နိုင်ငံတော်သမ္မတကြီး ဦးသိန်းစိန်

                                                 ဗိုလ်ချုပ်ကြီးသိန်းစိန်ဖြစ်စဉ်က

              ဒုသမ္မတများနှင့်အတူ ယမန်နေ့က ကျမ်းသစ္စာကျိန်ဆိုနေသော သမ္မတကြီး ဦးသိန်းစိန်

မြန်မာသက္ကရာဇ်၁၃၇၂ခုနှစ်၊ ခရစ်နှစ် ၂၀၁၁ခု မတ်လ-၃၀-ရက်၊ နံနက်၁၁နာရီ ၊ ၁၅-မိနစ်အချိန် တွင်၊ ပြည်ထောင်စုမြန်မာနိုင်၏ မြို့တော် နေပြည်တော်  ပြည်ထောင်စုလွှတ်တော် ခန်းမတွင် ပြုလုပ်ပြီး ထိုအခမ်းအနားကို လွှတ်တော်နှစ်ရပ်မှ လွှတ်တော်ကိုယ်စားလှယ်များအပြင် ပြည်ထောင်စု တရား သူကြီး ချုပ်၊ ပြည်ထောင်စုလွှတ်တော်ချုပ် တရားသူကြီးများ၊ နိုင်ငံတော် ဖွဲ့စည်းပုံ အခြေခံဥ ပဒေဆိုင်ရာ ဥက္ကဋ္ဌနှင့် အဖွဲ့ဝင်များ၊ ရွေးကောက်ပွဲ ကော်မရှင်ဥက္ကဋ္ဌနှင့် အဖွဲ့ဝင်များ၊ ပြည်ထောင်စု ဝန်ကြီး များ၊ ပြည်ထောင် စု ရှေ့နေချုပ်များ၏ ရှေ့မှောက်တွင်၊ သမ္မတ ကျမ်းသစ္စာကို နိုင်ငံတော်သမ္မတကြီး ဦးသိန်းစိန်နှင့် ဒုတိယသမ္မတများဖြစ်ကြသော သီဟသူရတင် အောင်မြင့်ဦးနှင့် ၊ ဒေါက်တာဆိုင်းမောက်ခမ်းတို့ ကျမ်းသစ္စာ ကျိန်ဆိုခဲ့ကြပြီး၊ ပြည်ထောင်စုမြန်မာ နိုင်ငံ၏၊ ၂၂နှစ်တာမျှ အုပ်စိုးခဲ့သော စစ်ဘက်ဆိုင်ရာ အုပ်ချုပ်မှု့ကို တခန်းရပ်ပြီး အရပ်သားအစိုးရ သစ်ကို ဦးဆောင်လိုက်ပါတယ်။

သမ္မတကြီးဦးသိန်းစိန်၏ ကိုယ်ရေးအကျဉ်း

သမ္မကြီး ဦးသိန်းစိန်ကို ၁၉၄၅ခုနှစ်ဖွားမြင်ပြီး၊ စစ်တက္ကသိုလ် အပတ်စဉ် ၉ မှ သင်တန်းဆင်းကာ တပ်မတော် တွင် စတင်တာဝန်ထမ်းဆောင်ခဲ့ပြီး။ ပြည်ထောင်စု ကြံ့ခိုင်းရေးနှင့် ဖွံဖြိုးရေးပါ တီဗဟိုအ ဖွဲ့ခေါင်း ဆောင်အဖြစ် ၂၀၁၀ အထွေထွေ ရွေးကောက်ပွဲတွင် စတင်လှုပ်ရှားကာ ၀င်ရောက် ယှဉ်ပြိုင် အ ရွေးခံပြီး  အနိုင်ရခဲ့သူဖြစ်သည်။

၁၉၈၈ တပ်မတော်မှ အာဏာသိမ်းပြီးနောက် ကကကြည်းတွင် စစ်ဦးစီးဗိုလ် မှူးကြီး၊စစ် ဆင် ရေးကွပ်ကဲရေးမှူးတာဝန်များကိုထမ်းဆောင်ခဲ့ရပြီး ၁၉၉၇တွင် ကြိဂံဒေသတိုင်းစစ်ဌာနချုပ် တိုင်း မှူး အဖြစ် တိုးမြှင့်ခန့်ထားခြင်းခံခဲ့ရသည်။

၁၉၉၈တွင် ဗိုလ်ချုပ် ၂၀၀၂တွင် စစ်ရေးချုပ် ၂၀၀၃တွင် ဒုတိယဗိုလ်ချုပ်ကြီး ရာထူးအပြင် နိုင် ငံတော်အေး ချမ်းသာယာရေးနှင့်ဖွံ့ဖြိုးရေးကောင်စီ အတွင်းရေးမှူး (၂)၂၀၀၄တွင် အတွင်း ရေးမှူး(၁) ထမ်းဆောင်ခဲ့သည်။ ၂၄-၁၀-၂၀၀၇ ရက်နေ့မှစ၍ နိုင်ငံတော်ဝန်ကြီးချုပ်အဖြစ် စတင်တာဝန် ထမ်းဆောင် ခဲ့ပြီး။ လက်ရှိ တပ်မတော် အစိုးရ၊ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ တွင် အတွင်းရေးမှူး (၂)၊ အတွင်းရေးမှူး (၁) ၊ ခေတ္တ၀န်ကြီးချုပ်အထိ အဆင့်ဆင့် တာဝန်ပေး ခန့်အပ်ခြင်းခံရပြီး နိုင်ငံတော်ဝန်ကြီးချုပ်ရာထူးကို ကွယ်လွန်သွားသည့် ဗိုလ်ချုပ်ကြီးစိုးဝင်း ထံမှ ဆက်ခံသည်။ 

နိုင်ငံတော်ဝန်ကြီးချုပ်အဖြစ် ခန့်အပ်ခံရပြီးသည့်နောက် ၂၀၀၅တွင်ဗိုလ်ချုပ်ကြီးဖြစ်လာပြီး နိုင်ငံတကာနှင့် ချစ်ကြည်ရေးခရီးစဉ်များအဖြစ် တရုတ်ပြည်သူ့သမ္မတနိုင်ငံ၊ လာအိုပြည်သူ့ဒီမို ကရက်တစ်နိုင်ငံ၊ ကမ္ဘောဒီးယားနိုင်ငံ၊ သီရိလင်္ကာနိုင်ငံ၊ ထိုင်းနိုင်ငံ စသည့် အိမ်နီးချင်းနိုင်ငံများသို့ သွားရောက်ပြီး ရင်းနှီးချစ်ကြည်ရေး တိုးတက်တည်ဆောက်ခဲ့သည်။ မကြာမီက မြန်မာနိုင်ငံ တွင်ဖြစ်ပွားခဲ့သော နာဂစ်ဆိုင်ကလုန်းမုန်တိုင်းဒဏ်ခံရသည့် ပြည်သူများထံသို့ ဦးဆုံးရောက်ရှိ သော အရာရှိကြီး လည်းဖြစ် သည်။ အမျိုးသားသဘာဝဘေး ကာကွယ်တား ဆီး ရေး ဗဟိုကော် မတီ၏ ဥက္ကဋ္ဌတာဝန်ကိုလည်း ပူးတွဲ ထမ်းဆောင်ခါ နိုင်ငံတော်အဆင့် အခြား လုပ်ငန်း ကိစ္စအ၀၀တွင်လည်း အစိုးရအဖွဲ့ကို ဦးစီးကွပ်ကဲလျက်ရှိပြီး။ ယခုအချိန်အထိ (၄၃) နှစ်တိုင်တိုင် စစ်ဆင်ရေး၊ အုပ်ချုပ်ရေး၊ လုံခြုံရေး စစ်ဘက်နယ်ဘက်တာဝန်အသီးသီးကို ထမ်း ဆောင်ခဲ့ပြီးဖြစ်သည်။

၂၀၁၀ ရွေးကောက်ပွဲတွင် နေပြည်တော် ဇမ္ဘူသီရိ မြို့ နယ်မှ ပြည့်သူ့လွှတ်တော်ကိုယ်စားလှယ် အဖြစ် အနိုင်ရ ရွေးချယ်ခံရပြီး ရွေးကောက်ပွဲတွင် အနိုင်ရရှိကာ ပထမအကြိမ် ပြည်ထောင် စုလွှတ်တော်အ စည်းအဝေးမှ နိုင်ငံတော်သမ္မတအဖြစ်ရွေ့းချယ် တင်မြှောက်ခြင်းခံရခါ သူပြည် ထောင်စု ကြံ့ခိုင်းရေးနှင့် ဖွံဖြိုးရေးပါတြီကီး၏ ဗဟိုအဖွဲ့ ဥက္ကဋ္ဌ ခေါင်းဆောင် တစ်ဦး ဖြစ်သည်။ ဇနီးမှာ ဒေါ်ခင်ခင်ဝင်းဖြစ်ပြီး။ ရင်သွေး (၃) ဦး ထွန်းကားခါ ။ ယခုအခါတွင်နေပြည်တော် ရှိ နိုင်ငံတော် သမ္မတအိမ်တော် တွင် နေထိုင် လျှက်ရှိ ပါသည်။

မည်သို့ပင်ဖြစ်စေခါမူ ပြည်ထောင်စုမြန်မာနိုင်ငံသားများ ဖြစ်သည့်အားလျှော်စွာ ပြည်ထောင်စုကြီး၏ သမ္မဖြစ်သော နိုင်ငံတော်သမ္မတကြီး ဦးသိန်းစိန်ကို ကြိုဆိုလိုက်ကြပါဆို့လားခင်မျာ။

နိုင်ငံတော်သမ္မတကြီးအပါဝင် ပြည်ထောင်စုသားများအားလုံး ရွှင်လန်းချမ်းမြေ့ကြပါစေေ ကြာင်း ငွေလမင်း တို့က ဆုမွန်တောင်းလိုက်ပါတယ်၊ ရွှင်လန်းချမ်းမြေ့ကြ ပါစေခင်မျာ..။

လင်ယောကျာ်းအရောင်းဆိုင်

အမေရိကန်ပြည်ထောင်စု၊ နယူးယောက်မြို့က လမ်းတစ်လမ်းမှာ လင်ယောကျာ်းအရောင်းဆိုင်လို့ ဆိုင်းဘုတ်ထိုးထားတဲ့ ဆိုင်တစ်ခုဖွင့်ထားတယ်၊ အမျိုးသမီးတွေအတွက် အဲဒီဆိုင်မှာ ကိုယ့်စိတ် ကြိုက်အမျိုးသားကို ရွေးချယ်ပြီးဝယ်ယူနိုင်ပါတယ်။ ဒီအရောင်းဆိုင်ရဲ့ အလုပ်လုပ်ပုံကတော့ အ၀င်ဝမှာ လမ်းညွန်ဆိုင်းဘုတ်တခုရေးထားပါတယ်၊`သင်ဟာ ဒီဆိုင်ထဲကို တစ်ကြိမ်သာဝင်ရောက်ခွင့်ရှိတယ်၊ ဒီဆိုင်မှာ အထပ်ပေါင်းခြောက်ထပ်ရှိတယ်၊ အထပ်မြင့်သွားလေလေ ရောင်းကုန်ယောကျာ်းတွေရဲ့၊ အရည်အသွေးဟာ မြင့်သွားလေလေ ဖြစ်ပါတယ်၊ကိုယ်ကဆုံးဖြတ်ချက် ချပြီးပြီဆိုရင် အထပ်တစ်ထပ်က လင်ယောကျာ်းကို ငါယူလိုက်မယ်ဆိုရင် ယူလိုက်နိုင်တယ်၊ မကြိုက်သေးရင် နောက်တထပ် တက်ပြီးလေ့ လာနိုင်တယ်၊ ဒါပေမဲ့ အထက်အထပ်ကို တက်ပြီးသွားရင်တော့ အောက်ထပ်မှာ တွေ့ခဲ့တဲ့ယောကျာ်းကို ပြန်ရွေးခွင့်မရှိတော့ဘူး၊ ဆိုင်ထဲထွက်တော့မယ်ဆိုမှ အောက်ထပ်ကို ပြန်ဆင်းခွင့်ရှိတယ်လို့´ ရေး သားထားပါတယ်။

အမျိုးသမီးတစ်ယောက်က သူ့အတွက်လိုက်ဖက်တဲ့ ယောကျာ်းတစ်ယောက် ကိုရွေးချယ်ဝယ်ယူ မယ်ဆိုတဲ့ ရည်ရွယ်ချက်နဲ့ ဒီဆိုင်အတွင်းကို ရောက်လာပါတယ်၊ သူမဟာ ပထမရဲ့ တံခါးဝမှာ ရေးထားတဲ့ ဆိုင်းဘုတ်ကိုဖတ်ကြည့်လိုက်ပါတယ်၊ ဆိုင်းဘုတ်မှာ ရေးထာားတာက `အလုပ် အကိုင်ရှိပြီး ဘာသာရေး ကိုင်းရှိုင်းသော လင်ယောကျာင်္းများ´လို့ရေးသားထားပါတယ်။ အမျိုးသမီးဟာ သူလိုချင်တဲ့ယောကျာင်္း မှာ ဒီထက်ပြည့်စုံတဲ့ အရည်အချင်းတွေ ရှိစေလိုတဲ့ ဆန္ဒကြောင့် ဒုတိယထပ်ကို ဆက်လက်တက် လာပါတယ်။

 ပထမထပ်နည်းတူ ဒုတိယထပ်ရဲ့ တံခါးဝမှာလည်း ဆိုင်းဘုတ်လေးတခု ရေးထိုးထားပါတယ်၊ `အလုပ်အကိုင်ရှိ၊ ဘာသာရေး ကိုင်းရှိုင်းသည့်အ ပြင် ကလေးချစ်တတ်သော အမျိုးသားများ´ ထိုအမျိုးသမီးက ဒီလောက်အရည်အချင်းကို မနှစ်သက် သေးပါဘူး၊ သူ့ရဲ့ဘ၀လက်တွဲဖော်ဟာ ဒီထက်ပိုမို ပြည့်စုံတဲ့ အရည်အသွေးတွေရှိသင့်တယ်လို့ ယူဆပြီး ၊ တတိယထပ်ကို ဆက်လက် ထွက်ခွာလာပါတယ်။

တတိယထပ်ရဲ့ တံခါးဝဆိုင်းဘုတ်မှာတော့ `အလုပ်အကိုင်ရှိ၊ ဘာသာရေးကိုင်းရှိုင်းသည့်အပြင်၊ ကလေးချစ်တတ်ပြီး၊ ရုပ်ရည်သန့်ပြန့်သော အမျိုးသားများ´လို့ရေးထားပါတယ်၊ အမျုိးသမီးဟာ ထို ဆိုင်းဘုတ်ကို ဖတ်ကြည့်ပြီး၊ အထက်က အထပ်တွေမှာ ဒီထက်ပိုမိုပြည့်စုံတဲ့ ယောကျာ်းတွေ ရှိတန်သေးရဲ့လို့ စိတ်ကူးနဲ့၊ ဘ၀ကြင်ယာကို ဒိထက်မက အရည်အချင်းတွေနဲ့ ပြည့်စုံလိုတာ ကြောင့် စတုတ္ထအထပ်ကို ထပ်ပြီးတက်ခဲ့ပါတယ်။

စတုတ္ထအထပ်ရဲ့ တံခါးဆိုင်းဘုတ်မှာတော့ `အလုပ်အကိုင်ရှိ၊ ဘာသာရေးကိုင်းရှိုင်းသည့် အပြင် ၊ ကလေးချစ်တတ်သည်၊ ရုပ်ရည်သန့်ပြန့်ပြီး၊ အိမ်မှု့ကိစ္စများကိုပါ ၀ိုင်းလုပ်တတ်သော အမျိုး သားများ´ လို့ရေးထားပါတယ်၊ အမျိုးသမီးဟာ ဆိုင်းဘုတ်ကိုဖတ်ပြီး၊ ရွေးရနိုးနိုး အထက်တက်ရနိုးနိုးနှင့် စဉ်း စားရင်း၊ ပဉ္စမအထပ်ကို ဆက်လက်တက်သွားပါတယ်။

ပဉ္စမအထပ်ရဲ့ တံခါးဝမှာတော့ `အလုပ်အကိုင်ရှိ၊ ဘာသာရေးကိုင်းရှိုင်းသည့်အပြင်၊ ကလေးချစ် တတ်သည်၊ ရုပ်ရည်သန့်ပြန့်သည်၊ အိမ်မှု့ကိစ္စများကို ၀ိုင်းဝန်းကူညီလုပ်ဆောင်ပေးတတ်သလို၊ အင်မတန် ချစ်တတ်ကြင်နာတတ်သော အမျိုးသားများ´လို့ရေးသားထားပါတယ်၊ အမျိုးသမီးဟာ ဆိုင်းဘုတ်ကို ဖတ်ပြီး ၊ အပေါ်သို့သာ ဆက်လက်တက်သွားပါတယ်။

ဆဋ္ဌမမြောက် အခန့်းရဲ့ ဆိုင်းဘုတ်မှာတော့`သင်ဟာဒီအထက်ကိုရောက်လာတဲ့ (၄၅၈၇၅၇ )ယောက်မြောက်ဧည့် သည်ဖြစ်ပါတယ်၊ ဒီအလွှာမှာ ဘာအမျိုးသားမှ မရှိပါဘူး၊ မရောင့်ရဲနိုင်တဲ့ အမျိုးသမီးတွေအတွက် အထီးကျန်မှုတွေဘဲ  ရှိပါတယ်၊ အခုလို လင်ယောကျာ်း အရောင်းဆိုင်ကို လာရောက်တဲ့ အတွက်ကျေးဇူးတင်ပါတယ်၊ ဒီဆိုင်ကနေပြန်လည်ထွက်ခွာတော့ မယ်ဆိုရင်တော့ ပစ္စည်းတွေမေ့မကျန်အောင် ဂရုစိုက်ပါ ၊ အစစ အရာရာ အဆင်ပြေပါစေလို့ လင်ယောကျာ်း အ ရောင်းဆိုင်က ဆုတောင်းလိုက်ပါတယ်´ လို့ရေးသားထားပါတယ်။

ဒီပုံပြင်လေးကို ဆရာကျော်ရင်မြင့်+ဖေလင်းသစ်က၊  ၂၉.၁၂.၂၀၁၀ ဗုဒ္ဓဟူးနေ့ညမှာ မော်လမြိုင် မြို့မှာ ဟောပြောသွားတာပါ၊ ကြိုက်လွန်းလို့ ပြန်လည်ဝေမျှလိုက်ပါတယ်၊ တခါတရံမှာ ကျွန်တော် တို့တွေဟာ ရွေးချယ်ခွင့်ကြုံတတ်ကြပါတယ်၊ ကိုယ်ကရွေးချယ်ခွင့် ရှိတဲ့အချိန်မှာ အရွေးချယ်ခံ ပစ္စည်းတို့အပေါ် ၊ မတရားသဖြင့် (လိုအပ်တာထက်ပိုပြီး ဒါမှမဟုတ် ထိုက်တန်တာထက် ပိုပြီး ရယူလိုတတ်ကြပါတယ်) လူသားတိုင်း လူသားတိုင်းဟာ ရွှေထုပ်သည့် မြပုဝါ ဖြစ်ချင်ကြသည် မဟုတ်ပါလား၊ သို့သော် မိမိနှင့် ထိုက်တန်သော အရာသည်သာ အကောင်းဆုံးမဟုတ်ပါလားခင် မျာ………..။

 စာရူ့သူများ ထိုက်တန်တာကို ရွှေးချယ်နိုင်ကြပါစေကြောင်း ငွေလမင်းတိုက ဆုမွန်တောင်း ပါတယ် ရွှင်လန်းချမ်းမြေ့ကြပါစေ။

စာပေဟောပြောပွဲနှင့်အတူ

ကျွန်တော် ဖေဖ၀ါရီ လေးရက်နေ့က နေ့မတ်လ ၂၀ရက်နေ့ထိ မြန်မာနိုင်ငံကို ပြန်ဖြစ်တယ်ဗျ၊ မရောက်တာလဲ သုံးနှစ်လောက်ကြာပြီ၊ မြန်မာပြည်ဘာတွေထူးလဲပေါ့၊ ထူးတယ်ဘဲပြောရလိမ့်မယ် ထင်ပါတယ်၊ ခုတလော မြန်မာပြည်မှာ နိုင်ငံကျော်ဆရာတော်ကြီးတွေရဲ့ တရားပွဲတွေ၊ နိုင်ငံကျော်စာရေးဆရာကြီးတွေရဲ့ စာပေဟောပြောပွဲတွေကို အနယ်နယ်အရပ်ရပ်မှာ ကျင်းပပြုလုပ်နေကြ တာကိုတွေ့မြင်ခဲ့ရပါတယ်။

ဟိုအရင်ကလဲ တရားပွဲတို့ စာပေဟောပြောပွဲတို့ဆိုတာ ရှိတော့ရှိခဲ့ကြပါရဲ့ ဒီလောက်မများဘူးလို့ထင်တယ်၊ အခုတော့ သိသိသာသာကိုများလာတယ်၊ ကျွန်တော် မှတ်မှိသလောက်ဆိုရင်တော့ စကာင်္ပူရောက် မြန်မာညီကိုယ်မောင်နှမတွေရဲ့ တပ်လှန့်သံကြောင့် စာပေဟောပြောပွဲတွေ တိုးတတ်များပြားလာတယ်ဆိုရင် မှားမယ်လို့မထင်ပါဘူး၊ ဘာကြောင့်လဲဆိုရင် အရင်ကလဲ စာဆိုတော်နေ့တို့ ၊ အမေ့နေ့တို့မှာ နှစ်စဉ်နှစ်တိုင်း စာရေးဆရာကြီးတွေ ဟောပြောကြပါတယ်၊ မန္တလေးမှာဆို ဦးလှသိန်းဓမ္မာရုံမှာ အမေ့နေ့ကို ၁၉၉၆ခုနှစ်ကတည်းကစပြီး ဘဘဦးသုခ ကအမေဆိုတဲ့ ခေါင်းစဉ်လေးနဲ့ဟောခဲ့တယ်၊ နောက်တော့ စာဆိုတော်နေ့တွေ ကုလသမဂ္ဂဂေဇာတ်ဝင်နေ့တွေ၊ မြန်မာအခါတော်နေ့တွေမှာ ကြိုကြားကြိုကြား ဟောကြပြောကြတာ တွေ့ဖူးမြင်ဖူး ဖတ်ဖူး မှတ်ဖူးပါတယ်။

ရန်ကုန်မှာကတော့ ၂၀၀၃-၂၀၀၄ ကစပြီး၊ ကြည့်မြင်တိုင်က နိုင်ငံတော်သာဓု ပရိယတ္တိစာသင်တိုက်ကြီးမှာ ဧပြီလကနေစပြီး ဇွန်လကုန်ထိ ညစဉ်ညတိုင်း နိုင်ငံကျော်စာရေးဆရာကြီးတွေဖြစ်တဲ့ ဆရာချစ်တို့၊ နန္ဒာသိန်းဇံ၊ ဒေါက်တာမင်းတင်မွန်၊ ကောင်းသန့်၊ ဖေမြင့်၊ သိပ္ပံမှူးတင်၊ စတဲ့ဆရာကြီးတွေ၊ ရဟန်းစာဆိုတွေဘက်က အရှင်ဆန္ဒာဓိက၊ အရှင်ဆေကိန္ဒ၊ အရှင်သုန္ဒရ၊ အရှင်ပညာသီဟ၊ ရဝေနွယ်အင်းမ၊ ဓမ္မဘေရီတောင်စွန်း၊ စသဖြင့် နှစ်စဉ်နှစ်တိုင်း တစ်လကျော်နှစ်လ စာပေဟောပြောပွဲကျင်းကြပါသလို၊ ဧရာဝတီတိုင်းက ဒေးဒရဲမြို့မှာလဲ နှစ်တိုင်း နိုင်ငံကျော်စာရေးဆရာကြီးများ ကျွန်တော် မှတ်မှိသလောက်၊ ဒါရိုက်တာမောင်ဝဏ်ဏ၊ ချစ်ဦးညို၊ သုမောင်၊ မောင်မျိုးမင်း၊ ဓနုဖြူဆွေမင်း၊ အီကြာကွေး၊ နန္ဒာမိုးကြယ်၊ ဖေမြင့်၊ ချစ်စံဝင်း၊ လယ်တွင်းသားစောချစ်၊ စသောပုဂ္ဂိုလ်များ၊ ကြို့ပင်ကောက်မြို့မှာလဲ နှစ်စဉ် စာပေဟောပြော ပွဲတွေကျင်းပပါတယ်။

 ဒါပေမဲ့ ကျွန်တော်သိသလောက် အဲလောက်ဟောကြားခဲ့ပေမဲ့ စကာင်္ပူ ရောက်မြန်မာတွေကျင်းပတဲ့ စာပေဟောပြောပွဲလောက် နာမည်မကြီးကြပါဘူး၊ အခုမြန်မာပြည် ပြန်ရောက်တော့ အောင်မလေး အိမ်ပေါက်စေ့ စကာင်္ပူနိုင်ငံရောက် မြန်မာများ ကပြုလုပ်တဲ့ ပထမအကြိမ်စာပေ ဟောပြောပွဲကို လူတိုင်းလူတိုင်းကြည့်နေကြလို့ ၀မ်းသာလိုက်ရတာ ၊ လက်ဘက်ရည်ဆိုင်လဲ ဆရာချစ်၊ နေ၀င်းမြင့်၊ ဂျုး၊ ခင်ခင်ထူး ၊အောပီကျယ်၊ ခင်ခင်ထူး၊ ဂျုး ၊နေ၀င်းမြင့်၊ ဆရာချစ် ပတ်လည်ရိုက်နေလိုက်ကြတာ၊ ဒုတိယအကြိမ်လုပ်တော့လဲ လူတွေနားထောင်လိုက် ကြတာ၊ ဒါနဲ့မော်လမြိုင်ကို ၂လပိုင်းအကုန်လောက်က ရောက်တော့ စာပေဟောပြောပွဲလုပ်ကြသေးသတဲ့။

 ဟာ မြတ်စွာဘုရား သာသာလုပ်ပါ ညီကိုယ်ဝမ်းကွဲ ထွန်းမင်းကျော် အဆိုအရဆိုရင် ၇ရက်တောင်ကျင်းပတာတဲ့ လူပရိတ်သတ် တညကို နှစ်သောင်းလောက်လာနားထောင်တယ်၊ စာအုပ်ဈေးပွဲတော်ပါတယ်၊ ကျောင်းသားတွေအတွက် ကဗျာပြိုင်ပွဲတွေ စာစီစာကုံးပြိုင်ပွဲတွေ စတာတွေနဲ့ ဒီဇင်ဘာ၂၅ရက်နေ့ကနေ ကျင်းပလိုက်တာ ၃၁နေ့ကျမှ ပြီးတယ်တဲ့ စာရေးဆရာပေါင်း ၂၂ယောက်လာပြီးဟောပြောသွားတယ်လို့လဲ သူကဆက်ပြောပါတယ်၊ ကျွန်တော်ဆက်ဆက်ပြီး စဉ်းစားကြည့်တော့ မြန်မာနိုင်ငံမှာ မွန်လူမျိုးတွေနေထိုင်တဲ့ အဲဒီအရပ်ဒေသဟာ ဘာလုပ်လုပ် သူတို့ကစပြီး ကြီးကြီးကျယ်ကျယ်လုပ်ကြတယ်၊ ဘာသာရေးနဲ့ပတ်သက်လို့ သာသနာတော်မြန်မာပြည်ကို စတင်ရောက်ရှိလာတာ မွန်ပြည်နယ်က၊ အမျိုးသားသီတင်းစာ စတင်ထွက်ရှိတာ မော်လမြိုင်က၊ အမျိုးသားကျောင်းတွေ စတင်တည်ထောင်တာ မော်လမြိုင်က တော်တော်နိူးကြားတဲ့ မော်လမြိုင်လို့ တွေးလိုက်မှိပါတယ်။

ညီကိုယ်တော်က DVD တစ်ချပ်ပေးလိုက်တယ်၊ အဲဒါက ဒုတိယပိုင်းတဲ့ စာရေးဆရာတွေ ဟောပြောထားတဲ့ ရုပ်သံခွေပါ၊ အဲဒီအခွေထဲမှာ ဆရာမခင်ခင်ထူး၊ ဆရာနေ၀င်းမြင့်၊ ဆရာဦးလှထွန်း(မြန်မာစာ)၊ ဆရာဦးဘုန်း(ဓာတု)၊ ဆရာကျော်ရင်မြင့်+ဖေလင်းသစ်၊ ဆရာအတ္တကျော်၊ ဆရာမဂျုး၊ ဆရာကြည်မင်း(ကျော်ဇောမင်း)၊ဆရာကိုတာ၊ ဆရာအော်ပီကျယ်တို့ ၁၀ယောက်ဟောပြောထားတဲ့အခွေပါ၊ ဟောပြောချက်တွေကလဲ ကောင်းလိုက်တာမှ ကြက်သီးမွေးညင်း ထချင်လောက်တဲ့ အထိကောင်းပါတယ်။

 ဒီအခွေကိုကြည့်ပြီး စာပေဟောပြောပွဲကို တပ်လှန့်ပေးလိုက်တဲ့ စကာင်္ပူက သဇင်မဂ္ဂဇင်းမိသားစု နဲ့မြန်မာ ညီကိုယ်မောင်နှမတွေကို ကျေးဇူးတင်မှိပါတယ်၊ သောကြာအယ်ဒီတာချုပ် ဆရာဝေသာက စကာင်္ပူ အခွေမြန်မာပြည်ကိုရောက်လာကတည်းက စာပေဟောပြောပွဲတွေကို အခွေထုတ်ရတယ်လို့ ဒီမှာသိကုန်ကြတယ်တဲ့၊ ဘယ်လိုဘဲဖြစ်ဖြစ် စာအုပ်စာပေဖတ်တယ်၊  စာရေးဆရာကြီးတွေရဲ့ အတွေးအမြင် အရေးအသားတွေကို နားထောင်ကြတယ်ဆိုတာ ၊ အင်မတန်မှကောင်းပါတယ်။

ဂျိန်းသွန်မဆင် ဆိုတဲ့ ပုဂ္ဂိုလ်က စာပေဟောပြောပွဲနဲ့ပတ်သတ်ပြီး စကားလေးတစ်ခု ပြောခဲ့ဖူးပါတယ်`မင်းဟာ စာအုပ်တစ်အုပ်ဖက်လို့ အတွေးအမြင်သစ် တစ်ခုကိုရတယ်ဆိုရင် စာအုပ်ရေးသားနေတဲ့ ပုဂ္ဂိုလ်တွေရဲ့ စကားကို စာအုပ်တစ်အုပ် ဖတ်ချိန်လောက် အချိန်ပေးပြီး နားထောင်လိုက်ရင် မင်းဟာ အတွေးအမြင်သစ်တစ်ရာကို လက်ခံရရှိလိမ့်မယ်တဲ့´ စာအုပ်ဖတ်ခြင်း စာပေစကားနားထောင်ခြင်းဟာ တစ်ဦးတစ်ယောက်ခြင်း ရဲ့အသိညာဏ်ကို နိုးဆွပေးတာဘဲမဟုတ်ပါလား၊ ကျွန်တော်တို့အမိနိုင်ငံတော်ကြီးမှာ တဦးတစ်ယောက်ခြင်းအသိညာဏ်ဟာ အင်မတန်နဲပါးတာကိုတွေ့မြင်ရပါတယ်။

အလှူအိမ်မှာ ယနေ့တိုင် ဖိနပ်အခိုး ခံနေရဆဲပါ၊ မသာအိမ်မှာ ဟစ်ဟော့သီချင်းဖွင့် ဆူညံပြီး ၀ုန်းဒိုင်းကြဲ ရန်ဖြစ်နေကြဆဲပါ၊ ပြည်လမ်းမပေါ်မှာ အစိုးရက ညဘက်လင်းဘို့ထွန်းပေးထားတဲ့ လမ်းဘေးမီးတိုင်က မာကျုရီမီးသီးကြီးတွေကို အသက်၂၀ကျော် သုံးဆယ်တွေက ညကြီးသန်းခေါင်မှာ လေးခွနဲ့ပြစ်ပြီး လက်တည့်စမ်းနေကြဆဲပါ၊ ကားပေါ်မှာ ခါးပိုက်နှိုက်ကြဆဲ၊ ဗိုက်ကြီးသည်နဲ့ ဘုန်းတော်ကြီးကို နေရာမပေးတတ်ကြသေး၊ ကားပေါ်တက်ရင် တံဒေါင်နဲ့တွက်ပြီးတတ်တတ်ကြသလို၊ လူလစ်ရင်လဲ လစ်သလို ကွမ်းတံတွေး တဗြစ်ဗြစ်ထွေးတတ်ကြပါတယ်၊ ဘုရားဖူးရင်တောင် ပါလာတဲ့အိတ်ကို အရှေ့ချရှစ်ခိုးနေရဆဲမဟုတ်ပါလား။

စာပေဟောပြောသံတွေ တရားသံတွေဆူညံနေလင့်ကစား ခံစားတတ်တဲ့နှလုံးသား၊ ခံစားတတ်တဲ့ အသိညာဏ်တွေ တဦးချင်းတစ်ယောက်ချင်း မရှိသေးသမျှ ၊ ကျွန်တော်တို့ဝန်းကျင်ဟာ ဘယ်တော့မှ တည်ငြိမ်အောင် တည့်မတ်နိုင်လိမ့်မယ် မဟုတ်ဘူးလို့ တွေးမှိပါတယ်၊ ဒါကြောင့် စာပေဟောပြောပွဲတွေလဲ နားထောင်ကြမယ်၊ တရားတော်တွေလဲ နာကြမယ်၊ လူတစ်ဦးတစ်ယောက်ချင်းမှာ ရှိသင့်ရှိထိုက်တဲ့ အသိညာဏ်လေးတွေလဲ ဖြည့်စွက်ကြမယ်ဆိုရင်ဖြင့် ကျွန်တော်တို့ နေရာ အမိမြန်မာပြည်ကြီးဟာ ပျော်ရွင်ချမ်းမြေ့သောသော အိုအေစစ်တစ်ခုဖြစ် လာလိမ့်မယ်လို့ ငွေလမင်းတို့ကယုံကြည်မှိပါတယ်။

စာရှုသူအားလုံး ရွှင်လန်းချမ်းမြေ့ကြပါစေကြောင်း ငွေလမင်းတို့က ဆုမွန်တောင်းပါတယ် ၊ အော်ဒါနဲ့စကားမမစပ် လေယာဉ်ပေါ်တက်ခါနီး မှာ ဆရာအော်ပီကျယ်နဲ့ ဘလော်ကာ နေဇော်လင်းလား နေဇော်နိုင်လားတို့ မသိဘူး သူတို့ကို မင်္ဂလာဒုံလေယာဉ်ကွင်းမှာ တွေ့လို့နုတ်ဆက်လိုက်သေးတယ်၊ ဒူဘိုင်းသွားမလို့တဲ့ ဆရာချစ်က ရှေ့ကရောက်နှင့်ပြီတဲ့ ဆရာအော်ပီကျယ်က ထိုင်းကနေ ဒူဘိုင်းလေယာဉ်စီးမယ်လို့ဆိုပါတယ်၊ စကာင်္ပူ ဟောပြောပွဲကို ဆရာအောင်သင်းမလာနိုင်လို့ စီဒီခွေနဲ့ ဘဲဟောပြောလိမ့်မယ်လို့ ဆရာအော်ပီကျယ်က ပြောသွားပါသေးတယ်။

 စကာင်္ပူမှာ လူကြီးနဲ့လူငယ်နှစ်ဖွဲ့ကွဲသွားပြီး စာပေဟောပြောပွဲ ၊ နှစ်ပွဲဖြစ်လိမ့်မယ်လို့ ဆရာအော်ပီကျယ်က ဘုန်းတော်ကြီးတစ်ပါးကို လျှောက်နေတာကို ကြားရပါတယ်၊ ဟင်း အောင်မြင်မယ်မကျန်သေးဘူး မြန်မာ အကျင့်က စပြီလို့ တွေးလိုက်မှိသေး။ နောက်ရက်တွေဘလော့တင်ဖြစ်ရင် မော်လမြိုင်ဟောပြောခဲ့တဲ့ စာရေးဆရာကြီးတွေရဲ့ ဟောပြောချက်တချို့ကို ကောက်နုတ်ရေးမယ်လို့ တွေးထားပါတယ် ဖတ်ျမယ်မလားခင်မျာ။ ရွှင်လန်းချမ်းမြေ့ကြပါစေ။

ချစ်သူချော့နည်း

ကိုကိုငွေ စာရေးလေ ( ဟာနေပါအုံး မဒမ်ရဲ့ နားပါရစေအုံး) သူများတွေရေးပြီးတာ တစ်ပတ်လောက်ရှိပြီ ၊ အေးပါ ရေးပေးပ့ါမယ် အေးဆေးပေါ့ ၊ သူစတင် ဆော်သြနေတာ ၂၀ရက်နေ့ကတည်းက ၊ တကယ်တန်းပြောရရင်တော့ ဘယ်ကစပြီး ရေးရမှန်းကို မသိဘူး ၊ မိုးယံတို့ ကိုဇော်တို့ ရေးထားတာ သွားဖတ်တော့လဲ အော် ပျံလန်နေတာဘဲ ကောင်းတာကို ပြောပါတယ်၊ ကိုကိုငွေတို့က ဒါမျိုးသိပ်မစွမ်းလှဘူး ဒီကြားထဲ မဒမ်ငွေတို့က ဇွတ်ရေးခိုင်းနေသေးတယ်။

 စာရေးတာဟာ စာဖတ်တာနဲ့မတူဘူးဗျ၊ စာဖတ်တာက စိတ်ပါပါ မပါပါဖတ်လို့ ဖြစ်တယ် စိတ်ပါတဲ့အလျှောက် ၊ နဲနဲမှတ်မှိတယ် များများမှတ်မှိတယ် အဲလိုကွာတာ၊ စာရေးတာကြ တော့ စိတ်ပါမှကို ရေးလို့ရတယ် ၊ စာရေးနေတုန်း စိတ်ခံစားမှု တခုခုဖြစ်နေရင် စာက အဲဒီခံစားမှု့ကြီးအတိုင်း စာကထွက်နေတယ်၊ စိတ်မပါဘဲနဲ့ရေးထားတဲ့ စာတွေကို ဘယ်လိုလူကရေးရေး သိသာလွန်းတယ်၊ ဒါကြောင့်စိတ်မပါလို့၊ မရေးဖြစ်ခဲ့တာပါ ဤသည်ကား စကားချီးတည်း။

ချော့တော့မယ်နော်ကြည့်ထား။

အုန်း အုန်း….  ၊ ပြင်းထန်သော လက်သီးဆုတ်နှင့် ကျောပြင် ထိခတ်မှိသောအသံ နှင့်တပြိုင်နက် ချစ်သူရဲ့ ပါးစပ်မှ အာမေဋိတ်သံလေး နှင့်အတူ ချစ်သူရဲ့မျက်နှာလေးလည်း သနားစဖွယ် ငြိုးငယ်စွာ ဖြစ်နေလေရဲ့၊ ကျွန်တော်လဲ ပြုလုပ်လိုက်မှိပြီးမှ စိတ်ထဲမကောင်းမှိတာ အမှန်ပါ၊ ဘယ်လိုတောင်းပန်ရမလဲ၊ ကျွန်တော့်ခေါင်းထဲမှာ ဒေါင်ချာဆိုင်းနေလေရဲ့ ၊ သူ ကျွန်တော့်ကို စိတ်နာသွားပြီလား။

 မဒမ်…မဒမ်…မဒမ်…ကျွန်တော့် အသံကို သူမကြားတာလား၊ မကြားချင် ယောင်ဆောင် နေတာလားတော့ ကျွန်တော် မဝေခွဲတတ်၊ သူ့သူငယ်ချင်းတွေ ရှိတဲ့ တိုက်တန်းဘက်ကို သူထွက်ခွာသွားလေရဲ့၊ မိုးဖွဲလှတဲ့ စင်ကာပူရဲ့ Clementi -MRT နားက အမိုးအကာမဲ့ လမ်းတစ်ခု အလယ်မှာ ကျွန်တော်ဟာ ၁၀မိနစ်လောက် တွေဝေငေးမော တွေးတောမှိသွားတယ်။

နာရီတွေကိုသာ ပြန်ရွေ့လို့ရရင် လွန်ခဲ့တဲ့ နှစ်နာရီကို ကျွန်တော် ပြန်ရောက်သွားချင်ခဲ့တယ်၊ ဒီလိုအမှားမျိုး မကျူးလွန်ချင်လို့ပါ ၊ သူကစနေသမီး စိတ်ကြီးတယ်၊ ကျွန်တော်က စနေသား လက်သွက်တယ် ၊ နှစ်ယောက်ပေါင်းလိုက်ရင် တစ်ပတ်ကို စကားများတာ ၃ပွဲနဲ၅ပွဲကြားမှာ ဖြစ်တယ်၊ နစ်နစ်နာနာပြောတာ ဆိုတာ ဆဲတာ တုတ်တာ မပါ၊ နားလည်မှုတော့ရှိတယ်ဗျ။

ကျွန်တော်က ဒါစားဆိုရင် သူကဒီပြင်ဟာကို စားတယ်၊ ကျွန်တော်က ဒီဘက်သွားမလို့လို့ ပြော ရင်သူက ဟိုဘက်သွားမယ် လိုက်မလားလို့ အဘိယာစက ပြုတတ်တယ်၊ ဈေးသွားလို့ ကျွန်တော်က ပန်းသစ်တော်လေး ကောင်းလိုက်တာ၊ ၀ယ်ရအောင်ပါလို့ တိုက်တွန်းလိုက်တော့ သူက လ်ိမ္မော်သီးတွေ ကောင်းသတဲ့၊ အဲလို တစ်ယောက်တစ်ပေါက်ဆိုပေမဲ့ စကားတော့ နဲနဲများကြတယ် ၊ စိတ်ကောက်စိတ်ဆိုး ပြန်ချော့ တည့်သွားရင် သူလဲသူ့အိမ်ပြန် ကျွန်တော်လဲ ကျွန်တော်အိမ်ပြန်လာ၊ ဒီလိုနဲ့ပြီးသွားခဲ့ကြတာပါ၊

 အခုတခါတော့ ကျွန်တော်ဟာ စိတ်တိုပြီး သူ့ကိုလက်ပါမှိပြီ၊ ကျွန်တော်က လက်သွက်သလို သူကလဲနှုတ်သွက်သူပါ ဒါပေမဲ့အခုကိစ္စကို သူလုံးဝတစ်ခွန်းဆို တစ်ခွန်းမှမဟဘဲ သူ့သူငယ်ချင်းတွေ အိမ်ဘက်ကို ကျွန်တော့ကိုတောင် မခေါ်ဘဲနဲ့ ထွက်သွားပြီ ကျွန်တော် ဘာလုပ်ရမလဲ၊ သူ.့နောက်ကလိုက်သွားရမှာလား၊ ရပ်နေခဲ့ရမှာလား အိမ်ပြန်ရမှာလား၊ သူကိုချစ်တယ် သူ့ချစ်သလောက် ကျွန်တော်သူ့ကိုပြန်ချစ်နိုင်တယ် ၊ သူဂရုစိုက်သလောက် ကျွန်တော်သူ့ကို ဂရုစိုက်ခဲ့တယ်၊ ဒီကိစ္စတွေမှာ သူနဲ့ကျွန်တော်ဟာ သရေဘဲ ၊ ကျွန်တော်တွေးပြီး နောက်ကြောင်းပြန်လျှောက်လာခဲ့တယ်။

ဖြစ်ရတဲ့အကြောင်းရင်းက ဒီလိုဗျ ၊ သူ့သူငယ်ချင်းတစ်ယောက်က မန္တလေးကို ပြန်မလို့တဲ့ အဲဒါ မဒမ်ရဲ့ မေမေဆီကို မဒမ်က လူကြုံထည့်ပေးချင်တာ ၊ အဲဒါနဲ့ သူ့သူငယ်ချင်းရှိတဲ့ Clementi ကို သွားကြတာ၊ ထီးကနှစ်ယောက်လုံးမပါဘူး၊ အဲဒီသူငယ်ချင်းတွေအိမ်ကို ရောက်ဖို့က mrt စီးပြီး Clementi မှာဆင်းပြီး လမ်းလျှောက်ရသေးတယ်။

 မိုးတွေကဖွဲဖွဲနဲ့ ကျွန်တော်က သူ့အိမ်ကိုပေးမဲ့အထုပ်ကို စွဲလာခဲ့တယ်၊ မဒမ် မိုးရွာနေပြီ ကိုကိုငွေ နေခဲ့ရမလားလို့ မေးလိုက်ပါတယ်၊ သူကစကား ပြန်မပြောနိုင်ပါ ၊ အထုပ်တွေ လက်ဆောင်တွေ ထည့်ပေးလိုက်ပြီ ဖြစ်ကြောင်း မြန်မာပြည်မှ မိဘ မောင်ဘွားများကိုဖုန်းနဲ့ လှမ်းပြောနေပါတယ်၊ ရထားပေါ်မှာကတည်းက အတန်တန်ပြောခဲ့ပါတယ် သူငယ်ချင်းတွေအိမ်ကိုရောက်မှ ထည့်ပေးလိုက်ပြီဆိုတာကို ဖုန်းဆက်ပြီးပြောပါ အဲသလိုကျွန်တော်က တိုက်တွန်းခဲ့သေးတယ်။

အခုမိုးရွာခါနီးနေပြီ ဘယ်လိုလုပ်ရမယ်ဆိုတာကို စကားပြန်မရဘူး ဖုန်းသာ သဲသဲမဲမဲ ဆက်နေတော့ ကျွန်တော်ကလဲ စိတ်ဆိုးပြီး ဟဲ့ ထီးပါလား မိုးရွာတော့မယ် ထီးကတစ်ချောင်းထဲဆိုရင် ကိုကိုငွေမလိုက်တော့ဘူး နှစ်ယောက်လုံး ရေဆိုကုန်လိမ့်မယ်၊ အဲလိုပြောနေတုန်း မဒမ်ငွေက ကျွန်တော်ကို သေသေချာချာကြည့်ပြီး တစ်ခွန်းပြောလိုက်ပါတယ်၊ အဲဒီစကားကြောင့် ကျွန်တော်ဟာ စိတ်တိုပြီး သူ့ကျောကုန်းကို အုံး အုံး ဆိုပြီး ခပ်ဖွဖွလေး နှစ်ချက် ဆင့်ထုလိုက်ပါတယ်။ သူပြောတဲ့ စကားက “မိုးကအခုရွာပလား” တဲ့၊ မိုးရွာမှ ပြောလို့ ဘာထူးမတုန်းဗျာ မရွာခင်ပြောမှ လုပ်သင့်တာ လုပ်ထားရမှာမဟုတ်ဘူးလား။ ဖြစ်ပုံကတော့ ဒီလိုဖြစ်သွားခဲ့တာပေ့ါဗျာ။

ဟာ ဒုက္ခဘဲ ကျွန်တော်ခုမှတွေးမှိသွားတယ်၊ ကျွန်တော့်ပိုက်ဆံအိတ်က မဒမ်နဲ့ပါသွားတယ် MRT ကဒ်ထဲမှာ ငွေကနှစ်ကျပ်လောက်ဘဲကျန်တော့ ဘယ်လိုလုပ်ပြီး MRT စီးရပါလိမ့်မလဲ၊ မဒမ် ကတော့ ဒီလမ်းက မုချ ပြန်လာမှာ ၊ မိုးတွေကလဲ ကျလာပြီ ကျွန်တော် MRT ဂိတ်ဝမှာ ဟိုလျှောက် ဒီလျှောက်နဲ့ အကြံထုတ်နေတုန်း ခပ်ဝေးဝေးက ဆောင့်ဆောင့်အောင့်အောင့်နဲ့ မဒမ်ငွေတစ်ယောက် ရောက်ချလာတာကို မြင်ပြီး ကျွန်တော်ခေါင်းထဲမှာ အကြံတစ်ခု ဖြတ်ခနဲ ပေါ်လာတယ်။ 

ကျွန်တော့် နှုတ်ဖျားက ကမ္ဘာပေါ်မှာ အသံတကာတို့ထက် ချိုမြိန်သော အသံဖြင့် “ဟလို မဒမ် ကိုကိုငွေကို စိတ်ဆိုးသွားလား ကိုကိုငွေက အချစ်စမ်းတာပါ၊ အခုမိုးရွာနေတာတောင် ထီးမပါဘဲနဲ့ မင်းကိုထိုင်စောင့်နေတာ ကြည့်လေ ဒီလောက်ဆိုရင် ကိုကိုငွေ မင်းအပေါ်ထားတဲ့ မေတ္တာ ကို ခန့်မှန်းလို့ ရလောက်ပါပြ”ီ  “သွားပါ အခုမှ ထုတုန်းက ထုပြီး အပိုတွေ ပြောမနေနဲ့ ဒီကတသက်လုံး အဖေရိုက်တာတောင် မခံခဲ့ရဘူး အခုကျမှ အနှိပ်စက်ခံနေရတာ” “ အေးပါကွာ ကိုကိုငွေ မှားပါတယ်၊ နောက်မဖြစ်စေရပါဘူး ကတိပေးပါတယ’်  “နောက်လဲ အမြဲတမ်း ဒီလိုဘဲလုပ်နေမှာဘဲ မဟုတ်လား ၊ တစ်သက်လုံးစိတ်ဆင်းရဲ မခံနိုင်ဘူးနော်၊ အမြဲဒီလိုလုပ်နေမှာလား၊” “ မလုပ်ပါဘူး အခုဟာက စိတ်တအားတိုသွားလို့ပါ၊ တောင်းပန်ပါတယ်နော် သိလား၊”

ကျွန်တော်ကလဲ သူကရီးစားဦးဆိုတော့ ချော့တတ်တဲ့အတွေ့အကြုံကမရှိ၊ ဘာစားအုံးမလ၊ဲ ဘာမှမစားဘူး၊ စိတ်ဆိုးသွားလား ၊ မဆိုးပါဘူး မျက်နှာ အနေအထားသည် ၊ ကောင်းကင်ယံတွင် မိုးသားတိမ်တိုက်တို့ လွမ်းမိုးအုံ့ဆိုင်းနေသကဲ့သို့ ၊ ကျွန်တော်ချစ်သူ မျက်နှာပြင်တွင် မျက်ရေကျရန် အဆင့်သင့်အနေထားဖြင့် လွှမ်းမိုးအုံ့ဆိုင်းနေလေ၏ ငါ့နှယ်နော် ရာဇ၀င်အိုး ဒုတ်နဲ့ထိုးမှိပြီ ၊ ဘယ်နှယ့်ချော့ရပါလိမ့် ၊ အကိုကွာ မင်းကိုဟင်းချက်ကျွှေးမယ် စားမယ်မလား၊ မစားဘူး၊ အင် ဒါဆိုရင် ဖျော်ရည်ကြိတ်တိုက်မယ်၊ မသောက်ဘူး ၊ အော ဘာ စားချင်တုန်း၊ မစားဘူး၊ ရော် ကျွန်တော်မေးနေတုန်း သူ့မျက်နှာပေါ်တွင် အုံ့ဆိုင်းနေသော မျက် ရည်စတို့သည်   အတားအစီးမရှိ လူရှေ့မရှောင်သူရှေ့မရှောင် သည်းထန်စွာ မျက်ရည်မိုးတို့ ရွာသွန်းဖြိုး လေတော့သည်။

ဒီအသက်အရွယ်အထိ ဒီတခါဘဲ ဒီလိုအထုခံရဖူးတယ်၊ အဖေတောင်အဲလိုမထုဘူးဘူး သူ့နဲ့ ကျမှ အထုခံရတယ်၊ ဒါတောင် သမီးရီးစားရှိသေးတယ်၊ အိမ်ထောင်ကျရင် ဒုက္ခပေါ့၊ သူများအတွဲ တွေများ ကြင်နာလိုက်ကြတာ၊ ဒီမှာတော့ အနှိပ်စက်ခံနေရတယ်၊ ဒီပုံစံအတိုင်းဆိုရင်တော့ လက်မထပ်နိုင်ဘူး၊ စသဖြင့် စသဖြင့် ပွစိ ပွစိ ပွစိနဲ့ ဘာတွေပြောလို့ ပြောမှန်းမသိပါဘူး ၊ အဲလောက်နားပူမယ်မှန်းသိရင် ထုကိုမထုဘူး အခုတော့ ထုလဲထုပြီးပြီ ဆိုတော့ ချော့တော့ချော့ရမှာအမှန်ဘဲ။

 ကိုကိုငွေကို ပြန်ရိုက်ပါ မဒမ်ငွေ စိတ်ရှိသလောက်ရိုက် ဟုတ်ပြီလား အဲလိုကြီး မျက်နှာစူပုပ်ပြီး မနေပါနဲ့ စိတ်ထဲမကောင်းလို့ပါ မဒမ်ငွေ ငိုရင် ကိုကိုငွေ ရင်ဘတ်နာတယ် စိတ်လဲတော်တော်လေးကို မကောင်းတာပါ ကဲ ထုလေ ရိုက်လေ ဆိုပြီး ကျနော်က သူ့လက်လေးကို  ကိုင်ပြီး ကျနော့်ကျောပြင်ကို ထုခိုင်းပါတယ် မဒမ်ကတော့ မထုပါဘူး ကျနော် ဇွတ်အတင်း လက်ဆွဲပြီး ၅ ချက်လောက်ထုလိုက်ပါတယ် အဲင်္ဒီတော့မှ မဒမ်က တော်ပြီ လက်ကိုလွှတ် ပြန်မယ် လို့ပြောပါတယ် ကျနော့်အထင် မဒမ်ငွေ စိတ်နဲနဲတော့ ပြေသွားတယ် ထင်ပါတယ်။

 ဒါပေမဲ့ မနက်ဖြန် သူ့အိမ်ကို အလည်သွားပြီး သူ့ကို ချက်ကျွေးရမယ် အရုပ်လေးတစ်ရုပ်လောက် လက်ဆောင်ဝယ်ပြီး ချော့ရအုန်းမယ် ဟူးးးးး ချစ်သူချော့ရတာလဲ မလွယ်ပါလား တကယ်ပါ ချော့နည်းရေးဆိုတော့လဲ ကျနော်က ပေါက်ပေါက်မြောက်မြောက် မချော့တတ်ပါဘူး ဒီအဖြစ်ကလေးက အခုဆို ကျနော်တို့ စကားပြောတိုင်း ခဏခဏ ပါနေတဲ့ အဖြစ်ကလေးပါ “ မိုးကရွာပြီလား၊ အုန်း အုန်း ဖြစ်ချင်တာလား “ ဆိုပြီး စိတ်ကောက်တော့မယ် ဆိုရင် အဲလို စကားလမ်းကြောင်းလွှဲပြီး ပြောဖြစ်နေပါတယ်။

မဒမ်ငွေရဲ့ ရာသီဥတုက နဲနဲကောင်းလာသလို ဖြစ်လာတော့ ကျွန်တော်လည်း ကိုယ့်ကိစ္စ ကိုယ်ဆက်လုပ်ရဦင်္းမည် ဖြစ်သဖြင့် ၊ ဟဲဟဲ ကို့ချစ်သူလေး မဒမ်ငွေ ကိုယ့်ကိုပိုက်ဆံအိတ်လေး တစ်ဆိတ်လောက် ပေးစမ်းပါ ၊`ဘာလုပ်မလို့လဲ ´ ငေါတူးတူးနှင့် ကျွန်တော့်ကိုမျက်စောင်းထိုးပြီး ကြည့်ခါမေးပါ၏၊ ဟဲဟဲ ကို MRT ကဒ်ဖြည့်မလို့ မနက်ဖြန်မင်းဆီလာရင် MRT ကဒ်ကမရှိတော့ဘူးလေ ဟဲဟဲ၊ အဲဒါကြောင့်ပါ။

 `မှန်မှန်ပြော MRT ကဒ်ထဲငွေဖြည့်စရာမရှိလို့ ၊ ပိုက်ဆံအိတ်ကို စောင့်နေတာမဟုတ်လား´ အိုဘာစကားတွေလဲ်၊ မဟုတ်ရပါဘူး ကိုက မင်းတစ်ယောက်ထဲ ပြန်သွားရမှာ စိတ်မချလို့ စောင့်နေတာပါ၊ `ရော့ ပိုက်ဆံအိတ်´ ကျွန်တော် လက်အစုံဟာ လေ၏လျှင်မြန်မှုနှုန်းဖြင့် သွက်လက်စွာ မဒမ်ငွေလှမ်းပေးသော ပိုက်ဆံကိုယူပြီး MRT ကဒ်ကိုငွေဖြည့်လိုက်ပါ၏၊ ဒါဘဲနော် အိမ်အထိ လိုက်ပို့ပေးမယ် သိလား၊ မနက်ဖြန် စနေနေ့ဆိုတော့ ကိုကိုငွေလာမှ ထမင်းစားသိလား၊ ၀က်နံရိုးကြော် လုပ်ကျွေဲး့မယ်၊ pooh အရုပ်လေး ၀ယ်လာခဲ့မယ်၊ စောင့်နေနော်သိလား ၊ ကျွန်တော် တို့နှစ်ယောက် MRT ပေါ်သို့ တက်လိုက်ပါတယ်။

 မဒမ်ငွေ အိမ်နားက MRTကို ရောက်တော့ မဒမ်က ကျွန်တော့ကြောကုန်းကို ဆင်းခါနီးတွင် အုန်းအုန်းဟု နှစ်ချက်ထုသွားပါ၏၊ ကျွန်တော် ဘာမှပြန်လုပ်ချိန် မရလိုက်ပါ၊ ကျွန်တော်ဆင်းပြီး သူ့ နောက် လိုက်မယ် လို့ ကြံခါရှိသေး ၊ MRT တံခါးက ပိတ်သွားလေ၏၊ အင်း အင်း  အင်း…………ယောကျာင်္းလေးဖြစ်ရတာ မလွယ်ပါလားကွယ်တို့။

ကဲ ကိုဇော် ရေ ကျွန်တော်ကတော့ သိပ်ချော့တတ်တာမဟုတ်ဘူး၊ ချော့ကိုမချော့တတ်တာ၊ ဘယ်သူ့ကိုမှ မချော့ခဲ့ဖူးဘူး ၊အခု ရေးထားတာလေး စာအရေးအသား မပြေပြစ်ရင် ကျနော်တောင်းပန်ပါတယ်ဗျာ သူကရီးစားဦး သူကသာချစ်သူ သူနဲ့သာ လက်ထပ်တော့မှာဆိုတော့ မချော့လဲ အချိန်တန်ရင် တစ်ယောက်ယောက်က စပြီး စကားပြောတာဘဲ၊ သိပ်ပြီး အထူးချော့မနေရဘူးပေါ့ဗျာ။

 အားလုံးရွှင်လန်း ချမ်းမြေ့ကြပါစေလို့ ငွေလမင်းတို့က ဆုတောင်းပါတယ်၊ ရွှင်လန်းချမ်းမြေ့ကြပါစေခင်မျာ။

စစ်ကိုင်းကောင်းမှုတော် နိမိတ်ပြ

ထုံးသင်္ကန်းမှ ရွှေသင်္ကန်း သို့ ပြောင်းလဲခြင်း ခံရသည့် စစ်ကိုင်း ကောင်းမှုတော် စေတီတော်ကြီးသည် ယနေ့  ညနေ အချိန် တွင် မူလထုံးသင်္ကန်းရောင် ကို ပြန်လည် ဖူးမြော်ကြရသည် ဟု နိမိတ် ပြသည်။

ထုံးသင်္ကန်း မှ ရွှေသင်္ကန်း ကို ဥာဏ်တော်မှ စတင်ပြောင်းလဲစဉ်

မူလ ထုံးသင်္ကန်း နှင့် သပ္ပယ် တော် မူသည့် စစ်ကိုင်းကောင်းမှု တော် စေတီ

င်္င်္် Freedom News Group မှ ကူးယူဖော်ပြပါသည်။

"စစ်ကိုင်း က လူတွေ ပြောပြောနေကြတယ်. ဘုရားက ညဘက် နဲ့ မနက် မိုးလင်းတွေ မှာ ဆိုရင် ထုံးသင်္ကန်း ပြန်ဖြစ်နေတယ်ဆိုတာ ထင်တယ်။ ညနေ ၀င်ရီတတောရာ ဘုရာကို အရှေ့ ဘက်က ကြည့်ရင် ထုံးသင်္ကန်း နဲ့  ဘုရား နား က လူတွေက ထုံးသင်္ကန်း နဲ့ ပဲ ကြည့် ခဲ့တာ ကြာတော့ ရွှေ့ ကို မမြင် တော့ ပဲ Illusion ဖြစ်တာ လို့  မုံရွာ တက္ကသိုလ်က ပြောတယ်" ကွန်မန့်တစ်ခုပါ။

EP and S Pass အခြေခံလစာ လိုအပ်ချက်များ တိုးမြှင့်

Local ဝန်ထမ်းများ၊ အလုပ်သမားများ၏ ဝင်ငွေလစာတိုးတက်မှုများအတွက် အားပေးအားမြှောက်ပြုသည့် အနေဖြင့်သော်လည်းကောင်း အလုပ်ရှင် Company များအတွက် ပိုမိုကောင်းမွန်အရည်အချင်းပြည့်ဝသော နိုင်ငံခြားသား ကျွမ်းကျင်အလုပ်သမား ဝန်ထမ်းများ ရွေးချယ် ခန့်ထားနိုင်ရန်ရည်ရွယ်၍ လည်းကောင်း EP နှင့် S Pass အခြေခံလစာလိုအပ်ချက်များကို အလုပ်သမားဝန်ကြီးဌာန (MOM)က တိုးမြှင့် မည်ဖြစ်ကြောင်း  သိရှရပါသည်။

၂၀၁၁ ခုနှစ် ဇူလိုင်လ ၁ ရက်နေ့မှ အဆိုပါ စည်းမျဉ်းအသစ်သည် စတင်အကျိုးသက်ရောက်မှု ရှိမည်ဖြစ်ပြီး Spass အတွက် အခြေခံ လစာ လိုအပ်ချက်မှာ ယခင် S$1800 မှ S$2000 ကို၎င်း၊ EP အမျိုးအစားများဖြစ်သည့် Q1, P2 နှင့် P1 များအတွက် S$2800 , S$4000 နှင့် S$8000 အသီးသီးတိုးမြှင့်သွားမည်ဖြစ်ကြောင်း အလုပ်သမားဝန်ကြီးဌာန ဝန်ကြီး Mr. Gan  Kim Yongကမနေ့က ပါလီမန်တွင် ပြုလုပ်နေသည့် ဝန်ကြီးဌာန Budget Debate အတွင်းကြေငြာသွားခြင်းဖြစ်သည်။

ယခုလက်ရှိကိုင်ဆောင်ထားသော EP နှင့် S Pass ဝန်ထမ်းများအနေဖြင့် နောက်တစ်ကြိမ် ယခင်စည်းမျဉ်းအတိုင်း ၁ နှစ်မှ ၂ နှစ်အထိ သတ်တမ်းတိုးခွင့်ပြုမည်ဖြစ်ပြီး၊ နောက်ပိုင်းသတ်တမ်းတိုးမှု များအတွက်ကိုမူ စည်မျဉ်းစည်းကမ်းအသစ်များဖြစ်သာဆက်လက် ဆောင်ရွက်ပေးမည်ဟု ဝန်ကြီးကဆက်လက်ပြောကြားသွားသည်။

အဆိုပါ စည်းမျဉ်းအသစ်၊ အခြားသော နိုင်ငံခြားသား အလုပ်သမားများကိစ္စများ နှင့် နိုင်ငံခြားသား

အလုပ်ကမားများ၏ အရည်အသွေး စသည်တို့ကို ပါလီမန်အမတ်များမှာ ဝိုင်းဝန်း ဆွေးနွေးခဲ့ကြသည်။ ဝန်ကြီးအနေဖြင့် အမတ်များ၏ သဘောထားတင်ပြချက်များဖြစ်သည့် ကျွမ်းကျင် နိုင်ငံခြားသား အလုပ်သမားဝန်ထမ်းများနှင့် ပြည်တွင်း ကျွမ်းကျင် အလုပ်သမားဝန်ထမ်းများအကြား အလုပ်ရရှိမှုအတွက် ယှဉ်ပြိုင်ရမှုများရှိသည်ကို အသိအမှတ်ပြု နားလည်သဘောပေါက်ကြောင်း သို့သော် စင်္ကာပူအနေဖြင့် နိုင်ငံခြားသား ကျွမ်းကျင်သူများ ကိုတံခါးပိတ်၍ မဖြစ်နိုင်ကြောင်း ပြန်လည် ဖြေကြားသွားပါသည်။

-----------------------------------------------------------------------------------------------------------------------------------------

အထက်ပါသတင်းတိုသည် 10/03/2011 ယနေ့ထုတ် TODAY Newspaper တွင် သတင်းထောက် Esther Ng ရေးသားချက် အပေါ် အတိုချုံး၍ ဆီလျှော်အောင် ဘာသာပြန်ထားခြင်းဖြစ်ပါသည်။ ဘာသာပြန်မှု အဓိပ္ပါယ် အနည်းငယ် လွဲချော်နေခြင်းရှိခဲ့ပါလျှင် နားလည်ခွင့်လွှတ်ပေးပါရန် မေတ္တာရပ်ခံပါသည်။ ကျနော့်အထင်ဖြင့် လာမည့်စနေ့နေ့ ထုတ် The Strait Time သတင်းစာတွင်၎င်း သတင်းနှင့် ပတ်သတ်သည့် သုံးသပ်ချက် အပြည့်အစုံ ထွက်ရှိလာနိုင်ဖွယ် ရှိပါသည်။ အကယ်၍ ထွက်ရှိလာပါက နောက်ဆက်တွဲအဖြင့် ကြိုးစားဖော်ပြပေးသွားပါမည်။ အထက်ပါသတင်းကို မည်သည့် website တွင်မဆို credit ပေး၍ ဖော်ပြခွင့်ပြုပါသည်။

Myanmar in Singapore မှ ဖတ်ရတာလေး တင်လိုက်တာပါ  သိပြီးသားလဲ ဖြစ်ချင်ဖြစ်မှာပါ ဆားချက်လိုက်တာပါ အားလုံး ကျန်းမာပျော်ရွှင်ကြပါစေ လို့ ငွေလမင်းတို့က ဆုတောင်းလိုက်ပါတယ်။