဇ၀င်မှာ အထင်ရှားဆိုပါ တယ်။
 သားတစ်သွေးခဲ၊ သဲသဲဖြိုးစွာ၊ မိုးရွာကျောက်ခဲ၊ ဆိုတာကတော့ မိုးဟာရေမပါဘဲ သားတစ်တွေ သွေးခဲတွေ ၊ ကျောက်ခဲမိုးရွာတာတွေကို ဆိုလိုတာပါ ။
 တောင်ကွဲထက်ခြမ်း၊ ကမ်းကို လွှမ်းပြီး၊ ရေကြီးထူးဆန်း၊ မကန်းလိပ်ငါး၊ ကြီးမားရောက်လာ၊ ဆိုတဲ့ သဘောကတော့ တောင်တွေပြိုကျတာ ၊ ရေတွေကြီးတာ ရေကြီးတဲ့အထဲ မကန်းတွေ ငါးကြီး လိပ်ကြီးတွေပါလာတာ ပေါ်တာကိုဆိုလိုတာပါ ။
အိမ်ရာခဲပစ်၊ မြစ်ရေကမ်းဖို့၊ တောင်ပို့ရွေ့တွား၊ နဂါးပေါ်ထွက်၊ ဒိန္နက်သင်္ကြန်၊ ဆိုတာတွေကတော့ အိမ်တွေကို ခဲကျတာ ၊ မြစ်ရေတွေက အချိန်ပြည့် ကမ်းကိုကျော်နေတာ ၊ ခြတောင်ပို့ ပြတောင် ပို့တွေ နေရာရွေ့လျှားတာ ၊ ကောင်းကင်မှာ နဂါးငွေ့တန်းတွေ ပေါ်တာ ၊ မကျသင့်တဲ့ နေ့ရက် တွေမှာ သင်္ကြန်ကျတာတွေကို ဆိုလိုပါတယ် ။
 ကြယ်ပျံကြယ် ပျောက်၊ အောက်သို့ကြွေကျ၊ လကိုကြယ်ထွင်း၊ ကြယ်ချင်းထိခိုက်၊ ဆိုတာကတော့ ကြယ်တွေ မလိုအပ်ဘဲ ပိုမိုကြွေကျတာ ၊ ရှိသင့်တဲ့အရပ်ဒေသမှာ ကြယ်တွေကျည်တွေမရှိတာ ၊ လကိုကြယ်ထွင်းဆိုတာက တော့ လထဲကိုကြယ်တွေဝင်တာ ၊ သူ့လမ်းကြောင်းနဲ့သူသွားနေတဲ့ ကြယ်တွေ ကျည်တွေဟာ ကိုယ့်လမ်းကြောင်းနဲ့ကိုယ်မသွားဘဲ ပူးသွားတာ အချင်းချင်းတိုက်မှိတာ တွေကို ဆိုလိုတာ ၊ အခုတင်ပြခဲ့တဲ့ လင်္ကာကြီးဟာ ဖြစ်တတ်တဲ့ အကြောင်းရာတွေကို နိဒါန်း မျှ သာရှိပါသေးတယ် ၊ အထက်ပါကိစ္စတွေအားလုံးဟာ မင်းပြောင်းမင်းလွှဲဖြစ်ရင် ဖြစ်ပေါ်တတ်တဲ့ နိ မိတ်လက္ခဏာ တွေသာဖြစ်ပါတယ် ၊ ဒါတွေဖြစ်တိုင်းတော့ မင်းပြောင်းမင်းလွှဲဖြစ်တတ် တာ မျိုးမဟုတ်ပါ ဆိုလိုတာက အထက်ပါအကြောင်းရာတွေကို မဖြစ်သင့်တဲ့နေရာမှာ ဖြစ်မှသာလျှင် မင်းပြောင်းမင်း လွှဲ ဖြစ်တာဖြစ်ပါကြောင်း သိသမျှဖောက်သယ်ချလိုက်ရပါတယ် ၊ အထက်ပါ အကြောင်းရာများရဲ့ အကျယ် ကို နောက်ပို့စ်တွေမှာ ဆက်လက်ရေးသားပါ့မယ်
ဘလော့စာရှုသူများ စာပေဗဟုသုတ ကုံလုံကြွယ်ဝကြပါစေကြောင်း ငွေလမင်းတို့က ဆုတောင်း လိုက် ပါတယ် ခင်မျာ၊ ရွှင်လန်းချမ်းမြေ့ကြပါစေ။