Sunday, February 20, 2011

ပိုလာဝက်ဝံ နဲ့ တူနေပြီလား???

 
မြောက်ဝင်ရိုးစွန်းမှာနေတဲ့ ပိုလာဝက်ဝံရဲ့ ပုံပြင်တစ်ပုဒ်ကို ကြားဖူးပါသလား….?
အေးခဲတဲ့ မြောက်ဝင်ရိုးစွန်းမှာ ပိုလာဝက်ဝံတွေဟာ ဘုရင်တစ်ဆူလိုပဲ။ဒါပေမယ့် အက်စကီးမိုး လူမျိုးတွေက ဘာမှအင်အား ထုတ်စရာမလိုဘဲအဲဒီဝက်ဝံတွေကိုဖမ်းနိုင်တယ်။

ဘယ်လိုဖမ်းသလဲဆိုတော့ အက်စကီးမိုးတွေက ဖျံတစ်ကောင်ကို အရင်သတ်လိုက်ပြီးဖျံရဲ့သွေးကို ပုံးတစ်ခုထဲ ထည့်ထားလိုက်တယ်။ အသွားနှစ်ဖက်ပါတဲ့ဓါးမြှောင်ကိုသွေးထဲမှာ စိုက်ထားလိုက်တယ်။ အရမ်းအေးတဲ့အတွက် ဖျံသွေးဟာ အချိန်တိုအတွင်းမှာခဲသွားပါတယ။ အဲဒီခဲသွားတဲ့ ဓါးမြှောင်ပါတဲ့ ဖျံသွေးကို ပုံးထဲကထုတ်ပြီးရေခဲပြင်မှာ ပစ်ထားလိုက်ရုံပါပဲ။ ၀က်ဝံတွေက သွေးအရမ်းကြိုက်တယ်။
 
အဲဒီအကြိုက်ကပဲ သူတို့ကို သေမင်းလက်ထဲ ရောက်စေခဲ့တယ်။ အနံ့ခံကောင်းတဲ့သူတို့ဟာ သွေးညှီနံ့ကို အဝေးကြီးကတောင် ရနိုင်ပါတယ်။ အက်စကီးမိုးတို့ပစ်ထားတဲ့ သွေးခဲကို ခြေရာခံပြီး တွေ့တာနဲ့အငမ်းမရလျှာနဲ့စတင်လျက်ပါတော့တယ်။လျက်ရင်းလျက်ရင်းလျှာခဲသွားလည်းအစာကောင်းကိုလက်မလွတ်ချင်တာနဲ့ ဆက်လျက်ပါတယ်။ အဲဒီနောက် ခဲနေတဲ့သွေးက ပိုချိုလာတယ်။ ပိုလတ်ဆတ်လာတယ်။ ပိုပူနွေးလာတယ်ဆိုတာကို သတိမထားမိတော့တဲ့ အထိပါပဲ။

လျက်လေ အရသာရှိလေ၊ အရသာရှိလေ လျက်လေနဲ့ သူတို့ရဲ့သွေးကို သူတို့သောက်နေမိမှန်းတောင် မသိကြတော့ပါဘူး။ အကြောင်းကသွေးခဲအလယ်မှာ စိုက်ထားတဲ့ ဓားက လျက်နေတဲ့ သူတို့လျှာကို
လှီးဖြတ်နေခဲ့လို့ပဲ။ အအေးဓာတ်ကြောင့် ထုံနေတဲ့ လျှာက နာကျင်တာကိုမခံစားမိတော့ဘူး။ အနံ့ခံကောင်းတဲ့ နှာခေါင်းက လတ်ဆတ်တဲ့ သွေးနံ့ရလေ လျက်နှုန်းက မြန်လေလေ နောက်တော့ ကိုယ့်သွေးကို ကိုယ်ပြန်သောက် နေမိတော့တယ်။ နောက်ဆုံးတော့သွေးထွက်လွန်ပြီး မူးလဲသွားပါတယ်။ အဲဒီအချိန်မှာ အက်စကီးမိုးတွေက သူတို့ကိုဘာအင်အားမှ မသုံးဘဲ ဖမ်းလိုက်ရုံပါပဲ။

ဘ၀ရဲ့ပျော်ရွှင်ခြင်းတွေကို ရှာဖွေတဲ့အချိန်မှာ အတွေးအခေါ်၊ အယူအဆတွေ လွဲမှားခဲ့ရင် ကျွန်တော်တို့ဟာလည်း ပိုလာဝက်ဝံနဲ့ တူသွားနိုင်တယ်။ တစ်ချို့လူတွေက အလုပ်ချိန် များများလုပ်လေ ပိုအောင်မြင်လေလေ ၀င်ငွေများများ ရလေလေလို့ ထင်တတ်ကြတယ်။ ဒါပေမယ့် သူတို့မှာ အဲဒီငွေကြေးကို ဖြုန်းဖို့ အချိန်မရှိခဲ့ကြဘူး။ တစ်ချို့အဲဒီငွေကြေးကို ဘယ်လိုသုံးရမယ်မှန်း မသိကြဘူး။ဝင်ငွေများလာတာနဲ့ နည်းတူ တစ်ဖက်မှာလည်း တစ်ချို့အရာတွေကို သူတို့ဆုံးရှုံးကြရတယ်။ လူ့ဘ၀ရဲ့ တန်ဖိုးအရှိဆုံး အရာဖြစ်တဲ့ မိသားစုနဲ့အတူနေတဲ့အချိန်တွေ၊ နွေးထွေးတဲ့ မိဘမေတ္တာ ငတ်နေတဲ့သားသမီးတွေ၊ လူမှုရေး၊ ကျန်းမာရေး၊လူတစ်ဖက်သားကို ကူညီဖို့အရေးဆိုတာကိုတောင် သူတို့မေ့နေခဲ့ကြတယ်။

အမေရိကားရဲ့အပတ်စဉ် ဂျာနယ်တစ်ခုက အငြိမ်းစားယူကုန်ကြတဲ့ ထိပ်သီးစီးပွါးရေး ပညာရှင်
ဆယ်ဦးကို မေးခွန်းမေးပြီး စာရင်းလုပ်ခဲ့ဖူးတယ်။

မေးခွန်းက“တကယ်လို့ဘ၀ကိုအသစ်ပြန်စရရင်သင်အမျှော်လင့်ဆုံးနဲ့လက်မလွတ်ချင်ဆုံးအရာကဘာလဲ”တဲ့။ ပညာရှင် ခုနှစ်ဦးက တူညီတဲ့ အဖြေကိုပေးခဲ့ပါတယ်။

အဖြေက“တကယ်လို့ဘ၀ကို အသစ်ပြန်စရရင်သားသမီးတွေနဲ့ အတူနေတဲ့အချိန်ကို လက်မလွတ် ချင်ဆုံးပါ”လို့ပြန်ဖြေခဲ့ကြတယ်။

တစ်ချို့လူတွေက ဆုံးဖြတ်ပြီးရင် နောင်တမရဘူးလို့ ပြောတတ်ကြတယ်။ဒါပေမယ့် မဆုံးဖြတ်ခင် သေချာ မစဉ်းစားခဲ့ရင်နောက်ဆုံးတော့ နောင်တ ရကြစမြဲပါပဲ။ပျော်ပျော်နေတတ်တဲ့ သူငယ်ချင်းတစ်ယောက်က ပြောဖူးပါတယ်။ငွေဟာ ရှာလို့မကုန်နိုင်တဲ့ အရာပါတဲ့… ရှာလေလေ ရလေလေ လိုချင်လေလေ နောက်ဆုံးတော့လုံလောက်ပြီလို့ မထင်ဘဲ ငွေနောက်ကိုပဲ ကောက်ကောက်ပါ ကုန်ကြတယ်တဲ့။
 

ကျွန်တော်တို့ဟာ ပိုလာဝက်ဝံလို ကိုယ့်သွေးကို သောက်ပြီးပျော်နေကြတဲ့လူဖြစ်နေခဲ့ပြီလား…?

တင်းတိမ်ရောင့်ရဲနိုင်တဲ့လူက ဘယ်တော့မှမဆင်းရဲဘူး။ မတင်းတိမ်နိုင်တဲ့လူကအမြဲဆင်းရဲနေတယ်။

ရေးပြီးသားစာများရှိသော်လည်း မအားတာရော ပျင်းတာရော စာများကိုမတင်ဖြစ်တာပါ။ အခုပို့စ်ကလည်း ကိုယ်တိုင်ေ၇းထားတာ မဟုတ်ပါ။ မေးလ်ထဲရောက်လာတာကို ဖတ်ပြီး ကြိုက်လို့ ပြန်တင်လိုက်တာပါ။ အားလုံး ပျော်ရွှင်ပါစေလို့ ငွေလမင်းတို့က ဆုတောင်းလိုက်ပါတယ်။



8 comments:

အင်္ဂါဟူး said...

ပိုလာ ၀က်ဝံလို ကိုယ့်သွေးကိုယ်လျှက်ပြီး သူများ အလွယ် တကူ သတ်ဖြတ်ခြင်းမခံရအောင် အရာရာမှာ သတိထားရမယ်... လူမှုရေး ပညာရေး စီးပွားရေး အတွေးအခေါ် ဘာသာရေးတွေမှာရောပေါ့... ပို့စ်လေးကို သဘောကျမိတယ် ငွေလမင်းတို့ရယ်..

ပေးတဲ့ဆုနဲ့လည်းပြည့်ရအောင် နေထိုင်ပါ့မယ်..

နှစ်ယောက်သားလဲ... စန်းလသော်တာ ပြည့်ဖြိုးခြင်းငှာ ကြင်လင်ဝင်းပ အေးချမ်းကြပါစေ။

မောင်လေး said...

ဟွင်းးးဆားချက်တာ....ဆားချက်တာ.......:)

ရဲထွန်းဇော် said...

ဟုတ်ကဲ့ပါဗျာ...ကိုယ့်လျှာတော့ကိုယ်မကိုက်မိအောင်နေပါ့မယ်... :P

လသာည said...

တအားသဘောကျတယ် ဒီပိုစ်လေးကို..။

အတွေးတွေအများကြီးပွားမိတယ်။

ကျေးဇူးတင်ပါတယ်။

ကျောက်စကီးမိုး said...

ဒါးစောင်းထက် လျာစောင်းကပိုထက်တယ်ဆိုပြီး ကြားဖူးပေမဲ့ ဝက်ဝံအတွက်တော့ လွဲနေပါပေါ့လား..

...အလင်းစက်များ said...

ဘလော့တွေ လိုက်ဖတ်ရင်း မျက်လုံးလဲ ပါဝါတိုးပြီးရင်းတိုးနေပြီ... လျာနဲ့ တော့ မယက်ပေါင် ဖတ်ရုံပဲဟာကို.... :P

(မဖတ်ရ မနေနိုင်တာတော့ အသေအချာပဲဗျာ)

ဂျူလိုင်ဖြူ said...

ဖြူကပိုလာဝက်ဝံတွေသိပ်ချစ်တာ ကိုအာလာဝက်ဝံကိုလည်းချစ်တယ် ...ဖြူကိုယ့်ဖြူတောင်ပိုလာဝက်ဝံလို နာမည်ပြောင်ပေးထားတာ အရမ်းအအိပ်ကြီးလို့ 
ဒါပေမဲ့ သူတို့ ဒီလိုအသတ်ခံရလိမ့်မယ်လို့ မထင်ထားမိဘူး...

chindwinthu said...

အရမ်းကောင်းတဲ့ ပို့စ်လေးပါ ငွေလမင်းရေ့..။