ချစ်လိုက်တာတုန်လို့

ခုတလောတော့ဖြင့် ကိုကိုငွေတို့ ဘလော့ ပျောက်လှချေတယ်လို့ ဘလော်ကာများက ပြောဆို နေကြမို့လား၊ ဟုတ်ကဲ့ ကိုကိုငွေ မအားဘူးခင်မျ။ တော်တော်လေးမအားတာ အရင်က မှနဲနဲအားသေးတယ်ပြီးခဲ့တဲ့ အောက်တိုဘာလ ၂၈ရက်နေ့ တိတိကျကျပြောရရင် ၊ အဲဒီနေ့မနက် ၇နာရီကတည်းက မအားတာ၊ အဲဒီနေ့မှာ မဒမ်ငွေလာတယ်ကိုး ရန်ကုန်ကို၊ ဆိုတော့ကား ကြိုဆိုနေရာချထားရေး လုပ်ရပြန်တယ်၊ အဲဒီနေ့ တနေ့ကုန်တယ်ဆိုပါစို့၊ နောက်နေ့ကျပြန်တော့ မဒမ်ငွေကို ဒလဖက်ကမ်းကို နှစ်ထပ်သဘောင်္ကြီးစီးပြီး လိုက်ပို့ရတယ်၊ ကိုကိုငွေချစ်သူက ခလေးသာသာရယ်၊ ခရီးပန်းမခံနိုင်ဘူး ၊ အစားအစာမာမာ မစားသောက်နိုင်ဘူး စာချင်တဲ့ဟာကြတော့လည်း၊ အဝေးကြီးတွေ YKKO ကြေးအိုးစားချင်သတဲ့၊ ညကြီးမင်းကြီး လိုက်ပို့ပေးရတယ်၊ အခြားနေရာတွေ ရွှေယုန်လေးတို့မှာလည်း ရှိပါရဲ့ သူကခံတွင်းမလိုက်ဘူး၊ အဲဒီ ကဟာမှမစားရရင် မဒမ်ငွေက စကာင်္ပူ တောင်ပြန်ရောက် ဖို့မရှိဘူးလေ။

သုံးဆယ်ရက်နေ့ ကတော့ မန္တလေးကိုချီတတ်ကြတယ်၊ တလမ်းလုံးကားမူးလို့ချမ်းလို့ဆိုတော့ မဒမ်ငွေကို မျက်နှာသုတ်တပတ်နဲ့ အထုပ်ထုပ်ထားရတယ်၊ လကုန်တော့ မန္တလေးကိုရောက်ပါရော၊ မဒမ်မောင်လေးတွေနဲ့ မိခင်ကြီးကလာရောက် ကြိုဆိုကြလေရဲ့၊ နိဝင်ဘာလသုံးရက်နေ့ ရောက်ပြန်တော့ မဒမ်ငွေက ၂၇နှစ်ပြည့်တယ်၊ မွေးနေ့ပွဲ ကိုကိုငွေက ဒင်ဆန်း လုပ်ကျွေးတယ်၊ တော်တော်လေး လက်ဝင်ပါရဲ့ ပင်ပန်းလိုက်တာဗျာတို့ရယ်၊ မဒမ်ငွေနဲ့ အပေါင်းအပါများကတော့ တော်တော်စားကောင်းလို့ဆိုပါရဲ့၊ ဆိုင်ဖွင့်ရောင်းဖို့တောင် အဘိယာစကပြုကြသေး၊ အလကား အားပေးချင်နေလို့ကြလိမ့်မယ်လို့ ယူဆရတာပါပဲ ဗျာတို့ရယ်။

လည်တယ် ပတ်တယ် မန္တလေးအနှံ့ပေါ့၊ မရွှေစင်ဦး အိမ်ကို သွားလည်မလို့ပါပဲ၊ သူတို့ခမျာ ဖခင်ရဲ့ ကျမ်းမာရေးကြောင့် အလုပ်ရှုပ်နေလိမ့်မယ်လို့ ယူဆလို့မသွားခဲ့ပါဘူး၊ ခွင့်လွှတ်နော် မရွှေစင်ဦး၊ မေမြို့ကို လ္ဆန်း၁၄ရက်နေ့သွားတယ်လေ၊ တပ်ထဲက မဒမ့်သူငယ်ချင်း ရဲ့ တိုက် ခန်းမှာနေခဲ့တယ်၊ ပျော်စရာကောင်းပါရဲ့၊ ဒါပေမဲ့ တအားအေးတယ်။

လပြည့်နေ့ကြတော့ မန္တလေး ပြန်ရောက်တယ်၊ မဒမ်ငွေရဲ့ အဖေတို့မိဘများရှိရာ မင်းကွန်းဘက်က အာလောင်ဆိုတဲ့ ရွာကိုသွားတယ်လေ၊ အပြန်လမ်းမှာ ပျော်ပွဲစားဆိုလား ဘာလား ဆိုင်ကယ်ရှေ့ဝါးလုံးနဲ့ ဖြတ်ဖြတ်တားတဲ့လူတွေကို ငါးရာပေး တရာပေး နဲ့ပေးလာလိုက်တာ မန္တလေးလဲရောက်ရော နှစ်ထောင်ကျော် ကုန်သွားပါရော၊ အလှူတန်းလုပ်တယ်ဆိုပြီး ချီးမွှမ်းခံရလိမ့်မယ်မထင်ပါနဲ့ ၊ မဒမ်က ငါးရာပေးရမလားဆိုပြီး ဆူလိုက်တာ ညံ့နေတာပဲ၊ မိန်းမများ စိတ်ညစ်ဖို့ကောင်းလိုက်တယ် တကယ်ပဲ။

မန္တလေးရောက်တော့ ညဖက် မုန့်လုံးရေပေါ် လိုက်တန်းစီတယ်လေ မန္တလေးတမြို့လုံး လုံးလိုက် ကြတဲ့မုန့်လုံး၊ ကိုကိုငွေတို့ကတော့ သွားမတောင်းပါဘူး၊ မုန့်လုပ်တဲ့ နေရာလေး မတ်တပ် သွားရပ်နေလိုက်တာ ၊ မုန့်ုယူမလားဆိုတော့ အင်းလို့ပြောလိုက်တာ ပေးကြပါရဲ့၊ ညီအငယ်ကောင်က ပြောနေသေးတယ် အကိုရေ မုန့်တောင်းစားထဲမှာ ညီတို့ကတော်တော်လေး သနားဖို့ကောင်းတယ်တဲ့၊ အဲဒါကြောင့် ပါးစပ်ဟတောင်မဟရသေးဘူး မုန့်တွေလာလာပေးကြတာတဲ့၊ ဟုတ်လောက်ပါရဲ့၊ ရုပ်ရည်တွေကလည်း သနားစရာလေးတွေ မို့လား။

မဒမ်တို့အိမ်မှာတော့ ကျွန်တော်က ထမင်းချက်တာဝန်ယူပါတယ်၊ ငါးနာရီထတယ် မဒမ်နဲ့ ညီနှစ်ကောင်ကို ခေါ်ပြီးတောင်တက်တယ်၊ တောင်တက်ပြီးပြန်လာရင် မုန့်စားသွားတယ်၊ မုန့်စား ပြီးတာနဲ့ ဈေးဝယ်ထွက်တယ် ဈေးဝယ်ထွက်တော့ ကျွန်တော်နဲ့ညီတွေက အထုပ်ကိုင် မဒမ်ကအရှေ့က၀ယ်၊ သဘောထားကလည်း တခါမှတိုက်ဆိုင်တယ်မရှိပါဘူး ၊ ညီမပုရေ ဒါလေးဝယ်ရအောင်ကွယ် ဟင့်အင်း ဟိုဟာဝယ်မယ်၊ အနောက်က တတွက်တွက်သာ ပြောနေတာပါ ၊ အိမ်ရောက်တော့ အထုပ်တွေ ဖြေကြည့်လိုက်ရင် သူ့အကြိုက်တွေသာပဲ များပါတယ်။

ကိုကိုငွေကတော့ အချက်အပြုတ်ပိုင်းပေါ့နော ချက်တယ် ပြုတ်တယ်၊ ဖျော်ရည်ဖျော် တယ်၊ ဆေးတိုက်တယ်၊ ရေခပ်ပေးရတယ်၊ ကိုကိုငွေက အိမ်ရှင်မလိုဖြစ်နေတယ်၊ ယောက်ခမလား ချစ်ရှာသားပဲ သားမက်လောင်းကိုတော့၊ ဘာလို့သိလဲဆိုရင် မဒမ်နဲ့ ကျွန်တော်က တနေ့ကို နှစ် ခါအနဲလေးထားပြီး ရန်ဖြစ်တယ်စကားများတယ်၊ သိပ်တော့မကြာပါဘူး ငါးမိနစ် လောက်ကြာ ပြန်တည့်တတ်တယ်၊ အဲဒီလိုဆိုရင် အမေက ကျွန်တော့်ဖက်ကနေပြီး မဒမ့်ကိုဆူတယ်၊ မဒမ်ငြိမ်ကျသွားတာပဲ၊ ယှဉ်လို့မရဘူးလေ လူကြီးဆိုတော့သိတာပေါ့ ဘယ်သူကမှန်တယ်ဆိုတာ။

အမေကကျွန်တော့်ဖက်က ၀င်မပါရင်လည်း ကျွန်တော်က အထုပ်ပြင်ပါတယ်၊ ညနေကားနဲ့ ရန်ကုန် ပြန်မယ်ဘာညာဆိုရင် အကုန်လုံးက အထုပ်တွေဝိုင်းဆွဲဘာညာနဲ့ ဆိုတော့ မပြန်ဖြစ်ပါ ဘူး။ မဒမ်ငွေက ဆိုးတယ်ဗျ ၊ အသိမိတ်ဆွေပေါတယ် ပြောလိုက်တဲ့စကားတွေ၊ သူကတော့ ဖလပ်ဆေဘယ်(flexible) ဖြစ်တယ်ပြောတာပဲ၊ အိမ်လာတဲ့ဧည့်သည်ဆိုရင် သူကလက်ခံစကားပြောတယ် အိမ်ကိုမလာတဲ့ ဧည့်သည်ဆိုရင် အဲဒီအိမ်ကိုလိုက်ပြီး ပြောတယ်၊ တနေ့တော့ ကျွန်တော့်ကို သူ့ သူငယ်ချင်းက လာခေါ်သွားတုန်း ၊ သူကကျွန်တော်လစ်ပြီဆိုပြီး သုံးနာရီခွဲလောက်ကတည်းက အိမ်ကထွက်သွားလိုက်တာ သူ့မောင်လေးအငယ်ကောင်နဲ့ ညနေ၆း၀၀နာရီနဲ့ပြန်မလာဘူး၊ အဲဒါကျွန်တော်က မျှော်နေသေးတယ်၊ ကဲဟေ့ အကြောင်းသိကြရောပေါ့ဆိုပြီး မန္တလေးမြောက်ကျုံးကနေ စပတ်လိုက်တာ ကျုံးပတ်လည် လမ်းလျှောက်ပလိုက်တယ် ည၈နာရီမှ ပြန်ရောက်တယ်။

ဟိုးဟိုး ရှာလိုက်ကြတာ ယောက္ခမနဲ့သမီးဆိုတာ ဒေါင်းတောက်နေတာပဲ ကိုကိုငွေက ဘာရလိမ့် မလဲ ရှာမယ်ဆိုတာသိတော့ အရှေ့ကျုံးမှာထိုင်နေလိုက်သေးတာ၊ ပြီးမှ အေးအေးလေး လေချွန် ပြီးပြန်လာတာ ၊ အဲဒါနဲ့ မဒမ်က ကျွန်တော့ ကို ပြောစရာရှိလို့ဆိုပြီး အရှေ့ကျုံးကိုဆိုင်ကယ်နဲ့ တင်ခေါ်တော့ ၊ ကျွန်တော်က အနောက်က အသာလေး ထိုင်စီးပြီး သူမေးသမျှ တခွန်းမှပြန်မပြောဘူး။ မပြောဘူးလား ဆိုင်ကယ်ကို လက်လွှတ်စီးမှာနော်တဲ့ ၊ အင်းကောင်းတယ် စီးလေလို့ မင်းအဲလိုစီးရင် အကိုကအနောက်ကနေ ခုန်ချမှာဆိုပြီး ပြန်ချိန်းခြောက်တာ၊ မဒမ်က ကျုံးထဲခုန်ချမလို့တဲ့၊ စတန့်ထွင်သေးတာ ဟုတ်တာလည်းမဟုတ်ဘူး တော်သေးတယ်၊ ကိုကိုငွေကဘဲ ပြန်ချော့ပြီး ပြန်ခဲ့ကြတယ်။

မန္တလေးခရီးစဉ်ကို အတိုချုံးလိုက်တဲ့အခါမှာတော့ ရန်ပွဲငယ် ၁၁၊ ရန်ပွဲကြီး၎ဆိုပြီး မှတ်တမ်းပြုလို့ ရသပေါ့ဗျာတို့ရယ်၊ ချစ်စကြင်နာစဆိုတော့ကား မကြာမကြာဆိုသလို ခွန်းကြီးခွန်းငယ်ခွန်းလတ် စကားများခြင်း ပြဿနာများခြင်းရှိသပေါ့၊ အခုတော့ အသံမကြားရတော့ပါဘူး၊ ၁၄ရက်နေ့ညက ရန်ကုန်ကိုပြန်ခဲ့တယ်၊ ၁၅ရက်နေ့ လျှောက်လည်ကြ တယ်၊ ၁၆ရက်နေ့ နေ့လည်၁၁နာရီခွဲနဲ့ မဒမ် စကာင်္ပူကိုပြန်သွားတယ်။

ကိုကိုငွေလိုက်ပို့လိုက်တယ်၊ ငိုချင်လိုက်တာဗျာတို့ရယ် သုံးရက်လောက်ထမင်းမစားနိုင်ဘူး အချိန် ပြည့်လွမ်းတယ်၊ သူ့ကိုဖုန်းဆက်တယ် သူလည်း ထမင်းမစားနိုင်ဘူး ဘာမှလည်းမလုပ်ချင်တော့ ဘူး၊ ဘာကိုကြည့်ကြည့် သူ့ကိုပဲမျက်စိထဲကမြင်တယ်၊ ဘာသံကိုနားထောင်ထောင် သူ့အသံပဲ ကြားတယ်၊ အခုတော့ ကိုကိုငွေလည်းတော်တော်လေး နေသားကြပါပြီး သင်္ကြန်လောက်ကျရင် တော့ မဒမ်ဆီသွားပါအုန်းမယ်၊ မဒမ်ရေ လာတုန်းကရန်ဖြစ်ဖြစ် စကားများများ ပြန်သွားတော့လည်း လွမ်းတယ်ကွ၊ နီးတကျက်ကျက် ဝေးတသက်သက်ဆိုတာ ဒါထင်ပါရဲ့၊ ဒို့တွေများလည်း အတူတူ မနေကြရဘူးနော်၊ ဗုဗ္ဗေစ ကတပုညတာ စက်များ ပျက်ခဲ့လေသလား၊ သို့တည်းမဟုတ် ဟိုးအရင် ဘ၀တွေက ဒို့တွေ သူများချစ်ခြင်းတွေ မိသားစုခြင်းတွေများ ခွဲခဲ့ကြလို့လားမသိဘူးနော်။

ကဲထားပါလေ ဝေးဝေးနေတော့လည်း နီးတဲ့အခါ ပိုပြီးချစ်လို့ရတာပေါ့ ဟုတ်ဘူးလား၊ အခုလို ဝေးနေတော့ တယောက်ကိုတစ်ယောက် မနာလိုလိုက် စိတ်ဆိုးလိုက် စိတ်ကောက်လိုက်။ ကောင်း ဘူးလားဗျာတို့ရယ်၊

ဘယ်လိုဖြစ်ဖြစ် နှစ်ယောက်သားဘ၀ထူထောင်တော့မယ်လို့ရပ်သိရွာသိ ထုတ်ဖော် ကြေညာ လိုက်ပြီဆိုတော့ မဒမ်ရော ကိုကိုငွေပါ ကြိုးစားနေကြရတယ်ပေါ့ ဗျာတို့ရယ်၊ မဒမ်ကလည်း သူ့ရဲ့ အလုပ်တိုးတက်ဖို့ စာတွေဖတ်နေရပြီလို့ ဆိုလေရဲ့၊ ကိုကိုငွေကလည်း အမိမြန်မာပြည်ကြီးမှာ ငွေစကြေးစလေးတွေစုရန်အလို့ငှာ လုံးပန်းသတ်ပုတ်နေရပါသဖြင့်၊ ကိုကိုငွေတို့ ချစ်သူနှစ်ဦး ဖန်တီထားသော ငွေလမင်းဘလော့မှ မကြာမကြာ ပျောက်မည်ဖြစ်ပါကြောင်း။ သို့သော် မကြာ မကြာလည်း ပြန်လည်ပေါ်လာမည်ဖြစ်ပါကြောင်း…………….။

ဘလော့ စာရှု့သူများ ရွှင်လန်းချမ်းမြေ့ကြပါစေကြောင်း ငွေလမင်းတို့က ဆုမွန်တောင်းလိုက်ပါ တယ်၊ ရွှင်လန်းချမ်းမြေ့ကြပါစေခင်မျာ။

ကမ္ဘာကျော် ဂတ်တီးစ်ဘတ် မိန့်ကွန်း

 လက်ရေးမူ

ခရစ်နှစ် ၁၉၆၃ခုနှစ်တွင် အမေရိကန်နိုင်ငံမှ ခေါင်းဆောင်နှစ်ဦး ပြောဆိုခဲ့သော မိန့်ခွန်းများအနက် မာတင်လူသာကင်း၏ I have a dream (ကျွန်တော်မှာ အိမ်မက်တခုရှိသည်)ဟူသော မိန်းခွန်း ရှည်နှင့် ၊ အမေရိကန်နိုင်ငံ၏ ၁၆ ဆက်မြောက်သမ္မတကြီး အီဗရာဟင်လင်ကွန်း၏ ဂတ်တီးစ် ဘတ်စစ်သင်္ချိုင်းတွင် ပြောဆိုခဲ့သော စာလုံးရေ ၂၈၇ လုံးပါ  သုံးမိနစ်ကြာမိန့်ခွန်း ဂတ်တီးစ်ဘက်သည် ထင်ရှားသော ကမ္ဘာကျော် မိန့်ခွန်းရှည်နှင့် မိန့်ခွန်းတိုတို့ဖြစ်သည်။

မာတင်လူသာကင်း၏ မိန့်ခွန်းနောက်ကွယ်တွင် လူဖြူ လူမဲ ပြဿနာရှိသကဲ့သို့၊ သမ္မတကြီး လင်ကွန်း၏ ဂတ်တီးစ်ဘတ်မိန့်ခွန်း၏ နောက်ကွယ်တွင်လည်း တောင်ပိုင်းမြောက်ပိုင်း ခွဲထွက်ရေး ကိစ္စများနှင့်  အမေရိကန်ပြည်တွင်းစစ်ကြီး မီးတဟုန်းဟုန်းတောက်လောင်ခြင်းတည်းဟူသော စစ်အနိဋ္ဌာရုံ နောက်ခံသမိုင်းကြောင်းရှိသည်။

ဂတ်တီးစ်ဘတ် မိန့်ခွန်းပြောကြားခဲ့ရာ ဂတ်တီးစ်ဘတ်စစ်သင်္ချိုင်းသည်ကား ၊ ပြည်ထောင်စုတပ် များနှင့် တောင်ပိုင်းပြည်နယ်တပ်များ၊ ရင်ဆိုင်တိုက်ခိုက်ခဲ့ရာနေရာဖြစ်ပြီး အသေအကျေအများ ဆုံးသောနေရာဖြစ်သည်၊ ထိုနေရာကို ပြည်သူများ သံဝေဂရရှိပြီး ၊ စစ်၏ အနိဋ္ဌာရုံမှန်သမျှကို ပြန်ပြောင်းသတိရပါစေခြင်းငှာ ဂတ်တီးစ်ဘတ် တိုက်ပွဲနေရာကို အမျိုးသားသုဿာန်အဖြစ် အထိမ်း အမှတ်ပြုသောအခမ်းအနားတွင် သမ္မတလင်ကွန်းက ဤမိန့်ခွန်းကိုပြောဆိုခဲ့ ခြင်းဖြစ် သည်။

ဤမိန့်ခွန်း၏ ထူးခြားချက်မှာ ကမ္ဘာပေါ်တွင် အတိုဆုံးနှင့် စာလုံးအရေတွက်အနည်းဆုံး မိန့်ခွန်းဖြစ် သလို၊ လူသားထုတရပ်လုံးနှင့် အပြည်ပြည်ဆိုင်ရာ အစုိးရကြားတွင် အထင်ရှားဆုံးသော မိန့်ခွန်း ဖြစ်သည်၊ မည်မျှမိန့်ခွန်းတိုသည်ကို``ဤမိန့်ခွန်းသည် ကမ္ဘာပေါ်တွင်  အတိုတကာ့အတိုဆုံး မိန့် ခွန်းဖြစ်သည်။ စာလုံးရေအားဖြင့် ၂၈၇လုံးသာရှိပြီး၊ အချိန်အားဖြင့် ၃မိနစ်သာကြာလေသည်။ မိန့် ခွန်းမည်မျှ တိုတောင်းသနည်းဆိုလျှင် ဓာတ်ပုံရိုက် မှတ်တမ်းတင်သည့်အဖွဲ့က နေရာယူပြင်ဆင် နေသည့်အချိန်တွင် မိန့်ခွန်းပြီးသွားသည့်အတွက် ဓာတ်ပုံရိုက်ခွင့်ပင် မရလိုက်ကြ´´ ဟု ဂတ်တီးစ်ဘတ်မိန့်ခွန်းကို မြန်မာဘာသာပြန်ဆိုသူ(ဆရာတိုက် စိုး)က ထိုစာအုပ်ငယ်၏ နိဒါန်း တွင် အထက်ပါ အရေးသားထားလေသည်။

ဂတ်တီးစ်ဘတ်မိန့်ခွန်း၏ အပြည့်အစုံမှာ အောက်ပါအတိုင်းဖြစ်သည်……………………………………

ဤယနေ့မှစ၍ ရေသော် လွန်ခဲ့သော ရှစ်ဆယ့်ခုနှစ်နှစ် ကာလအခါက ကျွန်ုပ်တို့၏ ဘိုးဘေးဘီ ဘင်တို့သည် ဤအမေရိကတိုက်တွင် လူသစ် ပြည်သစ်ကိုထူထောင်ခဲ့ကြသည်။ ထိုလူသစ် ပြည်သစ် သည် အခြားမဟုတ်။ လွတ်လပ်ရေးစိတ်တွင် သန္ဓေတည်ခဲ့သည်ဖြစ်၍၊ လူခပ် သိမ်းကိုဘုရားသခင်က ညီတူညီမျှ ဖန်ဆင်းသည်ဟူသော တရားတော်ကို လက်ကိုင်ပြုခဲ့ သည်လည်း ဖြစ်သော လူသစ်ပြည်သစ် ဖြစ်သည်။

ယခုအခါ ကျွန်ုပ်တို့သည် ပြည်တွင်းစစ်နှင့်ကြုံနေရသည်၊ ဤပြည်တွင်းစစ်သည် ဤတိုင်းဤပြည် ၏၊ တည်တံ့ခိုင်မြဲရေးအတွက်သော် လည်းကောင်း၊ အထက်တွင် ဆိုခဲ့သည့်အတိုင်း၊ လွတ်လပ် ရေးစိတ်ဓာတ်၌ သန္ဓေတည်ခဲ့သည်လည်းဖြစ်၍၊ လူခပ်သိမ်းကို ဘုရားသခင်က ညီတူညီမျှ ဖန် ဆင်းသည်ဟူသော တရားတော်ကို လက်ကိုင်ပြုခဲ့သည်လည်းဖြစ်သော၊ တိုင်းပြည်တခုခု၏ တည်တံ့ ခိုင်မြဲရေးအတွက်သော်လည်းကောင်း၊ မှတ်ကျောက်သဖွယ် ဖြစ်သည်။

ယခုအခါတွင် ကျွန်ုပ်တို့သည် ဤပြည်တွင်းစစ်၏ စစ်မြေပြင်ပေါ်သို့၊ ရောက်လာစုံမှိကြပြီး၊ ဤသို့ ရောက်လာစုံမှိကြခြင်းသည်၊ ဤစစ်မြေပြင်၏ တစိတ်တစ်ဒေသကို လူသစ်ပြည်သစ် တည်တံ့မြဲ အောင် အသက်စွန့်ကြဲခဲ့ကြသော အာဇာနည်များအတွက် ခေါင်းချရာ အရပ်အဖြစ်ဖြင့်၊ သတ်မှတ် အပ်နှင်းရန်ဖြစ်သည်။ ထိုသို့ သတ်မှတ်အပ်နှင်းခြင်းသည် ပြုသင့်ပြုထိုက်သော အမှု့ပင်ဖြစ်သည်။

အမှန်စင်စစ်မှာ ဤနေရာကို ကျွန်ုပ်တို့က သတ်မှတ်အပ်နှင်းနိုင်သည်လည်းမဟုတ်၊ သမုတ်နိုင် သည်လည်းမဟုတ်၊ အလေးအမြတ်ပြုနိုင်သည်လည်းမဟုတ်၊ ဤစစ်မြေပြင်၌ သက်စွန့်ကြိုးပန်း အမှု့ထမ်းခဲ့ကြသော သေလူရော ရှင်လူတို့ကပါ သမုတ်ခဲ့ကြခြင်းသာ ဖြစ်သောကြောင့်၊  ကျွန်ုပ် တို့သမုတ်သည်ထက် သာလွန်ထူးကဲ မြင့်မြတ်လှပေသည်။

ဤနေရာတွင် ကျွန်ုပ်တို့၏ ချီးကျူးစကားကို ကမ္ဘာကသိလျှင်လည်း နည်းနည်းသာဖြစ်မည်။ မှတ်မှိ လျှင်လည်း တခဏ အကြာသာဖြစ်မည်။ သို့ရာတွင် ထိုအာဇာနည်ပုဂ္ဂိုလ်တို့ သက်စွန့်ကြိုးပမ်း ဆောင်ရွတ်ခဲ့သည်တို့ကိုကား ကမ္ဘာကမေ့နိုင်တော့မည်မဟုတ်။ အမှန်စင်စစ်မှာ ထိုသို့သတ်မှတ် အပ်နှင်း၍ သမုတ်ခြင်း၏ သဘောသည် ကျွန်ုပ်တို့အတွက်သာ ဖြစ်ရာ သက်စွန့်ကြိုး ပမ်း အမှု့ထမ်းခဲ့ကြသော အာဇာနည်တို့၏ မပြီးဆုံးသော လုပ်ငန်းကို ကျွန်ုပ် တို့က ဆက်လက်၍ လုပ်ကိုင်သွားရန်ဖြစ်သည်။

ကျွန်ုပ်တို့အဖို့မှာ ကျဆုံးသွားသော အာဇာနည်တို့၏ ရည်မှန်းချက်ပန်းတိုင်အတွက် ထိုအာဇာ နည်တို့၏  စိတ်ဓာတ်မျိုးကို  ဆတတ်ထမ်းပိုး တိုး၍ ပွားများကြရမည်ဖြစ်သည်။

ကျွန်ုပ်တို့အဖို့မှာ ကျဆုံးခဲ့သောသူတို့သည် အကျိုးမဲ့အသက်စွန့်ခဲ့ရသည်၏ အဖြစ်သို့မ ရောက်လေအောင်၊ အလေး အနက်သံန္နိဋ္ဌာန် ချမှတ်ကြရမည်ဖြစ်သည်။

ကျွန်ုပ်တို့အဖို့မှာ ဘုရားသခင်ဖန်ဆင်းခဲ့သော ဤလူသစ်ပြည်သစ်တွင် လွတ်လပ်ရေးသစ် ရရှိအောင် ဆောင်ရွက်ကြရမည်ဖြစ်သည်။

ကျွန်ုပ်တို့အဖို့မှာ ပြည်သူ့အကျိုးအတွက် ပြည်သူကတင်မြှောက်သော ပြည်သူ့အစိုးရသည်၊ ဤကမ္ဘာ မြေပေါ်၌ ကွယ်ပျောက်ခြင်းမရှိအောင် ဆောင်ရွက်ကြရမည်ဖြစ်သည်။

ဤဂတ်တီးစ်ဘတ်မိန့်ခွန်းသည်ကား ၁၄၈နှစ်သက်တမ်းကိုကျော်ဖြတ်ခဲ့လေပြီ၊ ဤမိန့်ခွန်းကို လက် ကိုင်ပြုပြီး ပြုပြင်ပြောင်းလဲရေးလုပ်ဆောင်ခဲ့ကြသော နိုင်ငံခေါင်းဆောင်များသည်လည်း ရေတွက် ၍ပင်မရ များပြားခဲ့လေပြီ၊ ထိုမိန့်ခွန်းဖြင့် ထိုထိုခေါင်းဆောင်များ နိုင်ငံကောင်းများကို တည် ဆောက်ခဲ့ကြလေပြီ ။

နိုင်ငံတော်ပြုပြင်တည်ဆောက်ရေးနှင့် နိုင်ငံတော် ဖွံ့ဖြိုးတိုးတတ်ရေးဟူသည်၊ သန့်ရှင်းသော အစိုးရ၊ ကောင်းမွန်သော အစိုးရ ဟူ၍အော်နေရုံမျှဖြင့် ရစကောင်းသည်မဟုတ်ပေ၊ ဆင်းရဲသားများပျော်ရွှင်၍၊ ပညာမတတ်သူ ဒုက္ခရောက်သူများ မရှိပဲ၊ အကျဉ်းသားမဲ့သောထောင် ၊ သူတောင်းစားမဲ့သောလမ်း၊ လူအိုများချမ်းသာ၍ ၊ အခွန်အတုတ်နည်းပါးပေသည်ဟု ပြောနိုင် သော အစိုးးရမျိုးမှ လောကတွင် ထိပ်တန်းကျသော အစိုးရ ဟု ကြွား နိုင်သည်ဟု သောမက်ပိန်း ဟူ သော ပညာရှင်ကမိန့်ကြားခဲ့သည်ကို မှတ်သားဖူးခဲ့ပါ၏။

ထိုပညာရှင်မိန့်ကြားခဲ့သလို တိုင်းပြည်မျိုးဖြစ်ဖို့ဆိုပါလျှင် သမ္မတအီဗရာဟင်လင်ကွန်း၏ ဂတ်တီးစ ဘတ်မိန့်ခွန်းနောက်ဆုံးပိုဒ်ပါ oF the people by the people for the people  ဟူသော အစိုးရမျိုး ရှိနေမှ သာလျှင်၊ ထိုအစိုးရမျိုး သက်ဆိုးကြာမြင့်ရှည်ကြာမှသာလျှင် ဖြစ်စကောင်းလိမ့် မည်ဟု ယုံကြည်ပါကြောင်း….။

ဘလော့စာရှု့သူများ ကိုယ်စိတ်နှစ်ဖြာ ကျမ်းမာချမ်းသာပါစေကြောင်း ငွေလမင်းတို့က ဆုမွန် တောင်းပါတယ်၊ ရွှင်လန်းချမ်းမြေ့ကြပါစေခင်မျာ။

ပေါက်ဖော်ကြီး သီတင်းကျွတ်

ငယ်စဉ်တုန်းကလေ သီတင်းကျွတ်ခါနီးပြီဟေ့လို့ လူကြီးတွေက ပြောလိုက်ပြီဆိုတာနဲ့ ကိုကို ငွေ တို့က အင်မတန်မြူးပျော်ကြတာကလား၊ သီတင်းကျွတ်ရင် မီးထွန်းလှည်းတွန်းဘို့ ငွေဆုရသည် ကတမျိုး၊ ငရဲမီးဆော့ရန်အလို့ငှာ ဖယောင်းခွာရ၊ ဘိလပ်ရည်ပုလင်း အဖုံးတွေ စုဆောင်းရ၊ ရောင်စုံစက္ကူ တွေစုထား၊ ရွှေသွေးတို့ မိုးသောက်ပန်းတို့ တေဇတို့လို စာအုပ်လေးတွေမှာ ပါတတ် တဲ့ မီးပုံးလုပ်နည်း၊ ဟူသမျှကို စာအုပ်တစ်အုပ်ထဲ ပုံလေးနဲ့ဆွဲပြီး မှတ်ထား၊ မကြာမကြာ စက္ကူအဟောင်းလေးတွေနဲ့ အဲဒီပုံစံကိုလေ့ကျင့် ။

 အဲသီတင်းကျွတ်ဖို့ နှစ်ရက်ပဲလိုတော့တယ်ဟေ့လို့၊ လူကြီးတွေက ပြောတာနဲ့ ကိုကိုငွေတို့ အရပ်တကာ အိမ်တကာ လှည့်လည်ကစားခြင်းကို ရပ်နားပြီး ၊ မီးပုံးလေးတွေလုပ်ရတယ်၊ ညီကိုသုံးယောက် အကြီးက စက္ကူညှပ်ပေး၊ ကိုကိုငွေက ဒုတ်တံလေးတွေကို ဓါးပါးပါး လေးနဲ့ချောလောအောင်သပ်ပေး၊ အလတ်ကောင်က ဆန်ကိုအမှုန့်လုပ်ပြီး ကော်ကြို ရလာတဲ့ ကော်နဲ့ ဒုတ်တံတို့ ညှပ်ထားတဲ့ စက္ကူရောင်စုံတွေနဲ့ ကပ်သင့်တဲ့နေရာကပ်၊ ချိုးသင့် တဲ့နေရာချိုး၊ အောက်ပိုင်းမှာ ရွံ့စေးထည့်ပြီး မီးအုပ်ဆောင်းလိုဟာလည်းပါရဲ့၊ အနားခြောက် ထောင့်နဲ့ အိမ်ရှေ့ဝရမ်တာမှာ ချိပ်ဆွဲစရာ ကြယ်ကြီးတွေလည်းပါရဲ့၊ စက္ကူလေးတွေကို အ၀ိုင်းညှပ်ပြီး အတွန့်လုပ်ထားတဲ့ သစ်ပင်တွေ ခြံတံခါး တွေအတွက်လည်းပါရဲ့ အစုံပါပဲ အရောင်သွေးစုံ မီးပုံးလေးတွေ လုပ်ကြ လူများ အိမ်တွေက မြင်ရအောင် ၁၆တောင်ဝါးကို အဖျားမှာ သစ်သား တစ်ချောင်း ကန့်လန့်ရိုက်ပြီး ၊ ရိုက်ထားတဲ့ သစ်သားတန်းမှာ တစ်လက္မသံလေးတွေရိုက် ရိုက်ထားတဲ့သံတွေမှာ လုပ်ထားတဲ့ မီးပုံးလေးတွေ အရောင်မတူ ကာလာကွဲလေးတွေချိပ်ပြီး ရှိတဲ့အားနဲ့ အိမ်ရှေ့တည့်တည့်မှာ ထောင်ထား အားပါးပါး လာလာကြည့်ကြ လှတယ်ဟေ့ ဟိုညီအကိုလုပ်ထားတဲ့ မီးတိုင်ကြီးက ဟင်းဟင်းဟင်း နဲ့ပီတိ တွေဖြစ်ကြ။

 အဲဒီမီးတိုင်ကြီးကို အောက်ကနေမော့ကြည့် အထဲကမီးမသေမချင်း၊ ချီးကျူးသံတွေ တဝေေ၀ကိုနားစွင့်၊ ဘေးဖက်ကအိမ်က မောင်တွေကလည်း ဒီက၁၆တောင် ၀ါးနဲ့ မီးတိုင်ထောင် တယ်ဆိုရင် သူတို့က အတောင်နှစ်ဆယ်ဝါးနဲ့ ထောင်တယ်၊ သူတို့က အတောင်နှစ်ဆယ်နဲ့ ထောင်ရင် ကျွန်တော်တို့က သူတို့ထက်ရှည်တဲ့ ၀ါးကိုနောက်နေ့ သစ်ဝါးဆိုင်မှာ လိုက်ရှာတယ် ကိုယ့်မီးပုံးလေးတွေကို သူတို့မီးပုံးထက်မြင့်စေချင်တာ၊ လူတွေပိုပြီး ချီးမွှမ်းစေချင်တာ ၊ ကိုယ် ထောင်ထားတဲ့ မီးပုံးကို သူများထောင်ထားတဲ့ မီးပုံးထက်ပိုပြီး ငွားငွားစွင့်စွင့်ရှိစေချင်တာကလား။ အပြိုင်အဆိုင်လေးနဲ့၊ ပျော်စရာကောင်းလိုက်တဲ့ဖြစ်ခြင်း။

အဲမီးတိုင်ထဲက ဖရောင်းတိုင်ကုန်လို့ မီးပုံးတွေမီးမလင်းတော့ဘူးဆိုရင်တော့၊ ကိုကိုငွေက ပထ၀ီ မြေကြီးမှာ ဖရောင်းတိုင်းတွန်းပြီး မီးတွန်းလှည်းတွန်းတယ်၊ မီးတွန်းလှည်းဆိုတဲ့ဟာလေးကလည်း နဲတာမဟုတ်ဘူး တခုအစိပ်ပေးရတဲ့အခါလည်းရှိတယ်၊ ၃၅ကျပ်ပေးရတာလည်းရှိတယ်၊ ဒေါင်းရုပ် ဇီးကွတ်ရုပ်၊ စက်ရုပ်ကြီးမောင်ပြုံးချိုရုပ်အစုံပါတယ်၊ အဲဒီတွန်းလှည်းလေးတွေက တွန်းလိုက်ရင် ဒုတ်ဒုတ်ဒုတ် ဒက်ဒက်ဒက် ဒေါက်ဒေါက်ဒေါက် အသံစုံမြည်တယ် အဲဒီလှည်းလေးတွေကို တွန်းပြီးတော့ ရပ်ကွက်ထဲ လိုက်လှည့်၊ သူများတွေ ခြံရှေ့ အိမ်ရှေ့မှာ တွန်းထားတဲ့ဖရောင်းတိုင်တွေ လေတိုက် လို့ငြိမ်းနေတာပဲ ဖြစ်ဖြစ်၊ မငြိမ်းပဲကုန်သွားလို့ဖြစ်ဖြစ် အောက်မှာဖရောင်းတိုင်က အရည်ပျော်ပြီး အချပ်လိုက်ကြီးတွေဖြစ်နေတတ်တာကိုး။

 အဲသဟာတွေကို ကိုကိုငွေတို့က တွန်းလှည်းတွန်းရင်း အောက်ဆိုက်ရှာတဲ့အနေနဲ့၊ မငြိမ်းသေးရင် မီးမှုတ်ယူ၊ ငြိမ်းရင်ခွာယူ၊ အဲလိုခွာယူနေတဲ့ အချိန်များ အိမ်ထဲကအိမ်ရှင်တွေက အဟင်းအဟမ်းနဲ့ ချောင်း များဟန့်လိုက်လို့ကတော့ ကိုကိုငွေတို့က ပြေးမှပြေး ပြေးရင်လည်း ရိုးရိုးမပြေးဘူး လှည်းတွန်း ပြေးတော့ လှည်းလေးက ဒေါက်ဒေါက်တတ်တတ်နဲ့ ကျွန်တော်တို့အိမ်ရှေ့ရောက်မှ အသံတိက် တော့ ဒါဘယ်သူဆိုတာ မီးထွန်းထားတဲ့လူကြီးတွေက သိတာပေါ့၊ သိပေမဲ့လည်း မပြောကြဘူး ခြံထဲမှာက ယောကျာင်္းလေးရှားတာကိုး ကိုကိုငွေတို့လို မြန်မာဆန်တဲ့ ယောကျာင်္းလေးတွေက ရှား တော့ မသိကျိုးကျွံ့ပြုနေကြတာ၊ အဲဒါကိုကိုငွေတို့က အဟုတ်မှတ်ပြီး ငါ့ကိုမသိဘူးလို့ထင်တာ နေ့တိုင်းသွားသွားမတယ်။

 သူတို့ကလည်း နေ့တိုင်းထွက်ထွန်းတာပဲ တခါတရံ ၀ါဆိုဖရောင်းတိုင်လို အတိုင်ကြီးတွေကိုတောင် ခါးဖြတ်ပြီး ဒါမှမဟုတ် မီးထွန်းလက်စကို မှုတ်ပြီးထားခဲ့ပေးတာ၊ သူတို့စိတ်ထဲမှာလည်း ခလေးတွေငရဲ မီးဆော့ပါစေပေါ့၊ အလှူအတန်းလုပ်တဲ့သဘောနေပါလိမ့် မယ်။ မြန်မာလူမျိုးများရဲ့ ချစ်စရာ ဓလေ့လေးတွေက အဲလိုနေရာတွေမှာလဲ ရှိတတ်တယ်မဟုတ်လား။

အဲသလို မှုတ်လို့ခွာလို့ ရလာတဲ့ဖယောင်းတွေကို အိမ်ပြန်ယူလာပြီး၊ အိမ်ခြေရင်းက နေ၀င်း နောင်တို့ ငမိုးတို့ ကျော်မင်းထွန်းတို့ အောင်မြတ်ကျော်တို့ကို လှမ်းခေါ်၊ ငရဲမီးကစားမယ်ဟေ့ ဘယ်သူတို့ဘယ်ဝါတို့လို့ အော်ဟစ်ခေါ်လိုက်ပြီဆိုရင် အဲဒီမောင်ရင်တွေလည်း ကိုကိုငွေလို ဖရောင်းတိုင်အကျိုးအပဲ့တို့၊ ဖရောင်းဂျတ်တို့နဲ့ ရောက်ချလာတာပဲ၊ အဲသူတို့ရောက်လာပြီဆို ရင် ကိုကိုငွေက မြေကျင်းလေးတူးရတယ် ဖရောင်းတိုင်တလက္မလောက် အတိုင်တွေထည့်ထွန်း လို့ရတဲ့ ကျင်းငယ်လေး အဲကျင်းလေးထဲ ခုနကရလာတဲ့ ဖရောင်းထုပ်ထဲက ဖရောင်းတိုင်လေး ကိုထောင်ထွန်းလိုက် ပြီးရင် လေးလက္မသံလောက် ဒါမှမဟုတ် သွတ်နန်းကြိူးလိုဟာကို ခွေပြီးကျင်းပေါ်တင် ၊ ပြီးတော့ ကျားကွက်လို့ခေါ်တဲ့ ဘိလပ်ရည်ပုလင်းအဖုံးကို ပက်လက်လေး လန်တင်ထားပြီး ဖရောင်းဂျတ်လေးထည့် ဖရောင်းဂျတ်ကအရည်ပျော်လာပြီဆိုတာနဲ့ အောက်က မီးက အဲဒီဘိလပ်ရည်ခွက်လေးကို တက်လောင် မီးတော်တော်များများလေး လောင်ပြီလဲဆိုရော  ရေလေးနဲနဲလေးနဲ့ ဖြန်းလိုက် ၀ုန်းကနဲ့ အသံလေးနဲ့ မီးလုံးကြီး၂ပေကျော် ၃ပေထိ တက်သွား အောင်မလေး ဘာပြောကောင်းမလဲ ရင်ထဲကိုသိပ်ကနဲ သိပ်ကနဲနေတယ် စိတ်ထဲမှာလည်း ငါကွ ဆိုတဲ့ မာန်မျိုးအပြည့်နဲ့ပေါ့။

သူငယ်ချင်းတွေ တစ်ယောက်တခါ သို့မဟုတ် နှစ်ခါစီလုပ်ပြီးတော့၊ ဒီညတော်ကြမယ် နက်ဖြန် ခါကျမှ ဆက်လုပ်မယ်ဆိုပြီး သဘောတူကျ၊ ဒီကစားနည်းကို ငရဲမီးကစားတာလို့ ခေါ်တယ် ဘယ်သူတွေထွင်ခဲ့သလဲတော့သိဘူး၊ ဘယ်လိုတတ်လိုက်မှန်းလည်းမသိဘူး၊ ဒါပေမဲ့တော်တော် တော့ပျော်ဖို့ကောင်းတာအမှန်ပဲ၊  တစ်ယောက်တည်းကစားရင်လည်း ပျော်ဖို့မကောင်းဘူး လူကြီး တွေပါရင်လည်း ပျော်ဖို့မကောင်းဘူး၊ ရွယ်တူတွေနဲ့ စုကစားမှပျော်ဖို့ကောင်းတယ်။

အဲကစားလို့ပြီးသွားပြီဆိုရင်တော့ တစ်ယောက်တစ်ယောက်စီမှာ ဖရောင်းတိုင်းအတိုအထွာလေး တွေ ဖရောင်းဂျတ် အပေါင်းအစလေးတွေကျန်ခဲ့သေးတယ်၊ တချို့က နောက်နေ့ဆော့ဖို့ချန်ထား တတ်တယ်၊ ကိုကိုငွေကအဲလိုဟာမျိုးကို အလွန်လောဘရှိတယ်၊ မတ်စေ့လို့ခေါ်တဲ့ ၂၅ပြားစေ့နဲ့ ခုနကကျန်တဲ့ ဖရောင်းတိုင်အတိုအထွာကြေး၊ ဖရောင်းဂျတ်ကြေး မျောက်ပန်းလှန်ကြတယ်၊ ကိုကို ငွေနိုင်တာများပါတယ်၊ နိုင်လို့ရတဲ့ ဖရောင်းဂျတ်ကို အုံးမှုတ်ခွက်ကြီးထဲမှာ ထည့်ထားလိုက်တာပဲ နောက်ရက်တွေ ဆက်လောင်း ဆက်ခွာ ဆက်ဆော့၊ အဲသီတင်းကျွတ် နောက်ဆုံးနေ့ကို ရောက်ပြီ ဆိုရင်၊ ခုနကလောင်းကစားကရထားတဲ့ ဖရောင်းဂျတ်လေးတွေကို အရည်ကျိုပြီး မီးစာ လေးနဲ့ ဆီမီးခွက်ခလေးထဲထည့် အောက်ကနေပြီး သစ်သားပြားလေးနဲ့ခံပြီး ပန်းပင်အောက်တို့ ကျောက်ပြင် မီးဖိုချောင်၊ ဆန်အိုး ဆီပုံး အဲဒီနေရာလေးတွေမှာ တခွက်စီ တခွက်စီလိုက်ချထားရ တယ်။

 ဘာလို့လဲလို့ဆိုရင် အဲဒီပန်းပင်တို့ မီးဖိုချောင်တို့ ကျောက်ပြင်တို့မှာ စောင့်တဲ့နက်တွေ ရှိတယ်တဲ့၊ သူတို့က လှူစရာမရှိလို့ ဘုရားကိုလှူရအောင် ကိုကိုငွေတို့က စပို့တင်း လုပ်ပေးရတာဆိုကိုး အဘိုးကအဲလိုပြောတာပဲ၊ ဖရောင်းအရည်နဲ့လုပ်ထားတဲ့ ဆီမီးခွက် ခလေးတွေ သွားချပြီဆိုရင် ပါးစပ်ကလည်း ထုတ်ပြောရသေးတယ်၊ ကျောက်ပြင်မှာ ချထားမယ် ဆိုရင် ကျောက်ပြင်စောင့်နတ်ကြီး ကျောက်ပြင်စောင့်နတ်ကြီးအတွက် ဆီမီးခွက်ပေးပါတယ်၊ ကျွန်တော်ပေးတဲ့ ဆီမီးခွက်နဲ့ ဘုရားကိုလှူပါ ကျွန်တော့်ကိုလည်း ကျမ်းမာရေးကောင်းအောင် ပညာတော်အောင်စောင့်လျှောက်ပါ ဘာညာနဲ့ ပြောခဲ့ရတယ်။

 ကျွန်တော့အဖိုးကို ကျွန်တော်က မေးတော့ အဲလိုလုပ်တော့ဘာဖြစ်တုန်း ဖိုးဖိုးလို့မေးတော့ အဲလိုလုပ်ရင် စီးပွားဖြစ်တယ်ကွဲ့တဲ့၊ သားကစီးပွားမှမလုပ်တာကို ဘာဖြစ်မှာတုန်းဆိုတော့ မင်းကညဖက်ညဖက် မျောက်ပန်းလှန် တယ်လေ (ခေါင်းပန်းလှည့်တယ်) အဲဒီတော့ မင်းနိုင်ရင် နတ်တွေက သူတို့ဆီမီးခွက်ရမှာဆိုတော့ မင်းကိုသူတို့က မစတာပေါ့ကွဲ့၊ လို့ကျွန်တော့်အဖိုးကပြောတော့  စိတ်ထဲတော့ နဲနဲကျေနပ်သွားတယ်၊ ငါ့ဖရောင်းတွေ ညတိုင်းနိုင်တာက ဒါကြောင့်ကိုးလို့တွေးမှိတယ်။

 ကြီးလာတဲ့အခါကျတော့မှ တွေးမှိတာက ကျွန်တော်တို့တွေ  သူများထွန်းထားတဲ့ ဖရောင်း တိုင်ကိုမှုတ်ယူလာတာတို့ ဖရောင်းခွာတာတို့ ဆိုတာတွေက သမာတာလည်း ပါရဲ့ မသမာတာ လည်း ပါရဲ့မဟုတ်လား၊ မသမာစွာယူငင်လာမှိရင် အပြစ်ရှိတယ်လေ၊ အဲဒီအပြစ်တွေ ကျေအောင် လို့ ကုသိုလ်ပြန်လုပ် ခိုင်းတဲ့သဘောလို့ ကျွန်တော်ကတော့ထင်တာပါဘဲ။

အဲဒီသီတင်းကျွတ်ဆိုတဲ့ ဟာလေးတွေက လွန်ခဲ့တဲ့ နှစ်ပေါင်း ၂၀လောက်ကပေါ့ဗျာတို့ရယ်၊ ခလေးတို့ ဘာသာဘာဝ ပျော်ခဲ့ရတာပေါ့၊ အခုသတင်းကျွတ်များကြတော့ တယ်လွယ်သကိုး မောင်မယ်တို့ရဲ့၊ သီတင်းကျွတ်ပြီဆိုလိုက်တာနဲ့ နီးစပ်ရာ လျှပ်စစ်ဆိုင်က မီးဆိုင်းလေးတွေ မီးသီး လေးတွေ ၀ယ်ပြီးဆင်လိုက်ကြတာပါပဲ၊ တချို့ကြတော့လည်း တရုတ်မီးပုံးလေးတွေ၊ အဲဒီပစ္စည်း တော်တော်များများကလည်း ကျွနုပ်တို့ရဲ့ မိတ်ဆွေကောင်းကြီး တရုတ်ရဲ့ နိုင်ငံတွင်းကဖြစ် တယ် ဆိုကိုး၊ တရုတ်မီးဆိုင်းရတယ်၊ မီးသီးရှိမယ်၊ မီးပန်းရှိမယ်၊ မီးပုံးပျံရှိမယ်၊ ဗောက်အိုးမျိုးစုံရှိမယ်၊ ရူး ဒိုင်းရှိမယ်။

 ကဲသီတင်းကျွတ်နဲ့ဆက်စပ်ပြီး ကျွန်တော်တို့ မြန်မာဖြစ်ပစ္စည်း ဘယ်မှာရှိကြလို့တုန်း ဗျာတို့ရယ်၊ ပြည်တွင်းဖြစ်ကိုအားပေးပါ၊ ထုတ်ကုန်နှစ်ဆတိုးမြှင့်ကြ ဆိုတဲ့ ဆိုင်းဘုတ်တွေတောင် သူတို့ကိုရေးတဲ့ စုတ်တံနဲ့ သဘောင်္ဆေးက မြန်မာပြည်ထုတ်မှ မဟုတ်တာကိုးဗျာရဲ့၊ တခါတခါ ဘာလိုလိုနဲ့ မသိမသာလေး တိုင်းတပါးက ကိုယ့်ရိုးရာဓလေ့ကို မွေးစားသွားတာ ကိုယ့်ရိုး ရာဓလေ့ကို တိုင်းတပါးသားတွေထုတ်တဲ့ ပစ္စည်းနဲ့ ဆင်နွှဲရတာ သိပ်တော့ ဟန်မကျဘူး လို့ထင်မှိတာပါဘဲ၊ သီတင်းကျွတ် ဆိုသီတင်းကျွတ်မို့၊ သက်ြန်ဆို သင်္ကြန်မို့၊ ကြာရင်တော့ ကျွန်တော် တို့ ဒီအတိုင်းဆက်သွားနေရင်ဖြင် ယဉ်ကျေးမှု့ကိုတောင် တရုတ်ကမွေးစားတော့မှာ ကြိန်းသေ သလောက်ဖြစ်နေပါပြီကော။

မြန်မာ့လက်ဝှေ့ကို ဂျပန်ကမွေးစားသလိုမျိုး၊ မြန်မာခြင်းဝိုင်းကို ယိုးဒယားကမွေးစားသလိုမျိုး၊ မြန်မာတွေရဲ့ သင်္ကြန်နဲ့ သီတင်းကျွတ်ကိုလည်း တရုတ်က မကြာခင်တရုတ်ကမွေးစားတော့မယ်လို့ ကိုကိုငွေက ထင်လို့မို့ ယခုသတင်းကျွတ်ကိုတော့ဖြင့် ပေါက်ဖော်ကြီးကို ဂုဏ်ပြုသည့်အနေဖြင့် ပေါက်ဖော်ကြီး သီတင်းကျွတ်ဟု တင်စားခေါ်ဝေါ်လိုက်ရပါကြောင်း။

ဘလော့စာရှု့သူများ မြန်မာရိုးရာဓလေ့ထုံးထမ်းများကို မြန်မာပြည်ဖြစ်ပစ္စည်း စစ်စစ်ဖြင့်သာ ဆင်နွှဲနိုင်ကြပါကြောင်း ငွေလမင်းတို့ ဆုမွန်တောင်းလိုက်ပါတယ် ရွှင်လန်းချမ်းမြေ့ကြပါ စေခင်များ။

နောင်လာနောင်နှောင်း ဆက်တိုင်းကောင်း

သစ်ပင် ဆိုတာ အိမ်တိုင်းရှိရဲ့မဟုတ်လား ဗျာတို့ရယ်၊ သစ်ပင်ဆိုသဟာကြီးကို ဖြင့် နိုင်ငံတော် များများက နှစ်သက်ကြတယ်၊ ၂၀၁၀တုန်းကပေါ့ဗျာရယ်၊ သီရိလကာင်္နိုင်ငံကို ရောက်ခဲ့သေးရဲ့ ကမ္ဘာ့အစိမ်းစိုဆုံးနိုင်ငံတဲ့၊ သစ်ပင်မခုတ်တဲ့နိုင်ငံတဲ့၊ အမျိုးမျိုးပါဘဲ အမည်အရည်တွေက၊ သူတို့ပြောသလောက်လည်း နိုင်ငံကအေးချမ်း စိမ်းစိုလှပါတယ်၊ ကန္နီမြို့ကိုလည်း ရောက်ခဲ့သေး မြန်မာပြည်ဆိုရင်တော့ ပြင်ဦးလွင်လိုနေရာပါ၊ မြူတွေဝေနေတယ်။

 အဲဒီတောင်အလယ်ခေါင်မှာ ပါတာဓနိယ တက္ကသိုလ်ဆိုတာကြီး ရှိလေရဲ့၊ အေးချမ်းလိုက်ပုံများ ပြောစရာမရှိပါဘူး၊ သူတို့ ဆင်ဟာလီလူမျိုးတွေက သစ်ပင်စိုက်တဲ့အလေ့ရှိသတဲ့ ဗျာတို့ရယ်၊ ကျွန်တော် တို့ခပ် ငယ်ငယ် ကျောင်းသား ဘ၀ဆီက ကျောင်းသုံးစာအုပ်ထဲမှာ အသက်၈၀ကျော် အဖိုးအို တစ်ယောက်က သရက်ပင်စိုက်ရင်း အိမ်ရှေ့မင်းသားတပါးနဲ့တွေ့တာကိုး၊ အိမ်ရှေ့မင်းက အဘိုး ဘယ်နှာကြောင့် ဒီအသက်ရွယ် ရောက်မှ သစ်ပင်ထစိုက်သတုန်း၊ အေးဆေးနေပါ့လား ဆိုတော့ နောက်လာနောက်သားတွေ စားသောက်ဖို့ပါတဲ့ဗျာရယ်။

အဲသဟာနဲ့ မင်းသားက အဖိုးအိုကို ပတ္တမြားလက်စွပ်ချွတ်ပြီး ချီးမြင့်ခဲ့သကိုး၊ အဘိုးအိုက ပတ္တမြားလက်စွပ်ကို ပွတ်ပြီးသကာလ ပတ္တမြားသီး သီးလေပြီဟု ကြွေးကြော်သတဲ့်၊ အဲဒီပုံပြင်ရဲ့ မူရင်းဟာ ဆင်ဟာလီဘာသာနဲ့ ရှိနေတယ်ဆိုပဲ၊ အဲဒီပုံပြင်ဟာ ဆင်ဟာလီပုံပြင်လို့၊ အဲဒီ ပါတာဓနိယ တက္ကသိုလ်ကြီးက ပါမောက္ခလုပ်နေတဲ့ ကိုးရီးယားလူမျိုး ဆရာ မတစ်ယောက်က ပြောတာကိုးဗျာရယ်။

ဆိုလိုတာက အရင်ကလူကြီးတွေ သစ်ပင်စိုက်ခဲ့ကြတာဆိုရင်ဖြင့်၊ နောက်လာနောက်သားများ အတွက်ဆိုသမို့လား၊ အခုကာလကြီးမှာတော့ နောက်လာနောက်သားတွေကို ရည်ရွယ်စိုက်ဖို့ နေနေသာသာ၊ လက်ရှိကာလမှာဘဲ လုံလောက်စေရန် ထိမ်းသိမ်းနေရတဲ့ အခြေနေမဟုတ်ပါလား ကွယ်တို့၊ ထင်းအတွက် သစ်ပင်ခုတ်ရတယ်၊ နိုင်ငံစီးပွားဖွံ့ဖြိုးဖို့ ခုတ်ရပြန်တယ်၊ အဆောက်အအုံ တည်ဆောက်ဖို့ခုတ်ရတယ်။

 ဆည်မြောင်းတာတမံတွေကြောင့် ခုတ်ရပြန်တယ်၊ ရွှေတူးရန်ခုတ် ရပြန်တယ်၊ စသဖြင့်ပေါ့လေ သိလျှက်ရော ၊ မသိဘဲနဲ့ရော ကျွန်တော်တို့တွေ သစ်ပင်ကိုခုတ်လာ လိုက်ကြတာဟာ ဆိုရင်ဖြင့် ကမ္ဘာ့ကြီးပူနွေးလာတဲ့အထိ ခုတ်လိုက်ကြတယ်ပေါ့၊ အခုကမ္ဘာကြီး ပူနွေးလာပြီ၊ မြန်မာပြည်မှာ မုန်တိုင်းတွေခနခန၀င်ကုန်ပြီ၊ သစ်ပင်ခုတ်လိုက်တဲ့အတွက် အစိုဓာတ် ထိမ်းသိမ်းနိုင်မှု့၊ ဇီဝပိုးမွှားတို့ဖောက်ဖွားနိုင်မှု့၊ လွင်တီးခေါင်ဖြစ်မှု့၊ မိုးခေါင်ရေရှားမှု့ စသဖြင့်စသဖြင့် သစ်ပင်ရဲ့ ဂေဟစနစ်ကြီး ပျက်စီးသွားကြလေရဲ့။

နှစ်ပေါင်း ၅၀ရှိတဲ့ သစ်ပင်တစ်ပင်ရဲ့ဝန်ဆောင်မှု့ဟာ တနှစ်ကို ဒေါ်လာ နှစ်သိန်းဖိုးရှာဖွေ ပေးနိုင် တယ်လို့ ပညာရှင်တွေရဲ့သုတေသနစာတမ်းတွေက ဆိုပါတယ်၊  နှစ်ပေါင်းငါးဆယ် သက်တမ်းရှိ တဲ့သစ်ပင်ကြီးတစ်ပင်ရဲ့ အောက်ဆီဂျင်ထုတ်လွှင့်နိုင်မှု့ဟာ ၃၁၂၅၀ ဒေါ်လာ၊ လေတိုက်စားခြင်း ကို ကာကွယ်မှု့သည် ၆၂၅၀၀ ဒေါ်လာ၊ မြေဆီသြဇာကောင်းမွန်လာစေမှု့နှင့်၊ ပျက်ဆီးမှု့ထိမ်းသိမ်း  ခြင်းသည်၊ ၃၁၂၅၀ ဒေါ်လာ၊ ရေသံသရာလည်စေပြီး လူသားတို့ရေရရှိမှု့သည် ၃၇၅၀၀ ဒေါ်လာ သစ်ပင်ပေါ်နှင့် သစ်ပင်ကိုမှီခိုနေသော သတ္တ၀ါများကို ရယူနိုင်မှု့သည် ၃၁၂၅၀ ဒေါ်လာ၊ သစ်ပင်မှ ဦးဏှောကဥာဏ်ရည်အတွက် လိုအပ်သော ပရိုတင်းဓာတ်ရရှိစေနိုင်မူ့သည် ၂၅၀၀ဒေါ်လာရရှိ ပြီး အပင်လိုက်ခုတ်လှဲပြစ်ပြီး ရောင်းမယ်ဆိုရင်တော့ အမေရိကန်ဒေါ်လာ ၆၀၀သာရမယ်လို့ ၊ အမေရိကန်သိပ္ပံပညာရှင်ကြီး Miller Gtyler ရဲ့သစ်ပင်ဆိုင်ရာ သုတေသနစာတမ်း တခုမှ တင်ပြထားကြောင်း မှတ်သားမှိပါရဲ့ဗျာတို့ရယ်။

အဲဂလိုလေးတွေ မှတ်သားထားတာလေးတွေ တင်ပြပြီးရင် စိတ်ညစ်စရာ စိတ်ဆင်းရဲစရာ ပြည်မြန် မာအကြောင်းလေး ရေးရပါအုံးမယ်ဗျာတို့၊ မြန်မာနိုင်ငံမှာ ၁၉၉၀ပြည့်နှစ် အစောပိုင်းက သစ်တော ဖုံးလွှမ်းမှု့ဟာ နိုင်ငံဧရိယာ ၇၀%ဖြစ်ပြီး၊  ၂၀၁၁ခုနှစ်ပိုင်းတွင် ၄၇ %သာကျန်တော့တယ်တဲ့ဗျာ၊ သစ်တော ဧရိယာဟာ ဟတ်တာ ၃၁.၇၇၃ သာကျန်ရှိတော့တယ်လို့ သစ်တောဦးစီးဋ္ဌာနက ထုတ်ပြန်ထားပါတယ် ဗျာတို့၊ သစ်ပင်တွေ ကုန်ဆုံးခဲ့ရတဲ့ ကာလတွေကတော့ စစ်အစိုးရ အာဏာယူလာခဲ့တဲ့ ၉၀အနီးနား တ၀ိုက်ကစတင်ပါတယ်။

 အဲဒီကာလရဲ့ခေါင်းဆောင်တွေက ပညာတတ်တွေမဟုတ်တော့၊ သစ်တောထိန်းသိမ်းရမယ်လို့ သဘောပေါက်ခဲ့ဟန် မတူပါဘူး၊ စီးပွားရေးကုမ္ပဏီမျိုးစုံနဲ့၊ စာချုပ်ချုပ်ပြီး သစ်ပင်ထိုင်ရောင်းစားကြတယ်ပေါ့ဗျာရယ်၊ သစ်ပင်ရောင်းလိုက်တာ ဘယ်လောက်ရောင်းတယ်မှတ်တုန်း အမြစ်ကိုပါ တူးပြီး ရောင်းစားတယ်၊ ပိုပြောတယ် မထင်နဲ့ စာဖတ်သူတို့အထဲမှာ မြန်မာပြည်နဲ့ နယ်နိမိတ်ထိဆက်နေတဲ့ ကြယ်ခေါင်ကို ရောက်ဖူးသူပါမယ်ဆိုရင် သိကြပါလိမ့်မယ်၊ ကြယ်ခေါင် မြို့ရယ် လမ်းတစ်ဖက်တစ်ချက်မှ စိုက်ပျိုးထားတဲ့ ကျွန်းပင်ကြီးတွေဟာ မြန်မာနိုင်ငံက နှစ်ငါးဆယ် ခြောက်ဆယ် သက်တမ်းရှိတဲ့ အပင်ကြီးတွေကို အမြစ်ပါ ၀ယ်ယူပြီး စိုက်ပျိုးထားတာပါ။

တရုတ်နဲ့ စစ်အစိုးရက ပါတနာကျတော့ မြန်မာပြည်ဘက် က ကျွန်းတွေဟာ အတုံးလိုက်ရော အပင်လိုက်ပါ အလိုလို တရုပ်ပြည်ဘက်ကို ရောက်သွားကြ လေရဲ့၊ ကျွန်တော် တနိုင်းကို ရောက်တော့ မျက်ရည်တောင်ကျမှိတယ်ဗျာ၊ မြန်မာပြည်ဘက်ကျ တော့ ၊ ငှက်ပျောပင်လေးတွေ ကျိုးတို့ကျဲတဲ၊ တရုတ်ပြည်ဘက်ကျတော့ ကျွန်းပင်ပြီးတွေ မဲမှောင် နေတာဘဲ၊ တချိန်တုန်းက တရုတ်ပြည်ဘက်အခြမ်းက ဘာမှမရှိဘူး၊ ကျွန်တော်တို့ဘက်မှာ မဲမှောင်နေတာ ကျွန်းပင်တွေက အခုတော့ပြောင်းပြန် ဆိုရမလိုပါပဲ ဗျာတို့၊ တရုတ်အစိုးရက ကျွန်းပင်ခုတ်တာနဲ့ သေနတ်နဲ့ ပစ်သတ်သတဲ့ဗျာတို့ရယ်။

ကဲရှိစေတော့ ပြီးခဲ့တာတွေပြီးပြီဗျာရယ်၊ ခေါင်းဆောင်ညံ့ရင် လူမျိုးညံ့ရုံတင်မက သစ်ပင်ပါ မျိုးတုန်းတယ်ဆိုတာ သိစေချင်တာပါ၊ ကျွန်တော့်တို့အတွက်ကတော့ ဥပဒေတွေရှိပါတယ် သစ် တစ်ပင်ခုတ် ထောင်သုံးနှစ်တဲ့လေ၊ တကယ်တန်းသာ အဲဒီအတိုင်း လုပ်ရင် ထောင်ထဲမှာတော့ အစိမ်းရောင်တွေကြီးနေတော့မပေါ့၊ အခုတော့ လွင်တီးခေါင်ဖြစ်ကုန်ပြီဗျာတို့၊ ရာသီဥတုတွေ ဖောက်ပြန်ကုန်ပြီ၊ သစ်ပင်ရဲ့ဂေဟ စနစ်ပျက်သုဉ်းကုန်ပြီ။

အစိုးရသစ်လက်ထက်မှာတော့ အစိမ်းရောင်အစီစဉ်ဆိုပြီးတော့ နိုင်ငံတ၀န်လုံး သစ်ပင်သန်း၃၀ စိုက်မယ်လို့ စီစဉ်နေတယ်လို့သိရတော့ ၀မ်းမြောက်မှိပါရဲ့။ ကျွန်တော့်အမြင်ကတော့ အပင်သစ် စိုက်တာထက် ၊ ရှိတဲ့အပင်ကို ထိန်းသိမ်းတာပိုကောင်းမယ်ထင်တာပါဘဲ၊ ဘာလို့ဆိုရင် သွား အစစ်နုတ်ပြီး သွားအသစ်လုပ်တော့ သွားအဟောင်းလောက်တော့ မကောင်းနိုင်ဘူးမလား၊ သစ်ပင်စိုက်တာက လွယ်ပါတယ်ဗျာတို့၊ သို့သော် သစ်ပင်ကိုထိမ်းသိမ်းဘို့ဆိုတာကြတော့၊ တော်တော်ခတ်ခဲတယ်၊ အပင်စိုက်ပြီး ပြစ်ထားရင်လဲ ဘာထူးမတုနုး၊ ဘာမှမထူးပါဘူး၊ ပျက်ဆီးသွားမှာဘဲ၊ နိုင်ငံတိုင်းကတော့ သစ်ခုတ်ရပါတယ် သို့သော် စနစ်ကျဖို့တော့လိုပါတယ်။

စစ်အစိုးရလက်ထက်တုန်းက အစုအဖွဲ့ပိုင်သစ်တောဆိုပြီး ဗရမ်းဗတာလုပ်ခဲ့ကြတယ်၊ အစုအဖွဲ့ ပိုိင်ဆိုတာ မင်းပိုင်တဲ့သစ်တောလို့ ပြောပြီးစာချုပ်ချုပ်လိုက်တာလေ ၊ အဲတော့ သစ်တောပိုင်တဲ့ မောင်ရင်က ခုတ်လိုက်တာမှ၊ အမြစ်ပါမကျန်ဆိုသလိုပါဘဲ၊ နောက်ပြီး လောင်စာအတွက် အသုံးပြု တာတွေကလည်း ယခုတိုင်မထိမ်းသိမ်းနိုင်သေး၊ မြန်မာနိုင်ငံအလယ်ပိုင်း မကွေးတိုင်းဆိုရင် အရမ်း ခုတ်တဲ့နေရာလို့ စာရင်းဇယားတွေကပြတယ်။

 အဲဒီဒေသမှာဘဲ မီးသွေးဖုတ်လုပ်ငန်းတွေ၊ ဗာဂျီး နီးယားဆေးစက်ရုံတွေဟာ၊ ယနေ့တိုင်ထင်းလောင်စာဖြင့် လည်ပတ်နေကြတုန်းဗျာတို့၊ ဓာတ်ငွေ့ တွေတော့ထွက်ပါတယ်၊ ကားတွေတောင် ၅ပေါင်ရဖို့ တနေကုန်တန်းစီနေရသမို့လား၊ ကျွန်တော် တို့နိုင်ငံက ရှိတာတော့ အကုန်ရောင်းစားတတ်ပါတယ် ၊ လင်သေတဲ့မုဆိုးမအိမ်လိုပါဘဲဗျာရယ်။

သဘာဝပတ်ဝန်းကျင်ထိမ်းသိမ်းရေး ပညာရှင်တွေက မကွေးတိုင်းဟာ တည်နေရာအနေထားအရ  အနောက်တောင်မုတ်သုံလေကို ရခိုင်ရိုးမတောင်တန်း ၊ ချင်းတောင်တန်းတို့က ကာရံထားသည့် အတွက် ယင်းတောင်တန်းတွင်သာမိုးရွာသွန်းပြီး၊ သစ်တောများစိမ်းစိုလျှက်ရှိခါ ၊ မကွေးတိုင်း မှာ မိုးရွာသွန်းမှု့နဲပြီး၊ အပူပိုင်းဇုန်တောများပေါက်ရောက်ကြောင်း၊ ချင်းတောင်တန်းနှင့်  နယ်နိမိတ် ခြင်းထိဆက်လျှက်ရှိသောကြောင့်၊ သဘာ၀၀န်းကျင်အနေအထား တို့သည်လည်း အမှီသဟဲပြု နေကြသည့်အပြင် လက်ရှိအနေထားအရ ချင်းတောင်တန်းများမှာ သစ်တောပြုန်းတီးလာပြီဖြစ် တဲ့အတွက်  ချင်းတောင်တန်းနှင့် မကွေးတိုင်းဟာ နောင်၁၅ နှစ်မှာ ပုံတောင်ပုံညာဒေသလို တောင်ပေါ်သဲဂန္တာရ နဲ့မြေပြန့်သဲကန္တာရဖြစ်မယ်လို့ သဘာ၀၀န်းကျင်ထိမ်းသိမ်းရေး အစီရင်ခံစာ တွေက တညီတ ညွတ်တည်း ခန့်မှန်းထားပါတယ် ဗျာတို့။

ဒါကြောင့်မို့ သစ်ပင်အသစ်လည်းစိုက်၊ စိုက်ပြီးတဲ့အပင်ကိုလည်းဖြစ်ထွန်းအောင် ပြုစုစောင့် လျှောက်၊ ရှိပြီးသားအပင်တွေကို ပြည်သူရော အစိုးရရော ၀ိုင်းဝန်းကြမယ်ဆိုရင်ဖြင့် ၊ ကျွန်တော် တို့၊ တစ်သက်ပျော်စရာဖြစ်မဲ့ပြင်၊ နောင်လာနောင်နှောင်း ဆက်တိုင်းကောင်းပါလိမ့်မည်ဟု၊ မျှော်လင့်ရေးသားလိုက်ရပါကြောင်း။

ဘလော့စာရှု့သူများ သစ်ပင်ကိုစောင့်လျှောက်သူ၊ ချစ်တတ်သူ၊ သစ်ပင်မခုတ်သူများ ဖြစ်ကြပါစေ ကြောင်း ငွေလမင်းတို့ ဆုမွန်တောင်းလိုက်ပါတယ်၊ ရွှင်လန်းချမ်းမြေ့ကြပါစေခင်မျာ။

ဝင်ငွေအကောင်းဆုံး အမျိုးသမီး အော်ပရာဝင်းဖရေး

 

 

အစီအစဉ်တင်ဆက်သူ တစ်ဦးအဖြစ် နာမည်ကျော်ကြားနေသော အော်ပရာဝင်းဖရေးသည် ယခုနှစ်၏ ၀င်ငွေအကောင်းဆုံးသော အမျိုးသမီး အနုပညာရှင်များစာရင်းတွင်လည်း ထိပ်ဆုံးမှ ဦးဆောင်ခဲ့ကြောင်း သိရှိရသည်။

ယခုနှစ်တွင် ကိုယ်ပိုင်ရုပ်သံလိုင်းကို တင်ဆက်နိုင်ခဲ့သည့် ၀င်ဖရေးသည် ယခုနှစ်အတွင်း အမေရိကန်ဒေါ်လာ သန်း၂၉၀ ကျော်ရရှိခဲ့ပြီးနောက် ၀င်ငွေအကောင်းဆုံး အမျိုးသမီးအနုပညာရှင် တစ်ဦးနေရာသို့ ရောက်ရှိလာခဲ့ခြင်းဖြစ်သည်။

ဝင်ငွေအကောင်းဆုံး အနုပညာစာရင်းကို Forbes Megazine မှ ထုတ်ပြန်ကြေညာခဲ့ခြင်း ဖြစ်ပြီး ၂၀၁၀ ပြည့်နှစ် မေလမှ ၂၀၁၁ မေလ အတွင်း ရရှိခဲ့သော ၀င်ငွေများကို မူတည်ပြီးတွက်ချက်ခဲ့ခြင်း ဖြစ်သည်။ ထိုသို့ တွက်ချက်ခဲ့သော စာရင်းအရ ပေါ့ပ်အဆိုတော် လေဒီဂါဂါမှာ ၀င်ငွေအကောင်းဆုံး ဒုတိယနေရာတွင်သာ ရှိနေခဲ့ကြောင်း သိရသည်။

လေဒီဂါဂါအနေဖြင့် ၀င်းဖရေး၏ ၀င်ငွေကို မည်သို့မျှ မီနိုင်ခဲ့ခြင်း မရှိသည့်အတွက် ဒုတိယနေရာဖြင့်သာ ကျေနပ်ခဲ့ရခြင်းဖြစ်သည်။ ယခုနှစ်အတွင်း လေဒီဂါဂါ၏ ၀င်ငွေမှာ အမေရိကန်ဒေါ်လာသန်း ၉၀ ဖြစ်သည်။

လေဒီဂါဂါကို အမေရိကန်ဒေါ်လာသန်း၂၀၀ကျော် ဖြတ်ထားနိုင်ခဲ့သော ၀င်းဖရေး၏ ၀င်ငွေအများစုမှာ ယခုနှစ်တွင် စတင်ထုတ်လွှင့်ခဲ့သော OWN ရုပ်သံလိုင်းမှ တစ်ဆင့် ရရှိခဲ့သော ၀င်ငွေများကြောင့် ဖြစ်ပါသည်။ OWN သည် ၀င်းဖရေးပိုင်ဆိုင်သည့် ရုပ်သံလိုင်းဖြစ်ပြီး ထိုအစီအစဉ်မထုတ်လွှင့်မီကပင် ကြော်ငြာအမြောက်အမြား ရရှိခဲ့ကြောင်း သိရှိရပါသည်။

ဝင်ဖရေးနှင့် လေဒီဂါဂါတို့ပြီးနောက် ၀င်ငွေအကောင်းဆုံး တတိယနေရာတွင်ရှိနေသော အမျိုးသမီးမှာ ဘတ်တနီဖရန်ကယ် ဖြစ်ပါသည်။ ဖရန်ကယ်မှာ Real Housewives of New York ရုပ်သံဇာတ်လမ်းတွင် ပါဝင်ခဲ့သည့် အနုပညာရှင် တစ်ဦးဖြစ်ပြီး ယခုနှစ်အတွင်း ၀င်ငွေ အမေရိကန်ဒေါ်လာ ၅၅ သန်း ရရှိခဲ့သည်။

စူပါမော်ဒယ် ဂျီဆဲဘန်ချမ်၊ အဆိုတော် တေလာဆွဖ် နှင့် အယ်လန်ဒီဂျန်နရစ်တို့မှာ ၀င်ငွေအမေရိကန်ဒေါ်လာ ၄၅ သန်းစီဖြင့် အကောင်းဆုံး စတုတ္တ နေရာတွင် ရှိနေခဲ့ကာ ကေတီပယ်ရီမှာ ၀င်ငွေအကောင်းဆုံး အဠမနေရာတွင်သာ ရှိနေခဲ့သည်။

Weekly Eleven Journal မှ ကူးယူဖော်ပြသည်။

Singapore နိုင်ငံတွင် လိမ်လည်မှုတစ်ခု

၂၆-၀၉-၂၀၁၁ Singapore နိုင်ငံတွင် လိမ်လည်မှုတစ်ခုဖြစ်ပွါးခဲ့သည်။ ဖြစ်စဉ်မှာ Shwe Thadar Pte.Ltd. (111 North Bridge Rd #04-45A, Peninsula Plsza, Singapore 179098) ၏ပိုင်ရှင်ဖြစ်သူ စံဦး (၂၆ နှစ်) Passport No.863028၊ Employment Pass FIN No.G0648722Q ကိုင်ဆောင်သူသည် မြန်မာသံရုံးတွင် Passport သက်တမ်းတိုး၊ အခွန်ဆောင်၊ မှန်ကန်ကြောင်းထောက်ခံစာများကို ကိုယ်စားလှယ်လွှဲစာများနှင့်အတူ တရားဝင် တာဝန်ယူဆောင်ရွက်ပေးနေသူဖြစ်သည်။

အဆိုပါနေ့စွဲတွင် Passport စာအုပ် ၄၂ အုပ်၊ ကိုယ်စားလှယ်လွှဲစာများ၊ အခွန်ဆောင်ရန် ငွေကြေး (S$ 100,000) တစ်သိန်းနီးပါးနှင့်အတူ ထွက်ပြေးတိမ်းရှောင်သွားသည်။ အဆိုပါနေ့ ညနေပိုင်းတွင် ဒေါ်သန်းသန်းနု (သပြေနု) မှ၊ အခွန်ဆောင်ရန်အပ်နှံထားသော စာအုပ်များကို ပြန်လည်ရယူရန် တယ်လီဖုန်းဖြင့် ဆက်သွယ်တောင်းယူရာတွင် ပြန်လည်ဖြေကြားခြင်းမရှိပေ။

ထို့ကြောင့် ၄င်းရှိနိုင်သည်ဟု သတင်းရရှိသော "မိုး" PP အခွန်ဆောင်၊ သက်တမ်းတိုး အကျိုးဆောင်အိမ် (BLK-27, #05-186 Lorong 6, Toa Payoh, S310027) သို့ လိုက်လံရှာဖွေရာ တရားခံအားမတွေ့ရပဲ မိခင်ဖြစ်သူ ဒေါ်သဒ္ဒါဖြူနှင့်သာတွေ့ဆုံခဲ့ရသည်။ ဒေါ်သဒ္ဒါဖြူကို စစ်ဆေးမေးမြန်းရာ သားဖြစ်သူ စံဦးသည် ငွေများနှင့်ထွက်ပြေးသွားကြောင်း၊ သူမ၏ နိုင်ငံကူးလက်မှတ်ကိုပါ ပေါင်နှံထားကြောင်းသိရသည်။

၎င်း၏သားဖြစ်သူ စံဦး၏လုပ်ဆောင်ချက်များသည် သူမနှင့်မည်သို့မျှမသက်ဆိုင်ကြောင်း၊ မည်သို့မျှလုပ်ဆောင်မပေးနိုင်ကြောင်း၊ နိုင်ငံကူးလက်မှတ်များမှာ စံဦး၏ Employer ဖြစ်သူ မအေးမာ (ASK AMYA Travels and Tours Pte.Ltd) ထံတွင် အပ်နှံထားကြောင်းဝန်ခံပြောဆိုသည်။ အထက်ပါဝန်ခံချက်အရ မအေးမာ၏ နေအိမ် (Blk-113, Braddle Rd, Lorong 1) တွင် PP (passport) စာအုပ်များကို လိုက်လံသိမ်းဆည်းရာ၊ စာအုပ်များနှင့်အတူ ဖမ်းဆီးရရှိသည်။ သိမ်းဆည်းရရှိသော စာအုပ်များကို ဒေါ်သန်းသန်းနု (သပြေနု) မှ သက်ဆိုင်ရာကာယကံရှင်များအား ၂၇-၀၉-၂၀၁၁ မှစပြီး ပြန်လည်ပေးအပ်လျက်ရှိရာ အချို့သောဆက်ဆိုင်သူများမှာ ယနေ့တိုင် လာရောက်ယူဆောင်ခြင်းမရှိသေးပါ။ တရားခံ စံဦးမှာလည်းယနေ့တိုင်လွတ်မြောက်ဆဲဖြစ်သည်။

mrsorcerer@googlegroups.com  မှ ကူးယူဖော်ပြသည်။

ကဗျာ၏ သဒ္ဒ+အတ္ထ+ သဘာဝ

`တောင်ကျရေ နွားနှစ်ကောင် မ၀သလိုပ၊ မောင်ဘဖေ ငါးထောင်မရတာကြောင့်၊ စကားကမှမပြောနိုင်´ ။ ဒါကတော့ ဆရာကြီး သခင်ကိုယ်တော်မှိုင်းရဲ့၊ ငါးထောင်စား ဋီကာပါ လေးချိုးစကားရပ်လေးပါဗျာရယ်၊ ပြောချင်တာက၊ အင်္ဂလိပ်ခေတ်က နန်းရင်းဝန်ဖြစ်ခဲ့တဲ့ ဂဠုန်ဦးစောနဲ့၊ ဦးဘဖေတို့က နန်းရင်းဝန်ဖြစ် ရန်အင်္ဂလန်မှာ အပြိုင်အရေးဆိုကြရာ ဂဠုန်ဦးစောရဲ့ အဆိုကအောင်မြင်သဖြင့်၊ နန်းရင်းဝန်ရာထူးကို  ဦးစောကရရှိခဲပြီး၊ နန်ရင်းဝန်ဟောင်းဖြစ်သူ ဦးဘဖေ ရှုံးနိမ့်ခါ မြန်မာပြည်ပြန်လာစဉ်၊ သတင်းသမားများ က ဦးဘဖေအား အကြောင်းစုံမေးလိုသဖြင့် စုရုံးကြရာ ဦးဘဖေက အတွေ့မခံပဲ၊ ပုန်းအောင်းနေသည်ကို ဆရာကြီးသခင်ကိုယ်တော်မှိုင်းက သိသွားသဖြင့်၊ ထိုခေတ်က နန်းရင်းဝန်များ၏ လစာဒေါင်းဒင်္ဂါး ငါးထောင်ကို သရော်လိုသလိုဖြင့် ငါးထောင်စားဋီကာရေးပြီး သရော်စာလေးချိုး စပ်တယ်ပေါ့ဗျာရယ်။

ဆရာကြီးက မြန်မာစာပေကိုလည်း အင်မတန်ကျွမ်းကျင်နိုင်နင်း တဲ့ပုဂ္ဂိုလ်ဖြစ်သလို၊ ဥပမာ ဥပမေယျ တွေနဲ့လည်း စာရေးတတ်၊ ပါဠိစာပေကလည်း တတ်ကျွမ်းတော့ အင်္ဂလိပ်ခေတ်က လစာပေးတဲ့အခါ ဂျော့ဘုရင်မင်းမြတ်မှ မောင်ဘယ်သူအား လစာတော်မြတ် ၁၀၀၀ ချီးမြှင့်တော်မူသည်ဟု ၊ ဂေဇာတ်တွေ ပြန်တမ်းတွေ ထုတ်တာကို ဆရာကြီးကအမြင်ကပ်ပြီး၊ လစာတော်မြတ်ဆိုတာ အညာဒေသက တောင် ကျရေလောက် အဖိုးမတန်သလို သရော်လိုက်ပြီး၊ တောင်ကျရေ နွားနှစ်ကောင် မ၀သလိုပါ့၊ ဟု မျက်နှာ ဖြူအင်္ဂလိပ်တွေရဲ့ လစာကို နွားကျခံပြီးယူတဲ့ ၊ ဦးစောနဲ့ ဦးဘဖေကို နွားနှစ်ကောင်နဲ့တင်စားခါ။ မောင် ဘဖေ ငါးထောင်မစားရတာကြောင့်၊ စကားကမှ မပြောနိုင်ဟု ပြစ်ပြစ်နှစ်နှစ်ရေးသားလိုက်တယ်ပေါ့ ဗျာရယ်။

 ဦးဖေက နန်းရင်းဝန် မဖြစ်တော့လစာ ငါးထောင်မရတော့ဘူး၊ အဲဒါကြောင့် ရှက်ပြီး သတင်း ထောက်တွေကို အတွေ့မခံတာလို့ သရော်ပြီး နန်းရင်းဝန်ဋီကာတို့၊ ငါးထောင်စားဋီကာတို့၊ ဗိုလ်ဋီကာ မျောက်ဋီကာတို့ရေးပြီး သရော်လွန်းလွန်း၊ ဆရာကြီးဦးလွန်းကို အင်္ဂလိပ်က ခဏခဏ သတိခေါ်ပေးခဲ့ရ တယ်လို့ စာဟောင်းစကားဟောင်းတွေအရ သိရပါတယ်ဗျာတို့။

ခေတ်တွေကာလတွေ ပြောင်းလာတော့ မြန်မာစာပေ မြန်မာစကားဟာလည်း နဲနဲတော့ တိမ်ကောလာ တယ်ဗျာတို့ရဲ့၊ မြန်မာစာကို မြန်မာလူမျိုးတွေ သိပ်မတတ်ကြတော့ဘူး၊ ဖတ်တတ်ဖူးလား ၊ ဖတ်တတ်ပါ တယ်ပါ။ ရေးတတ်ဘူးလား ရေးတတ်ပါတယ်ဗျာတို့၊ သို့သော် ၀ါကျဖြစ်အောင်တော့ ရေးတတ်သူရှား တယ်၊ စကားပြေပြစ်အောင်၊ ရေးတတ်တတ်တဲ့ ၀စနာလကာင်္ရတို့၊ အဲဒီစာကိုအသံထွက်အောင် ဖက် လိုက်တဲ့အခါ ပြေပြစ်ချောမွတ်တဲ့ပြီး နားထောင်ကောင်းတဲ့အဆင့် သောတာလကာင်္ရတို့ဖြစ်အောင်က တော့ အတော်တန်မြန်မာစာကို သင်ခဲ့ရုံနဲ့မရဘူးဗျာရယ်၊ လေ့ကျင့်ယူရတယ်။

 မြန်မာနိုင်ငံဖွား မြန်မာနိုင် ငံမှာကြီးတော့၊ မြန်မာစာတော့ပြောတတ်ပါတယ်၊ သို့သော် ရေးတတ်ဖို့ကြတော့ ကျောင်းတတ်ခဲ့မှ ရေး တတ်ပါတယ်၊ ထို့အတူ အင်္ဂလိပ်တွေလည်း ကျောင်းမနေပဲ ၊ စကားတော့ပြောတတ်ပါတယ်၊ စာရေး တတ်ဖို့ကြတော့ ကျောင်းတတ်မှကို ဖြစ်မယ်မလား၊ ဒါကြောင့် အချို့အင်္ဂလိပ်တွေ စာရေးရင် ၀ါကျမမှန် တာတွေမများကြီးရှိပါရဲ့၊ ထို့အတူပဲ မြန်မာတွေလည်း စကားပြေ ကျစ်လစ်အောင် မရေးတတ်ရင် စာဖက် ရတဲ့အခါ သာယာနာပျော်ဖွယ် မဖြစ်တတ်ပါဗျာတို့။

မြန်မာစာဟာ အက္ခရာ၄၁လုံး၊ ဗျည်း၃၃လုံး၊ သရ ၈လုံး၊ ဒီဃ ၅-လုံး၊ ရဿ ၃-လုံး၊ စသဖြင့် ခိုင်ခိုင်မာမာ ဖွဲ့စည်းထားပြီး၊ မြန်မာစကားကိုတော့ အရပ်သုံး ၊ ရှင်ဘုရင်သုံး၊ ရဟန်းသံဃာ သုံးဆိုပြီး သုံးခုနဲ့ဖွဲ့စည်း ထားတဲ့ ကျယ်ပြန့်တဲ့ဘာသာစကားပါ၊ အစားအသောက် တခုမှာပဲ ဘုရင်ကျတော့ စားတော်ခေါ်တယ်၊ အရပ်သားတွေကြတော့စားတယ်၊ ဘုန်းတော်ကြီးတွေက သုံးဆောင်တယ်၊ ဘုဉ်းပေးတယ် စသဖြင့် စကားလုံး နဲ့ဝေါဟာရကြွယ်ဝတဲ့ ဘာသာစကားကြီးတခုဖြစ်လို့။ ကမ္ဘာပေါ်မှာ အသင်ယူရခက်ခဲတဲ့ ဘာသာစကားတွေထဲမှာ၊ မြန်မာဘာသာစကားဟာလည်း အပါအ၀င်လို့ ဘာသာဗေဒပညာရှင် တွေဝန်ခံထားတယ်ပေါ့ဗျာရယ်။

မြန်မာစာကိုရေးတဲ့အခါ ၊ စိတ်ကူးစိတ်သန်းနဲ့ ပြောချင်တဲ့အရာကို ကပ်ပြီးထည့်ထားလေ့ရှိပါတယ်၊ ကဗျာဖြစ်စေ၊ စာဖြစ်စေ စိတ်ကူးစိတ်သန်းဆိုတဲ့ အဖွဲ့အနွဲ့ပါသလို၊ ကိုယ်ပြောချင်တဲ့အမှာကိုလည်း တပါးတည်း ပူးတွဲထည့်ရေးကြပါတယ်၊ ဒါကြောင့်မို့ မြန်မာစာကို လည်လည်ပတ်ပတ် မဖတ်တတ်ရင်၊ သို့မဟုတ် ဖတ်ရုံလေးဖတ်တတ်ရင်တော့၊ ရေးတဲ့လူရဲ့ အာဘော် သို့မဟုတ် ဘာကို ဆိုလို တယ်ဆိုတာကို နားလည်ဖို့ အင်မတန်ခက်ခဲပါတယ်။

 စာရေးသူရဲ့ ပြောလိုတဲ့ လိုရင်း(တနည်း) မက်စိပ်ကို နားမလည်ရင် ရသလို့ခေါ်တဲ့၊ သဘာဝကျမှု့ မကျမှု့ကို ဝေဘန်ဖို့ အင်မတန် ခက်ခဲသွားတတ်ပါတယ်။ စာရေးသူရဲ့ အမှာကိုမသိပဲ ရမ်းဖတ်နေတဲ့လူတစ်ယောက်အတွက်၊ ဘယ်လိုမှ စာအုပ်စာပေကလာတဲ့ အသိပညာများ တိုးတက်လာဖွယ်မရှိအတွက်၊ အရေမရအဖတ်မရ စာဖတ်သူ ဖြစ်သွားတတ်ပါတယ်၊ ဆရာကြီး ဓနုဖြူမောင်ခင်မင်ရဲ့ စကားပြေသဘောတရား စာအုပ်ရဲ့တနေရာမှာ၊` စာရေးသူရဲ့ ဆိုလိုရင်း ကိုမသိပဲ၊ ဟုတ်နိုးနိုးနဲ့ ရမ်းသမ်းပြီး အဓိပ္ပါယ်ကောက်ယူမှိပါက ၊ အပြိန်အဖျင်းလို့ခေါ်တဲ့ စကားမျိုးဖြစ် တတ်တယ်´လို့ဆိုပါတယ်။

အခုရေးပြခဲ့တဲ့ တောင်ကျရေ နွားနှစ်ကောင်၊ မ၀သလိုပ၊ မောင်ဘဖေ၊ ငါးထောင်မရတာကြောင့်၊ စကားကမှ မပြောနိုင်ဆိုတဲ့ အပိုဒ်ကို ကျောင်းဆရာတဦးက၊ အခုလို အဓိပ္ပါယ်ဖွင့်ဆိုပါတယ်…………..။

တောင်ကျရေကကွာ နဲနဲလေးဆိုတော့၊ နွားနှစ်ကောင်တောင် မ၀ဘူးကွာ၊ အဲဒီမှာ မောင်ဘဖေဆိုတဲ့လူ က အဲဒီရေထဲမှာငါး သွားထောင်တာ မရလို့မို့၊ စိတ်ညစ်ပြီး စကားတောင်မပြော နိုင်တော့ဘူးတဲ့၊ အဲသလို အဓိပ္ပါယ်တလွဲ ကောက်ယူလိုက်တဲ့အခါ၊ ဆရာကြီးသခင်ကိုယ်တော်မှိုင်းရဲ့၊ ပြောချင်တဲ့ စကားနဲ့ ဖြောင့်ဖြောင့်ကြီး ဆန့်ကျင်ပါတယ်၊ အဲလို သဒ္ဒလို့ခေါ်တဲ့ အရေးအဖွဲ့ကနေ ထွက်လာတဲ့၊ အတ္ထလို့ခေါ်တဲ့-အနတ်အဓိပ္ပါယ်ကို ကောက်မယူနိုင်ရင်၊ သဘာဝ-လို့ခေါ်တဲ့ ရသခံစားမှု့၊ အသိညာဏ် ဖြစ်မှု့တွေ ဘယ်လိုဖြစ်လာနိုင်ပါလိမ့်မယ်ဗျာတို့။

စာပေမှာ ဖြစ်စေ သီချင်းမှာဖြစ်စေ၊ ကဗျာလကာင်္တို့တွင်ဖြစ်စေ၊ ပထဆုံး သဒ္ဒဆိုတဲ့အရေး အဖွဲ့ကို နားလည်ဖို့လိုပါတယ်၊ သဒ္ဒဆိုတဲ့ အရေးအဖွဲ့ကို နားလည်ပြီဆိုရင် အတ္ထဆိုတဲ့-ဘာကိုမှာချင်တယ် ဘာကိုပြောချင်တဲ့ ဆိုတဲ့မက်စိပ်ကို သိအောင်ကြိုးစားရပါတယ်၊ အဲဒီနှစ်လွှာကိုပေါက်ပြီဆိုမှ သဘာဝ ဆိုတဲ့ အဆင့်ကိုရောက်ပြီး၊ ရသခံစားနိုင်မှု့၊ အသိညာဏ်ဖွင့်ဖြိုးမှု့ စသဖြင့်စသဖြင့်၊ တစ်ဆင့်ပြီးတဆင့် ခံစားရမှာဖြစ်ပါတယ်၊ စာတပုဒ်ဆိုသည်မှာ အဖွဲ့အနွဲ့၊ အနက်ဓိပ္ပါယ်၊ ရသ တို့ပါဝင်မှသာ စာလို့ခေါ်ပါ တယ်။

ရန်အောင်ဟု စာတခုရေးထားတယ်ဆိုပါစို့၊ ရန်အောင်ဟာ အဓိပ္ပါယ်အားဖြင့် ရန်အောင်ပဲဖြစ်ပါတယ်၊ ဘာအဖွဲ့အနွဲ့မှ မပါသလို၊ ဘာကိုမှလဲ ညွန်းဆိုထားတဲ့ အနက်အဓိပ္ပါယ်မရှိပါဘူး၊ ဒါကြောင့် ရန်အောင် ဆိုတဲ့စာလုံးပေါ်မှာ ရသမဖြစ်ပါဘူး၊ ရန်အောင်ဆုိုတဲ့ စကားလုံးကိုရသပါချင်တယ်၊ ညွန်းဆိုအပ်တဲ့ အနက်အဓိပ္ပါယ်တခုခုပါချင်ရင်၊ သဒ္ဒဆိုသော အဖွဲ့အနွဲ့တခုခုကို ဆက်လက်ဖွဲ့နွဲ့ရမှာဖြစ်ပါတယ်။ ထို့သို့ဆက်လက် မဖွဲ့ပဲ ရန်အောင်ဟု ထားလိုက်ရင် စာမဖြစ်ပဲ စကားစု တခုမျှသာဖြစ်သွားပါတယ်။

ထို့ကြောင့် မြန်မာကဗျာတို့သည်၊ သဒ္ဒဟုဆိုအပ်သော အဖွဲ့အနွဲ့ပါသလို၊ အတ္ထဟုဆိုအပ် သော အနတ်ဓိပ္ပါယ်လည်းပါပါတယ်၊ ထိုနှစ်ခုကို ပေါက်ပြီဆိုရင်တော့ သဘာဝဟု ဆိုအပ်သော ရသခံစားခြင်း အသိညာဏ်တိုးခြင်း၊ ဗဟုသုတများခြင်းဖြစ်နိုင်ပါကြောင်း ရေးသားလိုက်ရပါတယ်။

(နောက်ပို့များတွင်လည်း မြန်မာစကားပြေတွင် အလွှာသုံးပါးပါကြောင်းကို ကျန်စစ်မင်းကြီး၏ စကားရပ်များဖြင့် ကိုးကားရေးသားမည်ဖြစ်ပါကြောင်း)

ဘလော့စာရှု့သူများ ဗဟုသုတကုံလုံကြွယ်ဝ ကြပါစေကြောင်း၊ ငွေလမင်းတို့ဆုမွန်တောင်းပါတယ် ရွှင်လန်းချမ်းမြေ့ကြပါစေခင်မျာ။