Saturday, December 18, 2010

ဖြစ်ချင်ခဲ့သောဆန္ဒများနှင့် မဖြစ်ချင်သောဆန္ဒများ

ကျနော်လဲ သူများတွေလိုဘဲ ဖြစ်ချင်ခဲ့တာတွေ မဖြစ်ချင်ခဲ့တာတွေ ရှိခဲ့ဖူးပါတယ် အစက ဒီပို့စ်ကို မစ်စတာငွေလမင်း ခရီးက ပြန်လာမှ ရေးခိုင်းမလို့ဘဲ ကျနော်က ပြောပြမယ် သူက ဖတ်လို့ကောင်းအောင် စာပြန်ရေးပြီးမှ တင်မယ်ပေါ့ အဲလို စိတ်ကူးထားပါတယ် ဒါပေမဲ့ အခုဘလော့တွေ လျှောက်ဖတ်ပြီးတော့လည်း မအိပ်ချင်သေးတာနဲ့ ရေးကြည့်လိုက်တာပါ မစ်စတာက ပြောပါတယ် မင်းစာရေးတာက တောင့်တောင့်ကြီးတဲ့ ဖတ်လို့မကောင်းဘူးဆိုတော့ စာကိုသိပ်မရေးဖြစ်ပါဘူး သူရေးတာကိုဘဲ စာလုံးပေါင်းစစ်ပေးတာလောက်ဘဲ လုပ်တာပါ စာဖတ်တော့ ၀ါသနာပါတယ် မိုးယံပြောသလိုဘဲ မုန့်ထုပ်တဲ့ သတင်းစာတို့ ဂျာနယ်တို့ကစပြီး ဖတ်ပါတယ် စာအုပ်ကတော့ ကြုံရင်ကြုံသလိုဖတ်ပါတယ်။


နိဒါန်းပျိုးနေတာနဲ့ စာကရှည်နေပြီ ကျနော်ငယ်ငယ်က တော်တော်ဆိုးတယ်လို့ မေမေကပြောပါတယ် စကားပြောတတ်ခါစက ကျနော်က ဈေးထဲက ပလတ်စတစ်မျက်မှန်တွေကို ၀ယ်ခိုင်းပါတယ်တဲ့ မေမေက တခုဝယ်ပေးတာကို ကျနော်က အကုန်လိုချင်ပါတယ်တဲ့ ဒါနဲ့မေမေက မျက်မှန်၁၀ခုလုံးကို ၀ယ်ပေးလိုက်ပါတယ် ပြီးတော့ မျက်မှန်ကို မေမေက တပ်ပေးပါတယ် ကျနော်က လောဘကြီးတယ်တဲ့ ၁၀ခုလုံးကို တပ်ပေးပါဆိုလို့ မျက်မှန်၁၀ခုလုံးကို နဖူးကစပြီး လည်ပင်းထိတပ်ပေးရပါတယ်တဲ့ မေမေနဲ့ဖေဖေက ကျနော်ကို ကြီးလာရင် နိုင်ပါ့မလား အခုကိုတော်တော် ဆိုးနေပြီဆိုပြီး စိတ်ပူခဲ့ကြပါတယ်တဲ့  အဲ အသက်ကြီးလာတော့ မျက်မှန်တပ်ရမှာကို အရမ်းရှက်ပါတယ်  ဒါပေမဲ့ ငယ်ငယ်က ဇာတိပြလာပါတယ် ၁၀ တန်းမှာ စာတွေကို သိပ်ပြီးကောင်းကောင်း မမြင်ရတော့ပါဘူး ဒါနဲ့ မျက်မှန်မတပ်ချင်ခဲ့သော ဆန္ဒဟာ ဖြစ်လာပါတော့တယ် အဲဒီကတည်းက တပ်ရတာ မျက်မှန်ကို အိပ်ချိန်မှ ချွတ်ရတာ ဒီနေ့ထိပါဘဲ အခုဆို ပါဝါ တော်တော်ထုနေသလို မျက်မှန်မပါရင် ကောင်းကောင်းမမြင်ရပါဘူး။


ကိုမောင်လေး ရဲ့ ၉တန်းတုန်းက ဆရာမ မေးခံရတဲ့ ပုံစံမျိုး ကျနော်လဲ ၆တန်းတုန်းက မြန်မာစာ ဆရာမက မေးဖူးတယ် တစ်တန်းလုံးကို ကြီးလာရင် ဘာဖြစ်ချင်တာလဲဆိုပြီး တစ်ယောက်ပြီး တစ်ယောက် မေးခံရဖူးပါတယ် ကျနော်ကတော့ ဘာရယ်မဟုတ် ငယ်ငယ်က ဝေဖာအချောင်းလေးတွေနဲ့ အိမ်ဆောက်တမ်း ကစားဖူတော့ အင်ဂျင်နီယာ ဖြစ်ချင်ပါတယ်လို့ ပြောခဲ့ပါတယ် အဲဒါလေးတော့ အခုတကယ်ဖြစ်နေပါတယ် ဒါပေမဲ့ အလုပ်ကို အခုမှ နဖူးတွေ့ ဒူးတွေ့ လုပ်ဖူးတာဆိုတော့ တကယ်လုပ်ကြည့်တော့ အဆင်မပြေတာတွေ များပါတယ် အခုထိကြိုးစားတုန်းပါ။


အင်ဂျင်နီယာ လိုင်းကို အိမ်နဲ့အတိုက်အခံလုပ်ပြီး ယူထားရတာ ၁၀ တန်းတုန်းကလေ ကြုံတုန်းကြွားလိုက်အုန်းမယ် ပျော်ပျော်ပါးပါး ဟေးလားဝါးလားနဲ့ နေလာတာကို အောင်စာရင်းထွက်တော့ ၄ ဒီ နဲ့အောင်တယ် မေမေနဲ့ဖေဖေက ဆရာဝန်လုပ်ခိုင်းတာ မလုပ်ချင်ဘူး ဆေးရုံနံကို မခံနိုင်ဘူး ဘာဖြစ်တယ်ညာဖြစ်တယ်ဆိုပြီး  ကိုယ်လုပ်ချင်တာလုပ်လာတာ ဘီအီး ထိ ၅ နှစ်လောက်ဘဲ ဆိုပြီးတက်လာတာ ကိုယ်အလှည့်ကျမှ ဘယ်လိုဖြစ်တယ် မသိဘူး ကျောင်းပိတ်ရက်များသွားပြီး ၂၀၀၁ ခုနစ်အောင်တဲ့သူတွေ နဲ့ ဘီတက်ပထမနှစ် မှာပေါင်းပြီးတက်ခိုင်းတော့ ဘီးအီးထိ ၆ နစ်ကြာသွားပါရော အဲဒါနဲ့ သူများတွေ သွားသွားနေတဲ့ စလုံးဆိုတာကြီးကို အရမ်းသွားချင်တော့ မေမေ က ခွင့်မပြုဘူး ဒီမှာဘဲ အလုပ်လုပ်ရမယ်တဲ့ ဒါနဲ့ မေမေနဲ့ သဘောတူညီမှူတစ်ခု လုပ်ရပါတယ် ၂ နှစ်လောက်ဘဲသွားကြည့်မှာပါ အကြာကြီးမနေပါဘူး ဆိုတော့ မေမေက ဒါဆို မာစတာပြီးအောင်တက်ပြီးမှ သွားရမယ်တဲ့ ဒီလိုနဲ့ မတက်ချင်ဘဲ ကျောင်းဆက်တက်ရတာ ၃ နှစ်လောက်ထပ်ကြာသွားပါတယ်  ကျနော် ကျောင်းကို ၂၀၀၁ က စပြီးတက်တာ ၂၀၁၀ မတ်လ မှပြီးပါတယ် ပြီးပြီးချင်း ထွက်လာလိုက်တာ အလုပ်အတွေ့အကြုံဆိုတာ ဘာဆိုဘာမှမသိဘူး အလုပ်လျှောက်တော့  ခပ်တည်တည်နဲ့ အတွေအကြုံ့ ၂ နှစ်ဆိုပြီး လိမ်လျှောက်ပါတယ် အလှုပ်ရတော့ စာတွေ့နဲ့ လက်တွေ မတူ တော်သေးတယ် စီနီယာ မြန်မာ အကိုကြီးက ပြောပြောပြလို့ စီနီယာ အလုပ်မလာတဲ့နေ့ဆို ကိုဇော် ပြောသလို တိုင်ပတ်နေတော့တာပါ။


စာရေးတော့ မကောင်းပါဘူး သူများတွေလို စာဖတ်သူကို ဆွဲခေါ်သွားလောက်အောင် စာမရေးတတ်ဘူး ဒါပေမဲ့ အဲလို လူတွေကို အားကျတယ် သူတို့လို ရေးတတ်ချင်တယ် ကျနော် က ဘာလုပ်လုပ် အလွဲချည်းလုပ်တာများပါတယ် ကျနော်ထင်တာ ဒါဆို ဖြစ်သွားတာ တခြား မစ်စတာက ခရီးသွားတာ ကြာအုန်းမယ်ဆိုတော့ ဘလော့ကို ဒီအတိုင်းကြီးပစ်မထားချင်လို့ ရေးတတ်သလောက် ရေးလိုက်ပါတယ် အားပေးမယ်ဆိုရင် ကျနော် အလုပ်ရှာနေတုန်း အဖြစ်လေးတွေကို ရေးချင်ပါသေးတယ် အခုရေးနေတာတွေက ခေါင်းစဉ်နဲ့ မကိုက်ဘူးဆိုရင် တောင်းပန်ပါတယ် စိတ်ထဲရှိတာတွေ ချရေးလိုက်တာပါ


ငယ်ငယ် က ဖြစ်ချင်တာ တစ်ခုရှိသေးတယ် အဆိုတော် အရမ်းဖြစ်ချင်တာ ဟဲဟဲ ကျောင်းမှာဆို ၀ဲကမ်း ရောက်ရင် သီချင်းဆိုချင်တဲ့သူ စာရင်းကောက်လို့ကတော့ ထိပ်ဆုံးကဘဲ နှစ်တိုင်းဆိုတယ် ဒါပေမဲ့ ဘီအီးကစပြီး ဆိုလို့မရတော့ဘူး အငယ်တွေကို ဦးစားပေးရမယ်ဆိုလို့ အသံကတော့ မကောင်းဘူး ၀ါသနာအရဆိုတာဘဲ အခုထိလဲ အဆိုတော်ဖြစ်ချင်တုန်းဘဲ မဖြစ်နိုင်ပါဘူး အသံမှမကောင်းတာ မဟုတ်လား စာမေးပွဲပြီးရင် ဘာလုပ်လဲ ဆိုတော့ အိမ်မှာ တနေကုန် သီချင်းဆိုတယ် ရပ်ကွက်ထဲက လူတွေ နားညီးတော့တာပေါ့ စာမေးပွဲအတွင်းလဲ အသံကုန်အော် ပြီး ၇ အိမ်ကြား ၈ အိမ်ကြားစာကျက်တယ် ပြီးတော့လဲ ဆိုနေကြ သီချင်းတွေဖွင့်ပြီး ရေသောက်ပြီး ဆိုပါတယ် အဲလောက်ကို သီချင်းဆို ၀ါသနာပါခဲ့ပါတယ်


နောက်တစ်ခု စိတ်ကူယဉ်ခဲ့တာ ရှိသေးတယ် ငယ်ငယ်ကြည့်ခဲ့တဲ့ အက်ရှင်ဇာတ်ကားက မင်းသမီးတွေကိုကြည့်ပြီး ကြီးလာရင် စုံထောက်လုပ်ချင်ခဲ့သေးတာ ရှေ့နေလဲ လုပ်ချင်လိုက်သေးတယ် နောက်ပြီး ဘုရားတွေ သွားဖူးရင် နိုင်ငံခြားသားတွေကို ဘုရားသမိုင်းရှင်းပြတဲ့ စကားပြန်မမတွေကို မြင်ရင်လဲ တိုးဂိုက် လုပ်ချင်ခဲ့သေးတယ် ဖြစ်ချင်ခဲ့တာတွေကတော့ စုံနေတာဘဲ ငယ်ငယ်က မေမေက ကျနော်ကို ဆရာမလုပ်စေချင်တာ စာသင်ဝါသနာမပါဘူး မသင်ချင်ခဲ့ဘူး ဒါပေမဲ့ ၁၀ တန်း အောင်စာရင်းထွက်ပြီး နောက်တစ်ရက်ကစလို့ ၁၀ တန်း ဂိုက် လုပ်ခဲ့တာ ဒီကို မလာခင်အထိကို သင်ခဲ့ရတုန်းပါ ဖြစ်ချင်တာက တိုးဂိုက် လုပ်ရတာ ၁၀ တန်း ဂိုက် စာမသင်ချင်ပါဘူးဆိုမှ မေမေ က ဒီကပြန်လာရင် စာ သင်တဲ့အလုပ်ဘဲ ဆက်လုပ်ပါတဲ့ အိုးမကွာအိမ်မကွာ နေရတယ်တဲ့ နောက်တော့ ဘာဖြစ်မလဲမသိဘူး အခုလောလောဆယ်တော့ ပရော်ဖက်ရှင်နယ် အင်ဂျင်နီယာတွေလို အလုပ်ကိုလုပ်တတ်ချင်တယ်။


မေမေနဲ့ မတူချင်တာ တစ်ခုရှိသေးတယ် ဘာလဲဆိုတော့ မေမေက ဖေဖေကို အရမ်းချစ်တယ် ကျနော်က မေမေကို ခဏခဏပြောမှိတယ် ဖေဖေသိပ်ချစ်တာဘဲလို့ သမီးကြီးလာရင် မေမေလိုမျိုး မချစ်ချင်ပါဘူးလို့ စိတ်ပင်ပန်းလိုက်တာလို့ ဖေဖေကိုဘဲ လိုက်စိတ်ပူနေတယ် စိတ်မချဖြစ်နေတယ် ဖေဖေ အပြင်သွားရင် ဘယ်လောက်ကြာမှာလဲ လို့မေးတယ် ပြောထားတဲ့အချိန်ကို ကျော်သွားရင် ဖေဖေ သွားတဲ့ဆီကို မေမေက လိုက်ပြီးခေါ်ပါတယ် မျက်စိအောက်ကအပျောက်မခံနိုင်အောင်ကို မေမက ဖေဖေကိုချစ်တာပါ မေမေကိုကြည့်ပြီး အချစ်ဆိုတာကြီးကို မကြုံချင်ဘူး အခုတော့ ကျနော်က မေမေထက်တောင် ပိုဆိုးနေမလားဘဲ ဖေဖေက အသက်မရှည်ခဲ့ပါဘူး အခု ဖေဖေဆုံးတာ ၃ နှစ်ကျော်သွားပါပြီ ဒါပေမဲ့ မေမေက နေ့တိုင်း ဖေဖေ အကြောင်းမပါရင် မပြီးဘူး စကားပြောတိုင်းထဲ့ပြောတယ် တခါတခါ မေမေကို သနားမှိတယ် မေမေက ပြောတယ် ညည်းဖေဖေကို ခရီးသွားနေတယ်လိှု့ဘဲ စိတ်ထဲမှတ်နေတယ်တဲ့ နောက်ပြီးပြောပါသေးတယ် ဖေဖေ ဆုံးတော့ သူလဲ နေချင်စိတ်မရှိဘူးတဲ့ ဒါပေမဲ့သားသမီး ၃ ယောက်လုံးမိဘ မဲ့ကုန်မှာဆိုးလို့တဲ့ ဖေဖေ ကို သတိရတိုင်း မေမေက ငိုပါတယ် ကျနော်ပါ လိုက်ငိုမိပါတယ် ဖေဖေကို ဒီလောက်အစောကြီး ထွက်မသွားစေချင်သေးဘူး ကျနော်လုပ်ကျွေးချင်သေးတယ် အဲဒီ ဆန္ဒကတော့ ဘယ်လိုမှမဖြစ်နိုင်တော့ ပါဘူး


ကျနော်က အိမ်မှာ အကြီးဆုံးပါ ကျနော်မှာ အကိုကြီး အစ်မကြီး တွေ ရချင်ခဲ့တာပါ အဲဒါလဲ ဖြစ်ချင်ခဲ့သော ဖြစ်မလာတာတွေပါ မေမေက ဆရာမ ဖြစ်ဖြစ် ရုံးဝန်ထမ်းဖြစ်ဖြစ် လုပ်စေချင်တယ် ကျနော်ကတော့ အခု ဒီကပြန်ရင် ကိုယ်ပိုင်စီးပွားရေးလေး တခုခုပေါ့ တတ်နိုင်သလောက်လေး တခုခု လုပ်ချင်ပါတယ် စိတ်ထဲအခုပေါ်လာတွေကို ချရေးလိုက်တာပါ ကျနော်ရဲ့ တောင့်တောင်ြ့ကီးဖြစ်နေသော စာများကို မျက်စိညောင်းခံပြီး လာဖတ်ပေးသူများကို ကျေးဇူးတင်ပါတယ်



 စာဖတ်သူများအားလုံး ကျန်းမာပါစေလို့ ငွေလမင်းတိုက ဆုတောင်းလိုက်ပါတယ်။

Friday, December 10, 2010

ပြည်ရွာပျက်ကြောင်း ၁၀ပါး

မြို့ရွာပျက်မည်၊ ကြောင်းဆယ်တည်ကို ၊နားလည်စေကြ ၊ လကာင်္ပြအံ့၊ ဂြိုလ်မရှစ်ထောင့် ၊ မဖြောင့်သွားလာ ၊ ခေါင်းပါးစာရေ ၊ ချိန်နေမမှန် ၊ ရွာသွန်မြူးခုန် ၊ ပဇ္ဇုန်ထွေထူး၊ လေရူးပေါပေါ ၊ ဖျောဖျောတက်တိုး၊ မိုးကြိုးအသံ၊ လမှန်ကြူးက၊ ဒေါင့်တဲစသည်၊ လုပ်ထယာခင်း၊ ကျဆင်းပိုးထူ၊ ခွေးအူချိန်လွဲ၊ တောထဲကြွက်နက်၊ တောကြက်သင်းခို၊ ရွာကိုဝင်လျှိုး၊ ကြမ်းပိုး ပိုးဟပ်၊ ထူထပ်များစွာ၊ နှံစာသငယ်၊ ပေါယယ်ကျရောက်၊ ဗျဂ္ဃစိမ်းစား၊ သစ်ကျားရဲယောင်၊ မရှောင်လုယူ၊ ခိုးသူလည်းထ ပြည်မအုပ်စိုး၊ မင်းစိုးများလက် ၊ ကြခတ်ဝါးကြီး ၊ သီးသောကြောင်းဟိတ်၊ ဆယ်နိမိတ်မူ ၊ ဆိတ်ဆိတ်ပြည်ရွာ ၊ ပျက်တတ်စွာဟု ၊ သာရတ္ထဒီပနီ၊ ကျမ်းထွက်ပြီ၏၊ သညီရုံးပေါင်း ၊ ထိုအကြောင်းကို ၊ ဆင့်လောင်းအသစ်၊ မဖြစ်စိမ့်ငှာ၊ ဧကရာတို့၊ ပညာရှုမျှော်၊ ပေါင်းသူတော်နှင့်၊ တိုင်ပင်ချင့်၍၊ မြတ်ကျင့်ဆယ်မည်၊ ဆောင့်တည်တုံလတ်၊ မှူးမတ်ကြီးငယ် ၊ ပြည်စွယ်ပြည်သွား၊ ပြည်သူများကို၊ တရားမသွေ၊ စောင့်နေမြဲစွာ၊ သရဏာဖြင့်၊ လှူဒါမငြိ်ု၊ ဥဒါဖြို၍၊ ပြည်ကိုကုမပေရာသောဝ်။

ဒီလကာင်္ကြီးကတော့ တိုင်းခန်းပြည်ရွာ ပျက်ဆီးဘို့ကြုံလာပြီ ဆိုရင် ဖြစ်တတ်တဲ့ အတိတ်နိမိတ် လက္ခဏာ ၁၀ပါးကို ဧကပိုဒ်ရတုဖွဲ့ထားတာ ဖြစ်ပါတယ် ၊ သာရတ္ထဒီပနီကျမ်းက လာတဲ့လက္ခဏာ တွေလို့ အဖိုးက ပြောပြဖူးပါတယ်။
တိုင်းပြည်ပျက်တော့မယ်ဆိုရင် ၊ အရင်ဆုံးကောင်းကင်မှာ ရှိတဲ့ ဂြိုလ်တွေဟာ သွားရိုးသွားစဉ် လမ်းအတိုင်းမသွားဘဲ ၊ ကပြောင်းကပြန် ရှေ့သွားလိုက် ၊ နောက်ပြန်ဆုတ်လာလိုက် ၊ ခုန်သွား လိုက်၊ အဲလိုကပြောင်းကပြန် မမှန်မကန်တွေ သွားလာတတ်ပါသတဲ့ခင်မျာ ။
အစာရေစာတွေ ရှားပါးပြတ်လတ်တတ်ပါသတဲ့၊ နေဟာ အချိန်မှန်မထွက် အချိန်မှန်မ၀င်တော့ဘူး လို့လဲ ဆိုပါတယ် ၊ မိုးကလဲ ရွာချင်တဲ့အချိန်ရွာ တတ်သလို ၊ မိုးရွာမလိုဟန်နဲ့ လေရူးတသုန်သုန် ရှိ နေတတ်ပြန်ပါသတဲ့၊ မိုးကရွာပြန်ရင်လဲ ဖြောဖြောကြီး ရွာပြီး ရုတ်တရက်ပြန် တိတ်သွားတယ်လို့ ဆိုပါတယ် ၊ ရွာချိန်မှာ မရွာဘဲ မရွာရမဲ့အချိန်မှာ မိုးရွာတတ်ပါတယ် ။
ဆန်ရေစပါး ၊ ပဲနှမ်းပြောင်းတွေ စိုက်ပျိုးရာမှာလဲ တောင့်တဲပိုးလို ပိုးတွေကျရောက်တတ်ပြီး ၊ တော ထဲမှာနေတဲ့ ၀မ်းဖြူတဲ့ ကြွက်တွေဟာ အရောင်တကိုယ်လုံး နက်ပြီး ၊ ဆန်ရေစပါး ပဲနှမ်းပြောင်း တွေက်ို ကိုက်ဖြတ်ဝါးမျို စားသောက်တတ်ပါသတဲ့။
တောထဲမှာနေတဲ့  တောကြက်တွေဟာ တိုင်းပြည်ပျက်လုရင် ၊ လူမွေးတဲ့ကြက်တွေနဲ့ ရောနှောပြီး နေထိုင်တတ်ပါသတဲ့၊ အိမ်မွေးခွေးတွေဟာလဲ အချိန်ကာလမဟုတ်ဘဲ အူတတ်တယ်လို့ ဆိုပါ တယ်၊ လူနေအိမ်တွေမှာတော့ ကြမ်းပိုးတွေ ပိုးဟပ်တွေ ပေါများနေတတ်ပြီး၊ နှံပြည်စုတ်ငှက်ငယ် များ ၊ နှံကောင်များ ခါတိုင်းထက်မတူ ပေါများတတ်တယ်လို့ဆိုပါတယ်။
ကျားရဲတိရိစ္ဆာန်တွေဟာ၊ မြို့ထဲရွာထဲထိ၊ ၀င်ရောက်သတ်ဖြတ် စားသောက်တတ်တယ်လို့ ဆိုပါ တယ်၊ ခိုးသူတွေလဲ ထပါသတဲ့ ၊ အုပ်ချုပ်တဲ့ မင်းများဟာလဲ ဟိုနားတစ်မင်း ဒီနားတစ်ဗိုလ် ဖြစ်တတ်ပါသတဲ့ ၊ အထူးအားဖြင့်ကတော့ အိမ်တွေ ခြံတွေမှာ စိုက်ပျိုးထားတတ်ကြတဲ့ ကြခတ်ဝါးတွေဟာ အသီးသီးပါတယ်။
စက်တင်ဘာ သံဃာ့အရေးခင်း မဖြစ်ခင်ကာလက အိမ်ရှေ့က ဘုန်းတော်ကြီးကျောင်းက ကြခတ် ၀ါးရုံတွေမှာ အသီးတွေသီးပါတယ်၊ ဖိုးဖိုးကို ၀ါးသီးတွေသီးတယ်ဗျ ၊ ဘယ်လိုအသုံးဝင်လဲ လို့မေး ကြည့်တော့ ၊ ဘယ်မတုန်းဟ လို့ဖိုးဖိုးက မေးပါတယ် ၊ ကျွန်တော်က ကျောင်းမှာ သီးတာလို့ ပြော တော့ ၊ ဖိုးဖိုးဟာ ဆန်တွေ ဆီတွေ မာမားကို တအားဝယ်ခိုင်းထားပါတယ် ၊ ဖိုးဖိုးစိတ်ချမ်းသာပြီး ရောဆိုပြီး မေမေဟာ ဖိုးဖိုးဝယ်ခိုင်းသလောက် ၀ယ်ပြီးထားပါတယ် ၊ စက်တင်ဘာလမှာ သံဃာ့အ ရေးအခင်းကြီးကြောင့် ဆန်တွေဆီတွေ ဈေးထိုးတက်သွားမှ ဖိုးဖိုးပြောတာ မှန်လိုက်တာလို့ အားလုံးက ထောပနာပြုကြပါတယ်။
အထက်က ရတုထဲမှာ ပါတဲ့ဆယ်ပါးက ကိုက်ညီလာပြီဆိုရင် တိုင်းခန်းပြည်ရွာ ပျက်ဆီးတတ်တယ် လို့ဆိုပါတယ်၊ အဲသလိုဖြစ်လာရင် တိုင်းပြည်က ဘုရင်ကစပြီး ပြည်သူပြည်သားအထိ ကုသိုလ် ကမ္မပထ တရားဆယ်ပါးကို ကျင့်သုံးပြီး၊ ဆိုင်ရာသီလတွေ ဖြည့်ကျင့်ပြီး တိုင်းခန်းပြည်ရွာကို ကုသ ရမယ်လို့ဆိုပါတယ်၊ မည်သို့ပင်ဖြစ်စေ ၊ ယုံတာမယုံတာ အပထားလို့ ကျွန်တော်တို့ မြန်မာလူမျိုး တွေမှာ ဒီလိုစာပေတွေ ဒီလိုလမ်းညွန်တွေ၊ ရှိခဲ့တာကပင် ကျွန်တော်တို့လူမျိုးနဲ့ နိုင်ငံအတွက် အဖိုး မဖြတ်နိုင်တဲ့ ရတနာများ ပင်မဟုတ်ပါလားခင်မျာ။
အားလုံးရွှင်လန်းချမ်းမြေ့ကြပါစေကြောင်း ငွေလမင်းတို့ မောင်နှမက ဆုတောင်းလိုက်ပါတယ် ၊ မမငွေက ဟိုနေ့က ကျောက်ကပ်ရောင်လို့ နေမကောင်းဘူးလေ၊ နေသာမကောင်းတယ် စကား ကတော့ တော်တော်လေးပြောနိုင်ပါတယ် ၊ အခုတော့ နဲနဲလေး နေသာထိုင်သာ ဖြစ်နေပါပြီ မစ္စတာငွေရဲ့ စကားကိုနားမထောင်တဲ့ လူတိုင်း ဒီလိုဖြစ်ရမယ်ဆိုတာ အခုတော့ သဘောပေါက် ရောပေါ့ ၊ (ဤသည်ကား စကားညှပ်) အားလုံးမင်္ဂလာပါ ခင်မျာ။

Wednesday, December 8, 2010

ပါလီမန်ခေတ် နောက်ပိုင်း သမ္မတကြီးများ

               နိုင်ငံတော် သမတကြီး ဦးနေ၀င်း+ဦးစန်းယု+ဦးစိန်လွင်+ဒေါက်တာမောင်မောင်

                                  သမ္မတကြီး ဦးနေ၀င်း၏ စတုတ္ထအကြိမ် လက်ထပ်ပွဲ


၁၉၆၂ခုနှစ် မတ်လ ၂ရက်နေ့တွင် အာဏာသိမ်း ခေါင်းဆောင်အဖြစ် နာမည် ကျော်ကြားခဲ့သော တော်လှန်ရေး ကောင်စီခေါင်းဆောင်ကြီး ဦးနေ၀င်း ၄င်းလက်ထက်တွင် နိုင်ငံတော်သမ္မတကြီး စ၀်ရွှေသိုက် ၏ သားသေနတ်နှင့် ပစ်သတ်ခံရခြင်း ၊ ကျောင်းသားသမဂ္ဂအဆောက်အဦး ဖြိုချဖျက်ဆီးခြင်း မြန်မာနိုင်ငံ သမိုင်းတွင် ကျောင်းသားရာကျော်ကို ပစ်သတ်ခဲ့ခြင်း ၊ ကျောင်းသားများကို တောထဲသို့မောင်းထုတ်ခြင်း အထူးအားဖြင့် ၁၉၆၂-တွင် တက္ကသိုလ် ကျောင်းသားများ ဆန္ဒပြကြရာ တက္ကသိုလ် ကျောင်း သားတစ်ရာကျော်မျှ ပစ်ခတ်ခံရကာ ကျောင်းသားသမဂ္ဂအဆောက်အဦး လည်းပျက်စီးခဲ့ရသည်။ 

ထိုနေ့ညနေ ၈ နာရီ တွင် ဗိုလ်ချုပ်ကြီးနေ၀င်းသည် “ဆူပူလှုပ်ရှားမှုများ ရပ်တန့် ခြင်းမရှိပါက ဓါးကိုဓါးဖြင့် သော်၎င်း၊ ၊ လှံကိုလှံဖြင့် သော်၎င်း တုန်ပြန်မည်”ဟု ၅-မိနစ်ကြာ မိန့်ခွန်းပြောကြားခဲ့ပါသည်။ ၂၆နှစ်ကြာ ၊ ၁၉၈၈ တွင် ဦးနေ၀င်းမှ ကျောင်းသားသမ္မက အဆောက်အဦးကို မိုင်းခွဲရန် စေခိုင်းသူမှာ သူမဟုတ်ရ ပါကြောင်း ၊ ဗိုလ်အောင်ကြီးသာ တရားခံဖြစ် ကြောင်း ပြောကြားခဲ့သည့် ခေါင်းဆောင်ကြီး ဖြစ်သည် ။
ဤခေါင်းဆောင်သည် ပညာဘယ်၍ ဘယ်မျှပညာတတ်ခဲ့သည်ဟု အမှတ်အသားမရှိခဲ့သော် ငြားလည်း မင်္ဂလာ ဆောင်ခြင်းကိစ္စကိုတော့ မကြာမကြာပြုလုပ်သည်ဟု သတင်းစာ ဟောင်းများ တွင် ဖတ်ရူရပါသည် ၊ အိမ်ထောင် ငါးဆက်ကျခဲ့သည်ဟု မှတ်သားရပြီး ပထမဆုံးအိမ်ထောင်မှာ ဒေါ်တင်တင်နှင့် အိမ်ထောင်ကျ ခဲ့ပြီး ဦးငွေစိုးကို ဖွားမြင်ခဲ့ပါသည် ၊ ဒုတိယအကြိမ် ဒေါ်ခင်မေ သန်းနှင့် အိမ်ထောင်ကျပြီး ဒေါ်ကြေးမုံဝင်း ဒေါ်စန္ဒာဝင်းတို့ကို မွေးဖွားခဲ့ပြီး ၊ ၄င်းသည် ၁၉၇၂ခု နှစ်တွင် ကွယ်လွန်သဖြင့် မိန်းမမရှိလျှင် မနေနိုင်သော ခေါင်းဆောင်ကြီးသည် ဒေါ်နီနီမြင့်နှင့် လက်ထပ်ခဲ့ပြန်သည်၊ ထို့နောက် ကနောင်မင်း၏ အနွယ်တော် ရတနာနတ်မိမယ်နှင့် အိမ်ထောင်ပြုခဲ့ပြီးနောက်ဆုံးတွင် ဒေါ်နီနီမြင့်နှင့် ပြန်လည်အိမ်ထောင်ပြုခဲ့ပြန်ပါသည်။
ခေါင်းဆောင်ကြီး ဦးနေ၀င်းသည် ၂ဝဝ၂ ခုနှစ်၊ ဒီဇင်ဘာလ (၅) ရက်နေ့ မနက် ၇ နာရီခွဲခန့်အချိန်တွင် ကွယ်လွန်ခဲ့သည်။ 

ကွယ်လွန်ချိန်တွင် အသက်(၉၂)နှစ် ဖြစ်သည်။ဗိုလ်ချုပ်ကြီးနေဝင်း(ငြိမ်း)၏ ဈာပနကို မြန်မာလူမျိုးတို့၏ ဓလေ့ထုံးစံ အရ ခုနှစ်ရက်(ရက်သတ္တ တစ်ပါတ်) ထားရှိ ခွင့်မရရှိခဲ့ပေ။ သေဆုံသည့် နေ့ နေ့တွင်းခြင်းပင် သဂြိုလ်ခဲ့ရသည်။ ထို့အပြင် ရဲဘော်သုံးကျိပ်ဝင် ဖြစ်ပြီး တပ်မတော် ကာကွယ်ရေးဦးစီးချူပ် အဖြစ် တာဝန်ထမ်းဆောင်ခဲ့ဖူးသော ဗိုလ်ချုပ်ကြီးနေဝင်း(ငြိမ်း)သည် သူ၏ဈာပနကို တပ်မ တော်စစ် သချိုင်္င်း(မင်္ဂ လာဒုံ) ၌ စစ်အခမ်းအနားဖြင့် ကျင်းပခွင့်လည်း မရရှိခဲ့ပေ။ 

အဆိုးဝါးဆုံးမှာ အထိမ်းအမှတ် အုတ်ဂူ ပြုလုပ်ခွင့်မရရှိဘဲ မီးသဂြိုလ်ပြီး အရိုးပြာများ ကို ရန်ကုန်မြစ်အတွင်းသို့ မျောချခြင်းကို ခံခဲ့ရသည်။ဤသည်ကား အာဏာသိမ်းခေါင်းဆောင်ကြီး ဦးနေ၀င်း ၏ ဘ၀တစိတ်တဒေသတည်း။
၎င်းလက်ထက် လုပ်ဆောင်ချက်တချို့မှာ ပြည်တွင်းလက်နက်ကိုင်ဆူပူသောင်းကြမ်းမှု့ကိုအောင်မြင်ခြင်း၊ ကူမင်တန်တရုတ်ဖြူတို့၏ ပြည်ပကျူးကျော်မှု့ကိုအောင်မြင်ခြင်း၊ ဆိုရှယ်လစ်စနစ် ကိုထူထောင်ခြင်း ၊ပုဂ္ဂလိကပိုင်စီးပွားရေးလုပ်ငန်းများကိုပြည်သူပိုင်သိမ်းယူခြင်း၊ မဟာဝိဇယစေတီတော် ကိုတည်ဆောက်ခြင်း၊ နိူင်ငံတော်မှလှည့်လှယ်သုံးစွဲနေသောငွေကြေးများကိုတရားမ၀င်ငွေကြေးအဖြစ်အကြိမ်ကြိမ်ကြေငြာခဲ့ခြင်းတို့ ဖြစ်သည် ။
ဦးစန်းယု
ဦးစန်းယုသည် ဦးနေ၀င်းမှ နိူင်ငံတော်သမ္မတ တာဝန်ကို လွှဲအပ်ပေးသဖြင့် ၁၉၈၁-ခုနှစ်၊ နိုဝင် ဘာ လ ၉-ရက်နေ့မှ ၁၉၈၈-ခုနှစ်၊ ဇူလိုင်လ ၂၅-ရက်အထိ တာဝန်ထမ်းဆောင်ခဲ့သည်။ ထူးခြားသည့် ပညာအရေချင်းနှင့် လုပ်ဆောင်ချက်ကို တစုံတရာမှတ်သားထားသော စာအုပ်စာတမ်းများကို မဖတ်ရှုခဲ့ရဖူးပါ။
                                                         ဦးစိန်လွင်

မြန်မာပြည်သမိုင်းတွင် ၁၈ ရက်သာတာဝန်ထမ်းဆောင်ခဲ့ရသော နိုင်ငံတော်သမ္မတတစ်ဦးဖြစ် သည်။ ဦးစန်းယု နိုင်ငံတော်သမ္မတ အဖြစ် အနားယူပြီးနောက် ၁၉၈၈-ခုနှစ်၊ ဇူလိုင်လ ၂၅-ရက်မှ ၁၉၈၈-ခုနှစ်၊ သြဂုတ် ၁၂-ရက်အထိ သမ္မတအဖြစ် တာဝန်ထမ်းဆောင်ခဲ့ရသူ ဖြစ်သည်။


၁၉၈၈ ခုနှစ်၊ ဇူလိုင်လ ၂၇ ရက်နေ့တွင် နိုင်ငံတော် သမ္မတနှင့် မဆလ ပါတီ ဥက္ကဋ္ဌ အဖြစ် တာဝန်ပေးခဲ့သည်။ သြဂုတ်လ ၈ ရက်နေ့တွင် တတိုင်းတပြည်လုံး အနှံ့ ပြည်သူ သန်းပေါင်းများစွာသည် လမ်းမများပေါ်သို့ ထွက်၍ စစ်အုပ်စိုးမှု ရပ်စဲရန် တောင်းဆိုခဲ့ကြသည်။ ပြည်သူလူထု စထွက်သည်နှင့် စိန်လွင်က ကြမ်းကြမ်းတမ်းတမ်း တုံ့ပြန်သည့် အနေဖြင့် ဆန္ဒပြမှုများအား သေနတ်ဖြင့် ပစ်ခတ် လူစုခွဲရန် ခြေမြန်တပ်မ (၂၂) မှ စစ်သားများကို စေလွှတ်ခဲ့သည်။ ဆန္ဒပြနေသူ လူအုပ်ကြီးများထဲသို့ စစ်တပ်က လက်လွတ်စပယ် ပစ်ခတ်ခဲ့မှုကြောင့် လူ သုံးထောင် (၃,၀၀၀) ထက်မနည်း သေကြေခဲ့ရသည်။ 

ထိုသို့ ရှစ်လေးလုံး ပြည်သူ့ အရေးတော်ပုံ အတွင်း သူ၏ ပြည်သူလူထု အပေါ် လူမဆန်စွာ ရမ်းကား သတ်ဖြတ်မှုများကြောင့် "ရန်ကုန်မှ သားသတ်သမား" ဟု ကမ္ဘာက အမည် ပေးခဲ့ရသည်။ သို့သော်လည်း ပြည်သူလူထု၏ ဒီရေအလား ဆန့်ကျင် အုံ့ကမှုများကြောင့် စိန်လွင်၏ သမ္မတ သက်တမ်းသည် ၁၈ ရက်သာ တည်မြဲခဲ့ပြီး၊ ၁၉၈၈ ခုနှစ်၊ သြဂုတ်လ ၁၂ ရက်နေ့တွင် တာဝန် အားလုံးမှ နှုတ်ထွက် ပေးခဲ့ရသည်။ အရေးခင်းကာလအတွင်း သူ၏နာမည်ကျော် စကားတချို့မှာ “ဓာတ်တိုင်နှင့် ခွေးသာကျန်ပါစေ ၊ အကုန်ပစ်သတ် ”ဟူ၏။

၂၀၀၂ ခုနှစ်၊ မတ်လတွင် သူ့ဆရာသခင် ဘိုနေ၀င်း အိမ်အကျယ်ချုပ်သဖွယ် ခံရပြီးနောက် မကြာမီပင် သူလည်း တရားမဝင် ရရှိနေသော ခံစားခွင့်များ၊ သြဇာ အာဏာများ ဆုံးရှုံးခဲ့ပြီး မဖြစ်စလောက်သော စစ်တပ် ပင်စင် လစာလေးဖြင့် ဆင်းရဲနွမ်းပါးစွာ ရှင်သန် နေခဲ့ရသည်။ သူ၏ အစာအိမ်ရောဂါ အတွက် စင်ကာပူတွင် ကုသမှု ခံယူပြီး အပြန် ၂၀၀၄ ခုနှစ်၊ ဧပြီလ ၉ ရက်နေ့ အသက် ၈၁ နှစ် အရွယ်တွင် ရန်ကုန်မြို့၌ သေဆုံးသည်။
                                                        ဦးအေးကို

ဦးအေးကိုသည် ဦးစိန်လွင်နောက် တက်လာသော သမ္မတဖြစ်သည်။ ၁၉၈၈-ခုနှစ်၊ သြဂုတ် ၁၂-ရက်မှ သြဂုတ် ၁၉-ရက်ထိ တစ်ပတ်သာ သမ္မတတာဝန်ထမ်းဆောင်လိုက်ရသူ ဖြစ်သည်။ သီရိပျံချီ ဘွဲ့ရ တပ်မတော် အရာရှိကြီးဖြစ်သည် ၊ စာရိတ္တအလွန် အင်မတန်ကောင်းသည်ဟု မှတ်သားခဲ့ဘူး ပါသည်။၎င်းသည် ပြည်ဦးလွင် စစ်တက္ကသိုလ်၏ ဆရာတဦးဖြစ်သည်ဟု သိရပါသည်။
                                                  ဒေါက်တာမောင်မောင်

ဒေါက်တာမောင်မောင်သည် ဦးအေးကိုနောက် တက်လာသော သမ္မတဖြစ်သည်။ ၁၉၈၈-ခုနှစ်၊ သြဂုတ် ၁၉-ရက်မှ ၁၉၈၈-ခုနှစ်၊ စက်တင်ဘာလ ၁၈-ရက်အထိ တစ်လသာ သမ္မတတာ ၀န်ထမ်းဆောင်လိုက်ရသူ ဖြစ်သည်။


စက်တင်ဘာလ ၁၁ ရက်နေ့တွင် ဒေါက်တာ မောင်မောင်၏ မိန့်ခွန်းတချို့မှာ "ကောင်စီများ၊ ဝန်ထမ်းများနဲ့ ပြည်သူ့ရဲများက ယိုယွင်း ပျက်စီးနေတဲ့ ပြည်သူ့ အုပ်ချုပ်ရေး ယန္တရား ပြန်လည်ပတ် လာအောင် ပြုလုပ်ဖို့ လိုအပ်ပါတယ်။ အနီးကပ်ဆုံး ဖြစ်တဲ့ ကာကွယ်ရေး အင်အားစုများကလည်း အကူအညီများ ပေးအပ်ဖို့ သက်ဆိုင်ရာ အာဏာပိုင်တို့ အနေနဲ့ ညွှန်ကြားချက်များ ထုတ်ပြန်ခဲ့ပြီး ဖြစ်ပါတယ်။ အင်အားသုံးပြီး ပြဿနာ တရပ်ကို ဖြေရှင်း ချင်ကြတဲ့ သူတွေ အချိန် ရှိတုန်း ပြေးထားကြပါ" ဟူ၍ မိန့်ခွန်း ပြောကြားခဲ့သည်။ 

ဒေါက်တာမောင်မောင်ကို ၁၉၂၅ ခုနှစ်၊ ဇန်နဝါရီလ ၃၁ ရက်နေ့တွင် အဖ အထက်တန်း ရှေ့နေ ဦးဆင့်၊ အမိ ဒေါ်အေးတင်တို့က မန္တလေးမြို့၌ ဖွားမြင်သည်။ မွေးချင်း ခုနှစ်ယောက် ရှိသည့်အနက် တတိယမြောက် တဦးတည်သောသား ဖြစ်သည်။ 

ငယ်စဉ်က မန္တလေးမြို့ အမျိုးသား အထက်တန်းကျောင်းတွင် ပညာသင်ယူသည်။ ၁၉၃၉ ခုနှစ်တွင် မန္တလေးမြို့ ဗုဒ္ဓသာသနာ့နုဂ္ဂဟကျောင်းမှ ၁၀ တန်း အောင်မြင်ပြီး၊ မန္တလေး ဥပစာကောလိပ် သိပ္ပံတန်းသို့ တက်ရောက် ပညာ သင်ကြားသည် ၁၉၄၃ ခုနှစ်တွင် ဗမာ့ ကာကွယ်ရေး တပ်မတော် (ဘီဒီအေ) ထောက်ပံ့ရေးတပ်သို့ ဝင်ရောက် အမှုထမ်းသည်။ 

တပ်ကြပ်အဆင့် ရရှိပြီးနောက် ၁၉၄၄ ခုနှစ်တွင် မင်္ဂလာဒုံ စစ်တက္ဗသိုလ် စတုတ္ထပတ် ဗိုလ်သင်တန်း တက်ရောက်သည်။ ၁၉၄၅ ခုနှစ်တွင် ဗိုလ်သင်တန်းဆင်းပြီး စစ်ဝန်ကြီးရုံး စစ်ပညာ ဌာနကြီးတွင် ဗိုလ်လေး အဆင့်ဖြင့် တာဝန် ထမ်းဆောင်သည်။ တော်လှန်ရေးတွင် ဟင်္သာတခရိုင်၊ မျိုးချစ် ဗမာ့ တပ်မတော် တိုင်း (၁) ဌာနချုပ်၊ ပဲနွယ်ကုန်း၌ တာဝန် ယူခဲ့သည်။ 

ဒေါက်တာမောင်မောင်သည် ရန်ကုန် တက္ကသိုလ်တွင် ဆက်လက် ပညာသင်ယူခဲ့ရာ ၁၉၄၆ ခုနှစ်တွင် ရန်ကုန် တက္ကသိုလ်မှ အင်္ဂလိပ်စာ ဂုဏ်ထူးဖြင့် ဝိဇ္ဇာဘွဲ့ ရရှိသည်။ ၁၉၄၆ ခုနှစ်မှ စ၍ ရန်ကုန် တက္ကသိုလ် အင်္ဂလိပ်စာဌာန နည်းပြ အဖြစ် လည်းကောင်း၊ ၁၉၄၆ ခုနှစ်မှ ၁၉၄၇ ခုနှစ်အထိ ပြန်ကြားရေး ဌာန၊ နယူတိုင်းအော့ဖ် ဘားမား သတင်းစာ အယ်ဒီတာ အဖြစ် လည်းကောင်း၊ ၁၉၄၈ ခုနှစ်၊ နှစ်ဦးပိုင်းမှ ၁၉၄၉ ခုနှစ်၊ အောက်တိုဘာလ အထိ မြန်မာနိုင်ငံ မီးရထားဌာန လက်ထောက် အတွင်းဝန် အဖြစ် လည်းကောင်း တာဝန်များ ထမ်းဆောင်ခဲ့သည်။ 
ဒေါက်တာ မောင်မောင်သည် ၁၉၄၉ ခုနှစ်မှ ၁၉၅၃ ခုနှစ် အထိ အင်္ဂလန်နိုင်ငံ လန်ဒန်မြို့၌ ဥပဒေ အပြည်ပြည်ဆိုင်ရာ ဆက်ဆံရေး၊ ပြန်ကြားရေး ပညာများကို လေ့လာ ဆည်းပူးသည်။ ဟော်လန်နိုင်ငံရှိ Academy of International Law မှ အပြည်ပြည် ဆိုင်ရာ ဥပဒေ ဒီပလိုမာ ရရှိသည်။ ၁၉၅၂ ခုနှစ်တွင် လန်ဒန်မြို့ LINCON’S Inn မှ Barrister-at-Lawဝတ်လုံ အဖြစ် ခံယူသည်။ ၁၉၅၆ ခုနှစ်တွင် ဟော်လန်နိုင်ငံ UTRECHT တက္ကသိုလ်မှ အပြည်ပြည် ဆိုင်ရာ ဥပဒေဘာသာရပ်ဖြင့် ဥပဒေပါရဂူ L.L.D. (Doctor of Law) ဘွဲ့ရရှိသည်။ 
ဒေါက်တာ မောင်မောင်သည် ဗိုလ်ချုပ်ကြီး နေဝင်း အိမ်စောင့် အစိုးရ လက်ထက် ၁၉၅၉ ခုနှစ်တွင် လက်ထောက် ရှေ့နေချုပ်၊ ရန်ကုန် တက္ကသိုလ် ဥပဒေ ကထိက တာဝန်များ ထမ်းဆောင်သည်။ ၁၉၆၀ ပြည်နှစ်မှ ၁၉၆၂ ခုနှစ် အထိ အမေရိကန်နိုင်ငံ YALE တက္ကသိုလ်၌ ကထိက အဖြစ် စာပေပို့ချ ကျမ်းပြုကာ ၁၉၆၁ ခုနှစ်တွင် အပြည်ပြည် ဆိုင်ရာ ဥပဒေဘာသာရပ် အတွက် ဒေါက်တာဘွဲ့ကို ရရှိခဲ့သည်။ 
ဒုတိယအကြိမ် စစ်တပ် အာဏာသိမ်း အဖွဲ့ဖြစ်သည့် တော်လှန်ရေး ကောင်စီ လက်ထက်တွင် ဒေါက်တာမောင်မောင်သည် တရားရုံးချုပ် တရားသူကြီး အဖြစ် တာဝန် ပေးအပ်ခြင်း ခံရသည်။ မြန်မာ့ ဆိုရှယ်လစ် လမ်းစဉ်ပါတီ (မဆလ) အမြုတေ ပါတီ ကာလတွင် ပညာရေးရာ ကော်မတီဝင် အဖြစ် တာဝန် ထမ်းဆောင်သည်။ ၁၉၇၁ ခုနှစ်၊ ပထမအကြိမ် ပါတီ ညီလာခံတွင် ပါတီ စည်းကမ်း ထိန်းသိမ်းရေး ကော်မတီ ဥက္ကဋ္ဌ အဖြစ် ရွေးချယ် တင်မြှောက်ခြင်း ခံရသည်။ 

၁၉၇၁ ခုနှစ်တွင် ဖွဲ့စည်းသော အဖွဲ့ဝင် ၉၇ ဦး ပါဝင်သည့် နိုင်ငံတော် ဖွဲ့စည်းပုံ အခြေခံ ဥပဒေသစ် (မူကြမ်း) ရေးဆွဲရေး ကော်မရှင်တွင် အဖွဲ့ဝင် အဖြစ် ပါဝင်သည်။ ၁၉၇၂ ခုနှစ်တွင် တော်လှန်ရေး ကောင်စီ အဖွဲ့ဝင် ဖြစ်လာပြီး၊ ၁၉၇၂ ခုနှစ်မှ ၁၉၇၄ ခုနှစ် အထိ တော်လှန်ရေး အစိုးရ အဖွဲ့ဝင် အဖြစ် တာဝန် ထမ်းဆောင်ခဲ့သည်။ 
ဒေါက်တာမောင်မောင်သည် မဆလ ဗဟို အလုပ်အမှုဆောင် ကော်မတီဝင် အဖြစ် လည်းကောင်း၊ ပြည်သူ့လွှတ်တော် ကိုယ်စားလှယ် အဖြစ် လည်းကောင်း၊ နိုင်ငံတော် ကောင်စီဝင် အဖြစ် လည်းကောင်း မဆလ သက်တမ်းတလျှောက် တာဝန် ထမ်းဆေင်ခဲ့သည်။၁၉၇၈ ခုနှစ်တွင် ဥပဒေ ကော်မရှင် ဥက္ကဋ္ဌ၊ ၁၉၈၈ ခုနှစ်တွင် ပြည်သူ့ ဥပဒေ အကျိုးဆောင် အဖွဲ့ ဥက္ကဋ္ဌ မှသည် နိုင်ငံတော်ကောင်စီ ဥက္ကဋ္ဌနှင့် သမ္မတ အဖြစ်ပါ တာဝန် ယူခဲ့ဖူးသူ ဖြစ်သည်။ 
ဒေါက်တာမောင်မောင်သည် မြန်မာနိုင်ငံ လွတ်လပ်ရေး ကြိုးပမ်းမှုတွင် ပါဝင်ခဲ့ခြင်းကြောင့် နိုင်ငံတော်က ချီးမြှင့်သည့် လွတ်လပ်ရေး မော်ကွန်းဝင် (ဒုတိယဆင့်) ကို ၁၉၇၅ ခုနှစ်တွင် လည်းကောင်း၊ မဆလ ပါတီက ပေးအပ်ခဲ့သည့် တာဝန်များကို ကြိုးပမ်း ဆောင်ရွက်ခဲ့ခြင်းကြောင့် ချီးမြှင့်သည့် နိုင်ငံ့ဂုဏ်ရည်ဘွဲ့ (ပထမဆင့်) ကို ၁၉၈၄ ခုနှစ်တွင် ရရှိခဲ့သည်။
ဒေါက်တာမောင်မောင်သည် ၁၉၄၇ ခုနှစ်၊ ဒီဇင်ဘာ ၃ ရက်နေ့တွင် ဟင်္သာတမြို့နေ ပါလီမန်အမတ် ဦးသန်းတင်၊ ဒေါ်ကျင်မြတို့၏ သမီး ဒေါ်ခင်မြင့်နှင့် လက်ထပ်ခဲ့သည်။ သားသမီး ခုနှစ်ဦး ထွန်းကားခဲ့သည်။ ၁၉၉၄ ခုနှစ်၊ ဇူလိုင်လ ၂ ရက်နေ့၌ ရန်ကုန်မြို့တွင် ကွယ်လွန်သည်။ ကွယ်လွန်ချိန်တွင် ဇနီးဒေါ်ခင်မြင့်နှင့် သားသုံးဦး၊ သမီးလေးဦး၊ မြေး ၁၀ ဦးကျန်ရစ်သည်။ 

ဒေါက်တာမောင်မောင်ရေးသားခဲ့သည့် စာအုပ်များ

သွေးနီ ၁၉၄၆၊သက်ရှိရာဇဝင် ၁၉၅၆၊တို့ပြည်ထောင်စု မြန်မာနိုင်ငံ ဖွဲ့စည်းအုပ်ချုပ်ပုံ ၁၉၅၉၊နိုင်ငံ တော်လုပ်ကြံမှု ပြည်ထောင်စုနှင့် ဦးစော ၁၉၆၅၊မြန်မာ့နိုင်ငံရေးနှင့် ဗိုလ်ချုပ်ကြီးနေဝင်း ၁၉၆၉၊ သားမောင် စစ်သည်သို့ ၁၉၇၂၊တရားဥပဒေ အထွေထွေ ဗဟုသုတ ၁၉၇၄၊ပြည်သူ့ဝန်ထမ်းသားသမီးများသို့ ၁၉၈၇The Forgotten Army ၁၉၄၆Burma's Teething Time ၁၉၄၉London Diary ၁၉၅၂Grim War Against KMT ၁၉၅၃Burma in the Family of Nations ၁၉၅၆Burma's Constitution ၁၉၅၉A Trial in Burma ၁၉၆၂Aung San of Burma ၁၉၆၂Law and Custom in Burma And The Burmese Family ၁၉၆၃Burma and General New Win ၁၉၆၉To A Soldier Son ၁၉၇၄ တို့ဖြစ်သည် ဒေါက်တာမောင်မောင်ကို လုပ်ဖော်ကိုင်ဖက် နိုင်ငံရေးသမားများက ပညာတတ်မပီသသော ခေါင်းဆောင် ၊ ပညာတတ်ပါလျှက် ပညာကို အဘိုးအနားစားဖြင့် တန်ကြေးဖြတ်သူအဖြစ် နာမည်ပျက်ဖြင့် ခေါင်းဆောင် လုပ်သူ ၊ ပညာ ကိုအသုံးမချဘဲ ၊ မသူတော်ကိုဆရာတင်သူ စသဖြင့် စသဖြင့် နိုင်ငံတော်သမ္မတကြီး ဒေါက်တာမောင်မောင်ကို ထိုခေတ်ထိုအခါက နိုင်ငံရေးလုပ်ဖော်ကိုင်ဖက်များ တီးတိုးတီး တိုး သဖန်းအထိုး ခံခဲ့ရသော ခေါင်းဆောင်တဦးဖြစ်ပါသည် ။ 

Monday, November 29, 2010

ပါလီမန်ခေတ်၏ နောက်ဆုံးသမ္မတကြီး


           ထိုင်းဘုရင်မင်းမြတ် ဘူမိဘော်အဒှူယာဒတ်နှင့် နိုင်ငံတော်သမ္မတကြီး မန်းဝင်းမောင်
                         မန်းဝင်းမောင်အထုပ္ပတ္တိလက်ရေးမူမှ ဓာတ်ပုံ (ကျွန်တော်သမ္မတ)
                             မကွယ်လွန်မှီလပိုင်းအလို အင်းစိန်တွင်ရိုက်ကူးထားသောပုံ


မန်းဝင်းမောင်(၁၉၁၆-၁၉၈၉)
ဦးဝင်းမောင် (ခ) မန်းဝင်းမောင်သည် ပြည်ထောင်စုမြန်မာနိုင်ငံ၏ တတိယမြောက် သမ္မတ ဖြစ်သည်။ ၁၉၅၇-ခုနှစ်၊ မတ်လ ၁၃-ရက် မှ ၁၉၆၂-ခုနှစ်၊ မတ်လ ၂-ရက်ထိ သမ္မတတာဝန် ထမ်း ဆောင်ခဲ့သည်။
၁၉၁၆ ခုနှစ်၊ ဧပြီလ ၁၇ ရက် တနင်္လာနေ့တွင် ပုသိမ်ခရိုင် ကျုံပျော်မြို့နယ် လှည်းဆိပ်ရွာ၌ ဖွားမြင်သည်။ အဖ ဦးရွှေရင်၊ အမိ ဒေါ်သာယာ ဖြစ်သည်။ ဖခင်မှာ ပညာအုပ် ဖြစ်သည်။ ကရင် တိုင်းရင်းသား ဖြစ်၍ မန်းဝင်းမောင်ဟု လူသိများသည်။
ပုသိမ်မြို့ မွန် ကရင် အထက်တန်းကျောင်း၊ ဂျပ်ဆင် ကောလိပ်တို့တွင် ပညာသင်ခဲ့သည်။ ၁၉၃၃ ခုနှစ်တွင် ဆယ်တန်းအောင်သည်။ ၁၉၃၇ ခုနှစ်တွင် ရန်ကုန် တက္ကသိုလ်မှ ဘီအေဘွဲ့ ရသည်။
၁၉၃၇-၄ဝ တွင် သန်လျင် ဘီအိုစီ စာရင်းဌာန ကုမ္ပဏီဝန်ထမ်း၊ အတွင်းဝန်ရုံး အစိုးရဝန်ထမ်း အဖြစ် ဆောင်ရွက်သည်။ ၁၉၄၁ ခုနှစ်တွင် မေမြို့ ဗိုလ်သင်တန်း တက်၍ ၁၉၄၁-၄၂ တွင် အရာခံဗိုလ် အဖြစ် စစ်ဘက်၌ တာဝန် ထမ်းဆောင်သည်။ ၁၉၄၂ ခုနှစ်တွင် အင်္ဂလိပ် စစ်တပ်များ အိန္ဒိယသို့ အောင်မြင်စွာ ဆုတ်ခွာရာ၌ အိန္ဒိယသို့ မလိုက်ဘဲ မြန်မာပြည်၌ နေခဲ့သည်။ ဂျပန် တော်လှန်ရေးတွင် ပါဝင်ခဲ့သည်။ ဖက်ဆစ် တော်လှန်ရေး အတွက် ၁၉၄၄ ခုနှစ်၊ ဒီဇင်ဘာလတွင် အိန္ဒိယသို့ စေလွှတ်ခြင်း ခံရသည်။ အိန္ဒိယသို့ ပထမဆုံး ထွက်ခွာသော အဖွဲ့၌ ဒုတိယခေါင်းဆောင် အဖြစ် တာဝန် ပေးခံရသည်။ ကာလကတ္တားနှင့် သီဟိုဠ် တို့တွင် စစ်ပညာ သင်တန်းများ တက်ရောက်ခဲ့သည်။
၁၉၄၅ ခုနှစ်၊ မတ်လ ၃ဝ ရက် ညပိုင်းတွင် တောင်ငူခရိုင် ဖြူးမြို့နယ် ကြို့ပင်သာရွာ အနီး၌ လေထီးဖြင့် ခုန်ဆင်းခဲ့သည်။ မြေပြင်အရောက် အကျမတော်၍ ပေါင်ကျိုးခဲ့သည်။ ဒဏ်ရာရသည့်ကြားမှပင် ဖက်ဆစ် တော်လှန်ရေး အတွက် ကရင် တိုင်းရင်းသားများကို အောင်မြင်စွာ စည်းရုံး လှုံ့ဆော်နိုင်ခဲ့သည်။ ၂ လကြာပြီးနောက် ဆေးကုသရန် ကာလကတ္တားသို့ လေယာဉ်ဖြင့် ပြန်ပို့ခံရသည်။
၁၉၄၅ ခုနှစ်၊ အောက်တိုဘာလတွင် ဦးသိန်းဖေ (မြင့်) နှင့်အတူ အိန္ဒိယမှ ပြန်ရောက်သည်။ လွတ်လပ်ရေး ကြိုးပမ်းမှုတွင် ဆက်လက်ပါဝင်၍ ကရင် ဗမာ ချစ်ကြည်ရေးကို အားသွန်ခွန်စိုက် ကြိုးပမ်းခဲ့သည်။ ၁၉၄၅ ခုနှစ်တွင် ကရင်လူငယ်များ အစည်းအရုံး ဒုတိယဥက္ကဋ္ဌ အဖြစ် ဆောင်ရွက်ခဲ့သည်။ ဥက္ကဋ္ဌမှာ မန်းဘခိုင် ဖြစ်သည်။ ကရင်လူငယ် အစည်းအရုံးက ထုတ်ဝေသည့် တိုင်းရင်းသား ဂျာနယ်၏ အယ်ဒီတာ အဖြစ် တာဝန်ယူခဲ့သည်။ ၁၉၅၁ ခုနှစ်တွင် ပြည်ထောင်စု ကရင်အမျိုးသား အဖွဲ့ ဥက္ကဋ္ဌ ဖြစ်လာသည်။
၁၉၄၇ ခုနှစ်၊ ဧပြီလ ၁၁ ရက်တွင် ပုသိမ်မြောက်ပိုင်းမှ တိုင်းပြုပြည်ပြု လွှတ်တော် ကိုယ်စားလှယ် အဖြစ် ရွေးချယ် တင်မြှောက်ခံရသည်။ ၁၉၄၇ ခုနှစ်၊ မေလတွင် အခြေခံဥပဒေ ရေးဆွဲရေး ကော်မတီ အဖွဲ့ဝင်၊ လမ်းညွှန်ကော်မတီ အဖွဲ့ဝင် အဖြစ် ပါဝင်ခဲ့သည်။ ၁၉၄၇ ခုနှစ်၊ ဇူလိုင်လ ၂၂ ရက်တွင် သခင်နု ဦးဆောင်သော အစိုးရ အဖွဲ့၌ ဓာတ်သတ္တုဌာန ဝန်ကြီး၊ ၁၉၄၈ ခုနှစ်၊ ဇန်နဝါရီလ ၄ ရက် လွတ်လပ်သော ပြည်ထောင်စု မြန်မာနိုင်ငံ အစိုးရ အဖွဲ့၌ အဆောက်အဦး လမ်းပန်းဆက်သွယ်ရေးနှင့် အလုပ်သမားဌာန ဝန်ကြီး အဖြစ် ဆောင်ရွက်သည်။
၁၉၅၁ ခုနှစ်၊ ဒီဇင်ဘာလ ၂၂ ရက် ရွေးကောက်ပွဲတွင် မအူပင်တောင်ပိုင်းမှ တိုင်းပြုပြည်ပြု လွှတ်တော် ကရင်အမတ် အဖြစ် ရွေးချယ်ခံရသည်။ ၁၉၅၂ ခုနှစ်၊ မတ်လ ၆ ရက်တွင် သယ်ယူပို့ဆောင်ရေးနှင့် ဆက်သွယ်ရေး ဝန်ကြီး အဖြစ် တာဝန်ယူခဲ့သည်။ ၁၉၅၆ ခုနှစ်၊ ရွေးကောက်ပွဲ၌ မအူပင်တောင်ပိုင်းမှ တိုင်းပြုပြည်ပြု လွှတ်တော် ကရင်အမတ် အဖြစ် ဆက်လက် ရွေးချယ်ခံရသည်။ ၁၉၅၆ ခုနှစ်၊ ဇွန်လ ၁၂ ရက်တွင် ပြည်တွင်း ရေကြောင်းနှင့် ပင်လယ်ဆိပ်ကမ်း ဆိုင်ရာ ဝန်ကြီး၊ ၁၉၅၇ ခုနှစ်၊ မတ်လ ၁၃ ရက်တွင် ပြည်ထောင်စု မြန်မာနိုင်ငံတော်၏ ဒုတိယမြောက် ရွေးချယ်ခံရသော သမ္မတကြီး ဖြစ်လာသည်။
၁၉၆၂ ခုနှစ်၊ မတ်လ ၂ ရက်တွင် တော်လှန်ရေး ကောင်စီ၏ ထိန်းသိမ်းခြင်းခံရသည်။ ၁၉၆၇ ခုနှစ်တွင် ပြန်လည် လွတ်မြောက်ခဲ့သည်။ ၁၉၆၈ ခုနှစ်၊ နိုဝင်ဘာလတွင် တော်လှန်ရေး ကောင်စီက ဖိတ်ကြားသော ပြည်တွင်း အကြံပေး အဖွဲ့ဝင် ၃၃ ဦးတွင် ပါဝင်သည်။ ၁၉၈၈ ခုနှစ်မှ ၁၉၈၉ ခုနှစ်တိုင် ဒီမိုကရေစီနှင့် ငြိမ်းချမ်းရေး အဖွဲ့ ဥက္ကဋ္ဌ အဖြစ် ဆောင်ရွက်ခဲ့သည်။
၁၉၅၇ ခုနှစ်တွင် နိုင်ငံတော်က အဂ္ဂမဟာသရေစည်သူ၊ အဂ္ဂမဟာသီရီ သုဓမ္မဘွဲ့များ ချီးမြှင့်ခဲ့သည်။ လွတ်လပ်ရေး မော်ကွန်းဝင် (ဒုတိယအဆင့်)၊ နိုင်ငံ့ဂုဏ်ရည် (ပထမအဆင့်) ဘွဲ့တံဆိပ်များ ရခဲ့သည်။ ၁၉၅၉ ခုနှစ်၊ မတ်လ ၂ ရက်နေ့တွင် ယိုးဒယားဘုရင်၏ ဂုဏ်ထူးဆောင် ဘွဲ့တံဆိပ်၊ ၁၉၆ဝ ပြည့်နှစ်တွင် တော်လှန်ရေးကြယ်တံဆိပ် (ဒုတိယအဆင့်) ရခဲ့သည်။
၁၉၄၂ ခုနှစ်တွင် ရန်ကုန်မြို့နေ ဦးစံလှ၊ ဒေါ်ဒွေးတို့၏ သမီး မမြမေနှင့် လက်ထပ်ခဲ့ပြီး သားလေးယောက်နှင့် သမီးနှစ်ယောက် ထွန်းကားခဲ့သည်။ ၉ ရက် ၉ လ ၁၉၈၈ ခုနှစ်တွင် ဦးနုပါဝင်သော စင်ပြိုင်အစိုးရဖွဲ့စည်းရာတွင် သမ္မတအဖြစ် စာရင်း၌ ပါရှိခဲ့သည်။
သမ္မတဟောင်း မန်းဝင်းမောင်သည် ၁၉၈၉ ခုနှစ်၊ ဇူလိုင်လ ၄ ရက်တွင် ကွယ်လွန်ခဲ့သည်။ ကွယ်လွန်ချိန်၌ ပုံမနှိပ်ရသေးသည့် 'ဌေးဝင်းမောင် ပြောသော လေထီးသမ္မတ' ဟု အမည်ပေးထားသော ကိုယ်ရေးမှတ်တမ်း လက်ရေးမူ ကျန်ရစ်သည်။
(သမ္မတကြီး မန်းဝင်းမောင်ရေးခဲ့သော စာအုပ်တစ်အုပ်မှာ “ကျွန်တော်သမ္မတ”ဟူ၍ မှတ်သာထားဖူးပါ သည် ၊ လူထုဒေါ်အမာ၏ မန္တလေးသူ မန္တလေးသားများ စာအုပ်တွင်ထင်၏) မည်သို့ပင်ဖြစ်စေ ဤကဲ့သို့ လူတော်လူကောင်းများ ၊ ဆွေကောင်းမျိုးကောင်းများ ၊ ပညာတတ် လူရည်ချွန်များ အမိ မြန်မာနိုင်ငံကိုအုပ်ချုပ်သွားခဲ့သော ထိုထိုကာလတွေမှာ လူတိုင်းဟာ ပျော်ရွှင်ခဲ့ကြမှာ  ထိုခေတ်ကို မမှီခဲ့သော ထိုခေတ်မှာ လူမဖြစ်ခဲ့ရသော ကျွန်တော်ဟာ ဒီစာလေးတွေကို ဖတ်မှိတိုင်း အတိတ်ကို လွမ်းမှိသလိုလို ဖြစ်မှိပါတယ်။
 စာလေး ရေးနေစဉ်မှာတောင် ကျွန်တော့ရဲ့နားထဲမှာ ခပ်ငယ်ငယ်ကဆိုခဲ့ဖူးတဲ့ (လွတ်လပ်တဲ့ မြန်မာပြည်....ထွဋ်မြတ်သည့် စံဋ္ဌာနီ ...မချွတ်အင် လွှတ်သဘင် ဆင်နွှဲခဲ့သည် သဘင်ပွဲနွှဲသံချီ ၊ မြန်မာ့ဟန်ရေး ရှေးထုံးမပြတ်ပါ အိုးစည် မောင်း ညိမ့်ညောင်းခါ တော်မှီ .....မင်းပေါင်းစုံစုံညီညီ ဗိုလ်ရှုသဘင်ပွဲ ခန်းမဆီ လျှမ်းစွကြိုင်ဝေစွာနော် ..နိုင်ငံတော်သမ္မတ ကြွချီ ၊ အောင်လံတော်ကို အလေးပြုရမည် ၊ ဗိုလ်ရှုသဘင်ပွဲ နွှဲသည့်အခါမှီ ..ကြည်း ရေ လေ စစ်သမီးမကျန်ရ မြန်မာ့တပ်မတော်ချီလာပြီ...............) ကျွန်တော်ဟာ စာရေးနေရင်း “လွှတ်သဘင်” သီချင်းလေး နားထဲကြားယောင် နေမှိပါတော့တယ်ခင်မျာ၊  အော် အတိတ် အတိတ် အတိတ်.............။
အားလုံးရွှင်လန်း ချမ်းမြေ့ကြပါစေကြောင်း ငွေလမင်းတို့ သားမိက ဆုတောင်းလိုက် ပါတယ် ၊ ရွှင်လန်းချမ်းမြေ့ကြပါစေခင်မျာ...။

Saturday, November 27, 2010

မြန်မာနိုင်ငံ၏ ဒုတိယမြောက် သမ္မတကြီး ဒေါက်တာ ဦးဘဦး


          ၁၉၅၅ခုနှစ်က အမေရိကန်နိုင်ငံခြားရေးဝန်ကြီး ဂျွန်ဖော်စတာဒါးလက်စ် နှင့် သမ္မတကြီး ဆာဘဦး
သမ္မတကြီး အင်္ဂလိပ်ဘာသာဖြင့် ဆွေးစဉ်မျိုးဆက်အကြောင်းကို ရေးသားထားသည့်စာအုပ် မြန်မာပြန်

ဦးဘဦးသည် ပြည်ထောင်စုမြန်မာနိုင်ငံတော်၏ ဒုတိယမြောက် သမ္မတဖြစ်သည်။ ၁၉၅၂ ခုနှစ်မှာ ပြည်ထောင်စုမြန်မာနိုင်ငံတော်၏ သမ္မတကို ဗမာတိုင်းရင်းသား လူမျိုးထဲကနေ ရွေးချယ်ဖို့ အလှည့်ကျခဲ့ပါသည်။ ထိုအခါ ဒေါက်တာဘဦးသည် ပါလီမန် ဒီမိုကရေစီခေတ် အတွင်း လွှတ်တော်မှ ဂုဏ်ထူးဆောင် သမ္မတအဖြစ် ရွေးကောက်တင်မြှောက်ခံရခြင်းဖြစ်သည်။ ၁၉၅၂-ခုနှစ် မတ်လ ၁၆-ရက် မှ ၁၉၅၇-ခုနှစ်၊ မတ်လ ၁၃-ရက် အထိ သမ္မတတာဝန် ထမ်းဆောင် ခဲ့သည်။

သမ္မတကြီး ဒေါက်တာ ဦးဘဦးသည် ခရစ် ၁၈၈၇ ခုနှစ်၊ မေလ ၂၆ ရက်နေ့တွင် ပုသိမ်မြို့ ၌ ဖွားမြင်သည်။ အဘမှာ အရေးပိုင် ဦးဘိုးလှ (စီ-အိုင်-အီး၊ ကေ-အက်ဖ်၊ အမ်-အေ၊ တီ-အမ်) ဖြစ်ပြီး မိခင်မှာ ဒေါ်ညွန့် ဖြစ်သည်။ ဒေါက်တာ ဦးဘဦးသည် သားအကြီးဆုံး ဖြစ်သည်။ 
မောင်ဘဦးသည် ငယ်စဉ်က ပုသိမ်မြို့ မူလတန်းကျောင်းတွင် လည်းကောင်း၊ မအူပင်မြို့  အစိုးရ အလယ်တန်းကျောင်းတွင် လည်းကောင်း နေခဲ့ပြီး ယင်းမှတဆင့် ပုသိမ်မြို့ အစိုးရ အထက်တန်းကျောင်း၊ ရန်ကုန်မြို့ အစိုးရ အထက်တန်း ကျောင်းများတွင် အဆင့်ဆင့် ပညာ သင်ကြားခဲ့သည်။ ထိုနောက် ရန်ကုန် ကောလိပ်သို့ တက်ရောက်၍ တက္ကသိုလ် ပညာများကို သင်ယူခဲ့သည်။ ၁၉ဝ၇ ခုနှစ်တွင် အင်္ဂလန်ပြည် ကိန်းဗရစ် တက္ကသိုလ်သို့ သွားရောက်ကာ ပညာ သင်ယူခဲ့သည်။ ၁၉၁၃ ခုနှစ်တွင် ကိန်းဗရစ် တက္ကသိုလ်မှ မဟာဝိဇ္ဇ္ဇာဘွဲ့ကို ရရှိခဲ့ပြီး ၁၉၁၃ ခုနှစ်တွင် ဝတ်လုံ စာမေးပွဲကို အောင်မြင်ခဲ့သည်။ 
ဒေါက်တာ ဦးဘဦးသည် ၁၉၂၂ ခုနှစ်၊ ဧပြီလတွင် ရန်ကုန်မြို့ ၌ အစိုးရ အမှုလိုက် ရှေ့နေ အဖြစ် ဝင်ရောက် ထမ်းဆောင်ခဲ့သည်။ ထိုနှစ် ဒီဇင်ဘာလတွင် ဖျာပုံခရိုင် (ယခု - ဧရာဝတီတိုင်း) စက်ရှင် တရားသူကြီး အဖြစ် ဆောင်ရွက်ခဲ့ပြီး ထိုမှတဆင့် တောင်ငူ၊ မအူပင်၊ မကွေး၊ မြောင်းမြ ခရိုင်များတွင် ခရိုင် စက်ရှင် တရားသူကြီး အဖြစ် ဆောင်ရွက်ခဲ့သည်။ 
ယင်းနောက် ၁၉၃ဝ ပြည့်နှစ်၊ ဖေဖော်ဝါရီလတွင် တရားလွှတ်တော်၊ တရားဝန်ကြီး အဖြစ် ခန့်အပ်ခြင်း ခံရသည်။ ထိုနှစ် စက်တင်ဘာလတွင် ရန်ကုန်ခရိုင် စက်ရှင် တရားသူကြီး အဖြစ် လည်းကောင်း၊ နိုဝင်ဘာလတွင် အင်းစိန်ခရိုင် စက်ရှင် တရားသူကြီး အဖြစ် လည်းကောင်း၊ ခန့်အပ်ခြင်း ခံရသည်။ ထိုနှစ်များသည် တောင်သူ လယ်သမား အရေးအခင်းများနှင့်ဂဠုန် ဆရာစံ နှင့် တော်လှန်ရေးသမားများ ထွက်သော နှစ်များ ဖြစ်ကြသည်။ မျိုးချစ်လယ်သမားခေါင်းဆောင်ကြီး ဆရာစံကိုကြိုးပေးသတ်ဖြတ်ဖို့ အမိန်ချခဲ့တဲ့ တရားသူးကြီးမှာ ဦးဘဦး ဖြစ်သည်။ 
၁၉၃၁ ခုနှစ်တွင် အထူးခုံရုံး အဖွဲ့ဝင် အဖြစ် ခန့်အပ်ခြင်း ခံရပြီး၊ ၁၉၃၂ ခုနှစ်၊ ဧပြီလ အထိ၊ အင်းစိန်၊ ပြည်၊ သရက် ခရိုင်များ၏ စက်ရှင် တရားသူကြီးနှင့် အထူး တရားသူကြီး အဖြစ် ခန့်အပ်ခြင်း ခံရပြန်သည်။ ၁၉၃၂ ခုနှစ်၊ ဧပြီလတွင် တရားလွှတ်တော် တရားဝန်ကြီး အဖြစ် အမြဲတမ်း တိုးမြှင့် ခန့်ထားခြင်း ခံရသည်။ ယင်းရာထူးသည် ဒုတိယ ကမ္ဘာစစ် ဖြစ်သည်အထိ ဖြစ်သည်။ 
ဒေါက်တာ ဦးဘဦးသည် တရားရေးဝန်ကြီး အဖြစ် ဆောင်ရွက်နေစဉ် ၁၉၃၇ ခုနှစ်တွင် ရွေးကောက်ပွဲ ဆိုင်ရာ အထူးခုံရုံး ဥက္ကဋ္ဌ အဖြစ် ဆောင်ရွက်ခဲ့သည်။ ယင်းနောက် ၁၃ဝဝ ပြည့်နှစ်လောက် ရောက်သောအခါ ကျောင်းသား အရေးတော်ပုံ စုံစမ်းရေး ခုံရုံး ဥက္ကဋ္ဌ အဖြစ်လည်း ဆက်လက် ဆောင်ရွက်ခဲ့ရသည်။ အဓိပတိ ဒေါက်တာဘမော် အစိုးရ ဂျပန်ခေတ်တွင် တရား လွှတ်တော်ချုပ် တရားဝန်ကြီး အဖြစ် ထမ်းဆောင်ခဲ့ရသည်။ 
စစ်ပြီးသော အခါမှ စ၍ လွတ်လပ်ရေး မရမီ စပ်ကြား ၁၉၄၈ ခုနှစ်၊ ဇန်နဝါရီလ ၃ ရက်နေ့ အထိ လက်ရှိ တရားလွှတ်တော် တရားဝန်ကြီး အဖြစ် ဆက်လက် တာဝန်ယူ ဆောင်ရွက် ခဲ့ရသည်။ မြန်မာနိုင်ငံ လွှတ်လပ်ရေး မရမီကလေးတွင် ဗြိတိသျှ အစိုးရတို့က 'ဆာ' ဘွဲ့ဖြင့် သူကောင်းပြုခြင်း ခံရသည်။ အာရှ အရှေ့တောင်ပိုင်း ဆိုင်ရာ မဟာမိတ် တပ်ဖွဲ့ သေနာပတိ လော့မောင့်ဘက်တန် မြန်မာနိုင်ငံသို့ လာရောက်သောအခါ ဒေါက်တာ ဆာဘဦးသည် အိုရီယင့် ကလပ် ဥက္ကဋ္ဌ အဖြစ် ဧည့်ခံခဲ့သည်။ အလ္လာပသလ္လာပ စကားပြောဆိုရင်း မြန်မာနိုင်ငံအား ကိုယ်ပိုင် အုပ်ချုပ်ရေး ပေးရန် စကား ဆိုခဲ့ဖူးသည်ဟု သိရသည်။ ပြည်ထောင်စု ဖွဲ့စည်း အုပ်ချုပ်ပုံ အခြေခံ ဥပဒေ ရေးဆွဲရာ၌လည်း ဒေါက်တာ ဆာဘဦးသည် အရေးပါသော နေရာမှ ထိရောက်စွာ ပါဝင် ဆောင်ရွက်ခဲ့သည်။ 
၁၉၄၈ ခုနှစ်၊ ဇန်နဝါရီလ ၄ ရက်နေ့တွင် မြန်မာနိုင်ငံ လွတ်လပ်ရေး ရရှိသော အခါ ဒေါက်တာ ဆာဘဦးကိုပင် တရား လွှတ်တော်ချုပ်၊ တရားဝန်ကြီးချုပ် အဖြစ် တင်မြှောက်ကြပြန်သည်။ ယင်းသို့ ဆောင်ရွက်နေစဉ် ဒေသဆိုင်ရာ အုပ်ချုပ်မှု စုံစမ်းရေး ကော်မတီနှင့် ရွေးကောက်ပွဲ ကြီးကြပ်ရေး ကော်မရှင်တို့တွင် ဥက္ကဋ္ဌ အဖြစ် ထမ်းဆောင်ခဲ့သည်။ ၁၉၅၂ ခုနှစ်၊ မတ်လ ၁၃ ရက်နေ့တွင် ယာယီသမ္မတ စပ်ရွှေသိုက် သက်တမ်း ကုန်ဆုံးသွားသော အခါ ဖွဲ့စည်း အုပ်ချုပ်ပုံ အခြေခံ ဥပဒေ အရ ဒေါက်တာ ဆာဘဦးအား လွတ်လပ်သော မြန်မာနိုင်ငံတော် သမ္မတကြီး အဖြစ် လွှတ်တော်နှစ်ရပ် ပေါင်းကာ တညီတညွတ်တည်း တင်မြှောက်ခြင်း ခံရသည်။ 
နိုင်ငံတော် အစိုးရက ဒေါက်တာ ဆာဘဦးအား အဂ္ဂမဟာသရေ စည်သူဘွဲ့နှင့် အဂ္ဂမဟာသီရိ သုဓမ္မဘွဲ့များကို ချီးမြှင့် ခံရပြန်သည်။ ယင်းအပြင် ရန်ကုန် တက္ကသိုလ်က ဥပဒေ ပါရဂူ (ဒေါက်တာ) ဘွဲ့ကို ချီးမြှင့်ခြင်း ခံရပြန်သည်။ ဒေါက်တာ ဆာဘဦးသည် သမ္မတ အဖြစ် တင်မြှောက်ခြင်း ခံရသည့် နေ့မှစ၍ ဗြိတိသျှ အစိုးရက ပေးသော ဆာဘွဲ့ကို စွန့်လွှတ်ခဲ့သည်။ ၁၉၅၇ ခုနှစ်၊ သမ္မတရာထူး သက်တမ်း ကုန်ဆုံးသော အခါ အငြိမ်းစား ယူခဲ့သည်။ သို့သော် ၁၉၆ဝ ပြည့်နှစ်တွင် နိုင်ငံတော် အစိုးရ အကြံပေး အဖွဲ့  ဥက္ကဋ္ဌ အဖြစ် ဆောင်ရွက် ခဲ့ရပြန်သည်။ 
သမ္မတဟောင်း ဒေါက်တာ ဦးဘဦးသည် လူမှု ဝန်ထမ်း လုပ်ငန်းများ ဖြစ်သော ကြက်ခြေနီ အသင်း၊ ပြည်သူ့ သူနာပြု အဖွဲ့၊ တက္ကသိုလ် ရန်ပုံငွေ အဖွဲ့၊ ပန်းဥယျာဉ် အသင်း စသည်တို့တွင် ဥက္ကဋ္ဌ အဖြစ် ဆောင်ရွက်ခဲ့ရသော ပုဂ္ဂိုလ်ထူး ဖြစ်သည်။ ၁၉၅၇ ခုနှစ်တွင် 'ကျွနု၏ မြန်မာနိုင်ငံ' ခေါ် ကိုယ်ရေး အတ္တုပ္ပတ္တိ စာအုပ်ကို အင်္ဂလိပ်ဘာသာဖြင့် ရေးသား ထုတ်ဝေခဲ့သည်။ 
၁၉၁၃ ခုနှစ်တွင် ဒေါက်တာ ဦးဘဦးသည် ခရိုင် တရားသူကြီးဟောင်း ဦးအောင်ဇံ၏ သမီး ဒေါ်ဒေါ်ငြိမ်းနှင့် လက်ထပ်ခဲ့ရာ သားနှစ်ယောက် ထွန်းကားခဲ့သည်။ ဒေါ်ဒေါ်ငြိမ်းသည် ၁၉၂၂ ခုနှစ်တွင် ကွယ်လွန် သွားခဲ့ရသည်။ ဒေါ်ဒေါ်ငြိမ်း ကွယ်လွန် သွားပြီးနောက် ဒေါက်တာ ဦးဘဦးသည် ၁၉၂၃ ခုနှစ်တွင် ရိက္ခာတော်ရ အရေးပိုင် ဦဆိုးဖေ၏ သမီး ဒေါ်ဒေါ်အေးနှင့် လက်ဆက်ခဲ့ရာ သမီး ၃ ယောက်နှင့် သား ၂ ယောက် ရရှိခဲ့သည်။ ဒေါ်ဒေါ်အေးသည် ၁၉၄၁ ခုနှစ်တွင် ကွယ်လွန် သွားပြန်သည်။ 
သမ္မတဟောင်း ဒေါက်တာဦးဘဦးသည် တော်လှန်ရေး ကောင်စီ အစိုးရ အုပ်ချုပ်ရေး လွှဲပြောင်းယူပြီး ၁၉၆၃ ခုနှစ်၊ နိုဝင်ဘာလ ၉ ရက်နေ့၊ အသက် ၇၆ နှစ် အရွယ်တွင် လူကြီးရောဂါဖြင့် အမှတ်(၅၄) ရွှေတောင်ကြားရိပ်သာ၊ ဗဟန်းမြို့နယ်၊ ရန်ကုန်၌ ကွယ်လွန် အနိစ္စ ရောက်သွားခဲ့လေသည်။ ကွယ်လွန်ချိန်တွင် သမီး ၃ ယောက်နှင့် သား ၂ ယောက် ကျန်ရစ်ခဲ့သည်။ 

စာကြွင်း
ရွှေဥသြ စာအုပ်မှ ကူးယူပြီး ပို့စ်တင်ဖို့ လုပ်နေတုန်း သူငယ်ချင်း ကျော်မင်းမြတ်က မြန်မာဝီခီမှာ ရှိတယ်ဆိုလို့ ၊ သွားကြည့်လိုက်ပါတယ် ရွှေဥသြရဲ့ စာအုပ်ထဲကအတိုင်း ရေးထားတာဖြစ်လို့မို့ တူတူဘဲဆိုပြီး ကူးချပြီး ဒီမှာတင်လိုက်ပါတယ် ၊ စာဖတ်သူများ ကျမ်းမာပျော်ရွှင်ကြပါစေ ၊ ဒီပို့စ်ပြီး ရင်တော့ ပါလီမန်ခေတ်ရဲ့ နောက်ဆုံးသမ္မတကြီး မန်းဝင်းမောင် အကြောင်းကိုတင်ပါ့မယ် ၊ ပြီးရင် ၊ မဆလခေတ်မှ နအဖခေတ်တိုင်အောင် နိုင်ငံခေါင်းဆောင်များ အကြောင်းကို တင်ပါ့မယ် ပြီးရင် မင်းပြောင်းမင်းလဲတွင်ဖြစ်တတ်သော အကြောင်းအရာ ၁၀၀ကို ဖတ်ချင်စဖွယ်ပိုစ့်လေးတွေ ပိုင်းပြီးတင်ပါ့မယ် ၊ အထက်ပါအကြောင်းအရာတွေကို ပိုစ့်လေးနှစ်ခုနဲ့ဘဲ တင်မှာပါ ၊ စောင့်ပြီးအား ပေးကြအုံးနော် ၊ စာကစရေးစဆိုတော့ အားပေးတာ မခံရရင် အားငယ်တတ်လို့ပါ ၊ အားငယ်ရတဲ့ အထဲ မဒမ်ငွေရဲ့ ဟိန်းဟောက်မှုဒဏ်ကိုလဲ သနားစဖွယ်ခံယူနေရပါတယ် ၊ အားလုံးရွှင်လန်းချမ်း မြေ့ကြပါစေကြောင်း ငွေလမင်းတို့က ဆုတောင်းပေးလိုက်ပါတယ် ၊ ရွှင်လန်းချမ်း မြေ့ကြပါ စေ ခင်မျာ..။

Friday, November 26, 2010

အဖိုးနှင့် သူ့မြေး ကျွန်တော်


အဖိုးသာအခုနေရှိရင် အသက်၉၆နှစ် ရှိပြီ ၊ ကျွန်တော့်အဖိုးကို မြန်မာသက္ကရာဇ် ၁၂၇၇ခုနှစ် ၊ နယုန်လပြည့်ကျော် ၁၅ရက်နေ့ ၊ ခရစ်သက္ကရာဇ် ၁၁-၆-၁၉၁၅ခုနှစ် ၊ မှာ မော်လမြိုင်မြို့မှာ  အဖဦးသာဆိုင် (ရွှေလှံဗိုလ်ခေါ် ကောလင်းမြို့စား မန္တလေး မြို့တော်ဝန် မဟာမင်းခေါင် အနော်ရ ထာဘွဲ့ခံ မင်းကြီးဦးချိမ့်၏  ၀န်စာရေးတော်ကြီး)နှင့် ၊ အမိဒေါ်နှင်းအိ (သီပေါ ဘုရင်၏ ပြည်လုံး အံ့လှေသင်းဗိုလ် မင်းကျော်သိဒ္ဓိ ရန်အောင်၏ သမီး)တို့မှ ဖွားမြင်ခဲ့သူပါ။
 အဘိုးဟာ ရှေးခေတ် နောက်ခေတ်ကို ပက်ပက်စက်စက်ကြီး မှီခဲ့သူမို့ ၊ ဗဟုသုတမျိုးစုံ ၊ အတွေ့အကြုံမျိုးစုံ ရှိသူပါ ၊ မျိုးချစ်စိတ် အလွန်အမင်းပြင်းထန်သူမို့ ၊ အင်္ဂလိပ်ကျောင်း မတတ်ဖူးပါ ၊ သို့သော် အင်္ဂလိပ်စာ တော်တော်တတ်သလို ဂျပန်စာနဲ့ ဂျပန်စကားကိုပါ တတ်မြောက်ပါတယ် ၊ ကျွန်တော်အကို ဆရာဝန်ကြီးများကတောင် အဖိုးဖတ်ဖူးတဲ့ အင်္ဂလိပ်စာ အုပ်မျိုးမဖတ်ဖူးခဲ့ပါ ၊ အဘိုးက မော်လမြိုင်ဗုဒ္ဓဘာသာ ကျောင်းထွက်လို့ဆိုပါတယ် ၊ ၇တန်း အောင်ခဲ့တယ်ကွယ့်လို့ ပြောပါ တယ် ၊ မော်လမြိုင်က ရှင်မဟာဗုဒ္ဓဃောသကျောင်းမှာ စာသင်ပေးခဲ့ဖူးသေးတယ်လို့ ပြောခဲ့ဖူးပါတယ် ကိုရင်ဝတ်နဲ့ ပထမလတ်တန်းအောင်မြင်ခဲ့ဖူးပါတယ်။
 လွတ်လပ်ရေး ခေတ်တလျှောက်လုံး ၊ ဘီအိုင်အေ ၊ ဘီဒီအေ အဲလို ခေတ်တွေမှာတော့ စစ်သားလုပ်ခဲ့ပါသေးတယ် ၊ ဘီအိုင်အေမှာ ဗိုလ်ကြီး အဆင့်တာဝန် ထမ်းဆောင်ခဲ့သူပါ ၊ ဂျပန်ခေတ်မှာတော့ ဗိုလ်ချုပ်အောင်ဆန်းနဲ့ အတူတူ စစ်တိုက်ခဲ့သူပါ၊ ဂျပန်ခေတ်က စစ်တောင်းတံတား တိုက်ပွဲမှာ ဂျပန်စစ်ဗိုလ်နဲ့ ဓားချင်း ယှဉ်ခုတ်ခဲ့လို့ အဖိုးညာလက်အဖျားတွေ ပြတ်ကျလုနီးနီး ဓားထိခဲ့ပါတယ်၊ ဖဆပလ ခေတ်မှတော့၊ ဖဆပလအဖွဲ့ထဲမှာ အတွင်းရေးမှူးလုပ်ပါတယ်။
 ဗိုလ်ချုပ်ရဲ့ အမိန့်နဲ့ ဂျပန်စစ်ပြန်တွေကို ပြန်လည် နေရာချထားရေး လုပ်ပါတယ် ၊ လွတ်လပ်ရေးခေတ်မှာ မဏ္ဍိုင်သတင်းစာ ကိုတည် ထောင်ခဲ့ပြီး ၊ ဘိုးဘိုးမိန်းမကတော့ မော်လမြိုင် သွေးဆေးနာမည်နဲ့ ဆေးတိုက်ဖွင့်ပါတယ်၊ ၁၉၉၆ခုနှစ်မှာ နိုင်ငံဂုဏ်ရည်တတိယဆင့် ရရှိခဲ့ပါတယ်၊ ၁၉၇၀ခုနှစ်မှာ သမိုင်းဝင် ပမဆင့်ကို အဘိုးရော အဖွားပါ ပူးတွဲရပါတယ် ၊ စာပေနှံ့စပ်ပုံကတော့ အံ့လောက်ပါတယ် ၊ ဒါကတော့ အဖိုးရဲ့ ဘ၀ တစိတ်တဒေသပါ ။
ကျွန်တော်ကတော့ မြန်မာသက္ကရာဇ် ၁၃၅၂ခု ၊ ပြာသိုလပြည့်ကျော် ၁ရက် ၊ ခရစ်နှစ် ၁၉၉၀ပြည့် ဒီဇင်ဘာ ၃၁ရက် ၊ တနလာင်္နေ့ည မြန်မာစံတော်ချိန် ၁၂နာရီ ၊ ၅မိနစ်တွင် မြောက်လတ္တီကျု ၁၆ဒီဂရီ  ၄၇မိနစ် ၊ အရှေ့လောင်ဂျီကျူ့၉၆ ဒီဂရီ ၁၂မိနစ်တွင် ရန်ကန်မြို့ ဒဗ္ဗလင်ဆေးရုံတွင် သတို့သား .....ကို မာတာမိခင်မှ ဖွားသန့်စင်သည် အသက်၁၂၀ ရှည်စေသော်ဟု အဖိုး လုပ်ပေးထားတဲ့ ဇာတာမှာ အဲလိုရေးထားပါတယ်။
ကျွန်တော့ကိုမွေးမဲ့နေ့ ညနေမှာ မော်လမြိုင်မှာ အဖွားဆုံးပါတယ် ၊ အဲဒီည သန်းခေါင်းယံအချိန်မှာ ကျွန်တော်မွေးပါတယ် ၊ အဖွားနဲ့ ကျွန်တော်ဟာ မီးဝင်မီးထွက် ဖြစ်ပါတယ် ၊ အဖွားဆုံးခါနီးတော့ အဖွားရဲ့ခြေထောက်မှာ အဖိုးက မီသွေးလေးနဲ့ခြစ်ပေးလိုက်ပြီး မေမေဆီမှာ ပြန်ဝင်စားလို့ မှာလိုက်တယ်လို့ ဆိုပါတယ် ၊ ကျွန်တော်ကို အဲဒီညမှာ မွေးတော့ အဖိုးဟာ သူ့မိန်းမ၀င်စားတာ ဟုတ်မဟုတ် သိချင်လို့ ကျွန်တော်ခြေထောက်ကို ကြည့်ခိုင်းတယ်လို့ဆိုပါ တယ် ၊ တိုက်ဆိုင်စွာဘဲ ကျွန်တော်ဘယ်ဘက် ခြေထောက်မှာ ၊ အမဲရောင်အခြစ်ရာ အမှတ်သားလေးပါလာတဲ့အပြင် ၊ ညာဖက်နံပါးမှာပါ အမဲစက်ကြီးတစ်ခုပါလာပါတယ် ၊ အဲဒီအမှတ်အသားဟာ ဖွားဖွားမှာလဲ ပါတယ်လို့ မေမေကဆိုပါတယ် ၊ မည်သို့ပင်ဖြစ်စေ ကျွန်တော်ဟာ အဖွားဝင်စားပါတယ်ဆိုပြီး အဖိုးရဲ့အချစ်တော်ဖြစ်သွားပါတယ် ။
အိမ်မှာအဖိုးဟာ သြဇာကြီးမားသူ ဖြစ်ပါတယ် ၊ အဖိုးက ကျွန်တော့်ဘက်တော်သားကြီးဖြစ်လို့ ကျွန်တော်ရဲ့ပါးဟာ အဖိုးတည်းဟူသော စိန်နားကပ်ကြောင့်  ပါးတည်းဟူသော ကျွန်တော်ဟာ ပြောင်ပြောင်ပြောင်နဲ့ နေပါတယ် ၊ နောင်တော်ကြီး နှစ်ပါးရဲ့ငြူစူစောင်းမြောင်း မှုကိုအပြင်း အထန်ခံရပါတယ် ၊ အဖိုးဘယ်သွားသွား သွားလေရာ ခေါ်ဆောင်သွားတတ်ပါတယ် ၊ ကျွန်တော် တို့ ညီကိုယ် တွေဟာ အသက်၇ နှစ်စီကွာပါတယ် ၊ အကြီးဆုံးအကိုနဲ့ ကျွန်တော်ဟာ ၁၄နှစ်ကွာပါ တယ် အလတ်ကောင်နဲ့ ကျွန်တော်ဟာ ၇နှစ်ကွာပါတယ်။
မိဘနှစ်ပါး အလုပ်သွားချိန်မှာ အကိုနှစ်ယောက် ကျောင်းတက်နေပါတယ်၊ ကျွန်တော်နဲ့ အဖိုးကတော့ အိမ်တော်စောင့် ဖြစ်ပါတယ်၊ အဖိုးက ကျွန်တော်စာမတတ်ခင်ကတည်းက ဘုရားရှိခိုးသင်ပေး ၊ သီချင်းတွေ သင်ပေး ပီယာနိုတီးခိုင်း တယောထိုးခိုင်း ၊ စာလေးရေးတတ်လာတော့ ဟိုဟာမှတ်ခိုင်း ဒါမှတ်ခိုင်း ၊ ဟိုဟာသင်ပေး ဒါသင်ပေး လုပ် ပါတယ် ၊ ဒါကြောင့် ကျွန်တော့မိသားစုမှာ ကျွန်တော်ဟာ အဖိုးနဲ့ မိသားစုဝင်တွေထက် ပိုမိုအကျွမ်းဝင်သူပါ။
 အဖိုးဆုံးတော့ အဖိုးရဲ့စာအုပ်တွေ ခွဲဝေရေးပြဿနာများတတ်ပါတယ် ၊ ကျွန်တော်ဟာ ကျွန်တော်ဗီရိုလေးထဲမှာ အဖိုးရှိစဉ်ကတည်းက အဖိုးရဲ့မှတ်စုတချို့ကို ကျွန်တော် ရေးထားတဲ့ စာအုပ်တွေနဲ့ ပူးတွဲပြီး စာအုပ်ကြီးတစ်အုပ်ချုပ်လိုက်ပါတယ် ၊ စာအုပ်မှာလဲ ကျွန်တော့် နာမည် တပ်ပြီး ထားလိုက်ပါတယ် ၊ မှတ်စုစာအုပ်တွေကို ဖေဖေပိုင်ရမှာ ဖြစ်ပေမဲ့ ၊ ဖိုးဖိုးရဲ့ မြေးကျွန်တော် ကသာ ပိုင်စေရမယ်လို့ ဖိုးဖိုး ဥပဒေထားရစ်ခဲ့ပါတယ် ၊ သိတော်မူကြတဲ့အတိုင်း ဥပဒေထားခဲ့သူ မရှိတော့တဲ့နောက်ပိုင်း ၊ ဥပဒေဟာ အသက်မ၀င်တော့ပါဘူး ၊ ကျွန်တော်ပြည်ပရောက်နေလို့ ဈာပန လုပ်တဲ့နေမှ ပြန်ရောက်ပါတယ်။
 အခုတော့ အဖိုးမှတ်စုတွေ ယူထားတဲ့ လူတွေဆီကနေ ကျွန်တော် ပြန်ခိုးယူထားလို့ ၊ နဲနဲတော့ ပြန်ရပါပြီ ၊ ဖိုးဖိုးဟာ စာရေးနိုင်သူဖြစ်ပါတယ် ၊ ကဗျာလကာင်္တွေ မှတ်တမ်းမှတ်ရာတွေ ၊ ကိုယ့်တွေ့မှတ်တမ်းတွေ တော်တော်စုံပါတယ်၊ အခုတော့ ဖိုးဖိုးရဲ့ မှတ်စုထဲက မင်းပြောင်းမင်းလွဲဖြစ်ရင် ဖြစ်ပေါ်တတ်တဲ့ အရိပ်နိမိတ်လက္ခဏာတရားဆိုတဲ့ နတ်စက်ရောင် သိုက်စာပါ လကာင်္ရှည်ကြီးတခုကို အပိုင်းခွဲပြီး ပိုစ့်တင်ရင်ကောင်း မလား စဉ်းစားမှိပါတယ် ။
 ကဲစာဖတ်သူ ကျွန်တော်အဲဒီ လင်္ကာကြီးကို ကျွန်တော်သိသလောက် အဓိပ္ပါ့ယ်ရှင်းပြီး ငွေလမင်း ဘလော့မှာ တင်ရင် စာဖတ်သူက စောင့်ဖတ်မှာလားလို့ မေးချင်ပါတယ် ဖတ်မယ်မလားခင်မျာ ၊ မညာပါနဲ့ ဖတ်မယ်ဆိုရင် အောက်မှာကွန်မင့်ရေးခဲ့ ၊ ဘာမဖတ်ဖူးလား၊ ဟားဟား မရေးဘူးပေါ့ဗျ ၊ စသဖြင်စသဖြင့် စကားတွေပြောပြီး ကျွန်တော်အိပ်မက်က လန့်နိုးခဲ့ပါတယ်။
 ညကအကြောင်းရာတွေပြန်စဉ်းစားကြည့်လိုက်တော့ ကျွန်တော်အဖိုး မှတ်စုဖတ်ပြီး အိပ်ပျော်သွားရင်း အိပ်မက်မက်နေတာကိုး ၊ အိပ်မက်ထဲမှာ အခုစာဖတ်နေတဲ့လူကို ကျွန်တော်က အဖိုးအကြောင်း ရှင်းပြနေတာတဲ့ ၊အိပ်ယာနိုးတော့ အိပ်မက်ထဲက ပြောခဲ့တဲ့အတိုင်း ရေးရင်ကောင်းမလား မရေးရင်ကောင်းမလား ၊ တွေးနေတုန်း မဒမ်ငွေဆီကို ထိုအကြောင်းအရာ အတည်ဖြစ်စေဖို့ အစီရင်ခံလိုက်ရာ ၊ ရေးသားရမည်ဖြစ်ကြောင်း အော်ဒါထွက်လာသဖြင့် ကျွန်တော်ရေးဖို့ စီစဉ်နေရပါတော့တယ် ၊ စာရူသူကရော ရေးစေချင်လားခင်မျာ??????????????